الغـــــــــــــــالي المزيــــــــــون"

[ضوى العيون]

**
و في يوم العزيمه..كانت شيما مستانسه..لان اهلها موجودين عندها..صح البارحه تضايجت حتى سيف ما فكر يراضيها لو العكس كان بجتلها .

لاحظت شيما ان عمتها اتعاملها غير يمكن عشان اهلها موجودين..عندها..

كانوا الحريم يالسين في الصاله.. و الرياييل في الميلس برع..اتعدلت شيما ولبست بدلتها طالعت عمرها بالمنظره عيبها شكلها وايد..حست صج انها عروس..

يلست دقايق تتريا سيف..عشان يجوفها بس الظاهر انشغل ويا اهلها ..قررت تطلع..

وقبل لا تفتح باب الحجرة لمحت تلفون ع الطاوله..شلته..
"اووه ها تلفون يديد شكله رهيب"..فتحت المسجات ..جافت مسج من سيف."اتمنى انه يعيبج الموبايل و رقم البطاقه..و اعتذر لج عن الي صار البارحه...بعدني احبج.."

طارت شيما من الوناسه ..حست صج هاليوم غير غير ..
طرشت مسج قبل لا تطلع من حجرتها.."مشكور حبيبي ع الهديه..وما صار الا الخير.."

وسارت الصاله..سلمت ع امها و اختها و حرمت اخوها ..
شيما"ادور في مكانها":- شو رايكم في بدلتي..

مهايه:- روعه روعه..من وين شريتها..
شيما:- سر اتصدقون اني انا اول وحده اشتريها البارحه..ماشي غيرها بالمركز...

مهايه:- اكيد المنال..
شيما"تضحك" ساحره..
ام سالم: تعالي يمه يلسي هني..خبريني عن اخبارج..

مهايه:- يالله متى بتحطون الغدا تراني مت يوع...
حنان:- استحي ع ويهج عن تسمع ام سيف..

شيما:- لحظه قوم غانم بيون..

ام سالم:- رفيج اخوج..
شيما: اوه بسير اسلم ع اخواني..

مها:- عادي من غير شيلتج ترا عادل مب موجود عليه دوام..

شيما:- زين بعد خلي سيف يجوفني..امسكي موبايلي يديد ترا عن تكسرينه..

ام سالم: وينها عمتج..
شيما: يمكن في المطبخ..
ام سالم: بسير اساعدها..

كانت شيما بتمنعها بس سكتت..
مها: روعه تلفونج..
حنان: تدرين جنج توج امعرسه..
شيما"مستانسه" فديتـني..

وطلعت من الصاله سايره الميلس..دشت الميلس بعد ما دقت الباب...طاحت عيونها ع سيف..ابتسمت له..سيف في خاطره"فديت هالويه انا"..سارت اتسلم ع عبدالله و سالم..حضنها عمها يوم جافها..وباسها ع راسها..

قالت شيما في خاطرها يمكن يراضيها ع الي سوته حرمته البارحه ..ع باله بخبر عليها اهلي..

عبدالله:- شو هالكشخه..

شيما:- حلوه..
سالم: اول مره ادري انج حلوه..ولا شو رايك سيف..
سيف:- حرمتيه دوم حلوه من جفتها اول مره..
شيما:- عبدالله جي ربيعك تاخر ترا مهلايه بتاكلنا يوعانه..
بوسيف"يضحك":_ يحليلهاا و الله..
شيما: المهم جفتوني ..خلاص بسير ايلس عند الحريم..عن يطب ربيعك ما فينا..

عبدالله"يضحك":- اتحملي ..
طلعت شيما من الميلس ..سمعت سيف يذكرها..
قبل لا تدخل الصاله..
شيما:- مشكور ع الموبايل..
سيف: شو هالمسج الحلو..
شيما :-قول و الله عيبك..

سيف:-هي عيبنــــــي بس انتي عيبتيني اكثر..
لصقت شيما باليدار مستانس من كلام سيف..ليش هو اليوم غير..

شيما: سيف ..
سيف: عيونه..؟
شيما:- بلاك اليوم جنك امسوي جريمه..

سيف"يضحك":- و الله ما بلاني شي..لمهم عيبج الموبايل..

شيما: هي اتصدق ما انتبهت له في البدايه..
سمع سيف جر س الباب ..
سيف: ها اكيد رفيج عبدالله..
شيما: و اهله..

سيف: قال انهم بيون..
شيما: بدش داخل و بطلع مهايه ادخلهم انا مب لابسه شيلتي ولا عبايتي..

سيف"يطالعها" :- شيما انا احبج..j
حست شيما بنظرات سيف اتقولها كلام اكثر من لسانه..ضحكت شيما مستحيه ودشت داخل..

اتمنت اليوم اتكون هي و سيف ابروحهم ..بس اكيد الايـام يايه..

شيما:- مهايه روحي حبيبتي دخلي اهل غانم انا بسير حجرتي وراجعه اوكى..

مها:- حتى هني بتتامرين علي..ان شا الله اختي الصغنونه..

دشت شيما حجرتها..طالعه عمرها في المنظره..يلست اتفكر..ليش سيف متغير عليها..اكيد موقف امه البارحه اثبت له شي..ولا انا اليوم شكلي عيبه ..خلاه يتخبل..

عدلت شعرها..وطلعت من الحجره..جافت حرمه يعني مب وايد عوده..سلمت عليها..ومعاها بنوته..عرفت ان اسمها "نوف" ..

حست شيما بماي بارد ينصب عليها..يوم جافت نوف لابسه شرات بدلتها..

قص عليها راعي المحل..حلف لها ان هي اول وحده تشتري شرات هاي البدله..

عرفت ان حنان و مها..فهموا ابشو اتفكر شيما..حست شيما بالاحراج من مها و حنان..بس اكيد بعرفون ان راعي المحل قص عليها..

نوف:- بدلتج وايد حلوه..
شيما"مبتسمه" :- مشكوره..انا خذتها من دبي و انتي..؟

نـوف: وصلتني هديه..

يلسوا يسولفون و يضحكون بعد الغدا.. وخذهم الوقت..اتفقوا البنات انهم مره يلتقون برع و يتغدون في مركز شرات اليوم..

و قبل لا اتسير نوف ..خذت شيما رقمها..حست شيما هالرقم مب غريب عليها..بس طنشت..

وقفت شيما عند باب الصاله اتودع نوف و امها..بعد ما راحت مها و امها و حرمة اخوها سالم..

انتبهت نوف ان فجاه استحت و نزلت راسها..صدت شيما..وجافت سيف واقف عند باب الميلس ..فدش داخل..

شيما: الظاهر سيف ما يدري انكم واقفات هني..
ام غانم: ما عليه يمه شرات ولدي..
شيما"اتسلم عليهم":- اسمحولنا.

 

[ضوى العيون]

الجزء العاشر

مرت اسابيع ع شيما و هي علاقتها بـ سيف تتحسن احسن عن اول..كانت اتجوف مكالماته بالموبايل قلت ابوايد ... بس كان عندها شعور قوي ان للحيـن مرتبط ابوحده يرمسها من وراهااا ...
كانت اتحاول تجرب من عمتها بنفس الوقت..بس احيانا اتصدها و احيانا تتعاطف معاها..

و في يوم عرفت شيما ..ان عبدالله يبا يخطب نوف اخت رفيجه..

و قرروا بها اليوم يزرون العروس..هي و اختها و امها..
شيما"ترمس سيف":- انزين حبيبي خذني انت...؟
سيف: ما ابـا.
شيما: ليش ..حرام بعد امايه و مها اييون من عيمان لشارجه و بعدين يرجعون عيمان..

سيف: لا اتروحين..اصلا انا مب موافق ان عبدالله اخوج ياخذ هاي البنيه..
شيما: ليش شو فيها..انت سامع عنها شي..؟

سيف: لا بس مب مرتاح لها العايله..
شيما "تضحك وتلعب بشعر سيف":- المهم اخوي و اهله مرتاحيـن و نوف طيوبه..

سيف: خلاص تبين اتسيرين ..خليهم يمرون عليج انا مب ساير..
شيما: اوف منك بعد يوم اتعاند..خلاص ما ابا اسير..
سيف"ينسدح ع الشبريه":- احســـــــن هالي اباه..
شيما:- لا و اللــــــــــه..

**
عبدالله:- اتصل بج كله مشغول ..اترمسين منو هالكثر..؟
نوف"تضحك وهي مستحيه":- شو هاي غيره..
عبدالله:- اكيـد خطيبتي شاغله التلفون ساعه ما تبيني اغار..

نوف: المهم تثق فيني..
عبدالله:واثق فيج حبي..ما بتقولين كنتي اترمسين منوه..؟
نوف:- اممممم لا ما بقول..
عبدالله:- و اللـــــــه..
نوف"تضحك":- كنت ارمس ربيعتيه..
عبدالله:- اممممم منو هاي و شو اسمها و من وين.؟
نوف:- خيبه خيبه عين خير..
عبدالله"يضحك"
نوف:- اتعرف .؟
عبدالله:- شـو ...؟
نوف:- اختك مها وايد حبوبه..حتى الوالده باين عليهااا طيوبه..
عبدالله:- وشيما.
نوف: زوينه..
عبدالله: هي ما زراتج صح..؟
نوف:-لا و الله بس طرشت لي مسج و اعتذرت..؟
عبدالله: متى تبين الملجه..
نوف: بعد ما اخلص الكليه..ها الكورس ..
عبدالله:- يعني جم شهر..؟
نوف:- شهرين..
عبدالله:- مب جنه وايد..
نوف: عبدالله بلاك مستعيل..
عبدالله:- يعني ما تدرين..
نوف تضحك..
**
طلعت شيما من حجرتها و سارت الصاله جافت سيف يالس ابروحه يطالع تلفزيون..
شيما: وين قوم عمي..؟
سيف: طلعـوا ليش شو تبين فيهم..ولا شي..؟
سيف"واقف" بسير الحمام...
وطلع من الصاله.. شويه وصل شيما مسج من رفيجتها نوف..
"في غيبتك تساقطن خضر الاوراق ما قاومت غيبتك شجرة عنادي..ماكل من يبعد له القلب يشتاق..ولا كل من عود له القلب شادي..الا انــــــــــــت..ان غبت زاد الشوق وان جيت زادي.."

طالعت موبايلها عشان اترد عليها..ما لقت شي يديد..فشلت تلفون سيف..ادور منه..فتحت الرسايل..جافت ما عنده ولا مسج..ضحكت..حليله..

فتحت الوسايط جافت مسج واحد..اويه ها نفس المسج الي مطرش لي..
يوم كانت بتصكر ع الرسايل الوارده..لفتها اخر رقمين..فرجعت اتشيك ع الرساله عشان اتجوف صاحب الرقم..

شهقت ..شيما مصدومه..رقم نـــــــــــــــــــوف..بموبايل سيف..
فتحت المكالمات و اول شي بدت في المكالمات الي لم يرد عليها..جافت رقم نوف وايد..كانت بتفتح المكالمات الصادره..و ايدها ترتجف..

بس سيف يير عنها الموبايل..تمت اطالعه..
سيف: شو بلاج..؟
شيما: شو ياب رقم نوف عندك..يعنـــــ....؟
سيف: لا شيما لا تفهمين غلط..
شيما"تصرخ عليه" شو ما افهم غلط..كل ها الفتره كنت اترمس خطيبه اخوي..
سيف: لا اتصارخين"ومسك ايدها" تعالي نتفاهم داخل..
ييرت ايدها و مسحت دموعها..انا تحملتك و صبرت ع اهاناتك و غلط امك علي..بس عشان حبي لك..لكن انت ما راعيت هالشيء.

سيف"يحاول يسكت شيما":- حبيبي اسمعينـي و اللـــــ..
شيما: هاي هـي الي كانت شاغلتنك عني..صح..كل اتفاتن علي عشانها..
سيف"يحاول يحضنها"...بس شيما سارت بعيد عنها و صارخت عليه..
شيما: لا اتوصخني ..انت و هاي مكانكم ..
سيف"بصوت هادي":جب شيمـا...

سارت حجرتها فتحت الكبت و شلت كل اغراضها..وسيف يحاول يمنعها بس هي اتصارخ عليه..و مب معطتنه فرصه يدافع عن نفسه..

حس سيف انه صج شيما ما تباه الحين..و اذا طلعت من بيته ما بترد موليه..
سيف"يترجاها":- اسمعيني الله يخليج اسمعينـي..؟
شيما: مب مستعده خلاص الي بينا انتهى وللابد..ما ابا اجوف ويهك موليه..

شلت موبايلها اتصلت بـ عبدالله اخوهـا ..حاول سيف يير عنها الموبايل بس تراجع يوم سمع صوت عبدالله ايرد على شيما..
امجرد ما سمعها اتصيح..صكر عنها..وقال انه ياينها..
سيف: شيما انا احبج حبيبي اسمعيني..
شيما: ما ابــــــــــــــــا..
شلت شنطتها و طلعت من حجرتها...جافت عمها و عمتها داشين الصاله..
بو سيف: خير يبه شو فيج..
شيما اتصيح..بوسيف يوم جااف شيما جي منهاره حضنها..حست شيما ابراحه..بس عمره الالم ما بيروح عنها..سيف قص عليها..لعب بمشاعرها..

كانت تدري انه يرمس وحده..بس ما توقع هاي الانسانه الي دخلت حياتها..ع اساس انها صديقتها و حرمة اخوها بالمستقبل..
ام سيف: شو بلاكم ..؟
سيف: امايه ابويه اقنعوها اتم ..
شيما: انا ما اباك انت تفهم ولا..
بوسيف: ليش يبه شو سوا فيج..قولي ..؟
شيما: خليه يخبركم شو سوا...انا ما اقدر.."ويلست اتصيح.."

شويه سمعت موبايلها ايرن عرفت انه عبدالله...شلت شنطتها..و سيف يلاحقها يحاول يخليها اتغير رايها..بس شيما من عرفها عنيده و قويه.. و الي ابراسها يمشي..

صكرت شيما باب الحوي..انقبض قلب سيف.. ويلس ع الارض..راحت شيمـا..راحت احلى حب في حياته..اغلى و اعز انسانه سكنت في دنياه..

كيف بتحمل فراقها..طلعت من حياته و هي كارهتنه ما عطته فرصه يدافع عن نفسه..خسر يدتها..و الحين خسرها..وللابــــــــد..
**
ركبت شيما السياره..وهي اتصيح..
عبدالله: بلاج..؟ شو سوا فيج..؟

شيما امطنشه عبدالله و اتصيح..عبدالله حس ان اخته تعبانه فعذرهـا ..و تم ساكت طول الدرب..

وصلت شيما البيت..دشت حجرتها..حست ها الشي الي تباه اتم وحده في حجرتها الي تعودت عليها..من صغرها..رقدت ع الشبريه و يلست اتصيح..لي ما رقدت..

 

[ضوى العيون]

حست بصوت امها..
ام سالم:- قومي يمه...؟
شيما: ابا انام..
ام سالم: بسج رقاد..قومي ريلج حرق التلفون..
يلست شيما ع الشبريه..و اتحس بصداع..
شيما: ما ابا ارمسه..ابا ورقه طلاقي...
ام سالم: اعوذ بالله..شوهالرمسه ما عندنا بنات يتطلقون..
شيما: انا بتطلق الموت ولا الطلاق يمه..

ام سالم: ردي ارقدي احسنلج شكلج تعبان وايد..و مب عارفه شو اتخربطين..

طلعت ام سالم من الحجره..يلست شيما اتفكر..كيف جي..عبدالله لو درى ان نوف اترمس سيف شو بيسوي...؟

من متى يرمسها و متى التقى فيها اصلا..هـا الحين عرفت عشان جي اقترح يعزم غانم و اهله..و البدله سيف اشتراها لنوف..

نزلت دموع من عيونها..حسافه و خساره ايامها الي ضيعتها مع سيف..كنت اتحسب بتكسبه..بس مب عارفه كيف انجلبت الظروف جي..ضدها..

مرت ثلاث ايام..و الكل يحاول يقنع شيما انها اترمس سيف..لكنها ترفض حتى بو سيف و امه يوو البيت ورفضت اترمسهم..

حست شيما انها ضايعه و مب عارفه شو اتسوي..رابع يوم دشت عليها مها..جافت ويها مصفر..قنعتها اتروح المستشفى بس شيما ما طاعت..

زقرت امها عبدالله عشان يقنع شيما..بس عبدالله من غير ما يشاورها..غصبها انها اتروح الطبيب..

و في المستشفى..شيما يالسه..ع الكرسي ومجابلتنها مها.. و عبدالله واقف وراهم..
عبدالله: تراها ما تاكل شي دكتوره من ثلاثة ايام..
الدكتوره"تبتسم" شي طبيعي بهاي الفتره ما بتكون عندها شهيه للاكـل..؟
مها: ويه شدراج انها عندها مشاكل..و مب راضيه تاكل..؟
الدكتوره:- انت زوجها..؟
عبدالله: لا انا اخوها..
شيما: يالله خلصيني انا تعبانه ابا اروح البيت..
الدكتوره: انا اسفه اخت شيما بس اعذرج..مبروك انتي حامــــــــــــــــــل..

هزت هاي الكلمه جسم شيما بكبره...مها و عبدالله يطالعون عمرهم مستانسين..
شيما "واقفه"لا انا ما ابـا ..
ويلست اتصارخ و تضرب بطنها اتحاول اتنزل الي في بطنها..و اتصييح.."ما ابا ..مــــــــا ابا .." اخرتها اظلمت الدنيا بعيونها و حست بتعب مب رايمه تفتح عيونها..وطاحت ع الارض غشيانـــــــــه..

**
بعد يومين طلعت شيما من المستشفى و كانت نفسيتها احسن ..و اتقبلت موضوع حملها..

دخلت حجرتها..و يلست ع الشبريه..حت انها مب طايقه الدنيــا ابكبرها..فكرت كيف اتخبر عبدالله عن علاقة نوف ابـ سيف..

انفتح باب حجرتها..جافت عبدالله واقف عند لباب..
عبدالله:- ادش ولا بتروغيني شرات يوم كنتي بالمستشفى..
شيما"اتمد ايدها":- تعال ابا ارمس معاك..
اجرب منها عبدالله و يلس حذالها ع طرف الشبريه..
شيما: انا اسفه بس انت اتعرف كيف كانت حالتي..النفسيه..
عبدالله:- كلنا انعرف بس محد يعرف شو اسبابها..حتى صاحب الطرف الثاني مب راضي يرمس..؟

شيما: لا اتقوله اني حامل..
عبدالله: لازم بعرف مب اليوم باجر..

شيما"تمسك ايد اخوها" الله يخليك لا اتقولـه..
عبدالله"يمسح ع راس اخته":- وايد تغيرتي شموو ما احيدج جي ضعيفه..قبل لا اسافر كنتي قويه و عنيده.."يبتسم" كنتي اصغر وحده منا بس كلنا انسوي لج الف حساب..

شيما: انا اتغيرت كله ابفضل يدتي الله يرحمها..

عبدالله"مستغرب":- ما فهمت..اممممم كنتي وايد اتلاسنينها...كيف قدرت اتغيرج..؟

شيما احتارت شو اتقوله..مستحيل اتخبره انهم فروها بالشارع..
شيما: ترا الدنيا اتعلم والانسان ينسى ..
عبدالله: وسيـف..
شيما:سيف ...انتهى من حياتي..

عبدالله: ممكن اعرف السبب.
شيما: ليش ما تساله..؟؟
عبدالله: الكل يساله حتى اهله بس مب راضي يقول شي..

شيما: لازم ما بقولك شي....؟
عبدالله: شو قصدج..؟
شيما"تتنهد" ولا شي..حطت ايدها ع بطنها"اتعرف عبدالله ابا اعيش حياتي شرات قبل لا اعرس حفلات و اسواق و دنيا..بس الي بداخلي محسسني مالي نفس باي شي في الدنيا..

عبدالله"يضحك" بس اول الاشهر..
شيما:"تبتسم":- اووووه انا الحين بخلص الثاني..وبدش الثالث..

عبدالله: بعد تو الناس ..
رن موبايلها..جاف الرقم..
عبدالله: امممم..كنت اباج توعديني انج تهتمين بنفسج..بس الظاهر نوف خربت علينا سوالفنا الحلوه...

شيما"تختفي ابتسامتها" نوف...؟

عبدالله"واقف":- بييج عقب اوكى "باسها فوق راسها..وطلع من الحجره..

شيما"اترمس عمرها" نوف نوف جلبتي حياتي فوق و تحت .. و حياة عبدالله اخوي...الله يغربلج..

فكرت شيما اتخبر مها بالسالفه..بس تدري مهايه ما اتعرف تصرف..دق باب حجرتها..وكانت الشغاله..
شيما: شو تبين..؟
الشغاله: تلفون..؟

شيما:- عطيني...؟
بعد ما طلعت الشغاله..
شيما:- الـــــــــووو...؟
سيف: شيما اسمعيني لا اتصكرين التلفون..
شيما"امبطله عيونها" اتجرأ يطلبها من تلفون بيت اهلها بعد..ما سده كل الي سواه فيها..
سيف: شيما الله يخليج و الله ما بيــــــ

صكرت شيما التلفون..ما تبا اتحس بلحظه ضعف ..كل الي تباه تبدأ حياة يديده..و ما بضايج بعمرها عشان الي في بطنها..

اول مره شيما تطلع من حجرتها و تيلس ع العشى مع اهلها بعد سالفتها مع سيف...

ام سالم:- منوره الصاله اليوم...
شيما: بوجودج يا الغاليه..

دش سالم و حرمته و عياله..
شيما:- هـا وقت الاكل طبيتوا علينـا..
حنان"تضحك":- صلي ع النبي ..

سالم يلس حذال شيما:- شحالج الحين..؟
شيما:- احسن..احس بعمري مدلله ..
سالم: ليش انتي الغاليه عندي..
ام سالم: ما تسمعك مهاا بتجتلك..؟

سالم: شيما اباج بسالفه تسمعيني ولا بالاول بتتعشين..
شيما: اذا عن سيف كل الي اباه ورقه طلاقي..
ام سالم: لا اله الا الله يا يمه الريال صار له اسبوع يركض وراج وطرشلج اكثر من واحد شتبين اكثر..؟

 

[ضوى العيون]

شيما: ابا ورقة طلاقي..؟
حنان: لا تنسين الي في بطنج ..حرام تحرميه من ابوه..

شيما: انتي ما يخصج لاتدخلين..؟
سالم: شيموو رديتي ع سوالفج قبل ...؟
شيما: اسفه حنان لا تلوميني..
حنان"منحرجه":- لا عادي حبيت اساعدج..؟

شيما:- لا اتقولي انك خبرت سيف اني حامل..؟
سالم:لا بعدني..
شيما:ما اباه يعرف ..تراني اقولكم كلكم ما اباه يعرف..

دشت مها بها اللحظه..
مها: السلام عليكم..؟
_عليكم السلام...

مها:- شفيكم بسم الله الرحمن الرحيم..
ام سالم: انتي الي شفيج داشه عرض..وينهم عيالج..؟؟
مها:بيت عمي..اويه شيموو شحالج و شحال النونو اخيرا بصير خاله..

سالم: يحليله..النونو..

يلسوا يضحكون و يسولفون..

حست شيما بالراحه ..وان حالها احسن من قبل ..بس ناقصنهم عبدالله..

سالم: عبدالله متى بملج مب جنه طول..
شيما: ان شا الله ما اتم الملجه..
ام سالم: حرام عليج يمه ..اتمنى الخير لاخوج..

شيما: عشان احبه و اتمنى له الخير ادعي له من قلبي انه ما يرتبط بـ نوف..
الكل مستغرب من تغير موقف شيما بالنسبه لـنوف..
مها: انتي شي بلاج..وايد اشيا لازم اتفهميها لناا.
كانت شيما بترد عليها بس انفتح باب الصاله..بقوه..
الكل سكت و يلسوا يطالعون الباب..
ام سالم: عبدالله بلاك..
عبدالله"يصيح" ليش ليش سويتــــــــوا جـي..."يصرخ" ليــــــــــــــــش..؟

سالم: شو بلاك..
نقز عبدالله يمسك اخوه من رقبته ."هاي الامانه ..
و الكل قام يحاول يمسك عبدالله
ام سالم "تصيح" يمه شفيك..

عبدالله رد لورا..
عبدالله:لا اتقولين يمه انتي لا امي ولا اعرفج ..انتوا كلكم مب اهلي ...انا اراويكم..

شيما: عبدالله..
عبدالله"مقاطعنها" الحين فهمت كلامج ان يدتج غيرتج..
مها"فهمت قصده" انا مالي شغل هم اجبروني اني ما اقولك..

يوم الكل فهم عبدالله شو يقصد تموا ساكتين..

عبدالله"يمسح دموعه" :- امايه ما فكرتي ان بيي يوم وبفرج بالشارع..ساعتها منو يباج..سالم ماهمه الا شغله و حياته..ومها للحين بيت ما عندها ساكنه في بيت عمها..وشيما اتعرفين طباعها كيف اظنين انها بتلمج من الشارع و بتحضنج..

شيما"تصيح: عبدالله انا مب جي انت اتعرف كيف كنت و كيف صرت..

عبدالله"يتمصخر" الله يخلي سيف يزاه الله الف خير..لولاه انتي شرات ما انتي وحده همها البيزات و الاسواق بس..

شيما اتصيح وتهز راسها ":- انا ابروحي تعبانه لا اتزيدني..

عبدالله"يصرخ عليها" انتي بعدج ما جفتي شي باجر الي في بطنج بفرج بالزباله مب بالشارع..شرات ما سويتي في يدتي..

شيما "اتصيح" حرام عليك اسكت اسكت...
عبدالله"يطالع سالم" هاي امانة الوالد..وصاك ع امه قمت و عقيتها بالشارع..

سالم امنزل راسه..مب عارف شو يسوي..من الاحرج طلع من الصاله..

ام سالم: يمه كلنا ندمنا..وطلبنا من ربنا يسامحنا انت اكثر واحد اتعرف يدتك كيف كانت..

عبدالله: كيف كانت و الله انج ما تسوين ظفرها.."ام سالم مب متحمله كلام عبدالله فيلست ع الكنبه نزلت دموع من عيونها"

اجرب منها عبدالله: شو عورج كلامي ...اتالمتي ان ولدج جي يسوي فيج..ما فكرتي اذا ابوي تعور من الي سويته في يدتي..

مها: عبدالله صدقنـــــ
عبدالله"مقاطعنها":- انتي جب مهـا انتي انتي عاد..
مها"تصيح":- ما خلوني اخبرك هددوني..
عبدالله"يصرخ عليها" دومج جبانه و خوافــــــــه شو فادج تهديدهم الحين..

عبدالله "يطالعهم" ما عليه انا اراويكم كلكم...
شيما"تلحقه" الله يخليك لا تهدني انا محتاجتنك..

عبدالله يدزها لورا..ويطلع برع البيت محرج..

**
ام سالم: منو خبره...؟
اتوقعت شيما ان نوف خبرته..حست كل شي صار ضدها..شلت عمرها ودشت حجرتها..

فكرت تتصل لـ سيف اضاربه..هو السبب ..بس شي منعها..

اتصلت لـ عبدالله ..بس ما ايرد عليهـا ..كيف جي اول مره اجوفه محرج و يطاول على امهـا ..

 

[ضوى العيون]

الجزء الحـــــــــــــــــــــادي عشر ...


معقوله باجر ولدي بفرني شرات ما قال عبدالله مسكت بطنها ..بتسوها في امك..انا ما كان عندي قلب..لكن الحين ندمت ع كل شي و الله العالم..

بس منو يصدقني..حتى سيف الي عشت معاه مب مصدقني ..

فكرت تيلس تتريا عبدالله ..سارت الصاله ..جافت امها يالسه ابروحها..
شيما:- امايه..؟
ام سالم: شو علاقة سيف بيدتج..؟
شيما"مرتبكه" ماشي..
ام سالم: لا شي..؟ارمسي..؟
شيما"تتنهد":- سيف الي شل يدتي من الشارع و سكنه معاه في الشقه لي ما عرست..
ام سالم: هـا عشان جي يوم توفت كانت هناك في بوظبي..
شيما:- هيه كل شي بالصدفه..امايه روحي ارقدي شكلج تعبان..
ام سالم:بتريا اخوج ..احاتيه طلع من البيت محرج..؟
شيما:- انا بترياه روحي ارقدي انتي..

ام سالم: خلاص وعيني يوم بيي اخوج..
شيما: ان شا الله تصبحين على خير..
تمت شيما يالسه ابرحها ع الكنبه
تتريـا عبدالله ..

**
وقف عبدالله عند المقبره..نزل من السياره و سار صوب مقبرة يدته.. و يلس يصيح.."سامحيني يا الغاليه..و الله لو كنت ادري بسون فيج جي..ما ودرتج و سافرت عنج...؟.."

سامحيني ..و يلس يصيح..بعد ما حس عبدالله براحه..ما يدري ليش..قام من مكانه..وطلع من المقبره و قبل لا يركب سيارته جاف ظل اسود..واقف عند الباب..

تم يطالع منو ها الشخص..وقف حوالي عشر دقايق بس هالشخص ما اتحرك من مكانه..

اجدم منه عبدالله..عرف ان صاحب الظل جاف عبدالله يجرب منه فوقف عشان يشرد..بس عبدالله مسكه من ذراعها ..اتفاجا يوم سمع صرخه صوت انثوي..

عبدالله"مستغرب " منو انتي........؟؟
البنيه: هدنــــــــي..
عبدالله: تبيني اوصلج..
ردت البنيه خايفه..طالعها عبدالله ..عرف من ملامح ويها انها كانت اتصيح..حس عبدالله بالشفقه صوبها..
عبدالله"يسالها":- تبيني اساعدج في شي..؟

البنيه"بصوت حزين":- ابا ارمس باباتيـه..بس انا خايفه ادش هالمكان..

عبدالله: انتي شو يايبنج بهالحزه بها المكان...؟بعدين اهلج يدورنج الحينه..

البنيه:- باباتيـه داخل هالمكان ابا اشتكي له من خواني..

يرها عبدالله من ايدها لانه حس ان هلمكان مب زين يرمسون فيه..ركبها السياره..حس ان البنيه خايفه منه ..
عبدالله"يطمنها":- و الله ما بسوي فيج شي ..بس بوصلج بيتكم..؟

البنيه: ما ابـــــــا اسير هناك ابا اتم هني لي ما الحق باباتيه.
عبدالله"يهز راسه" لا حول ولا قوة الا بالله..انتي ما اتعرفين شو يالسه اتقولين..

البنيه: الله يخليك لا تاخذني البيت ما ابا..
عبدالله: تبين اخذج الشرطه اختاري واحد من الاثنين..؟؟

سكتت البنيه..جافها عبدالله يالسه اتصيح..
عبدالله "بصوت هادي" اسمعيني كلنا انمر ابظروف جاسيه..لو اني ما اعرف شو ظروفج..شي ناس اخس عنج و عني..هذا انا مضايج من اهل البيت كلهم..فوق ها بصبر مب عشان شي..بس الواحد ما يستاهل نضيع عمرنا عشانهم حتى لو كان اجرب الناس..

البنيه: ليش انت شو صار لك..؟
عبدالله"مب عارف شو الي خلاه يرمس" بقولج بس وعد يتم بيني و بينج..

البنيه:- وعـد..
عبدالله: انا كنت امسافر ..ادرس برع..ورجعت من اسبوعين اكتشفت وايد اشيا متغيره..اولها اني فقدت يدتي..اقصد اتوفت و انا بعيد عنها..

البنيه: انت الحين ياي اتزور قبرها..

عبدالله:- هيه و انتي شو يابنج هني..

البنيه: انا عايشه مع ثلاث من خواني انا البنيه الوحيده..حريم خواني يعاملوني زفت..

عبدالله: خوانج وينهم..؟

البنيه: يدافعون عن حريمهم"دمعت عيونها" انا محد يدافع عني..

عبدالله"متأثر" وين خوالج و اعمامج..
البنيه: مره اشتكيت لخالي..قام اخوي كسر عظامي..

عبدالله: و اتظنين الحل انج تيلسين هني و بها المكان..
البنيه: حسبت عمري شجاعه بدش المقبره بشتكي لهم من ابوي..بس ما رمت خفت وايد..ووقفت عند الباب..

عبدالله:- شو رايج اوصلج البيت.. و عشان تطمنين باخذ رقمج..واذا احتجتي لشي انا بساعدج..

البنيه"متردده" و اخواني...؟؟

عبدالله:- ما عليج انا اعرف اتصرف..

اخيرا اقتنعت البنيه..ووصلها عند باب بيتهم..
و قبل لا تنزل من السياره..
عبدالله: ما عرفت اسمج..

البنيه: اسمـي عهود...؟؟
عبدالله: اسمج غاوي..
عهود: مشكور احس براحه الحيـن..

عبدالله : العفو الغاليه..و عسى دوم مرتاحه..يالله دشي داخل عشان اتطمن عليج..

**

دش عبدالله البيت ع الساعه وحده..بعد ما نزل عهود يلس يلف و يدور بسيارته مستغرب من حال الدنـيا كيف تلعب بالانسان..

اتفاجا يوم جاف شيما راقده في الصاله..
عبدالله: شيما قومـي شو اتسوين راقده هني...؟

شيما: تفتح عيونها":- عبدالله انا اترياك.."ويلست ابمكانها..

عبدالله: اظن الكلام من بينا انتهى ..روحي ارقدي..
شيما: شكلك ميهود..
عبدالله: شو بلاج ..اقولج روحي ارقدي داخل.
شيما: امايه اتحاتيك..

عبداالله: امايه هي يدتي توفت خلاص..
شيما: منو قالك عن هاي السالفه..؟
عبدالله: ما يخصج..

شيما"تترجاه" الله يخليك مثل ما سمعت لـ نوف لازم تسمعني..

عبدالله"مصدوم" شو يخصها نوف...؟

شيما: انا ادري انهـا هي قالت لك..؟
يلس عبدالله حذال شيما..
شيما: متى بتملج...؟

عبدالله: الانسان يوم اطيح به مصيبه..مره وحده..
شيما: شو قصدك...؟؟

عبدالله:- نوف ما تبـــــانا نملج..؟

شيما: ليش تبا اتكمل دراستها..؟
عبدالله: لا تبا تفسخ الخطوبه...؟

شيما"مضايجه" ليش شو تتحرا عمرها هـاي خلاص عرفت اني بتطلق عشان جي فضى لها الجو..؟

عبدالله "يطالعها مستغرب":- بلاج انتي شو اتخربطين...؟
شيما: تتنهد":- هي قالتك ع سالفه يدتـي صح..؟
عبدالله:- هي..
شيما: تتوقع منوه خبرهـا ...؟
عبدالله: قالت انها سمعت السالفه منج..انا ما صدقتها بس قالت لي تبا تتاكد اسال سيف.. و انا سالته..في البدايه سيف انكر بس انا ضغطت عليه..لي ماقال عن سواد ويهكم

شيما: "منحرجه اتغير السالفه":- ما تدري ليش نوف تبا تفسخ الخطبه..

عبدالله: اونه فكرت زين ..وجافت اني مب مناسب لهاا..
شيما"محرجه":- حيوانه..
عبدالله"يعاتبها:- شيمــــــــــاا

شيما: انا اسفه عبدالله ما اباك تضايج من شي سويناه صدقني من ناحيتي وايد تغيرت..يدتي طلعت روحها وهي كانت بين يديني..حضنتها لميتها بصدري..صح الواحد يغلط بس يتعلم و يندم..

عبدالله: "واقف" انا ما ابا اسمع كلام فاضي و زياده..بسير ارقد..

شيما: عبدالله انا محتاجتنك..
عبدالله: ع قد ما انتي محتاجتني .كانت يدتي محتاجتنكم و شوفوا شو سويتوا فيها..؟

شيما: قلتلك انا ندمانه..
عبدالله:- انا من باجر بقدم اوراقي في جامعه العين..بسير هناك بشتغل..

شيما: و كليه عيمان..
عبدالله: بعيد عنكم احسن..

شيما: عبداللــــــــــــه..
عبدالله: بس شيما انا مالي شرف اعيش وياكم انتوا صج صدمتوني..

ودش حجرته.
معقوله الي يصير ..ياه في خاطر شيما انها باجر اتروح لـ نوف وتضارب معهاا..هي خربت كل شي..كل من سيف هو الي دخلها حياتهم..خربت حياتها و حياة عبدالله بعد..

 

[ضوى العيون]

تم عبدالله مقاطعنهم شهور..بعدها انتقل العين..و يتهم اخبار..انه عرس و خذ وحده من عيمان اسمها عهود..و الظاهر ناوي يستقر بالعين خلاص..

خلال هاي الشهور..اتوقف سيف عن اتصالاته ومحاولته ان يراضي شيما.. واخر شي طرش عايشه حرمة رفيجه محمد تقنع شيما..بس شيما رفضت ها الشي..

كانت شيما اطالع عمرهاا بالمنظره..صار بطنها عود..
ابتسمت شكلها غير ..يضحك..

باجي شهرين.. وبعدين بجوف شكل ولدها..فكرت يمكن اتكون بنوته..

اوقات اتمر عليها تشتاق لـ سيف حيل.. بس شي حواجز كبيره تمنعهم..غريبه..انه ما طرش ورقة طلاقها..والاغرب من ها كله للحين ما سمعت ان سيف خطب نوف..

احيانا كانت تتصل بعبدالله.. و عرفت انه ما يرد ع اتصالات حد غيرها..لانه يعرف اشقد تحتاجه و الظروف الي اتمر فيها..عشان جي كان متعاطف معاها..

اتمنت انها تتعرف ع حرمة اخوها عهود..امها كانت حالتها النفسيه تسوء يوم عن يوم..

اتحس وايد اشياء اتغيرت بحياتها..و بحياة اهلها..
و هي اتفكر بها السـوالف ..رن موبايلهاا..

شيما: هـا مهايه..

مها: ها ما بتروحين بيبي شوب..

شيما: مالي نفس..

مها: حرام عليج ارحمي عمرج..اطلعي شويه من البيت منو يصدق هاي شيما الي انعرفها..
شيما: اووه انتي كل ما اترمسيني لازم اتذكريني بها العباره..

مها: سمعي عفراا و مريوم بمرون عليه..بنسير البيبي شوب بشتري حق عيالي بتيين ولا...؟

شيما: انزين انا بعد ابا امر الصحارى ..
مها: توه مالج نفس..خلاص تعالي انزين..بنمر كم شيما عندنا..

شيما"تضحك" اوكى يالله صكرى عبدالله عندي ع الخط..

مها: سلمي عليه..وقوليليه عن امايه انها تعبانه..

شيما: اوكى يالله باي..

ردت شيما ع الخط الثاني..

عبدالله: شيموه ولهان عليكم...؟
شيما: تعال زورنا.. كلنا مشتاقين لك..خاطري اتعرف ع حرمتك..؟

عبدالله: ما اقدر ..شحالها الوالده..

شيما: تعبانه ..وايد تعبانه اخاف يصير فيها شي اذا فقدناها شو بتستفيد..

سكت عبدالله شويه...
شيما: حرمتك ما حملت...؟؟
عبدالله"يضحك" تو الناس..

شيما: يالله يبوو خطيبه حق ولدي..
عبدالله: انزين سلمي عليهم..و على سلوم جنه ما صدق اني فارجتكم..

شيما: كلهم متعذبين ع فراقك..قلبك جاسي..
عبدالله: مب اقسى عنكم..

شيما: ما تبا اتقلي وين ساكن..
عبدالله:- لا ..يالله باي..

**
خلصوا شيما و مها و رفيجاتهم من بيبي شوب..كانت شيما مستانسه بالبدلات الي شرتهم حق ولدها..

مها:جان يبتي بنت ..مشتري كل شي لونه ازرق..؟
شيما: ما عليج المره اليايه بشتري كل شي لونه وردي..

ساروا مركز صحارى يلسوا يتمشون..ويدشون محلات اخرتها..يلسوا يشربون و يرتاحون..

شيما"واقفه": بسير محل الجلابيات بدور لي جلابيه مريحه..

مها: الله يرحم ايام البدلات..

عفرا: كلها جم شهر و بترد موضه البدلات..
شيما: اطنزوا

اتحركت شيما انتبهت ع وحده لفتتها يالسه ع جهة اليمين مع بنتين..نـوووووووووووف..

طالعتها نوف..و ابتسمت لها..

سارت شيما صوبها..وقفت نوف..
نوف:- هلا شيومه ما شا الله باي شهر..؟

شيما"تحط ايدها ع بطنها اتغايض نوف" يهمج..اتعرفين..؟

نوف: ع راحتج اذا ما تبين اتقوليـــــن..؟اعرفج ع خواتي..حمده ساكنه في بوظبي ..وهاي خوله..

شيما: مشكوره كفايه عرفتج..وجوفي شو سويتي في حياتي تبين اتعرفيني ع خواتج شو بيصير فيني..

نوف"منحرجه": نعم..

شيما:- اسمحيلي ماشي وقت بس بخاطري من زمان اجوفج..
نوف: عشان...؟؟

شيما"شلت كلاس الماي الي ع الطاوله ورشته بويها..صرخت نوف متفاجاه"

شيما"مستانسه":-عشان انظفج يبالج تنظيف من داخلج و من برع..

وسارت عنها..سمعت خواتها يتحرطمون..بس طنشت ع الاقل بردت شويه من الحره الي في قلبها..

دشت محل الجلابيات..يلست اتلف و ادور ع قياسهاا..جافت المحل زحمه..فكرت تطلع لانها مب ماخذه راحتها..

جاف جلابيه لونها وردي شلتها عيبتها وايد..فتحت عيونها مصدومه..من الصوت الي كان وراها..

سيف: لون الوردي وايد حلـو عليج..؟
طالعته شيما ..حست انها متلومه من نظرات سيف..هو قاعد يجوف بطنها..حطت ايدها ع بطنها كانها اتقوله ها ولدي ابروحي..

سيف: و اللـــــــــه أيـام قدرتي اتغيبيني عني كل هالفتره..

شيما: ما عندي جبريت عشان احرقكك..

كانت تبا تطلع بس سيف مسكها..
شيما"ترص ع اسنانها" هدنـــي لا اتخليني اصارخ عليك جدام هالعالم كله..

سيف: تراج ما قصرتي الكل يطالعنا..

يرها من ايدها وخذها باخر المحل بالزاويـــــــــه..
شيما: شو تبا..؟
سيف: ليش ما قلتي انج حامل..؟
شيما: ما يخصك شو تبا بعد..

سيف: جب ارمسي عدل..انا مب ياي اطر عندج..؟الايام مول ما غيرتج..؟

شيما: هي عمرها ما بتغيرنـي .."تحركت تبا تطلع من المحل" بس سيف منعها..

سيف: ما بخليج اتسيرين لازم تشرحين لي وايد اشيااا..

شيما: نعم انا الي لازم اشرح ولا انت..

سيف: نسيتي انج ما رضيتي تعطيني فرصه..؟؟"يخف صوته"..اووه الناس اطالعناا.

شيما"واقفه ابمكانها" :- ما بسير معاك أي مكان..الظاهر انت غلطان مواعد نوف تراها تترياك برع.

 

[ضوى العيون]

شيما"واقفه ابمكانها" :- ما بسير معاك أي مكان..الظاهر انت غلطان مواعد نوف تراها تترياك برع..

سيف: اتولي..انتي الي اتهميني..و الله اني بشلج و باخذج البيت..

شيما: حاول انزين..

وتحركت تبا تطلع من المحل...

اجدمت شيما طالعه من المحل و سيف وراها ..
سيف: شو رايج ادشين هالمحل وايد حلو اغراضه..

شيما اطالعه بنظرات ..ابتسم لها سيف..
سيف:- شكلج يضحك و انتي تمشين جنج بطه..؟
شيما: سيف لا تلاحقني ولا تستخف دمك..خوز عني..

سيف: انا اباج ..؟و احبج..و انتي..؟
شيما: انا خلاص نسيتك..
سيف ايرها من ذراعها و يخلها اجابله..
سيف: قولي و الله....؟ انج نسيتيني ..عيل منو في بالج يالله اعترفي..؟

شيما"تفلت ذراعهاا":- انا كل الي اباه منك ورقه طلاقي بس ..

سيف: نجوم السـما اقربلج..
شيما: عيل من باجر بسير المحكمه..

سيف: سيري ع راحتج..بس صدقيني لو الحين الامور صوبج..بس كلها بتكون صوبي يوم باخذ عنج ولدي..

شيما"ترجع لورا" هـا ولدي ابروحي انت مالك علاقه فيه.."شويه بتصيح" انت دمرت حياتي و حياة اهلي و الحين تبا ادمر حياة ولـدي..

سيف"يبتسم":- عيل ما تدرين اني ناوي اتزوج نوف و اخلي ولدي بحضانتها..

كانت شيما بتصفعه..بس سيف يود ايدها ..ويوم حس ان الناس بدت تلتفت صوبه..يرها و طلعها برع المركز..وعند عتبة باب المركز يلست شيما ع العتبه معانده سيف..

سيف: قومي شو يالسه اطرين عند الباب...؟؟

شيما: ما بقوم روح بعيد عني ..بعدين بقوم..

سيف: لا تستهبليـن و عن العنـاد بس رمسج شويه يالله قومي ...
شيما: ما بقــــــــــوووم...

سيف :- خلاص تمي هني بسير اييب سيارتي من عند الباركن اوقفي هني..

وقف شيما..بمجرد ما سيف راح يعبر الشارع..صوب سيارته..وهو ساير..
سيف"يطالع وراه" :- اوقفي مكانج لا اتحركيـــــــن..؟

شيما صرخت عليه" اوقفف مكانك سياره يايه صوبك..
صد سيف الصوب الثاني اتجمد ابمكانه يوم السياره ضربت ابريك..

سارت شيما ابسرعه صوبه اتصارخ..
شيما"وقبلها يرقع من الخوف":- سيف سيف ...

نزل صاحب السياره ابسرعه..صوب سيف الي متمدد ع الارض..
شيما"تصيح" جتلته جتلت سيــــــــف..

وصاحب السياره يتلفت يمين و يسار يبا حد يساعده..

مرت دقايق وفتح سيف عيونه ع صراخ شيما..

شيما: سيف تسمعني...؟
سيف"يحاول ييلس":- انا بخير انا بخير..

صاحب السياره"متروع":- لا اتحرك يمكن شي كسور..
سيف ع الرغم من الناس الي اتيمعت حوليه الا انه كان يطالع شيما...

مستغرب من ردت فعلها للحين اتحبه الجذاااااابه..اتقول نسيتك بعد..

سيف"يوقف":- اقولكم مافيني شي انا بخيـــر..

ووقف عادي..
شيما:- خلني انا بسوق عنك السياره...؟
سيف:- اول ما تبين تركبين..

شيما: الناس تسمعنا انزين..

سيف"يطالع صاحب السياره":- اسف ياخي الغلط مني ما انتبهت..

صاحب السياره: يعني اروح و انا مطمن عليك..
سيف: و الله العظيم مافيني شيييي.."يطالع شيما" يالله طوفي جدامي ..

اتحركت شيما ورا سيف صوب سيارته..
بعد ما ركبت السياره..كانت شيما للحين خايفه اطالع سيف..
سيف"يشغل السياره":- يعني لازم اموت عشان اتسوين الي اباه منج..الله ياكثر عناد..

شيما:- سيف قول و الله انك ابخير..
سيف:- اوووووه شفيكم حسيت بدوخه من المفاجاه بس بعدين عادي..

شيما"بعدها زايغه": يعني راسك ما يعورك...؟؟
سيف"متنرفز": بلاج انتي شو تتحريني ياهل..

شيما"مرتاحه" عيل يوم ما فيك شي.."فتحت باب السياره" مع السلامـــــه لا تحلم برد علييك..

مسكها سيف من ذراعها ":- شو تتحريني لعبه بايدج..وقت ما تبين اتردين ووقت ما تبين اتروحين عنيه..

شيما: كنت ابا اتطمن عليك ما ابا ولدي يتربي يتيم..حتى لو كان صايع نفاد..

حست شيما ان خدها صار حار شرات الجمر يوم يتها صفعه سيف..

شيما كانت بترد عليه..قبل لا تنزل دموعها..بس سيف
سيف"مقاطعنها" جـب ولا كلمه مب كافي بغيت اموت بسبتج...؟شو تبين اكثر من جي..؟

شيما"تصيح":- ما يحق لك اتمد ايدك علي..انا ما اشتغل عندك..و لا عند.........

سيف"محرج":قلتلج جـب "وكان بكمل كلامه بس حس بصداع براسه..فحط ايده ع يبهته ونزل ع السكان"

خافت شيما يوم جافته يتألم..
شيما"محطيه ايدها ع كتفه":-سيف شو فيـك..؟
سيف يخوز ايدها بعيد عنه..
سيف: لا ادقيني تراج خبلتي فيني..
بها اللحظه رن موبايلها و كان المتصل مها..
سيف"يأمرها": ردي ع اختج...؟

شيما: الووو..
مها: وينج انتي...؟
شيما: الحين بييج..

صرخت متفاجاه يوم يير سيف عنها الموبايل..
سيف: مهايه ترا شيما بترد معايه يالله باي..
وصكر الموبايل..
شيما: انت باي حق تفرض رايك علي..
سيف: بعدج ع ذمتي..

وحرك السياره..
شيما:- ما ابا ارد بيت اهلك.مب ع كيفك..
سيف: ما بردج بيت اهلي ..
شيما"مستغربه" :- عيل ويــــــــن بتاخذني..؟
سيف: "وقف بسيارته" ما بنسير مكان..
شيما: انت اكيد الضربه اثرت ابراسك..
سيف"يطالعها":- يالله اشكثر اشتقت لج شيمووه صج انتي عذاب..
شيما"متلومه مب عارفه شو اترد فاجاتها كلمات سيف..
حط ايده ع ايدها..بس مرت صورت نوف في بالها فييرت ايدهاا
شيما: شو تبا فيني عندك نوف..
سيف:- انتي مال اول..

شيما: لا و الله منو عيل اليديد..
سيف: انتي لاااااه..

شيما"محرجه" انت ما تستحي على ويهك..
وحاولت تفتح باب السياره..
سيف"يقفل الباب ويضحك":- يا الخديه انا حبيت غيرج عشان اتكونين الاولى في حياتي ولا الاخيره..

شيما: انت ما اتعرف كيف جلبت حياتنااا فوق و تحت..حتى عبدالله اخـــــو...

سيف"مقاطعنها":- انا اعرف كل شي صار في اهلج "تغيرت نبرة صوته"الا شي واحد ما عرفته
شيما:- شـوو..؟
سيف: ولدي الي ياي في الطريج تبين تحرميني منه..؟
شيما"مرتبكه":- انا ..مدري شو اقولك..بس لا اتلومني..
سيف:- ليش ما قلتيلي مع اني لازم بعرف يوم بتولدين..صح ولا

شيما"تهمس":-صـح..

سيف:عيل ليش سويتي جي...؟
شيما: لانك حرمتني منك ..فكرت احرمك من ولدك..عشان اتحس..

سيف"منفعل":-انا حرمتج مني ..ليش انا طلبت منج اتروح بيت اهلج انتي حتى ما عطيتيني فرصه ادافع فيها عن نفسي..

شيما:- لاني مليت و تعبت من الحياة الي كنت عايشتنها معاك..ومع اهلك..وبعدين حضرتك ليش مخبر نوف سالفه يدتي...؟؟

سيف"يتنهد" تراج اذيتيني بهاي الي اسمها نوف..
شيماا"محرجه" شو بعد ما شبعت...

سيف"مقاطعنها"اتبين كف غيره..تراني مستعد..
شيما"اتصرخ عليه":- تنكسر ايدك قبل لا اتمدها لي..

وشلت غلاف سي دي كان قريب منها..وفرته ابويهه..حطت ايدها ع حلجها يوم جافت الدم نزل من ويه سيف..حط سيف ايده ع الجرح الي سببته شيما..

ردت شيما متروعه من سيف و من الدم الي نزل من ويهه

 

[ضوى العيون]

وشلت غلاف سي دي كان قريب منها..وفرته ابويهه..حطت ايدها ع حلجها يوم جافت الدم نزل من ويه سيف..حط سيف ايده ع الجرح الي سببته شيما..

ردت شيما متروعه من سيف و من الدم الي نزل من ويهه شل سيف الكلينكس الي جدامه ومسح الدم النازل من ويهه
و ابسرعه نزلت شيما من السياره..بس اتسندت باب السياره يوم جافت المكان خالي ..

و ماشي فيه نـاس ولا سياره حتى اتمر..
نزل سيف من سيارته و ياه صوبها..طالعته شيما خايفه..

سيف:- عايبنج الي سويته فيني انتي ترتاحين يوم اتمدين ايدج ..؟

شيما خايفه و سامته بنفس الوقت..
سيف: انا الحين بقولج كل شي..و بعدين بحاسبج ع هاا"وحط ايده مكان الجرح.."

شيما: ما ابا اسمـــــــ

بس سيف حط ايده ع حلجها يسكتها..يلست اتصارخ اتحس انها مب رايمه تتنفس..

سيف"محرج":- جب ولا كلمه..الحين بتسمعين كل كلمه بقولها لج..

حست شيما انها تعبانه و خايفه واول مره اتحس انها خايفه من سيف لا يسوي فيها شيء..

سيف:- تبين اتعرفين ليش انا كرهتج بعد ما توفت يدتج..؟؟انا ما كرهتج بالعكس كنت احبج و للحين اموت فيج..
بس خفت لا اظلمج و خاصه اني اجوف عالمي غير عن عالمج..حتى حياتج و تفكيرج ما يناسبني..

"مسكت شيما ايده عشان اتشله عن حلجها بس ما قدرت"
سيف"يكمل كلامه":- كنتي تحاولين تقنعيني انج تغيرتي بس انا ما صدقتج الين ما صار موقف امايه يوم ردت هديتج..بعدها تغيرت معاملتي لج بعد العزيمه..

حست شيما بقشعريره من صراحة سيف..و سيف يوم حس ان شيما صارت هاديه و معاه ع الخط في كل كلمه يقولها..شل ايده من حلجها..

وتم يطالعها..شيما كانت تبا تسمع كل كلام سيف..و بنفس اللحظه ما تبا تسمعه عشان ما تتأثر في كلامه..

سيف: و الله احبـج..؟

شيما ساكته بلعت ريجها ابصعوبه....

سيف: نوف كانت مرحله كنت اغايضج فيها بس..عمري ما فكرت فيها كحبيبه..

كنت اصدها باول مكالمه لي معاها هي الي كانت اطالعني في المارينـا و تحشرني باتصالاتها..

شيما امبطله عيونها مب من كلام سيف من نبرة صوته الي كانت اتحرك كل شي فيها..

سيف: و الله يا شيومه سحرتني باسلوبها و كانت اتبين لي ان محد لها في العالم وتشكي لي مشاكلها و كنت اسمعهاا..و كنت اوعد نفسي بعد كل مكالمه اني اودرها بس عشانج..

شيما"تهمس" و المسج..؟و البدله..؟

سيف"سار بعيد عنها واتسند بالسياره" البدله اتعمدت اشتريها لها بس عشان اغايضج لان في بالي انج تبين تكونين المميزه دوم كنت ابا اكسر خشمج...بس للحين اتذكر كيف كنتي في يوم العزيمه..و الله اطيحين الطير من السماا شيومه...

شيما مرتبكه و مب متحمله نظرات سيف فصدت الصوب الثاني


سيف"يكمل كلامه":- و المسج انا بروحي ما كنت جايفنه ولو جفته كنت بحقرها..لاني و الله قررت اني اهدها يوم العزيمه و ها الي صار..

خاب ظن سيف يوم جاف شيما بعدها ساكته و جنها مب راضيه عنه فنزل يلس ع الارض ..يرسم ع الارض..

طالعته شيما..جافته يالس يشخبط ..جنه انسان ماله هـدف..بطلت عيونها يوم سمعته يرمس..

سيف"منزل راسه بالارض":- شيومه بعد ما توفت يدتج بجم يوم كنت محتاج افضفض لاي انسان عن شعوري مكان عندي وقتها حد..بس نوف دشت بحياتي بها الوقت..

شيما"متردده":- و انت اتفضفض لاي شخص اجابله..
سيف"وقف وينظف ايده":- انتي ادري باسلوب بنات حـواا كيف..."يطالعها"..

شيما"ردت لورا":-حتى و لو ها ما يبرر تصرفك كله..
سيف:- انا قلتلج كل الي اباه و انتي حره في قرارج.."يجرب من شيما" بسج شيما تعبتيني شتبين اكثر..؟

ردت شيما خايفه:- اخاف اقولك رايي ..و انا بها المكان ابروحي..

سيف:- شو باكلج انا مب جنج انتي الي يالسه اتفلعيني من جفتج اليوم..

شيما"رفعت راسها معانده":-انا ابا ارجع البيت .."حطت ايدها ع بطنها" بطني يعورني تعبت اليوم وايد..

سيف"مستغرب منها":- ما تبين اتسامحينـي...؟

شيما ساكته..
سيف: انا ادري انتي عمرج ما بتتغيرين..طول عمرج عنيده و قويه و الي تبينه يمشي..ابرايج شيما..يالله ركبي السياره..

ركبت شيما السياره..وحست ابراحه يوم وصلت فريجهـا...
سيف ما نطق باي كلمه..حتى هي كانت ساكته اتفكر..ما اتعرف شو اتسوي..او كيف تتصرف..

و قبل لا تنزل سالها سيف ..
_متى موعد ولادتج..؟

شيما"نازله من سياره" ما يخصـك.."وصكت باب السياره..
ودشت البيت من غير ما تلتف لورا ..

دشت حجرتها سيده من غير ما اترمس حد..لحقتها مها..
مها:- وين سرتي...؟ و شو صار..؟

شيما"متوتره" ماشي ماشي..

مها:- شفيج..شكلج تعبان..
شيما"تصيح شرات اليهال تتفاجا مها و تحضن اختها اتحاول اتهديهـا..

مها: مب زين اتسوين جي انتي حامل..

شيما"تصيح" انا ابا سيف ..ابـــــــااه

مها: ترا كان عندج شو شصاير..

شيما"اتروح تيلس ع الشبريه":- اخاف ارد له و بعدين يرجع يكلم فلانه و علانه..

مها"مستغربه":- ليش كان يكلم منوو..؟؟

شيما"تمسح دموعهاا": مدري مدري.."اطالع مها" بس انا اباه لي ابروحي انا احبه ..

مها"تيلس حذال اختها":-انتي مسويه كل ها... الريال جم مره طرش لج يبا يراضيج..

شيما: انتي ما اتعرفين السالفه..

مها: اصلا نحن شو انعرف ..يدتي اتوفت و كانت معاج كيف وصلت هناك ما ندري.. و هديتي بيت ريلج من 3 شهور ونص بعد ليش ما انعرف ..انتي شو حياتج كلها اسرار..؟؟

شيما: خلاص الي راح راح..

مها:- يعني شو...؟؟
شيما: بتطلق من سيف..

مها: صاحيه انتي..توج اتقولين تبينه و حالتج لله و الحين تبين الطلاق..

شيما"تتمد ع الشبريه":- محتاره و تعبانـه.

مها: عندج الوقت فكري و قرري ولا تنسين اتفكرين الي في بطنج بعد.."قامت عنها و طلعت برع الحجره.."


**
و في بيت بو سيف وقت العشاا
بو سيف:- لي متى بتم جي ..اذا البنيه ما تباك خلاص طلقها..

ام سيف:- يعني اكثر عن جي شو تبا انسوي لها ..مب ناقص الا انحب اريولها..

سيف: الظاهر اني بتخذ قراري خلاص..

بو سيف: اتوكل ع الله دام هي ما تباك حرام تظلمها و تظلم نفسك..

قام سيف من مكانه و سار حجرته..مضايج..معقوله هاي أي نوع من البشر ما اتحس..
عنبوه اتقول اتحبني و جي طاف شهرين من رمستها ولا اتنزلت تتصل ..ولا شي..

يلس ع الكنبه يفر القنوات من قناه لقناه..و قبل لا يفكر يرقد..قرر انه يسير المحكمه باجر الصبح..و يطلق شيما..

**

و في اليوم الثاني الصبح..
قامت شيما من رقادها..واتحس ابتعب في ظهرها..حاولت اتقوم تزقر امها بس ما قدرت يلست اتصارخ ابصوت عالي..

انفتح باب حجرتها..

شيما:يمه الحقيني بموت..

ام سالم"خايفه":- عاد ها وقته..

شيما"اتحرج ع امها اتصارخ":- اقولج بموت ظهري بنكسسر ما تفهمين..مب رايمه اتحرك..

ام سالم"مب عارفه تصرف" انزين انزين خليني اتصل بمهاا اتيي اتساعدني..

شيما:- ابسرعه ابسـرررررررعه..

بعد دقايق وصلت مهاا..
مها: شو بتربين..

شيما:- شدرانــــــــي "تصيح" بموت مهاا..
ام سالم: يالله ناخذها المستشفى..

شيما: ما اقدر اتحرك مب رايمه اتصلوا لسيف ابسرعه..

مها: متاكده..

شيما"تصرخ عليها" ابسرعه اتصلي به اأأأأأأيي"تمسك ايد امها" امايه روحي بتطلع..

ام سالم"تصيح" بسم الله عليج يمه..ها شي طبيعي صدقيني..

مها"تتصل ابسيف" اووووووه رن رنه و انغلق الموبايل..

ام سال:اتصلي باخوج سلوم ابسرعه..

شيما "متالمه" ابا سيف..

و في نفس الوقت سيف رايح المحكمه..انتبه ان موبايله رن رنه ..وسكت..شل التلفون جافه مغلق..

سيف: اووه وين الجراجه ..اكيد حمود شلها وياه..اووف..

كمل طريجه صوب المحكمه...

و شيما بطريجها بالمستشفى..
شيما: اتصلوا لـ سيف..

سالم"هو يسوق" متفيجه انتـي الحين سيف و سيف وين انطلعه لج..

شيما"تصيح" انا ابا سيف..
مها: انزين بتصل بيت اهله بجوفه..

و في طريج المحكمة..سيف يفكر.. متردد يكمل ..ويخلص اجراءات الطلاق..ولا يتمسك بالامل الضعيف ..يمكن شيما اتغير رايهاا

..وترجع له..بعد ما تولد..حشى كل الناس ربت وهي بعدها مدري شو شاله في بطنهاا..

اخيرا قرر انه يتوكل ع الله .. و يكمل طريجه المحكمه لان عطها فرصه وايد.. و شرح لها كل اسبابه..الظاهر ما تبا اتسامحه..

و قبل لا يوصل المحكمة بشويه جاف حادث سياره و الظاهر ان هالحادث

مستوي امس فليل..
لان ماشي ناس ولا شرطه ..ولا شيـــــ..

اتروع سيف يوم جاف سيارة حمود المنجلبه..حس برعشه في جسمه..هاي سياره الغالي..

شل موبايله ..جافه البطاريه امفضيه..ففره امعصب . ونزل عند محطة البترول الجريبه من الحادث..

دش داخل يرمس بالتلفون..
اتصل لـ بيت حمود بس محد يرد..سيف مب عارف شو يسوي..

ركب سيارته و سار المستشفى ..وعند باب المستشفى جاف سالم يالس..

 

[ضوى العيون]

سالم"مستانس"انت وين جلعنا الدنيا عليك..

سيف"مقاطعنه" اسمحلي سالم انا مستعيل بعدين بعدين..

وسارداخل المستشفى صوب الرسبشن....

سالم: لاحوول صدقت فيك شيمااا..

سيف يسالهم عن الحادث يمكن يكون حمود موجود...هني..بس بعد ماشي فايده...؟؟

اتذكر ان سالم موجود عند باب المستشفى بياخذ عنه الموبايل عشان يدق لـ حمود..

يوم سار صوب الباب جاف سالم محد طلع عند عتبة الباب يدوره بس ما لقاه جن الارض انشقت و بلعته..

جاف شلة من الشباب واقفين عند الاستراحه..فسار صوبه..

سيف: يا الطيب بغيت بس موبايلك ثواني..

الشاب: اتفضل انت اتامـر..
سيف: ما اتقصر..

اتصل سيف ع موبايل حمـوود..يرن يرن محد يرد عليه..اتصل مره ثانيه..اخرتها حس ابراحه يوم سمع صوت حمود..

حمود"ناش من الرقاد" بلاك انت اذيتنا شو تبـااا

سيف: حمود انت حــــــــــيي...؟

حمود: لا انا بعالم الاموات..منوو سيفوووووه غربلك الله متصل بها الحزه ما تدري اني راقد..

سيف"مستانس":- فديتك والله ع بالي خلاص ما بجوفك..

حمود: فال الله ولا فالك ..شفيك انت ..؟
سيف: انت وين...

حمود: اوووووه اقولك راقد يعني وين بكون في الشارع..؟

سيف: عيل وين سيارتك..

حمود"متافف" عند رشووود ليش...؟؟
سيف: قوووووم الحق الريال كنسل سيارتك..

حمود"متروع" شـوووووووو

سيف:جفتها منجلبه عند شارع المحكمة..
حمود: جب يالله ارمس عدل..

سيف"ميت ضحك" و الله العظيم ع بالي انت ..طلع رشوود..قوم جوف الريال شو صار به..

حمود: يالله باي لا بركن في الساعه الي رديت ع تلفونك..

ويصكر التلفون بويه سيـف..

سيف"منحرج" مشكور يا الطيب اسمحلي و الله ..
الشاب: افا عليك ..

طلع سيف من المستشفى و عند الباب يلس يضحك بصوت عالي.. و الناس رايحه و راده اطالعه..
رمس عمره"زين تطمن ع رشود وحليله..وتم يضحك ههههااااااييي"..

ركب سيارته و قبل لا يحرك اتذكر سالم اخو شيما..شو عنده هني..خمن يمكن شيما ربت..نزل من سيارته ابسرعه..وسار صوب قسم الولاده ..


ومثل ما اتوقع جاف سالم واقف عند انتظار صوب الرياييل...سار صوبه..

سيف: سالم سالم..
سالم: وينك يا ريال شيما .........

سيف"مقاطعنه" شو شو بلاها شيما..وينهاا..

سالم: تعال توه خذوها القسم...مبروك يابت ولد..

سيف"مب مصدق" و الله ترمس جد يعني انا الحين بو وليد..

سالم"يبوسه" ونعم بو وليد"يضحك"..

ثواني ووصلوا غرفة شيما..يوم دش..سلم ع ام سالم و مهـااا..و باركووا له..
ام سال: ايلس معاها هي راقده عطوها مهدي..عشان ترتاح..
مها: شو رايك اتجوف النونو ترااه يشبهك لي ما اتقوم شيماا..

سيف: لا لا بتطمن بالاول ع شيمااا
سالم: ع راحتك يالله مها و امايه..
وطلعوا برع الحجره..

وقف سيف جريب من شيما..يتاملها ..فديتها ..صارت ام..الحين شيما الشيطانه اتصير..ام..حط ايده ع خدها..
سيف"يهمس":شيماا شيما..

فتحت شيما عيونها..اطالعه ..مدت ايدها فمسكها سيف..
سيف: حمدلله ع السلامه حبيبي"يبوسها فوق راسها"..
شيما:انت وينك ..عيزنا من ادق لك
سيف:- اسكتي صار فيني مقلب..

شيما: جفت ولدي وينه..
سيف: لا ترمسين وايد ارقدي الحينه..ارتاحي..و بعدين بجوفينه..

شيما"شويه بتصيح" وايد تعبت..هاي اخر مره اربي..
سيف: افهم من كلامج بعدج تبيني..

شيما: اكيد اباك و ما ابا غيرك..

سيف"بيطير من الفرحه" قولي و الله اخاف ها من تاثير الحبوب بس..بعدين بتغييرين رايج..

شيما"تبتسم" لا حبيبي انا كنت ناويه اردلك بعد ما اولد..عشان ولدنـاا

سيف:قصدج وليد..

شيما"تضحك": هي وليد...

سيف: يعني انتي خايفه على وليد بس انا عادي عندج..
شيما: اتحط ايدها ع خده ":- بسني تعبت ..تراني مشتاقه لك ..

سيف: يا حلوج و انتي جي هاديه بخليهم يوصفون لي ها الحبوب عشان اعطيها لج كل ما بتحرجين..

ضحكت شيماا..
انفتح باب الحجرة..وكانت الممرضه يايبه ولدهـــا
الممرضه: يالله يا ماما رضعي النونو يوعانه..
سيف: عنبوه مالحق توه طلع و يبا يرضع..

شيما:- تضحك:- سيف شويه شويه بولدي..

شله سيف و باسه ها ولد الغاليـه ..وباسه..جوفي شيموووه يشبهني ..

شيما:"اطالعه"لا يشبهني..

الممرضه: انتي رضعيه و بعدين اتفاهموا ع الشبه..
شيما: لو سمحتي ازقري امايه..

سيف: عشان شو خليني معاج ..الحين وليد بياخذج مني..

شيما: محد بياخذني منك و الله ..بس عشان امايه اتساعدني..

دشت الام مستانسه..باست شيما ع راسها...
ام سالم: يمه كلمت عبدالله يسلم عليج و يبارك لج..

شيما: مابي يجوفنـي..

ام سالم: امبلى بيي و بييب حرمته معاه الحمدلله لك ربي ها الولد صج عور قلوبنا..

سيف"يطالع شيما" حتى ها الولد"يقصد ولده" فال خير علينا كلنــــــــا..صح..

شيما:- هيه صح.."تبوس ولدها.."

ام سالم"تمسح دموعها و اتشل النونو" الله يسعدنا كلنا يا رب..

شيما"اطالع سيف":- اميــــــن..
سيف"يساسرها" شو رايج حبيبي انخلي وليد عند امج..و انتي اتمين معاي..

شيما"تضحك" انزين بس بالاول ايي عبدالله اخوي..

سيف:شو بعد..

شيما"تمسك ايده":- ابا اتنفذ وعدك..
سيف: و الله ما نسيته..فيينــــــــــــااا

شيما: حبيبي صج بنسافر فيينا..
سيف: هي بنخلي ولوووود عند امج شرايج..

شيما: حرام عليك..
سيف :يضحك:- اغار تراني..

شيما:ها ولدك حبيبي..شرات ماهو ولدي

سيف"يبتسم":- تمي معاي ع طول..
شيما: انا اطلب منك هالطلب..

سيف:وايد احبج شيماا انتي عذبتيني..
شيما: انت بعد عذبتني بس بعدني اموت فيك.

طلعت ام سالم من الحجره ومعاها النونو..
مها: ليش طلعتيه..
ام سالم:خلي امه و ابوه ياخذون راحتهم تراهم ضيعوا عليهم ايااام ...

و الحمدلله انهم رجعوا لبعض.ومحد بفرق من بينهم...و ان شا الله للابد..


تمت

 

[فرحه عمري]

القصه رووووووووعه

ويسلمووووووووووو

ويعطيج العافيه

 

[أحلى البنات]

يسلمو حبيبتي ع القصه حدها تعور القلب ورووووعه بنفس الوقت

 

[ضوى العيون]

الله يسلمج ان شاء الله ويخليك يارب