()() الغساله الاوتوماتيكيه ()()

[supermarket]

روحي يوريكا في اكثر من ماركة

واخذي ال جي تهبل

واحنا حاطينها بالحوش ومسوين لها تمديدات ومظلة

 

[s3ad]

حبوبة والله الغساله الاوتوماتيك حيييييييل مريحة

الفريجيدير قوية وهافي ديوووتي لكل شي

بس انصحج اخذي التنشيف 80 بالمئة لان المئة بالمئة شوي تخرب الملابس

 

[موزة ام فارس]

بنات صج تصرف ماي وايد؟؟؟؟

وهل للغسالة أحجام والا حجم واحد !!

لأن ودي فيها بصراحة

 

[ليالي نجد]

اهي من ناحية تصرف ماي صج تصرف وبقوة بعد يعني كللللللللللللش ماتتبع سياسة الترشيد
شكلهم بيمنعون استيرادها هالصيفيه خخخخخخخخخخخخخ

بس حلوة والله ومريحه حيل انا عندي ماركة مايتاج هيفي ديوتي تتعبأ من فوق وتتحكمين بالماي وحرارته واذا تبين بس تنشيف براحتج والتنشيف مو 100% لان مايمدحونه للملابس وحلاة الملابس بعد اتحوشها الشمس علشان التعقيم

بس عالعموم اشتريتها من الكترونيات الغانم من سنتين تقريبا

 

[سارة_kw]

شوفي حبيبتي على حسب احتياجج للغسالة بس نصيحة اخذي L.g وما راح تتحسفين

اخذي اللي سرعة الدوران 1200 وفوق مو 800 واخذي اللي اتنشف 100% مالج شغل باللي يقولون تخرب الملابس كلام

فاضي انتي تتحكمين بالتنشيف تقدرين اتخلينه على كيفج

حتى غسيل سريع فيها

 

[ام بدر 123]

انا شاريه باناسونك من اليوسفي وتنفتح من فوق ب 115 دينار
بس بصراح غساله عجيبه حتى اغسل فيها اللفات والعبي

 

[إستبرق]

انا عندي غساله ومع نشافه ال جي وبصراحه ماشاءالله حلوه وفرق واااااااااااااااايد عن العاديه

 

[مرق تفاح]

صج شي يحير:0bee2e8d89:


انا طول عمري اكره الغساله العاديه واكره غسيل الهدوم بسبتها ,,, وحيل بخاطري اشتري الغساله الاوتوماتيكيه اللي تغسل وتنشف ,, بس حطي الهدوم وانسيهم وبعدين وطلعيهم ناشفين _03BA:



بسسسسسسسسسسسس رفيجتي يوم تزوجت من حوالي سنه شرت غساله اوتوماتيكيه ماركة LGمن يوريكا اللي تتعبى من الوسط ,, وحتى غاليه مو رخيصه كانت ,, المهم ما تمدحها تقووول ما تنظف الهدوم عدل ,, وتخرب الهدوووم:0bee2e8d89:

وتقول مليييقه لازم تخلييين الهدوم فيها ساعه كامله ,, علشان بعدين تنشفهم يعني لو وقفتيها قبل الساعه راح يطلعون مبللين ,,, وطبعا ساعه كامله والهدوم بالغساله مو زينه راح تخترب
تخيلوا ساعه كامله وتقول مع هذا مو نظيفه تطلع:eh_s(1):


اهي ما عندها خدامه تقول اول ما ايييب الخدامه بفكر اخليها تغسل الهدوم بايدها من كثر ما اهي لايعه جبدها من هالغساله اللي م تنظف وتخرب الهدوم وتصرف بهالماي



الحقيقه صدمتني
ما ادري انتو شرايكم ؟؟؟؟؟؟؟؟؟؟

في احد ثاني يقول انه غسيلها مو نظيف ؟؟؟؟؟؟؟؟ وانها تخرب الهدوووم ؟؟؟؟؟؟؟؟؟

يا ريت تعطونا ارائكم
وياريت تعطونا ماركات غسالتكم وبجم ؟؟؟؟

 

[Swan]

مرق تفاح
والله اهيا صج تاخذ وقت بالغسيل يعني مو اقل من ساعه بس لا تخرب الهدوم ولا شي
وتنظيفها حلوو
يمكن رفيجتج مو عارفه تستخدمها عدل

انا اللي عندي حيييل مرتاحه منها والتنشيف فيها يوصل لي 100%
بس انا ما احطها لي 100% لأنها تخلي الهدوم يابسين وما ينكوون عدل
اخليها 80% وحده كافي على ما تفردين الهدوم الا اهيا ناشفه وما تحتاج كوي وايد

 

[اشواق2008]

انصحج فيها نصيحة اخت لختها

 

[ماما شوشو]

معليش داشة عرض عندي جم سؤال لني بشتريها بعد
اول شي أنتو اللي تغسلون الملابس والا الخدامة يعني قصدي أعلم خدامتي عليها وإلاأنا أحسن خبري يقولون ماتصلح للخدم يخربونها بسرعة؟؟
ثاني شي شلون توزعون الملابس يعني أغسل الأندروير مع باقي الملابس يعني أبي الطريقة ؟؟

 

[^kloOot^]

اول شيء اكيد لخدامه اعلمها وليش تخربها بس تحطها على رقم واحد وتشتغل وانا برمجتها من زمان

وبعدين اكيد الملابس الابيض بروح وملابس الملونه بروح
بس طول ساعتين

 

[ماما شوشو]

أوكي مومعاي إن راح ياخذ وقت الغسيل ؟

 

[مرق تفاح]

يا ريت اللي عندها غساله اوتو ماتيك تجاوبني


طيب اذا بطلع الهدوم ناشفه يعني لازم اخلي الغساله شغاله ساعه او ساعتين ؟؟؟؟؟؟؟؟

وجذي ماراح تخترب الهدوم ؟؟ ساععتين غسل مو شويه ترى

 

[أمواج البحر]

v
v
v
v

اختي مرق تفاح <<<< خوش اسم

شوفي حبيبتي لازم النشافه تاخذ دورتها كامله عشان الملابس تطلع ناشفة 100%

وترى ما تخربهم بس اذا كان عندج بدله وتحسين ان خامتها ممكن تخترب لا تحطينها بالغساله مثل الشيلات

والله صراحة الله يعافي مخترع هالغساله صج صج اااااااااخر راحه وكفايه ريحة الكومفورت تظل في الهدوم

بالنسبة للي يسألون اذا يعلمون الخدامه عليها او لا

علميها احسن لج ما يبيلها شي بس علميها شلون تضبط الحرارة و خلصنا

وخرعيها قوليها اذا اختربت من معاشج ترى خخخخخخخخخخ كله اقول حق خدمي جذي

وعلميها الابيض بروح والملون بروح والملابس الخفيفه بروح والصوف بروح جذي يعني لان كل نوع له درجه حرارة معينه

اصلا ماراح تخربها لان هالغساله بتريحها

صراحه انصح فيها

 

[كيوت_25]

يزاااااااااااكم الله الف الف الف خير عاد صار لي جم يوم افكر اشتريلي وحده

 

[nono78]

انا الي عندي بو طابقين
مثل هالصوره من الغانم



غساله تحت وفوقها نشافه

بالعكس النشافه زين الحراره فيها درجات

وفيها بعد هوا بارد

وفي 3 طرق تنشيف لها

في طريقه انتي تحددين جم مدة التنشيف

والغساله

بعد منو قال تصرف ماي

الماي فيها تنترس 3 درجات

اشويه
وسط
وكامل

على حسب كمية الملابس

وفي غسيل ملابس بيضه

وملونه

وغسيل يشبه الغسيل اليدوي

وفي تنقيع


والله مرتاحه منها وصارلها من اول ماتزوجت واهيها ما شاء الله مريحتني

 

[^kloOot^]

ابي غساله تنشف 100% (تجاربكم)

بنات انشالله ناويه اشتري غسالة يديده اوتوماتيك وابيها تنشف 100%
انا عندي اوتاماتيك زينه بس تنشف 50% وصارت صغيره علينا ماتكفي هدومنا واطول ساعتين ضبط وبصراحه ابي تنشف 100% لانه شقتى صغيره وماعندي مكان احط منشره واعلق فيها الهدوم



شرااييييييييييييييييييييكم ؟؟



ابي تجاربكم:gathering:


1-شنو احسن ماركه؟
2-من وين ماخذته؟
3- تنشف100%؟
4-جم سعرها؟
5-سهل استخدامها ولا معقده؟
6-شكثر طول بالغسيل جم ساعه؟

 

[الشيهانة]

رد: ابي غساله تنشف 100% (تجاربكم)

ياعمرى انا غسالتى ورلبول 50% التنشيف فيها فخذيت نشافه من نفس النوع تنشف 100%


وانصحج انج تشترين نشافه بروح وغساله بروح عشان الخرابات وماتخرب الهدوم الرقيقه واذا على المكان يترتبون فوق بعض لانها بالشتا تفيدج حيل خصوصا لهدوم الجهال

 

[OM-FAtMa]

رد: ابي غساله تنشف 100% (تجاربكم)

حبيبتى شوفى الغانم جنى شفت نشافه عندهم مثل ما تبين