الغانم ولا انجلش بلاي قروب؟

[sara999]

والله حيييييييييييييره الوحده تحاتي ومايبي يقط عياله اي مكان ومادري شسوي ياربي

 

[^SwEeTa^]

حسبي الله عليهم موتسكتين ليش مافي غيرهم وهذول الانجليز مايبون اي ياهل آكتف على قولتهم بغوا يعطون ولدي حبه الي تقلل النشاط على الفاضي لان المدرسه مو عاجبها انه حركي وطبعا هذا بالجلف انجلش :cxxxp:

لا تحاتين كلللللش

السالفة في بداية السنة

و الحمدلله تم إجراء اللازم .. تأدبوا عدل :050103nbh_prv:

 

[ام فويزان]

حبيبتي بدون تفكير الغانم وانشاء الله بتدعين لي اعيالي أثنينهم هناك والمدرسة مستواها حيييييييييييييل قوي ومنهجهم حلوا ومدرساتهم أحلى ولدي بأولى روضة والثاني بأولى ابتدائي​

مشكوره عمري ما قصرتي

 

[فلونة احلى وردة]

أنا بنتي بالذكية
بس ودي اعرف شنو احسن الغانم ولا الذكية
خربطت الموضوع

 

[ام فويزان]

upupup

 

[sarooona]

حبيبتي ولله عن تجربه ماشالله بنتي مدخلتها بلي قروب هي للحين اولى روضه واخوها انشالله سنه اليايه بدخله حضانه معاها ماشالله تتحجى وتسولف لما تلعب مع اخوهاا العربي مالهم زين والانجلش زين مو واحد يطغى على الثاني وكل خميس ابله العربي تعطيهم الكتاب عشان يعلمونهم على طريقه الهوم ورك وماشالله احرف الابجديه تعرف تكتبهم اسمله عليها
وماشالله للحين محفظينهم 4 سور من القرآن
وسلامتكم

 

[بدوره 22]

انا عيالي بالغانم

المدرسه تأسيسها جدا قوي وكفايه انها ثنائية اللغة ..يعني عيالج راح يتقون بالانجليزي والعربي . ..

 

[اميرة الغيد]

بلاي غروب تدريسهم قوي ومنهجهم عربي وانجليزي نفس المستوى حتى الروضه قويه وعندهم باص بس الغانم ماجربتهم





اسمي بالمنتديات ورده بس هالمنتدى ماخلوا اسامي​

 

[sara999]

انا رحت للعالميه الامريكيه تيننن لا هذي ولا هذي روحي شوفي uas وماراح تتحسفين حدها قويه والي فيها كلهم شطاااار

 

[يارا1980]

ولدي بالغانم احس مستواها حلو لكن اشوي ماديين كل سنة زايدن 100 دينار السنة الجاية الروضة 1293 بعد ماكانت 1000

 

[A.A.A]

انا بنتي بحضانة الغانم بصراحة كمنهج مادري لان بنتي حضانة بس مدرساتهم على كلهم اجانب للانجليزي و سوريات للعربي بنتي والله استفادت بس عيبهم انهم مايخلونج تدخلين المدرسة ولا تدشين اشوفينها حتى اول يوم والصبح ماتدخلينها للصف ياخذونهامنج واللي ضايقني اكثر انهم بالهده يقعدونهم بالساحة والساحة حتى مومكيفة واول السنه ماتوا من الحر والرطوبه جان يضللون الساحة وابو زوجي كلم الناظره جان تقوله ان احنا احسن من مدارس وايد بس حرام احنا طول السنة حر ويهال صغار وصح اهما مادييين وايد تبين دفعي حق صف الانتظار يخلونها بصف بالهدة وغير لستة الطلبات شطولها اول السنه من كل شي اكثر من درزن غير الطلبات اللي بين فترة وفتره والصور يقولولج تعالي اشتري والاكل عليج وزحمة شارعهم واهم شي واللي مخليني مترددة اكمل معاهم انه عطلهم مو مع وزارة التربية بس الباجي مادري لان مايخلونج تشوفين شسوون بس كل وحدة ادزونلج ورقة شنو بسوون ويبون واعمالهم اللي ترجع مع الطالب اغبها تلوين بس بصراحة بنتي احفظت ايات وجذي يعني استفادت كحضانة

 

[وردة النرجس]

أنا عيالي الإثنين مدخلتهم بلاي قروب الي بالسالمية وماشالله عليهم ماشيين ومرتاحين معاها لأن ولدي بالتأ سيس معاهم وحتى بنتي ومنهجهم عربي وإنجليزي بس أنصحج تشوفين السالمية لأن سلوى مايمدحونها وايد ضغط عليها وهم عندهم باصات وتوصيل لكل المناطق

 

[أم أسيل]

السلام عليكم
انا كنت مثلكم محتاره بالمدارس بس الحمدالله لقيت مدرسة زين والكل مدحها مالقيت احد ذمها لا ورحت حق المدرسة ومسكت الامهات وسالتهم وكل مدحها وااايد موشويه وطبعا قالوا كي جي 1 مايشدون عليهم حيل يشدووون بكي جي 2 والواجبااات وايد وقالولي ان الطفل من كي جي2 يقرا ويكتب عربي وانجليزي وقران
المهم توكلت على الله وسجلت بنتي في كي جي 1 والرسوم حلوه مو غالية الكي جي (800 دينار السنه) وانشالله اتكون المدرسة زينه ادعولي وادعوا لبنتي انها اتصير من الاوائل انشالله
مدرسة اسرار القبندي ثنائية اللغة بالدسمه

 

[أم أسيل]

نسيت اقول شي (800 دينار السنه شامل الكتب)

 

[mr000]

الغانم تأسيسها مو قوي حسب تجربتي معاهم ولدي ظل فيها 5سنين من الحضانه لما 2ابتدائي والمشكله ان ماتعرفين هالشي الا ذا نقلتيه مدرسه أقوى هني يبين مستوى الولد آنا هم كنت امدحها بالبدايه لأن كنت اقارنها بالحكومه وخاصه بالعربي يعطونهم من مناهج سوريا زياده على كتاب الحكومه ويركزون عالقواعد من2 ابتدائي من هالناحيه زينين بس لما قارنته بالانجليزي بيهال ثانيين بمدارس خاصه كانوا وايد احسن منه بالانجليزي والرياضيات وماكنت مفكره اطلعه اوديه الحكومه بعد الابتدائي يعني شالفايده قوي بالعربي وضعيف بالانجليزي وهو راح يكمل بمدرسه اجنبيه ومدرسهم الرياضيات كان تعبان حده جنسيته صوماليه أو مادري شنو بس افريقي عصبي ولايعرف يشرح كان مخسبق الصف كله بس اعتقد ألحين طلع من عندهم! و الحمدلله ولدي الحين بالعالميه الأمريكيه ومستواهم ممتاز! يعني باختصار حق الابتدائي وديه مدرسه أقوى

 

[daloo3aa-q8]

مسكينه ام فويزان احتارت
شوفي حبيبتي كل وحده بتمدح المدرسه الي تشوفها احسن عن تجربه شخصيه صح ولا لأ؟؟
لازم انتي تقررين شنو تبين وشنو الاحسن من ناحية انتي بعدين وين تبينه هل هو تأسيس بس حق الحكومه او تبينه يكمل كل المناهج وبالنسبه لي عن تجربه شخصيه اشوف بالبلي قرووب كتأسيس احسن من الغانم وهو الحين اعتقد بيفتحون فرع جديد بالرميثيه على الشارع قبال ريجنسي وعندج حبيبتي في مدرسة ثنائية اللغه بالشاميه قبال منطقة الشويخ بصراحه كمستوى وايد وايد زينين انتي روحي وشوفيهم وانا افضل المدرسه الي تكون ثنائية اللغه وعندج الرأي الي بصباح السالم وايد قويه بس الغانم ما انصحج فيها كلشش مثل ما قالو خواتي الطفل يمشي فيها وكل شي اوكي بس تعالي طلعيه وديه اي مدرسه ثانيه حتى لو حكومه ما يمشي كلشش

 

[mr000]

صح لسااااااااانج اختي دلوعة الكويت ماشالله عليج شرحتي الموضوع أحسن مني! والمشكله بعد ان أذا بقيتي تودين الياهل مدرسه قويه يشوفونه من أي مدرسه ياي يعني عندهم مدارس حاطين عليهم x حتى من قبل لايمتحنون الطفل ويشوفون مستواه يعني لما رحت المدرسه الأمريكيه بحولي قالتلي احنا مانقبل من أكسفورد والغانم والتكامل لأن نعرف شنو مستواهم بالنسبه حق مستوى طلبتنا وأحنا مانبي نقبل طلبه بعدين يسقطون عندنا بس الحمدلله ولدي نجح باختبار العالميه وانقبل وآنا على فكره أتكلم عن المتوسط لأن ولدي ب7 ماأدري اذا الطالب انتقل عندهم بالابتدائي يتشددون نفس الشي والا لأ

 

[أم أسيل]

عندج حبيبتي في مدرسة ثنائية اللغه بالشاميه قبال منطقة الشويخ بصراحه كمستوى وايد وايد زينين انتي روحي وشوفيهم وانا افضل المدرسه الي تكون ثنائية اللغه

حبيبتي شنو اسم المدرسة اللي بالشاميه وين مكانهم بالضط

 

[A.A.A]

اي صوب مدرسة الراي اللي بصباح السالم حبيبتي ولا مرة شفتها او سمعت عنها تصدقين وهم شسم اللي بالشاميه و قولولي اشرايكم بالتكامل انا بسجل بنتي حق الكي جي مادري وين اسجلها انا بيتي بغرب مشرف ابي شي قريب و دوامي بجنوب السرة فيدوني الله يخليكم

 

[rawona]

للرفع



up




up




up

​