السلام عليكم ورحمة الله وبركاته
*الحمدلله الذي اطعمني هذا الطعام ورزقنيــه من غـيرحول مني ولا قـــــوة*
*الحمدلله الذي اطعمني هذا الطعام ورزقنيــه من غـيرحول مني ولا قـــــوة*
مبارك عليكم قرب حلول شهر رمضان
شهر الخير والمغفره والرحمه
اللهم اعنا على صيامه وقيامه وتقبل منا الأعمال فيه
آمين يارب العالمين
شهر الخير والمغفره والرحمه
اللهم اعنا على صيامه وقيامه وتقبل منا الأعمال فيه
آمين يارب العالمين
حبيبااتي هالعيش لذيذ ومايبيله شي..وإن شاء الله انه سهل
نسوي اول شي 3 حمسات ونخليهم على كتر..(على جنب )
حمسة اللحم المفروم عبارة عن بصل مقطع صغارنحمسه بالزيت وانا ضفت معاه بصل صغار بيبي بصل ،،تلقينه بمركز سلطان صوب الخضره واذا تشوقر نضيف الثوم ونحمس وعقب نضيف اللحم المفروم الي غاسلينه ومنضفينه بالمشخال عن الشوائب ونحمس ونضيف مكعب ماجي وملعقة اكل بهارات وملح ونص ملعقة فلفل اسود
الحمسه ثانيه بصل شرايح نقليه بالزيت وعقب ما يذبل نضيف حوالي جزرتين مبشورات
ونحمس واذا تمازج البصل والجزر نضيف ملعقة اكل شكر ( سكر ) ونضيف رشة هيل مطحون ورشة كمون ناعم ليما تتكرمل الحمسه.
ونحمس واذا تمازج البصل والجزر نضيف ملعقة اكل شكر ( سكر ) ونضيف رشة هيل مطحون ورشة كمون ناعم ليما تتكرمل الحمسه.
بطا ط مكعبات نقليه ليما يتشوقر ونطلعه
وللوجه ناخذ من البطاط السابق المقلي ونحطه بالمقلاة مع شوية زيت وملعقتين اكل معجون طماط وشوية ماي ملعقتين تقريبا ورشة فلفل اسود ونحمس ليما يتحمش
وللوجه بعد بصل شرايح نقليه واذا تحمر نضيف عليه كشمش ( زبيب )نكون منقعينه بماي حار لمدة نص ساعه ليما يتشوقرون البصل والكشمش
ونحتاج عيش انغسله وننقعه بماي دافي لمدة لا تقل عن ساعه ونفوحه بماي وبهارات صحيحه ثلاث ارباع استوا ونطلعه على صوب
الحين نجي للتطبيق
نحط عيش بقاعة الجدر وننثر عليه كميه من حمسة اللحم وحمسة الجزر والبطاط المقلي
ونكرر العمليه ليما نوصل لوجه الجدر ننثر عليه ماي ورد منقعين فيه زعفران ونحط عليه على صوب شوية من حمسة اللحم وشوية من حمسة الجزر وشوية من البطاط الي حمرناه مع المعجون ونحط البصل المقلي مع الكشمش ونحط قطعتين زبده للناطعه هالشكل
وعقب نقصدر الجدر ونخليه على نار هاديه حوالي 40 دقيقه وعقب نطفي على الجوله وننجبه
وتفضلواا حبيبااتي الغاليااات
وسويت معاه روب مع خيار مبشور ونتفة نعناع ناشف ..حلو ويلوق مع هالطبق
وعليكم بالف عاافيه ولا تحرمونا من دعواتكم وتعليقاتكم الحلوة..اختكم حلوة ومملوحة الكويت :eh_s(7):
