العيب فيني !!!

[tolay]

حرام عليج لاتضيعينه من ايدج

اولا ارقي نفسج واقري سورة البقرة يمكن انتي محسوده

لانج تحبينه وتبينه !! بس ليس يصير معاج جذي !!!

حاولي تغيرين معاملتج له لانه الريال مهما كان طيب مرده يمل اذا مرته تعامله بسوء

ولاتنسين ترقين نفسج كل يوم واقري سورة البقرة احتمال محسوده

 

[كويتية تهبل]

رد : العيب فيني !!!

لا حول ولا قوة الا بالله ..... ناقصات عقل و دين

 

[روحي تحبه غصب]

مادام انج عانه الغلط منج لازم تعدلين طبعج معاه

ترى اذا كان صابر عليج ومقدرج لين الحين ترى بيزهق وبغير تصرفاته معاج

ورااااح تتحسفين وتتمنين يرجع نفس ماكان

الله يسخركم لبعض ويهدي سركم

 

[ام بوحنة +]

رد : العيب فيني !!!

انتي شكلج ودج يعطيج العين الحمرا

صج شعور الطمانينه عند بعض البنات يبرد المشاعر

القطو ما يحب الا خناقه

مالج الا الاستغفار والدعاء

 

[So MuCh PaIn]

رد : العيب فيني !!!

ارقي نفسج
وانسي اللي كنتي تعرفينه
وريلج مشالله ماعليه ناقص المفروض تمسكينه بايدج واسنانج والله في بنات يتمنون ظفر ريال عشان الستر و متزوجات متغربلات مع رياييلهم
تعوذي من ابليس وداومي عالقرآن وانشالله تتحسن امورج وتتيسر والله كريم

 

[المزيووووونه]

مشكورين بنات لكن شكلي فعلا راح اتطلق صارلنا اكثر من اسبوع مايرد علي انا في بيت اهلي واهو كل ما ادق عليه مايرد حتى الماسينجر شكله معطيني بلوك واخواني كلموه وقال مايبيني ادري الغلط مني لكن فعلا محتاره ومادري شسوي جربت كل الطرق اني اكلمه ماكو فايده

 

[*سحآبة*]

رد : العيب فيني !!!

^

انتي للحين الظاهر متأثرة من اللي كنتي تعرفينه ابو الفلوس ..وراح عليج !

 

[أم قـمبر]

حرام عليج الريال يحبج وشاااريج
ومو مقصر معاج بشي
والله كسر خاطري
الله لا يغيره علييج بس جذي ممكن تطفشينه
شوفي حبيتي
انتي دامنج تزوجتي خلاااااااااص المفروض تنسيين كل شي صارقبل
كل شي كل شي بحياتج قبل الزواج المفروض تنسينه وينمحي من ذاكرتج
ويكون همج زوجج ووبس
ترى مالج الا هالزوج
ترى ما تلقين احسن منه
تمسكي فه وحبييبه وعطي الي يبي حتن لو غصب عليج
مع الوقت راح تتعدل نفسيتج وتحبينه

 

[أم حمد =)]

الله يهديج

 

[عادت ذكرياتي]

ما لج إلا الدعاء وحافظي عالأذكار
وربي يجمل ريلج يعيونج

 

[Ba$ko0oTa]

حرررام عليج والله
حررراااام
في نااااس مو محصله اللي انتي محصلته
حفظي ريلج وديري بالج عليه
انتي مافيج الا العافيه
بس اقري قرآن وارقي نفسج وبيتج
هذي نفس
ما صلت على النبي
وحرام تردين زوووجج
قدري مثل ما اهووو يقدرج
ولا تقصرين عليه بشي
ترى الريال بسرعه يزهق
الله يهديج

 

[نور عيني الغالي]

رد : العيب فيني !!!

طووووووول بالكم يا بنات كليتو البنت ........ البنت هالشي قصب عنها مو بأيدها ومو شرط عين بس الحالة النفسية لها دور
أولا أختي الغالية أنت تفكرين بالحمل واليهال وهذا الشي مضااااايقج حيل حاسة حياتج ما لها معنى وأكيد بتضايقين بس يا الغالية
أولا شيلي من بالج أنه ما يستاهلج لأنج لو مو طيبة وتحبينه جان ما عاملج هالمعاملة والحب واهو عارف بحالتج النفسية ومقدرها
جاولي تكسرين الروتين وتاخذين أجازة زوجية مثلا تروحين لهلج كم يوم لما ترتاحين .. او جددوا شهر العسل سافروا أو روحي عمرة وتقربي من الله أكثروتوكلي عليه وأن شاء الله ينكتبلج الحمال بالشهر الفضيل ويرزقكم في بيبي يملي حياتكم

 

[روح عاشقها]

يمكن عين
ارقي نفسج وزوجج بعد

 

[Tutti-Frutti]

رد : العيب فيني !!!

والله ما عرفنالكم انتو

اذا رياييلكم مو زينين تكتبون موضوع تتشكون منهم ومو عاجبكم
اذا رياييلكم زينين هم تتشكون

غيري من نفسج وتعدلي مع ريلج

ترى الريال بسرعه يمل
يصبر يصبر واخر شي يطق جبده

ويروح حق وحده تونسه وتفرفشه
الريال ما يحب المره النكديه اللي كله مالها خلق

تلاحقي على روحج لا يطير منج

 

[غرور وايل]

انتي من صجج !!!!!!!


يبا اقري ع نفسسسسسسسسج

يبا اذا تماديتي راح يدوور ع غيرج

البسي واكششخي وانتي رووحي له يااقلبي

 

[انصاريه قمره]

ماكوو حال يبقى على حاله ان تميتي بهالطريقه بيرووح من ايدج

 

[Petite]

حرام والله

انا اقول هاذي يمكن عين .. تعوذي من ابليس واقري سورة البقره والله يفك عوقج بهذا الشهر الفضيل

 

[over love]

مشكورين بنات لكن شكلي فعلا راح اتطلق صارلنا اكثر من اسبوع مايرد علي انا في بيت اهلي واهو كل ما ادق عليه مايرد حتى الماسينجر شكله معطيني بلوك واخواني كلموه وقال مايبيني ادري الغلط مني لكن فعلا محتاره ومادري شسوي جربت كل الطرق اني اكلمه ماكو فايده

حسافه ضيعتيه من ايدج

أدرى أن كان غصبن عليج هالشي بس هم كان المفروض تتداركين الموقف وتغيرين من نفسج الحين دشيتي بسالفه ثانيه عويصه !

عليج بالدعاء الدعاء الدعاء بصدق وأخلاص وعسى ربي يجمع شملكم ويصلح حالكم

 

[عـــمى عيووونك]

طيب شالفايدة اللي جاتج من اللي تحبينه ؟؟؟ يعني بس حبيتيه ع الفاضي لا تزوجج ولا شي... نصيحة من اخت ماتعرفج الله الله بزوجج وحطيه بعيونج ولا تفكرين تتخلين عنه ،،، وبعدين صديقتج هذي ماحطت العين على زوجج الا لمن شافت منج الضوء الاخضر انج عايفته هذي اللي تقولين عنها صديقتج بكرا لا خذت زوجج بتصير لج ألد الأعداء خاصة انج مقدمة زوجج لها على طبق من ذهب ،،، انتي بس اقري قرآن ولاتحرمين زوجج من حقوقه والله لو انج اللي تعاملينه معاملة زييييييينه وماتشوفين منه الا الحقران والله ان تشين نفسج فحطي نفسج مكانه ،،، الله يهديج

 

[moony89]

حبيبتي اقري على روحج المعوذات
و اقري الاذكار ... اذكار الصباح و المساء
و شغلي سورة البقره كل يوم بالغرفه
و ان شاالله ربي بيسر كل الامور
صدقيني هذي عين ماصلت على النبي !!