العيب فيني !!!

[روح مغليهآ]

الله يسخرج له ويهديج

 

[حكستار]

ليش تظلمين الريال؟ باجر بيخونج بسبب الحرمان وتاخذين ذنبه بعد. صفي النيه ولا تخلي الشيطان يضحك عليج

 

[Alia]

يعني شناطره ياخذ رفيجتج وتحلى بعينه ويخليج !!!! تعوذي من ابليس وارقي نفسج وبيتج ترى من طمع طبع

امررج غريب !؟ حبي ريلج وبادليه المشاعر وعطيه حقه بحب ومودة

 

[توفـــا]

حراااااااااااااااااااام عليج لا تقولين ما اقدر غصبي نفسج دامج تحبينه ماكو شي اسمه ما اقدر :\

 

[انا مو هني]

رد : العيب فيني !!!

امبي بليز شرايج نتبادل ازوااج

لا اتغشمر بس لان ادري اذا قلت جذي بتحترين وبتلزقين فيه
لو مكانج ما اقصر معاه ابشي

 

[اميرة-الاحجار]

لاتفكرين بهذاك ولاتحاتين موضوع الحمال انتي يمكن خايفه تنامين معاه وماتحملين وتتحبطين لا حبوبه خلج طبيعيه ولاتضيعين الريال من ايدج ترى مهما مسك روحه بيمل ومهما كان مو مقصر بييلج يوم وينقلب ساعتها بتصحين وبتحاولين تردينه مثل قبل وماراح ينفع
رقي نفسج يمكن صايبتج عين خصوصا ان هالشي صارلج بس من شهر يعني مو اول ماخذيتيه ..
حمدي ربج على زوجج ولاتخلين ارفيجاتج بتواجدون واهو بالبيت عيب حبوبه ..

 

[لجين]

رد : العيب فيني !!!

عفوا .. بس العياره اشلون صايره ..

 

[عيش و مرق]

كم عمرك ؟؟؟؟؟؟؟؟؟

 

[The Boutique]

رد : العيب فيني !!!

باجر لاتغير عليج ومل من سوالفج وشفتي الويه الثاني جد بتندمين ردي لعقلج وغصبي نفسج ترضينه ترى بيفلت منج لكل شي حد

 

[حجيه هيونه]

تعوذي من ابليس ومسكي بريلج وتسنعى معاه ترا ماراح يتم صابر طول عمره

واذا حاسه انج فيج شي مو طبيعي عندج آيات الرقية وماي مقري وهالسوالف


بس لا تقعدين ساكته وتخلين الوضع مثل ما اهو ترا راح يمل ويمكن يطلع منه ويه ثانيه ماتحبين تشوفينه

 

[حبيبي وبس]

والللللللللله ماعرفنالكم يالحريم مادري شنو الي تبونه بالضبط !!!!!!
اسمحيلي شوي على صراحتي بس لازم تصحين من الي انتي فيه
يعني انتي بنفسج تعترفين بكل الصفات الزييييييينه الي بريال ومومخلي عليج قاصر وعازج ورازج وحاطج بعيونه ومسكر عليج شنو الي تبينه اكثر عشان تحبينه وتعطينه ابسط حقوقه
اليوم بيسكت لانه طيب ويعزج وباجر بيسكت والي عقبه انزين لي متى عبالج بيسكت الريال ؟؟!!!
لاتخلين الطيبه الي فيه تقلب وتشوفين الويه الثاني ؟ لي راح وخربط برا تعالي لطمي وتبجبجي ليش خاني وليش وليش ؟؟
حبيبتي مسكي ريلج وتعوذي من ابليس هذي كلها وساوس شيطان وحرااااااام ال قاعده تسوينه لاتخلين ربج يغضب عليج الريال صاينج وانتي تقولين مادري شفيني ماحبه باجر تتحاسبين عند ربج شبتقولين ؟ اهوا ماقصر معاج بشي وبالمقابل لازم تبادلينه هالشي وخصوووووووصا بسالفة الفراش .. حاولي وضغطي على نفسج اول مره يمكن تستصعبين الشغله بس سويها عشانه وبعدها راح تلقين الشي طبيعي وانتي الي تروحيله ثاني مره
ليش التقكير واصل فيج لي درجة انج تتنازلين عن ريلج وشلووووووووون اصلا تخطر على بالج هالفكره
يعني راح تستانسين لمن يطلقج وتردين بيت اهلج وتقولين بقلبج اي انا ما استاهله هذا الحل بنظرج ؟؟
الحين بدال ما تقعدين بينج وبين نفسج وتشوفين شنو الي مضايقج ومكدر خاطرج وتحاولين تغيرين من نفسج عشانه تقولين افكر اهده ؟؟!!!!!

شوفي البنات بالمنتدى ماشالله عليييييييهم عيني عليهم بارده هب رييييييييح كل وحده تشيل وتحط حق هالريل وما خلواااااا لا يله حمرا ولا ورديه ولا خضرا الا وسووها ويتنافسون بهالافكار الحلوه الي صج الواحد يستفيد منها غير الهدايا والمفاجات وهالسنع
انتي توج ماكملتي حتى السنه وصاير فيج جذي ؟؟
ياحبيبتي انتي تعوذي من ابليس وحاولي تقرين سورة البقره كل يوم وشغليها بشقتج لمن ريلج مايكون بالبيت واذا طالعين هم خليها شغاله
وانشالله مااااااااااااكو الا كل خير
انتي للحين تعتبرين عروووووس استانسي بهالايام الحلوه عشان تذكرينها طول عمرج بالخير مو لي كبرتي بعد جم سنه تقولين انا لبيش كنت جذي وليش ماسويت جذي بس حزتها ماراح يفيد الكلام
وسوري يعني اذا تماديت شوي بالكلام بس عشان مصلحتج وبالنهايه هذا مجرد راي وانتي ابخص بحياتج وبريلج
والقرار بالاول والاخير لج انتي

اعجبني ردج:eh_s:

 

[المزيووووونه]

مشكورين على الردود والمساعده

 

[Sarooii]

الصراحة مادري شقولج .. امرج غريب .. انتي حاولي مع ريلج لا تقولين ماقدر و مالي خلق
و الله يهديج و يوفقج انشالله،،

 

[ام كوشه منكووشه]

رد : رد: العيب فيني !!!

شوفي حبيبتي

موضوعج فيه سببين

1_ كنتي تحبين واحد قبل

2_ماحملتي ليلحين

كونج كنتي تحبين واحد والله ماكتبلج نصيب وياه هذا يمكن ياثر على نفسيتج بس ليمتى ؟

انتي تزوجتي الحين والا ليش وافقتي وبلشتي ولد الناس معاج؟ ريلج ماينعاف فلا تضيعينه من ايدج ، اصلا اش تستفيدين من النكد والحزن والذكريات

ماراح تستفيدين شي غير انج بضيعين ريلج

وموضوع الحمال اهوة اللي مخليج حزينة ومالج خلق الجماع لانج تحسينه واجب مومتعة

تبين الحل ؟ قيام الليل صدقيني الله سبحانه راح يرزقج بالحمال خلال شهر اذا واظبتي على قيام الليل كل ليلة ودعيتي ربج وايد

وهم ادعي ربج وايد انه يحببج بريلج ويبعد عنكم الغيرة والحسد والمشاكل

وبالنسبة لغيرتج ترى عادي تختلف من مرة لي مرة

انا لو ريلي يكلم رفيجتي او اي وحدة جدامي بحدود الادب مااغار

وفي حريم لأ يقلبونها هوشة

نفس اللي بقواله والله يصلح الامور بينكم

 

[You FOR Me Only]

الله يهديج ويبعد عنكم عيون الحساد والحاقدين ،،،

 

[شذى الحب]

نصيحه شغلي قراان في بيتج سوره البقره كل يوووم

خصووصاا صوت احمد العجمي احس اني ارتاح لما اسمع صوته

 

[اشتياق]

لوووووووووووووووووووووووووول لجين <<

تبين واحد يصبحج بطراق وينومج بفنقر؟؟
تبين واحد عينه زايغه ومغازلجي ومايتم مرض مايحوشج؟؟
تبين واحد معاشه رايح عليه وعلى خرابيطه ويقولج صرفي على نفسج؟
والا واحد راعي سفرات طايح حظه؟
شرايج بواحد مايرد البيت وماتسمعين منه كلمه حلوه؟؟
والا مايطلب اصلا ينام معاج ولا يطل بويهج؟؟

عن العياره ماكو مره عاقله ترفض انسان بمواصفات زوجج وتحرمه ..


ماتبينه خليه للي تعرف قدره وتستاهله لان نمونته شبه منقرضه ..!

 

[جلاديلياس]

ارقي نفسج

 

[يا عيون سمي]

حبيبتي انا نفسج صارلي سنه وبدخل بسنه ال2 ما حملت انا زوجي يعايرني ويقط علي كلام قوي بس شنو اقول غير الحمدالله وصج كرهت زوجي ما اواطنه كلش اذا دخلت البيت تييني ضيقه بس شنو قمت اسوي اذا اهوا موجود احاول اني اشتغل عشان ما يطلب انام معاه رحت الحمام وانظفه ّّّّّّّّّّّّّّ على قولتهم احط حرتي بالحمام اخلص من الحمام اروح غرفتي النوم انظفها عدل مدل واعطره واشغل سورة البقره واطول عليها وانا اشتغل اتعوذ من ابليس وهذي حالتي من بعدها قمت اكبر بعينه


بس نصيحه لاتخسرين ريلج دام شاريج



وبعدين الدنيا اخذ وعطى

 

[المزيووووونه]

حبيبتي انا نفسج صارلي سنه وبدخل بسنه ال2 ما حملت انا زوجي يعايرني ويقط علي كلام قوي بس شنو اقول غير الحمدالله وصج كرهت زوجي ما اواطنه كلش اذا دخلت البيت تييني ضيقه بس شنو قمت اسوي اذا اهوا موجود احاول اني اشتغل عشان ما يطلب انام معاه رحت الحمام وانظفه ّّّّّّّّّّّّّّ على قولتهم احط حرتي بالحمام اخلص من الحمام اروح غرفتي النوم انظفها عدل مدل واعطره واشغل سورة البقره واطول عليها وانا اشتغل اتعوذ من ابليس وهذي حالتي من بعدها قمت اكبر بعينه


بس نصيحه لاتخسرين ريلج دام شاريج

الله يرزقج ويرزقنا يااااارب
والله حبيبتي ريلي لايقط كلام ولا شي ابدا بالعكس وايد رومانسي ما اقول الا الله كريم ويبعد عنا عيون هالحساد