العمليه القيصريه وتجربكم معا التخدير النصفي والكامل

[wafa82]

ودي اعررررررف بعد

 

[Tosta M7mSha]

اب
اب
اب
يلا بنات نبي بعد تجاربكم عفيه خل اعرف شنو الاحسن

 

[سهام بنت محمد]

ماكو وينكم سدحو لنه تجاربكم عفيه

 

[N0oNa]

نبي بعد تجارب بليييز

 

[NODA 2]

اكيد النصفي افضل سألي اي دكتور تخدير راح يقولج النصفي
ورفيجتي ممرضه دايم تقولي البنج الكامل احتمال البني ادم ما يقوم بس النصفي لاء عادي و لحظي الحين حتي عمليات التجميل قامت تصير في بنج نصفي

 

[really cat]

رفع بنات

نبي تجاربكم؟؟؟

 

[؛؛حلاوه؛؛]

انا ولدت بنج موضعي كل شي حلو

بس ضغطي نزل بعد الولادة وطول العملية ارجف

مادري من الخوف ولا من البنج

والحين حامل وبأذن الله باخذ بنج موضعي

 

[أتقهوى عذابك]

بنات انا بجريه وموعد عمليتي قرب لان الحوض عندي صغير
وخايفه وماادري شنو الطبخه شنو احسن الموضعي ولا الكامل
خصوصا اني خوافه حتى من الدرب يغمى علي واخاف
شنو تنصحوني فيه

 

[عيون ملكيه]

انا كامل لأني مستحيل اخلي احد يقصصني و انا قاعده

 

[عيون ملكيه]

اي و سالفة البرد و الرجفه صارت فيني
عادي

لمن يعطونج بنج

يردون يشممونج دوا ثاني يشيل اثر البنج

و اهو اللي يسبب الرجفه و الاحساس بالبرد


الله يعين انا كنت اصرخ و اقول برد و ضروسي تطقطق

 

[بـ سـ كـ وتـ ة]

آنا ما جربت البنج الكامل خذيت إبرة الظهر

والحمدلله كانت زينة ما حسيت بشي

سبحان الله أحس بالحرارة وأحس باللمس بس ما أحس بالألم كنت

 

[الاخلاص]

بنات ودي اخذ ابرة الظهر لعمليتي بسسسسسسس خوافه اخاااااف من اني احس او مايقدرون يزيدون الجرعه او يدش بالابرة دم

 

[ريتال 85]

انا توني والده قيصريه ابره ظهر بصراحه
اختراع عجيب الله يجزاهم خير انا ماا احب اكوون مغيبه
عن الوعي ومادري شالسالفه لا واعيه وتكلمني الدكتوره
ودكتور البنج فوق راسي وكل الحمدلله علا مايرام
ووروني البيبي لما طلع يعني احسن
بس الحين صارلي اربع شهور احس برجلي ثقيله
يعني اذا بغيت اركض ما اقدر ويقولون هالشي يتلاشى
مع الوقت

 

[اريام22]

انـاا بولادتي اهذت كامل واقعد ڼ البنج تعبانه وابجي وخايفه والكحه تستمر معآٱج اما الموضعي عٱآإدديے ماتحسين بكل هًـţђįşـڎٱ كلنج نمتي وقعدتي يحطون لج شي يخدرح وقتها تنامين وتقعدين

اعتقد الموضعي احسن للصحه العامه بعد العمليه

 

[مــتــنــحــة]

اب

اب

اب

 

[haninoooo]

انا تخصص قيصريات ههههه كل ولاداتي كانت قيصريات
اول ولادتين كان بنج كامل كنت ما اصحي من البنج الا ثاني يوم ولا اشوف الياهل الا ثاني يوم ومن اصحي من البنج احس بدووخه تروح وترد علي وراسي يصدع ومالي خلق احد وطبعا تعالي سمعي الخرافات والسوالف اللي اسولفها وانا امبنجه ماكنت احس كنت اخربط بالحجي ولما اصحصح اهلي يقولولي البلاوي​

اما ابرة الظهر احساس مو حلووو كلش احساس وشعور نفسي صراحه كنت احس شلون يشق البطن واحس بايد الدكتور بس طبعا بدون عوار صراحه ماحبيت هالاحساس كلش واييج عوار من يخف البنج خلاص تبتدين اتحسين بكل شي
وبكلا الحالتين سواء بنج كامل او ابرة ظهر لازم اتحسين ببروده بالجسم وبريولج وسبحان الله ماتتسلط الكحه والنشله والعطسه الا بعد العمليه وااااي كنت اكره هالشي​

طبعا البنج الكامل كل ماكثرتي منه كل ماكانت سلبياته اكثر وتاثيراته اكثر وراح اتحسين فيها بعد جم سنه واقل مثال النسيان ​

طبعا ابرة الظهر وايد احسن من الكامل يكفي من يولد البيبي اتشوفينه علي طول ودكتور البنج فوق راسج ويسولف معاج وصج اييج عوار بالريول ولاازم وشرط ان الريول لازم تتحرك من بعد العمليه لان يخافون اذا ماتحركت الريول

والحين حامل و ولادتي ان شاءالله قيصريه الله يتمم علي كل حامل يارب​

 

[شونغ هونغ]

انا جربته لاني خايفه من الكامل وخايفه اهلوس وافضح نفسي ههههههه صراحه البنج النصفي روووعه بس عيبه حسيت برد قوووووووووي وماحسيت برجلي الا بعد يوووم بس لامانه بكيت في غرفه العمليات خفت

 

[MzOoOn 22]

واي الله المستعان عسسسئ الله يرزقنآ بالطبيعي ياااا اكرم الكرمين ����

 

[رويال ديزاين]

انا جربت التخدير العام قيصريه 4 مرات


ما اتخيل نفسي مخدره نص جسمي


خوف خوف

بس ترا انا بالقيصريات دايما اتخيل نفسي بنام و ما اقوم من العمليه

يعني دايما يصير فيني هالاحساس اتشهد و اكون في حاله من الخوف النفسي ان بناتي ما راح اشوفهم

بس بعدين فجاه احس ببرووووووده قويه و اقعد اصارخ بقووووه

و انادي ما ادري منووووووو

و اقول برد برد


لمن ارجع انام مره ثانيه و بعدها اقدر اصحصح


و كل مره اقول ما ابي تخدير كامل بس انا خوافه اشلون يطقن ابره بظهري و بعدين اشوف كل شي لايف ...


ياريت البنات يحطون تجاربهم مع اسامي دكاترة التخدير الزينين اللي جربوهم


وشكرا

 

[الاخلاص]

وااااااي عمليتي عقب باجر شنو اختار البنج