العلوم الاجتماعية

[Mshtgtlkmoot]

السلام عليكم
بنااااات عفية انا سمعت عن العلوم الاجتماعية ويمدحونها بس عطووني خلفية عنها عن الوظائف بعد التخرج غير مدرسة أنا ما ابي تدريــــــــــــس والراتب كم يوصل ؟؟؟؟؟ عفية لا طولون علي لانه تسجيلي عقب باجر!

 

[&شواقة الكويت&]

up up up

حبيبتي ليتج تنقلين الموضوع حق قسم طالبات الجامعه والتطبيقي عشان يفيدونا اكثر

 

[Mshtgtlkmoot]

اوكي يسلمووو

 

[حـوريـه]

هلا بزميلتي المستقبليه لووول

شوفي ياطويلة العمر
اول شي التخصصات اللي موجوده "
1- علم نفس
2-علم اجتماع وخدمة اجتماعية
3- جغرافيا
4- علوم سياسية
5- قسم المكتبات والمعلومات > بس يجي مساند اذا تبينه



علم النفس تقدرين تشتغلين في :

وزارة التربية -> بالتربية نفسها
وزارة الشوؤن
وزارة الصحه
وزارة الداخليه
وزارة الاعلام
ادارة العلاقات العامه "بكل الوزارات والمؤسسات"
ادارة تطوير الموارد البشرية "بالبنوك والشركات والمؤسسات"
مجلس الوزراء "ادارة البحوث الاجتماعية والجنائية"
الديوان الاميري"مكتب الانماء الاجتماعي"


الجغرافيا :

التدريس"أبله"
البلديه " قسم الخرائط والمساحة+ادارة التنظيم+ادارة التخطيط الهيكلي"
وزارة الماليه "املاك الدوله"
الطيران المدني"الارصاد الجوية"
وزارة الدفاع"المساحة العسكريه"
وزارة التخطيط
وزارة الاعلام
معهد الكويت للابحاث العلميه


علم الاجتماع والخدمة الاجتماعية :

اخصائية اجتماعية في المستشفيات + المدراس + السجون + الشركات
جمعيات التنمية
الهيئات العامة
وزارة الشؤون
ادارة البحوث والتخطيط
دار الرعاية ، المسنين ، المعاقين
باحثة اجتماعية


العلوم السياسية :

وزارة الخارجية
وزراة الاعلام "الاخبار + الاعلام الخارجي"
الديوان الاميري
ديوان سمو ولي العهد
ديوان رئيس مجلس الوزاء
كونا
مجلس الامه
ادارة العلاقات الدولية في الوزارت والمؤسسات
القطاعات الخاصه"البنوك+الشركات"


يعني لما تختارين تخصص انتي تميلين له .. اخذي معاه مساند يضمن لج وظايف أكثر
لان الديوان لما يوظف يشوف المساند اذا في اكتفاء
او المساند يتيح لج فرص احسن عرفتي
وبالتوفيق

وانا محتارة ودي علم نفس مساند علم اجتماع اضرب عصفورين بحجر
اقدر اصير اخصائية نفسيه+ابله+باحثة اجتماعية+بالوزارات ..الخ


واذا راح اتسجلين قوليلي اعطيج اسامي دكاترة زينين سألت ولقيت
وترى الاجتماعية الكل يقول غيييير
يعني ترى اللي نسبهم عاليه كذلك يدشونها ياحلووها :$

 

[Miss-Madry]

حوريه

انا بعد يمكن اكوون زميلتكم المستقبليه

قوليلي اسامس الدكاتره ..

 

[نــوره]

اي والله عطينا اسامي الدكاتره ..|~