العلاج في لندن

[MewMew]

السلام عليكم

بنات حبيت استفسر بخصوص العلاج على وزارة الصحة
شلون نحجز التذاكر ؟ وهل احنا ندفع ؟ شلون الطريقه
واول ما نوصل هناك متى يعطونا المخصصات ؟ وجم باليوم ؟
هل ناخذ فلوس زياده ؟ بالنسبه لشخصين و طفل
وشكرا

 

[أميرة-]

حبيبتي انتوا رايحين على وزارة الصحة ؟

التذاكر انتوا تروحون الخطوط تدورون حجز بس التذاكر مو عليكم اهما يدفعونها

المخصصات يعطونكم اسبوعيه من تاريخ روحتكم تستلمونها من المكتب الصحي حسب علمي والله ناسيه بس اتذكر راجعنا البنك اما كانوا معطينا نفس التشيك او شي جذي وين الكلام هذا قبل 6 سنين تقريبا

وماتشووفون شر

 

[رااحتي قربك*_^]

هلا حبيبتي انا علاج مع بنتي بس انا على الدفاع وااتوقع نفس شي انا اخذ للمريض والمرافقين يعني كلنا بالاسبوع لشخص الواحد 1400 باوند بس جنه الصحه اكثر من الدفاع

 

[كوكا ليان]

وعليكم السلام اختي
1.شلون نحجز التذاكر .. تحجزين عن طريق الكويتيه حق المريض والمرافقين
بموجب كتاب من العلاج بالخارج ..
2. وهل احنا ندفع ... لاماتدفعين نفس ماقلت لج بموجب كتاب من العلاج بالخارج يصدرون لج تذكر عن طريق الكويتيه ببلاش المريض مع المرافقين ..
3. شلون الطريقه واول ما نوصل هناك متى يعطونا المخصصات ؟
اول ماتوصلين لندن من باجر تروحين المكتب الصحي واتعلمينهم انج وصلتي وبعدها بيومين يقولون لج تروحين تستلمين المبلغ من البنك ويعطونج ورقه لاستلام المبلغ .
4. وجم باليوم هل ناخذ فلوس زياده ؟ بالنسبه لشخصين و طفل.
المبلغ لشخص 100 دينار يعني باليوم انتو الثلاثه 300 دينار يعني بالشهر 9 الاف دينار
واهناك يعطونكم بالاسبوع 4700 باوند
يعني يوميت الشخص بالباوند 225 باوند ؟
انصحج تاخذين فلوس وانتي جايه لندن لاان المخصصات يعطونج بعدماتوصلين بيومين او 4 ايام
واتمنى اني فدتج اختي واي استفسار انا حاضره لج
وعسى ربي يشفي مريضكم ويعافيه وترجعون بالسلامه
اي استفساره حابه اتعرفين كلميني