العلاج في لندن

[MewMew]

السلام عليكم بنات
حابة استفسر عن جم شغله بخصوص العلاج في لندن
خالتي بتروح مع ولدها قريب خلال هالجم شهر
ماحددو للحين
بغيت اسال شنو افضل مكان للسكن قرب مستشفى جريت ارموند
من ناحية النظافة و السعر
وشلون الجو عندهم من شهر 3 و بعده
وشلون عالاكل غالي ولا تاخذ معاها
والمترجم شلون
وجم يبيلها تاخذ معاهد مصروف
والمواصلات
بليز ساعدونا خالتي اول مرة تروح وخايفه
ادعولنا

 

[MewMew]

لا حول و لا قوة إلا بالله العلي العظيم

 

[محبه الهآشمي]

بخصوص الاكل تاخذ معاها معلبات فول وجذي واشياء ماتخترب احسن .. لان الطبخ ارخص من انها تشتري من برا ..
الجو بارد اكيد لازم تتدفى جاكيتات وجي ..
المواصلات تسوي لها بطاقه للباص ارخص لها من التكاسي والله


نحن من الامارات والمترجم توفره لنا الدوله مع السكن اذا حابين وممكن نسكن برا لو حابين بعد عادي ..

والله يشفي ولدها ويقر عينكم بسلامته يارب

 

[MewMew]

شكرا حبيبتي
ويليت الخوات الي راحوا للعلاج من الكويت يساعدونا

 

[ياهم لدي رب]

حبيبتي بنت عمي راحت لالمانيا مو لندن على تكلفتها مو تكلفة الدوله وكان عند عمي صديق عنده شقه واسكونها ببلاش ومع ذلك تكلفوا حيل حيل بسبب العلاج والاكل لذلك لازم معاها ضربه احتياط لانها بغربه

فيه عضوه اهنيه اسمها بنت النوخذه(ما ادري التاء مربوطه ام هاء) عندها خبره بلندن ماشاء الله عليها وماتقصر خلوقه وتساعد حاولي تبحثين عن نك نيمها بقوقل وواصليها

 

[ام حنااين]

السكن اخذو شقة افضل من الفنادق عن طريق مكاتب متوفرة هناك رايي من النت حجزو اسبوع فندق وهناك براحتهم يدورون شقة

الجو بشهر 3يظل بارد وعقبه يخف البرد لكن تظل لازم معاها جاكيت دايما حتى بعز الصيف وهناك اللبس متوفر اذا مالحقت ترتب امورها

المواصلات مثل ماقالو البنات الاويستر للمترو والباصات افضل اما اذا تنقلاتهم محدودة يظلون عالتاكسي

المترجم روحو المكتب الصحى وطلبو منهم ارقام مترجمين

المعيشة غالية في لندن خاصة بالسنتر اذا شخصين سهالات ان شاء الله كل شي متوفر لكن عموما الناس تاخذ معاها معلبات بسفرات العلاج مثل الفول والمكرونة والشاي والقهوة اشياء من هالنوع

الله يشفيها يارب

 

[MewMew]

شكرا على المعلومات