العطور شسالفتها شابه نار ... شصاير بالدنيا

[د.شريفة]

السلام عليكم بنات انا متعوده في رمضان اروح اخذلي عطرين ثلاثه يعني للعيد بين المحارم طبعا مو حق بره علشان مايصير علي ذنب

بنات خذيت لي نينا ريتشي ريتشي ريتشي



وخذيت لي لانكوم ميركال ما استغنى عنها مع البخور روعه بس شصاير انا متعوده اخذ الكبيره ب28 دينار انصدمت انها ب 39 دينار صايره ليش




وعطر الور بالخمسينات ليش شصاير بالدنيا ليش الاسعار جذي شابه نار ...؟؟؟

 

[حور العيون]

رد : العطور شسالفتها شابه نار ... شصاير بالدنيا

عليييج بالعافيه ياقلبي

 

[د.شريفة]

رد : العطور شسالفتها شابه نار ... شصاير بالدنيا

الله يعافيج حبيبتي

 

[bobo lover]

بالعافية إن شاءالله
والله صاجة كل شي غلا
أنا أشتري 50 مللي و مرات عطورات التعبئة اللي على دينارين أو دينار و نص بالمباركية و ماكو فرق وايد بس طبعا الأصلي لا يعلى عليه.

 

[بعثرة محبره]

فعلآ انا ملاحظه هالشي ...

 

[googoosh]

اي حتى فلاور بومب اللي احبه من شي و 30 صار بخمسين .. شدعوه .. يعني المشكله الفرق مو دينار و لا دينارين .. يشطحون بالسعر لوول ..
و عليج بالعافيه مشترياتج ..

 

[جوري 2007]

وييييييييييي يامعودة كل شي غالي

انت شايفة المكياج اشلون ناااار تدخلين المحل تاخذينلج جم شغلة

تلاقين روحج قاطة مواقل من 50

بس اختياراتج موفقة

 

[د.شريفة]

رد : العطور شسالفتها شابه نار ... شصاير بالدنيا

اي بس بعرف ليش جذي يعني شنو صاير فجأه
يعني يزيد دينارين ثلاثه مو جذي
يالله الله يعيين
تقولووون بورصه

 

[so_what]

العطور والميكب وايد زايدين اسعارهم يبيلهم ميزانه خاصه فيهم ، لان احنا طبعا راح نشتري من جذي يزيدون و لا هامهم شي :0bee2e8d89:

 

[شوشو العنزي]

شدعوه عليهم قطيعه كلشي نار
ما ادري ما رحتي شريتي من السرداب اللي بالعارضيه اتوقع بيطلع ارخص بواايد

 

[انصاريه قمره]

حبيبتي اي سرداب بالعارضيه وشيبيعوووون ؟؟ممكن تدليناا

 

[شوشو العنزي]

حبيبتي اي سرداب بالعارضيه وشيبيعوووون ؟؟ممكن تدليناا

هلا حبيبتي مكانه للي يبي يروحله : الدائري الخامس تاخذ إشارة الجسر الي عند الأفنيوز يسار وبعدين أول لفه يمين وبعدين اييك تقاطع تاخذه يسار وبعدين أول لفه يمين يصير على يسارك ..
مكتوب عليه لوحه ” معرض البدور للعطورات

 

[د.شريفة]

رد : العطور شسالفتها شابه نار ... شصاير بالدنيا

تقصدين البدور مادري اخاف تقليد مو اصلي

 

[شـهـرزاد]

رد : العطور شسالفتها شابه نار ... شصاير بالدنيا

عليج بالعافيه حبيبتي .. الظاهر عشااان العيد شسوي برقعلهم بس كلش مايترقعون

 

[foshia girl]

رد : العطور شسالفتها شابه نار ... شصاير بالدنيا

واااي من صجهم ليش جذي

وعليج بالف عافيه ياقلبي تتهنين فيهم

 

[ام عفاف الكويت]

العطور صارت نار وشرار اعوذ بالله
في عطور واصله 70
ومرشات واصله 20 الجزيره
بس الواحد لازم يجرب
انا اروح اشم عشان اقارن الزيت اللى عندي
بس لما اسأل من السعر انصدم اتذكره قبل فتره مثلا ديور بيور بويزن كان ب 23 اول مابدأ بعدين 26 بعدين 28 الحين 32
وووووووواي ذهب مو عطر
الله لايخسر

 

[law love]

اشششدعوه شصااير بالدنيا
انا الصراحه ما اشتري واايد عطور الاغلب هدايا
بس نصيحه
اشتري من مراكز تجميل الجمعيات او المطارات اذا سافرتي
وعندج بعد محل الماسه مضمون اصلي و صججج ارخص يقرق معاج

 

[أدعج غنج]

رد : العطور شسالفتها شابه نار ... شصاير بالدنيا

تتهنين بعطورج يا عمري
والله الغلا عندنا وعندكم يا وخيتي ..فعلا شي مو طبيعي !! الظاهر الازمه القتصاديه اللي مأثره بأسواقهم يبون يعوظونها بأسواقنا ومن جيوبنا ...لان اسعار العطور برا ارخص من هني !!! فتسلطوا علينا نحن الشرايه

 

[مزيونه الحربي]

دكتورتنا الحلوة لو تشوفيثن اسعار العطور في لوندن منزلات عطور جديدة مو نازلتن بالخليش ابد واسعارها اقل شين 250 جنيه يعني شين ما صار بس للامانه عطور تدوووووووووخ ابو الشباب

وتتهنين بعطورش قلب :ggdw:

 

[جوك احلى جو]

معقوله ؟؟؟؟؟؟؟؟؟؟؟؟؟؟؟؟؟؟ انا شاريه لانكوم العود توني بامريكا وايد ارخص صدمتيني حددددددددددددددددددج