العرض مغري ،، بس توافقين عليه ولا لأ ؟؟

[قلبي سلومي]

شوفي تنفع بشغلة وحدة


طبعا ادوام كل يوم

بس لمن اتعباو احمل تنفعني حيييل

 

[tmtmt]

اسأل فيها
اذا حرام طبعا لا من تفكير لا انا ولا اهوا بنرضى

اذا مو حرام على اساس المدير يدري وهالسوالف
راح ارضى يمكن

 

[حبيبه بدر]

بصراحة حبيبتي لا بتكون فلوس حرام والله يغنينا عن الحرام اعيش بفقر ولا اكل والبس من فلوس حرام اعوذ بالله

والي يسوون هالشي عسى الله يهديهم تراهم ياخذون فلوس مو من حقهم . وراح يتحاسبون عليها فلس فلس وشلون رضوا يقبلونها .. الله يجيرنا بس

 

[قــل مـا تـشـاء]

استفسر من شيخ إذا السالفة جايزة والا لا
وثاني شي آخذ استخارة ,,

 

[انصاريه قمره]

اهو العرض حلوو
بس حراام لاني اخذ اموال بدون وجه حق فديتج

 

[نجاة80]

انا ماعرف شنو الحكم ... بس لاتستهينين الحرام ...

وبعدين يقول المثل .. اقعد على مينونك لا اييك اين منه ... يمكن المسئول يطلع حجر وتتوهقين وتتدبسين ...

مافي شي مايتغير صح .. يمكن يتقبس حظج من ادشين المكان اليديد

 

[Queenleo]

مو جنها حرام الا اكيد
واذا الكل يسووويها يعني اذا العمووم بااق نرووح نبووق
وايد ناس تشتكي ان تدعي ووتدعي والله مايستجيب وان فلوسهم مافيها بركه
ياربي شلون ربي يستجيب وويطرح البركه واكلهم ولبسهم وعيشتهم حرام

 

[حبـ admant ـك]

امممم
شوفي اذا متضايقه وايد من الشغل ومأثر على نفسيتي
اغير الشغل و اروح هالمكان اللي قاله زوجي
لكن بشرط اني اقعد واشتغل ما ابصم واطلع

 

[love love]

شوفي اذا حديييييييي متازمه

بقوله اوكي بوافق بشرط مابي ابصم وارد بقعد حتى لو مالي شغل وبس اصور اوراق بس احلل وجودي

وترا صارت فيني شخصيا دوامي زففففففففففففت حشاج وقالولي عن شركات بس اسم ومعاش ينزلي ماوافقت
مادري مستحرمته واقول انام مظلومه من دوامي ولا انام ظالمه ههههههه

 

[opera]

الكل بيقولج حرام

عيل اللي مايداومون منو ؟؟؟؟

هللي يروحون الصبح يوقعون ويرجعون البيت وينهم ؟؟؟

 

[المتميزة@80]

لا طبعا ما راح اوافق لانها فلوس حرام , والله يغنينا من حلاله عن حرامه

عاد تصدقين ياني نفس العرض والله رفضت

 

[opera]

الحين في وااايد اماكن جذي عندهم فائض بالموظفين بس شغل ماكو .. مكاتب ماكوو ..

والحكومه تدري انه الوضع جذي وراضين وقاعدين يوظفون بزياده بعد ..

يعني الحين معقوله مايدرون عن هالشي !!

 

[om al ghaleen]

يمكن انا آوافق ايه بس ريلي مستحيل
مره فتحت موضوع دعم العماله وقالي سكريه
قالي هالشي حرام مع اني اشووف احسن من اني اشتغل واخلي عيالي
ع الخدم .. "

\\

 

[أمواج البحر]

فعلا يتني هالفرصه

بس طبعا حرام

والله يغني بحلاله عن حرامه

المشكله يا مي مو اهني

المشكله هالفئه اللي قلتي عنها

تطق كرتها بداية وتطلع وما تيي الا نهايه الدوام عشان تطق الكرت

واخر الشهر تقولج بالحرف الواحد (قطيعه المعاش مافيه بركه)

والله شر البليه ما يضحك

شلون تبين الله يبارك لج في معاشج وانتي ماتشتغلين من الاساس وما تحللين معاشج

 

[غارقة بأحزانها]

جنج تدرين اني مليت من دوامي بس غاصة

بالنسبه لهالعرض زوجي يتمناه ويرضى
بس انا راح استحرم

وزوجي عارض علي عرض ثاني ان يمشيلي معاش بس مادري جم + سيارة+ خدامة
=
اقعد بالبيت وما اشتغل واجابل البيت واليهال
شرايكم؟؟
انا رفضت طبعا​

 

[wafa82]

الواحد حلو يحلل معاشه مدري بس احسها حرام ويسلمو مي

 

[Tom ♥ Jerry]

.

بيني و بينج السالفه حلوه وآيد .. بس حرآم !
لوول لو مو حرآم جآن عآآآآآآآآآآآآدي

 

[اميره1980]

اكيييييييييييييد انقل و من قلب

طبعا اروح الدوام و ابصم و اقعد فترة و اشتغل شغلي البسيط و اطلع بموافقة مسئولي يعني انا مداومة مو فلوس حرام و اذا طلعت مسئولي راضي
على الاقل اليوم اللي فعلا ما اقدر اداوم فيه كيفي مو نفس دوامي الحالي قطييييييييييييييعة تحقيق على اي غياب

 

[صمت المرافئ]

" اللهم اغننا بحلالك عن حرامك وبفضلك عمن سواك "

عسى الله لا يدخل جوفي ولا بيتي حرام
وعسى يبارك لي عملي بالحلال ويرزقني بالحلال ويبارك لي فيه

​

 

[واثقة بجمالها]

لا حرام وكل جسد نمى من السحت النار اولى به

الله يكفينا بحلاله ويغنينا عن حرامه