العربيد والحمراء مول شنو اجهز منه يا بنات حق اختي العروسه فيدوني بارك الله فيكم

[قمر 777]

بنات اختي عروسه شنو اجهز لها من العربيد والحمراء مووووووووول؟؟؟؟

كتبولي احلى المحلات فيهم لاني ماعرف فيهم شي وابي لها شغلات حلوه بهالسوقين؟

 

[عذبة السجآيآ]

الف مبروك حبيبتي والله يوفقها ان شاءالله

امممممم شوفي حبيبتي,, بالعربيد بلازا فيه محلات القمصان النوم وخصوصا تحت بالسرداب ذربين وحلوين

وعندج محلات الساعات اللي فيه روعه تاخذين اللي من 30 ل100 حق الطلعات العاديه

وفيه القرشي تاخذين منه العطور والمسك والبخور وفيه شارمل حق اللمعات والاضاءه روعه


اما الحمرا مول ,,

فيه محل بجايم فوق بالدور الثاني الكل يمدحه,,

وفيه محل تحت بالسرداب حلو فيه الجناط والصنادل

وفيه بعد الكشكات تحت فيه سوالف حلوه مثل شموع واكسسوارات

وفيه عبي تحت بالسرداب ودراريع جاهزه


وان شاءالله قدرت افيدج بشي

 

[الغدق]

عندج محلات الاكسسوارات العادية
حدهم حلوين محل موجود تحت اسمه سارا جنه
وعنده عد ملافع ملونه عجيبين انا خذيت منه
جنه بالحمرا مول مادري انا اخربط بينهم
ايه وعندج بعد فوق في محلات حق نفانيف عروس اكو محل اسمه
الماسة جنه او شي جذي المحل كبير في نفانيف عروس
وفي بعد دراريع كشخة ونظامهم ينزلون بالشهر دراعتين او ثلاث
واسعارهم حلوة بحدود ال50 لو اتشوفينها اتقولين شغل حريم
وفي هم محلات الساعات

وبالتووووفيـــــق

 

[إبتسامي دمع]

البنات ما قصروا وإنتي شوفي إلي يناسبج

 

[amami al-kuwai]

في عندج زهور الريف وهم محل للعبي بواحد منهم مو متأكده

وهم نوران للاكسسوارات والملافع

في محل بالعربيد على طريق الباب من ورا عجييييب البدل فيه

والمحلات بالمجمعين حلوه

موفقه

 

[المـــــها]

العربيد بلازا
محل المنصور للمكياج
زهور الريف و بودي سنتر
محل مكياج الدور الأرضي مو ذاكره اسمه بس شدواته و لمعاته و الحمر و الأصباغ كل شي عجييييب عنده اللي بصفة ريفا و اكسجين
نفانيف لشقتها تجنن شغلاتهم
عبايات الفيصلية
القرشي



الحمرامول
محل فخري كارمينش اللي بالدور الثاني للبجايم روووووووووووعه و رخيص بعد
بنفس الدور محلات لانجري حيل حلوه





ملاحظة
تلقين بمجمع الامتياز أو الموعد اللي يم الحمرامول و العربيد بلازا ... تلقين محل عروس البحر و محل لمسة فن
شوفي شغلاتهم عجيبة


و أعتقد إن ما خاب ظني تلاقين الركن الفرنسي


و إذا تبين بعد روحي المغاتير فيه صيدلية بوتس تجنن لشغلات الجسم من معطرات ولوشنز و شور جل و الميك أب


و هم عندهم لاسنزا






و سلامتج
أتمنى إني أفدتج


و أتمنى تدعينلي حبيبتي
و ربي يوفق عروسكم
آمين

 

[الليدي...عمشه]

رد : العربيد والحمراء مول شنو اجهز منه يا بنات حق اختي العروسه فيدوني بارك الله فيك

كفوا ووفوا

 

[BeNt PaRiS]

يعطيكم العافيه كلكم ...

اللي سوت الموضوع و اللي ردت ...

لان مااعررف للفروانيه عدل ...

فدتووووني ...

عسى الله يوفقكم كلكم !!

 

[ملح الدنيا فيني]

عسى الله يوفقكم كلكم !!

 

[غلاتي غلا]

عسى الله يوفقكم

 

[قلبهـ 86]

اب اب

 

[a7la siorah]

ماقصروا البنات

 

[*امووونه*]

ما قصرروا البنات كفوا وفوا

 

[نورعيونك]

عندج العربيد فيه محلات البدل تقدر تاخذ جم بلوزه حق الشقه وفي محلات عندهم نفانيف حلوووه حيل ومحلات قمصان النوم كلهم راقي شغلهم وحلو تاخذ القمصان و طقم روب الحمام وفي القرشي واجمل وجم محلات عطورات وفوق في محل جواتى شغه حيل حلو وعندج زهور الريف ومحل نفسه بس مادرى شسمه اللوشنات عنده حلوين ونوران ومحلات اكسسوارات وملافع ملونه الحمرا مول قميص اول يوم عندهم حيل حلويييين ومحل البجايم فوق حيل حلو

 

[عزوتي طنايا]

اب اب

 

[حبج يا يمه بدمي]

عندج بالحمرا مول بسرداب محل قمصان نوم اسمه الدبلماسيه
وعندج بعد مترو حيل حلوين بجايهم تجيهم شورت بس كامل مع البلوزه جنها مالت البيبي نسيت اسم هالمديل بس ان شاءالله فهمتيني

 

[ملح الدنيا فيني]

اب اب

 

[el7oor el3in]

حياتي بالتوفيق أنشالله انا بعد عقب جم شهر أبي أدش القفص الذهبي وحدي متوهجه رح أدلج على أماكن أنا شريتها منها وأنشالله تلاقين فيهم اللي يراضيج ويناسبج في محل بلحمرا مول والعربيد أسمو ميزون دو سنتور انا شريت منه عطورات وبدي لوشن وشور جل وفي عنده بعد مجموعة مكونه من زبدة الجسم وزبدة الشفاه وأسبريه حق الجسم وبعد بودر وبلسم حج الأيد ريحتهم وطعمهم مو صج هذا انا خاشته حق العرس واخدت بعد طقم شموع لونه ذهبي يهبل ،
وفي بالحمرا مول بعد محل حق الملابس يهبل أسمو تالا وبعد فيه أورنج عندهم ملابس تجنن ورح تعجبكم أنشالله وحج الاكسسوارت انا شريت من لوزان حده حلو وفي تاج يسمونه تاج العروس بس كثير حلو حتى حج الطلعات وأنشالله بالتوفيق يالغاليه اللهم أمين :eh_s(7)::eh_s(17)::eh_s(7):

 

[معلمة شيسمونه]

غير اللي قالوه البنات

كللللللللللللللللللللللللللللللله

في عندج بالحمرا مول

محلات اكسسوارات بالنسبة لي روعه

بهالترتيب لوذان بالمركز الأول بالرقي-------------- عنده تنزيلات وروحي شوفي خواتمه جنهم الماس
وراه سارا ------------------------------ عنده اكسسوارات ذربه وغريبه بس غاليه شوي
وراه توب شيك------------------------------ مسوي تنزيلات من قلب الاكسسوارات الغاليه ببلاش صايري
وراه نوران---------------------------------- من زمان ما دشيته لاني حبيت المحلات اللي فوق اكثر

تقريبا خلصت اكسسوارات كلهم من هذول حتى الاطقم تلاقين بلوذان وتوب شيك فناتق اطقم

هذول كلهم بالحمرا مول

عندج بالطابق الثاني محل ستوكات ان لوف تخيلي الليقنز على دينار اخذتهم منه ولما شلت لصقة السعر لقيتهم كانوا يبناعون بان لوف على 8 دنانير والله
واخذت نفنوف بعد للبيت ب 5 دنانير الا ربع
وشلت اللصقه لقيت سعرها 17 دينار تنباع بان لوف

بس شنووووووووووووووووووووووو لازم تفلينهم تفلي يالله تحصلين من بين الستوكات

في بالسرداب
محلات جواتي تكرمين البرنس وشو بوكس
تحصلين الفلاتات حلوين وعليهم تنزيلات

في محل قمصان نوم اسمه لا روج عنده شغلات تهبببببببببببببببببببببببببببببببببببببببببببببببل وبجايم راقيه حيل حيل
ومسوين تنزيلات بعد حلوه

عندج بالطابق الارضي الجناح الاخضر ملابسه وايد راقيه بس الحين علشان التنزيلات ناطر ييصيفي ما باقي عنده وايد اشياء
بس شغله وايد وايد ذررررررررررررررررب

وعنده بعد ملابس الاعراس فوق

اممممممممممممممممم ذكرت بالسرداب تلاقين اكشاك فيها اكسسوارات وشنط فيه تحصلين جم شغله

هذا اللي مر علي بالحمرا مول الاسبوع اللي طاف كنت اقز هناك علشان قريب عند شغلي
​

 

[قاهره عذالي]

العربيد محلات الدراريع وخياطين الدراريع خل تشتري جم دراعه ناعمه للحموله تقريبا 10 خل تفصل و4 فخمين
الحمرا مول عندج خل تشتري البدلات الحلوه اللي نفس حق العي عدد 4 الى 6
للتنويع حق المناسبات وفي محلات شكثر للعطور للملابس الداخليه للقمصان للمكياج