العرايس اللي ماشافوا ازواجهم ولا حاجوهم تعالوا بسالكم

[»мя3σσsħa«]

السلام عليكم

شلونكم يا احلى عرايس .. وشلون التجهيز ؟



بنات انا عرسي بشهر 3 وبصراحه حدي خايفه زوجي لا اعرفه ولا كلمته ولاكلمني ولا حتى شافني بس آنا شفت صورته
بصراحه خايفه من اليوم اللي بشوفه فيه ..

شقولكم بنات احساس مو طبيعي ... انا مصليه الاستخاره ومرتاحه لما ملجت واهله خوش ناس بس اهو ماشافني
دايم اقول خاف اهله معطينه وصف غير عن وصفي .. موت خايفه .. كنت اتمنى لو انه شايفني ويكلمني ع الاقل اكون مرتاحه بليلة الدخله !


آآآخ والله احاتي وقلبي كل يوم عن يوم تزيد نبضاته ..

ساعدوني بنات ..

وادعولي الله يوفقني معاه

 

[حناينq8]

ينقل الموضوع للقسم المختص

 

[اتعبني غروري 7]

والله ما بغيت اطلع بدون رد

انا لا متزوجه ولا شي .. بس خل اقولج

دام انج ارتحتي من البدايه .. نامي وانتي مرتاحه .. كافي انه اهله الي اختاروج له.. يعني اهله بحبونج
ولو صار شي بينج وبينه الله لا يقولها اهله ماراح يقلبون عليج

والريال الي مرته تحب اهله بحبها

اما على سالفة الوصف .. قلتلج اهله الي اختاروج .. يعني عاجبتهم ..

وحطي ببالج .. (((((((( لو انه ريلج يهمه شكلج جان اهوا الي اختارج واصر انه يشوفج )))))

ربي يهنيج ويسعدج

 

[@ دهن العود @]

حبيبتى انا مااااااااااااشفته الا بالكوشه ههههههه حتى صوره له ما شفت بس اهو شاف صورتى

والحمدلله مشت الحياه

لا اتحطين فى بالج انه الشوفه اهى اللى بتحدد مسيرة الحياه الزوجيه واااااااايد بنات شافوا ازواجهم وقعدوا معاهم وحياتهم ما ستمرت يعنى الشوفه مو مقياس

على الاقل انتى شفتى صورته مو انا اللى حتى قفا ظهره ما شفته ههههههههههه

 

[اتعبني غروري 7]

دهن العوود ... شلووووووووووووون تزوجتي واحد انتي مو شايفته ؟؟؟ ترا من صجي أسأل ... يمكن ما ترتاحينله ؟؟ انا اشوف انه الشوفه مهمه .. انزين استمرت حياتج مثل ما تبين ؟؟ ولا تقولين لو شايفته احسن ؟

 

[عـزووفـ]

انتي من صجج علي الاقل كلمية او خلية يزوركم بالبيت زين شنو اللي يمنع طلعين معاه عشان تكسرين الخوف اللي انتي حاسته

 

[كويتيه مذهله 87]

اشلون جذي ملجتي ماشاافج ولا شفتيه؟!!

ما ادري ما احب جذي

بس الله يوفقج وهنيييج يااارب ويسعدج

 

[أم عليوي]

هلا حياتي الله يوفقج عادي اناتزوجت من غير لا اكلمه ولا اشوفه وكل وخواتي بعد عادي انا عندي الوحدة ماتكله احسن لها اللي يكلمون بس يجذبون وتنصدمين فيه بعد العرس خليج جذي حسلج

 

[bent-al-asool]

احنا عندنا لازم نشوووووووووف مثل ما في ناس ما يشوووفووون

ربي يوفقج معاه حببتي

 

[Mulan]

وعليكم السلام ورحمة الله وبركاته

بقولج قصة رفيجتي وانتي حكمي

رفيجتي أهلها مثلكم .. عندهم سالفة إنه المعاريس ما يشوفون بعض إلا يوم العرس وبالكوشة بعد

المهم هالبنت فقيرة كانت مثلج خايفة حدها وتقول أشلون أعيش مع واحد ما أعرفه ولا عمري شفته

عقب العرس ياتنا البنت وهي حدها طايرة من الفرح وويها منور ما شاء الله ربي يتمم عليها وتقول وااااااااااي ريلي اينن فوق

حلاته وزينه أخلاق وأدب وذرابة وطاير فيني وآنا بس أدعي حق أبوي إللي رضى فيه زوج لي والحمد لله على خيرة رب

العالمين والحين البنت ريلها هو نور عيونها ما شاء الله


شوفي دامج بنت عفيفة شريفة وهالريال صار نصيبج بهالطريقة وعقب استخارة منج لرب العالمين وارتحتي عقبها فهو بالتاكيد

أختيار رب العالمين لج فثقي بالله وارتاحي لأنه الله جل وعلا رحيم بالعباد وما يختار لهم إلا إللي يكون فيه خير لهم "وتدبري

في معنى دعاء الاستخارة بتشوفين كلامي صح" ،، وفوق هذا أهله حابينج فلا اتحاتين


وبعدين ثقي باختيار والدج له كزوج لج وانتي قطعة منه ومن قلبه وبنته وأمانه عنده فما ظنتي بيختار لج واحد هو نفسه مو

عارف إنه بيصونج وإنه ريال كفوا لج

حبوبة ريحي بالج وفرحي وجهزي واسستانسي وبإذن رب العالمين بتينا عقب العرس وبتكون حالتج نفس حالة رفيجتي

طاااااااايرة من الفرح وتحمدين الله وتدعين لبوج بكل خير


ربي يتمم عليج زواجج ويجعلج قرة عين زوجج ويجعله قرة عين لج ويجعلج فرحة قلبه ويجعله فرحة قلبج وربي يعوضج فيه

خير عن كل شي ويجعله لج عزج وسندج وعزوتج وكذلك لوالدينج وأهلج اللهم آمين وربي يرزقج منه بالذرية الصالحة سليمة

الخلقة والخلق اللهم أمين


أدعي لروحج بهالدعاء إللي كتبته لج وعلى طول أقري قرآن وتصدقي وربي بيتمم عليج بإذنه إن شاء الله

 

[chakletaA]

شنو بعبع رجااااااااااااااااااااااااااااال حااله حاال الرجااجيييل

يمعوده ونسي نفسيج ولاتحاااتين قل لن يصيبك الا ما كتبه الله لك
وتعوذي من الشيطان لان هذي وسااوس شيطان وانا اختج
اخرته معاااااك قاالتهاا اليسااا
فرصه حلوه تعرفوان على بعض بليله الدخله
والله يوفقج يااااقلبي

 

[zooQaa - 85]

الله يوفقج انشالله
بس انا اقول ليش ما تشوفينه او تكلمينه عشان انتعرفين اسلوبه او طريقته او منها اتقرر اذا تبيه او لاء

 

[سفيرة العشق]

اختي ما يجوز لازم يكون في بينكم رؤية شرعية

عشان يكون هناك ألفة بينكم

انا مابي أخرعج بس ولد جيراننا امه وخواته اخطبوله وحدة بنت عايلة وقبيلة معروفة وهي خوش وحدة بصراحة بشهادة الجميع

ودينه وماعليها قاصر

بس من اول ما تزوجها قال مو هذي اللي ببالي هذي مليانه شوي وانا ابيها ضعيفة وقعد يحن ليمن تزوج عليها وحدة سورية على ذوقه ...

لازم تقعدين معاه حبيبتي وهذا الشرع والرسول صلى الله عليه وسلم أمر بالرؤية الشرعية

تشوفينه عالطبيعة وتسمعين صوته وتشوفين اسلوبه

وتشوفين ترتاحين له ولا لا

 

[el3aNoOoNa]

اممممممممممممممممممممممممممممممممممممممممبي
من صجججججججججججج !!!!!!!!!!!!!!!!!!!!!!!!!!!!!!!!!!!!
امبي اشلون اشلون ملجتي !!!!
ياربي شيء غريب ححححيييييل حييييل
بالله ماعجبج
مايناسبج !!
تفكيره غير عنج !!!!
مادري احس ان شيء حيل غريب
سبحان الله


الله يكتب لج الي فيه الخير انشالله ويوفقج يارب ويسعدج ويطلع على ذوووقج وذوقه ويهنيكم يارب

 

[عيون زوجها]

لو ان رؤية الريال لخطيبته وشوفتها له مالها اي تأثير جان الرسول ماسمحلنا بهالشي
هالشي اساسي من وجهه نظري بس دام حبيبتي عوايدم جذي انتي حاولي تتأقلمين شتسوين بعد

 

[@ دهن العود @]

دهن العوود ... شلووووووووووووون تزوجتي واحد انتي مو شايفته ؟؟؟ ترا من صجي أسأل ... يمكن ما ترتاحينله ؟؟ انا اشوف انه الشوفه مهمه .. انزين استمرت حياتج مثل ما تبين ؟؟ ولا تقولين لو شايفته احسن ؟

ههههههههه اهو شاف صورتى وقال لامه وريها صورتى وامه ما ورتنى الصوره خافت لا اغير رايى لانى احلى منه ههههههههههههههه <<<< الاخت واثقه:dddds:

لا والله الحمدلله صارلى 7 سنوات معاه والحمدلله مااااااااااشاءالله تبارك الرحمن ولا حول ولا قوة الا بالله متفاهميين ولله الحمد والمنه

 

[nono78]

الله يوفقج حبيبتي

بس حبيبتي لا زم تقعدين معاه بوجود الأهل

يعني لازم يشوفج وتشوفينه

شنو اهيا بطيخه يا تصيب يا تخيب ؟؟؟؟

مادري الله يعنيكم على هالعادات والتقاليد

 

[لازوردي]

انا مستغربه ليش ماشفتيه احنا الحين في 2009 اعتقد بس خلاص هالعاده انطوت و بعدين الدين و الشرع حلل الشوفه قبل الزواج ليش العادات و التقاليد تحرم هالشي ترا الشوفه مهمه وايد لج و له و بعدين دام انه مالج عليج على الاقل يزوركم بالبيت بحضور اهلج يتعرف عليج و عليهم و تاخذون فكره عن بعض ...!!!!!!!!


بس ما اقولج الا الله يوفقج مع ريلج انشالله ​

 

[Stay alive]

شي صعب والله انا صج فيه بنات من اهلنا ماشافوا رياييلهم الا بصور .. بس انا اذا بتزوج لازم اشوفه شرط اساسي ومن حقي بعد

والله صعبه يعني تحكمين عليه من صوره .. لازم تجتمعون عشان تحسين بألفه معاه سبحان الله الاحساس اغلب الاوقات يصيب مرات تشوفين شخص وماتعرفينه بس قلبج يرتاحله وفعلا عقب التعارف تكونين صج مرتاحه معاه يعني القلب يصيب احساسه ..

الله يكون بعونج ويوفقج يارب ولو كنت انا مكانج بقول لاهلي بشوفه واذا رفضوا برفض لا اتزوجه

صراحه ماقدر اربط حياتي بشخص ماشفته الا بصوره!!!

 

[Luxurious]

حبيبتي الله يوفقج بس عندي سؤال

اهو مالج عليج الحين و لا بعد يوم العرس تملجين ؟

لأنه غريبه يعني لو خطيبج ميخالف نبلعها شوي بس ريلج و مايشوفج اسمحيلي حرام هالشي لا تنسين بينكم حقوق حتى لو مادخل عليج بس الشوفه مهمه حتى قبل العرس دام انه ريلج من حقكم اتشوفون بعض و تقعدون مع بعض ...

و بعدين انا الصراحه مستغربه اهلج رضوا يصير عندج كمبيوتر و انترنت مارضوا اتشوفين ريلج !!!!!!

ياريت ماتزعلين مني بس بالنسبه لي هالشي غلط غلط غلط الصراحه كسرتي خاطري و الله الله يعينج بالتفكير شكلج و انتي قاعده اتفكرين و انتي بتنامين هم اتفكرين ماتدرين مصيرج مع هالانسان شنو .....هذا حق ترا الشوفه حق من حقوقج حتى اذا اهو مايبي يشوفج بس انتي من حقج اتشوفينه عالطبيعه يمكن مو اهو اللي وروج صورته او يمكن مثل ماقلتي اهله يعطونه وصف غير عن وصفج .... ​