[ العد التنازلي: لعطلة المعلمات الصيفية ] باقي من الزمن ... [ خلونا نعد كل يوم ]

[كويتيه cool]

حدها تهد الحيل

المفروض اللي يراقب الفترة الاولى ما يراقب الفتره الثانيه بس الله المستعان

احنا نبدي يوم الاربعا عيل لي تاريخ 24/6

 

[منال القلب]

^
^
موفقين
يارب

 

[منال القلب]

يووووم جديد
باقي من الزمن على عطلة المعلمات الصيفية:

معلمات الروضة: 15 يوم

معلمات الإبتدائي: 22 يوم

معلمات المتوسط والثانوي: 29 يوم​

 

[jen2n]

معلمات المتوسط والثانوي: 29 يوم

 

[بنات حواء2]

باقي 28 يوم
ياصبر ايوب على بلواه

 

[بنات حواء2]

انا عندي سؤال مهم بعد الامتحانات شنسوي اسبوعين
نكون خلصنه شغل الكنترول و الشهايد و كلشي خلص
ابي افهم شنسوي اسبوعين قاعدين لا شغله و لا مشغله
؟؟؟؟

 

[كويتيه cool]

28 يوم

 

[منال القلب]

بنات حواء

أنا أقولج... سوالف وحش واكل وبلعة.... واااي بموت قهر ادري فترة طويلة على ما تشرف عطلتنا اه لو يطلع قرار نعطل على طول بس شتقولين بعد
الشي الحلو ان راح يحوشنا قرار الترشيد واللي نص على ان ندوام من 8 لي 10 وبعدين نطلع.. يعني تخيلي نقوم من صباح الله خير حق ساعتين... الله كريم

 

[منال القلب]

جمعة مباركة
باقي من الزمن على عطلة المعلمات الصيفية:

معلمات الروضة: 14 يوم

معلمات الإبتدائي: 21 يوم

معلمات المتوسط والثانوي: 28 يوم​

 

[بنات حواء2]

اي و الله صاجه منوله حق البلعه و الحش ماكو فايده
اي و الله جان زين يقولون لنه خلاص نامو ببيوتكم كافي عليكم الشقى
بس تدرين شلون هاج فطاير

 

[منال القلب]

^
^

يمي حدها لذيذة ولأنها لذيذة وفيها سماق
دخلنا بيوم يديد...

باقي من الزمن على عطلة المعلمات الصيفية:

معلمات الروضة: 13 يوم

معلمات الإبتدائي: 20 يوم

معلمات المتوسط والثانوي: 27 يوم

 

[بنات حواء2]

هههههههههههه
منوله كل يوم بوكلكم لين يخلص العد
باقي 27 يوم
ياصبر ايوب على بلواه

 

[randomy]

القعده اخر اسبوعين بتييب المشاكل

الله يعينا

 

[منال القلب]

ام زنوب: راضييين مافي مشاكل من ناحيتي هههههههه

راندومي: وااااي اي حده

 

[منال القلب]

باقي من الزمن على عطلة المعلمات الصيفية:

معلمات الروضة: 12 يوم

معلمات الإبتدائي: 19 يوم

معلمات المتوسط والثانوي: 26 يوم

 

[بنات حواء2]

26 يوم
باصبر ايوب على بلواه
هاكم اكلوا لين يقضون هل 26 يوم
اليوم يايبه لكم ورق عنب

 

[كويتيه cool]

معلمات المتوسط والثانوي: 26 يوم
​

اثاري بنات ابلات المتوسط يقعدون معانا عشان يراقبون المدارس الخاصة صف 12 ​

 

[om3abod]

ام زنوووب ويييينح لج وحشه :***
مختفيه حدج
لا ورق عنب ولا هم يحزنووون لازم ريجيم

 

[منال القلب]

يمم ابيه ورق عنب بالصبار اموت عليه...

هانت ابلات خلاص مابقى شي 10+10+ 6 = 26 يوم وبس...

 

[بنات حواء2]

هلا ام عبود
فديتج احاجيج هو بالصور بس خنمتع ناظرنا بما ان حامض على بوزنه ناكل
ياعمي انا من ابلع هوا ازيد كيلوين ستروا علي بس
انا لازم اعيش على الماي بس


منوووووووووووول
اخيييييييييييييييييه اموت على ورق العنب بالصبار

عمومن اليوم يايبه لكم قيمات حلو ما تمتن وايد بس 5 كيلوات

و باقي
26 يوم
و ياصبر ايوب على بلواه