العد التنازلي: [ قربت العطلة الصيفية ] خلونا نحمس بعض كل يوم!

[منال القلب]

^
^

الدور الثاني يبدا مع بداية السنة الدراسية وقبل دوام الطالبات بأسبوع
يعني بالضبط راح يكون تاريخ 7/سبتمر9 /2011

 

[new woman]

^
^

الدور الثاني يبدا مع بداية السنة الدراسية وقبل دوام الطالبات بأسبوع
يعني بالضبط راح يكون تاريخ 7/سبتمر9 /2011

مشكورة حياتي ما قصرت علا الرد السريع

يعني مو من هذي السنة اللي يجدموون الامتحانات===== اشوه

لأنه حاجزين بنسافر والله يهداه الولد رسب بمادة الرياضيات الصف الثامن:rgewrg:

 

[منال القلب]

لا حبيبتي مو هالسنة راح يطبق السنة الي بعدها.. والله يسهل على ولدج ان شالله وينجح بهالرياضيات >> تكره الرياضيات من يوم كانت طالبة هههههه .. وعطلة سعيدة يارب وحطي في بطنج بطيخة صيفي ولا تنسيني بالصوغة >> اتغشمر ههههههه

 

[زمزم @]

هااااي اشلونكم بنات والله يعطيكم العاااافية
ولهت عليكم
كل ابوكم وامكم ههههه <<<فاصلة الأخت

 

[زمزم @]

بنات في شيء برا عن موضوعنا بس مالي الاانتوا فديتكن
حيل اليوم متضااايقة لأني كثرت أكل ماأحب التخمة أبدا تأزمني نفسياااااااا
هذا بوزعم قاعدة أخفف بعد
يلا الحين اهرسه بالجاي الأخضر :krkrkr:شر البلية مايضحك الحمدلله والشكر

 

[منال القلب]

يوم يديد
باقي من الزمن على عطلة المعلمات:

الروضة 4 أيام

الابتدائي 11 يوم

المتوسط والثنوي 18 يوم

 

[منال القلب]

زمزم" واااي نفس الحالة والله حدي حدي متضايقة من نفسي وهذا وانا قاعد أخفف بس مادري احس مو قاعدة انزل

 

[زمزم @]

زمزم" واااي نفس الحالة والله حدي حدي متضايقة من نفسي وهذا وانا قاعد أخفف بس مادري احس مو قاعدة انزل

يعني وشو نسوووي استغفر الله أكل مثل الناس مانأكل ولاننزل قهر :rgewrg:
مالي الأ القهوة المريكية يقولون حيل زينة وتضعف بشتريها اذا جيت الشهر الياي الكويت

 

[منال القلب]

زمزوم: محد قهوة ..القهوة تصفر الاسنان وانا مابي تصفرها.. استغفرالله صج صج على قولتج الوحدة ما تدري شنو تسوي.. تصدقين صايرة احرم نفسي طول الاسبوع تخيلي اكل واقول بداخلي بس بس وقفي لووووول الله يعين بس.. ودامنا داشين على عطلة الله يستر عددددل العطلة كلها بلعة وقعدة عكس الدوام

 

[new woman]

منال الفلب مالي الا انتي

ابيج اتشورين علي

باجر استراحة حق عاشر ودي اروح المدرسة واكلم مدرسة بنتي الرياضيات او الوكيلة علشان اتساعدنا بجم علامة

لتلاحق عليها قبل ما يحطوون النتايج ==== اشرايج

ولا اخاف يحطوون عليها

 

[منال القلب]

نيو ومن: عاد تصدقين أمس الأحد رئيسة قسمي كانت ياية من الادارة جان تقولنا ان فيه ولية أمر كانت ياية علشان بنتها ساقطة بالانجليزي وكانت تحاول تترجى الناظرة علشان ترفعها وتنجحها، البنت ماخذة 44 يعني يبيلها 6 درجات على النجاح بس الناظرة مارضت وقالت "ممنوع " يعني دقرتها عددل.. وانا خايفة تروحين وتطقين درب وما يسوون لج شي وفوق يحطون على بنتج بالمستقبل، ابعدي عن الشر وغنليه لأن بمجرد ما تقولين للناظرة بتقولج في غيرها ساقطات شمعنى بنتج ارفعها؟ >> تعرفين بعد نظام الناظرات شلون..

 

[new woman]

كلش مو خبرررررررررر

ما ادري شنو اسوي

بتلاحق البنت لا ايسقطونها

انا مادري عن درجتها جم تحتاج

بس أعرف بنتي مستواها بالرياضيات كلش مو شيء راسبة فيها كل الأشهر ما عدا الشهر اللي طاف

 

[منال القلب]

ان شالله ناجحة يارب ماتدرين يمكن يرأفون فيها.. يارب باجر تبشرينا بنجاحها آمين آمين آمين..

 

[منال القلب]

يوم يديد
باقي من الزمن على عطلة المعلمات:

الروضة 3 أيام

الابتدائي 10 أيام

المتوسط والثنوي 17 يوم

 

[بنت ناس وقلبها الماس]

يعني خلالاص صج سالفة اننا بنعطل 30-6 مو قالوا 23
برووح اسافر مع اهلي هئ هئ هئ

 

[رمشْ الحَيآ]

اب اب

 

[new woman]

ان شالله ناجحة يارب ماتدرين يمكن يرأفون فيها.. يارب باجر تبشرينا بنجاحها آمين آمين آمين..

صباح الخير

منال القلب اشلونج ادري اذيتج وشيلتج همي اسمحيلي

ان شاء الله تنجح عاد انا قلبي ما طاوعني رحت المدرسة كلمت الوكيلة حبوبة اشوي

جان اتقول ما اوعدج انا ما اقدر اشوف علامة بنت بنت بس انا موصيه رؤساء الاقسام يساعدون

البنات ككر ما يقدروون اتقول قتلهم ما ابي احد يسقط عاد صاجة ولا جاذبة الله أعلم

 

[منال القلب]

نيو ومن: يله الحمدلله دام الادارة ماتبي تسقط أحد فهذا شي جدا جميل، وان شالله تفرحين بنجاحها يارب.. لا تحاتين بس انتي ادعيلها بصلاتج ترا دعوة الأم مستجابة حق عيالها..

 

[منال القلب]

يوم يديد
باقي من الزمن على عطلة المعلمات:

الروضة 2 أيام

الابتدائي 9 أيام

المتوسط والثنوي 16 يوم

 

[بارك هايين]

انا ماباقيلي شي واخلص امتحاناتي
الله يعينكم عاد صححو امتحانتا ونجحونا