الطيران الداخلي...

[Love Make Up]

شلونكم يا حلوين..















إلي عندها خبره بالطيران الداخلي يعني من بانكوك الى بوكيت جم أسعارهم ووين أرخص عن طريق النت ولا المكاتب عندهم..

:tek:

 

[عسولة الأبلات]

هلا حبوبه
الطيران الداخلي انصحج يكون من مطار بانكوك سبحان الله تتأخر رحلتكم ماتروح عليكم الرحله والطيران الداخلي موجود على مدار اليوم
وافضل طيران اهو الطيران التايلندي
بصراحه الطيران الداخلي سيء تحسين بطيارتهم بانشي موطياره يعني ماتروحون اي طياره
والسعر كان حقي انا وريلي وولدي اقل من سنتين 190 دينار تقريبا على الطيران التايلندي واهو يعتبر عندهم غالي
بس عالاقل طيارتهم كبيره وانحاشي من بانكك اير ويز يلوع الجبد طول ما احن بالطياره قاعدين على اعصابنا
وحياج لاي استفسار

 

[عاشقة السفر]

حبيبتي أنا راح أفيدج ..
أنا حجزت من بانكوك ليه بوكت على الطيران التايلندي Thai Airlines
والصراحه الطيران زين ومافيه شي وهم لا تنسين إنه مدة الرحلة ساعة ومن ناحية السعر الأرخص تحجزين من على النت طبعا عن طريق موقعهم راح تلاقين سعر وايد رخيص يعني مثلا أنا لما ييت أحجز لقيت عن طريق المكاتب هني بالكويت السعر 72 للشخص وعن طريق النت 21 دينار ! 50 دينار فرق بس تدرين أنا خذيت عن طريق الكويت ودفعت أكثر يمكن تستغربين ليش بس أنا أقولج لأنه إذا دفعت أكثر راح يحقلي أغير الوقت والتاريخ إذا بغيت أغير أي شي بالموعد عرفتي علي أنا إذا إذا خذيت على السعر الرخيص ما أقدر أسوي ولا شي ولا أغير ولا شي .

 

[Love Make Up]

مشكورين حبيبات قلبي...

 

[ZoooQa]

تقريبا 80 دينار بموسم الصيف ،، يمكن اقل بالاوقات العاديه بس ماعتقد ينزل عن 60

ومدة الرحلة 45 تقريبا

بس حجزي من الكويت احسن

احنا مره من المرات قلنا نحجز من المطار

وشوفي شصار فينا

انا و امي حصلنا حجز على التايلنديه واختي ماحصلت ،، و اضطرت تلحقنا على اسيا اير بس يلوع الجبد تقول الطياره مفججه تقولين قرطاس
لا والوزن بس يعطونج 5 كيلوو نكته يعني والباجي تدفعينه

فنصيحه حجزي من الكويت

 

[Love Make Up]

مشكوره زوووغه على المعلومه و ال 5 كيلو صج نكته..

 

[ريان الكويت]

لاتفكرين ب اير اسيا يخرع والله اني مت خوف الطياره مفججة وتخوف
حجزي عالتايلندي احسن

 

[خوخة الحلوة]

حبيبتي انا وريلي حجزنا من الكويت على النت من بيتنا
على التايلندية كان الشخص الواحد 50 دينار وفي تقريبا
5 شركات طيران بس الاظمن والاحسن التايلندية

 

[ام الحوراء زينب]

هاي حبيبتي
الصراحه انا رحت عن طريق طيران بانكوك
وحجزت من مكتب طلع علي التذكره للشخص الواحد 24 دينار
والصراحه الطياره مريحه وحلوة وماتحسين فيها ماشاءالله وحاطيلج شاشه اتطالعين لقطات مضحكه

 

[Love Make Up]

مشكوره أم كاظم..

بس انتي حجزتي بمكتب هني بالكويت ولا هناك؟؟

 

[ام الحوراء زينب]

لا حجز اهناك ابانكوك عند وحده تايلنديه مسلمه وتتكلم عربي اسمها فاطمه وحتى الفندق حجزته عندها ونفس اليوم حجزت ساعه 8 الصبح سافرت 10 الصبح