الطلق يصير فجاه والا فيه له علامات قبله بفتره ؟

[كستنائيـة ع ـسل]

الله يسهل علليج ويهووون عليج يارب

 

[فرزاشيهـ]

انا اول حسبالي مثل الافلام فجاه ولا انا اصارخ و بولد لوووول


الطلق بدايته يبدا عل خفيف تقلصات خفيفه كل نص سااعه لمن ينتظم و يصير كل خمس دقاايق و بقوه اكثر

و الماي و الدم و الخ ترا مو علامات للطلق كلش مرات يجي الطلق قبل كل هالعلامات .،

الله يهوون عليج

 

[حشمه]

سبحان الله الطلق يفرق من وحده لي الثانيه

ناس اتييها تجاديم وناس لا على طول طلق حامي

ويوم الولاده في ناس مثل اختي اتييها ضيقه وتبجي

هههههه كسرت خاطري ونفس اليوم اولدت

عادي لاتحاتين ولا تفكرين بهالشي

ان شاء الله ربي يسهلج

 

[Q8_QT]

انا في بجري ياني عوار اسفل البطن واحس جني محصورة وضغط تحت مع الم بس يحتمل
ولما رحت الطبيب قالولي مفتوحة 4 سانتي ودخلوني ولادة
هالمرة احس مرات بضغط والم تحت بس عوار ظهري زاااايد علي هاليومين مااقدر انام بمكان واحد ولا اقدر اقعد فترة طويلة يشد علي ويذبحني انا اول مرة اييني عوار بالظهر مومتعودة مادري هذي تجاديم ولا من الثقل ودي اروح المستشفى بس اخاف مايسوولي شي ويردوني
الله يهون علينا ويقومنا بالسلامة احنا وبيبياتنا يارب

 

[قَلبڪْ صًخرْ]

والله احس انا وياج دجه
هههههههههههههههه

انا بعد مو فاهمه
ومادري متى اروح طبيب

خصوصا هاليومين رطووووبه اووووفر
جني مبلله نفسي
مادري ماي البيبي او لا

لان من حملت رطوبه معاي
بس زادت الحين

 

[Flower20]

الله يهون عليج حبيبتي
لا تحاتين سهالات
واول علامات الطلق عوار الدورة بس خفيف وما يطول
انا كان معاي من الرابع و ولدت باخر الخامس مثل ما تعرفين
بس الدكتورة كله تقولي عادي الله يسامحها
ادعيلي وقت الولادة

 

[قـــمـــرهم]

يمممممما خفت من الطلق ..

انا جاني طلق باجهاضي بس ماكنت ادري انه طلق

ف الحين ما ادري شلون الوضع شلون اعرف انه ولاده !!!

يممممما خفففففت ):


موديل لوك ..

ذكرتيني باختي لما جتها الطلوق وكانت ثاني ولاده لها
يعني عارفة الطلق ..

تقول اول ماحسيت بالطلوق قمت وتسبحت وضبطت شعري

واهم شي تكحلت ورسمت حواجبهاااا هههههههههههههه

وعقبها راحت الطبيب و ولدت

تخيلي لما دشينا عليها بعد الولاده الحواجب مرسومه رسمممم

ههههههههههههه

 

[Ga6waah83]

واااي انا من اقرا مواضيعج احسج تحاتين
والحين تسألين عن الطلق وانا احس عوا. ابطني
عسى الله يهون عليج الطلق ويسهل ولادتج وتقومين بالسلامه
انتم السابقون ونحن اللاحقون ��
انا توني بالاسبوع السادس تقريبا وبجر ومن حملت كل يوم احلم اني قاعده اولد يمه

 

[ABEER FLOWER]

خووووخه فعلاً محتاجين مثل هالمواضيع خصوصاً هالفترة

من يصيدني شي يخافون علي أهلي ويقولون لي روووحي المستشفى

و أنا مااا ودّي أحس لسسسه ما بدت الصجية خخخ​

 

[q8kw]

مشكوره صاحبت الموضوع
الموضوع حيل استفدت منه خصوصا اني بجر

بنات بسالكم الاحسن اروح المستشفى اذا حسيت بالطلق
ولا انطر سدادة الرحم تنزل وبعدها اروح

 

[حوريه ...]

الله يهون عليج يااارب

ويسهل ودي افيدج بس انا ولاده بالخامس مادري نفس الشي اولا لان ماجربت ولادة التاسع الله يتم علي وعليج وع كل الحوامل يارب

بس انا كنت نايمه وصحيت ع شي يضغط ع المثانه رحت الحمام الله يكرمج بس شي خفيف مااحس انه قد الالم بس اذكر اني كنت اصحى متنرفزه واحس بالم خفيف بس كنت اقول البيبي يضغط عشان كذا احس اني ابي الحمام

رجعت نمت صحيت بعد نص ساعه الا شوي الم ونفس الطريقه ابي الحمام واحس ابيه بسرعه شي بينزل وسيدا والا شي خفيف وتميت كذا لين صرت اغط واقوم ع الم بارحامي وشوي شوي بظهري هنا شكيت ان الوضع مايطمن وسيدا ع المستشفى طبعاً بدون تجهيز ولاشي

زين اني كنت حافه قبلها بيومين هههههههههههههه



الله يهون عليج ياقلبي ترا سبحان الله ربي يسهلها مهما كنت صعبه ربي معاج وارحم من امج فيج

عليج بالدعا والاستغفار وقت الولاده مااقول لاتصارخين لان ماراح تقدرين بس خفي شوي لان الصراخ بيتعبج ع الفاضي ويهد حيلج



تقومين بالسلامه ان شاءالله وضناج بحضنج ياااارب تام الخلق والخلقه

 

[انجبر قلبي]

الله يهون علينا و عليج عجبني الموضووع

 

["*آآآنؤؤؤقهـ*"]

مغص الدوره الم بالفخوذ تثقل عليج
عوار ظهر ...

الله يهون عليج

 

[ايمان80]

اب لعيونج

 

[ELFAD3Ah]

تكثر الافرازات عندج تحوشج الام نفس الدوره تزيد بالتدريج
في نفس ينبط عندهم الماي فجاة بدون الم تالي يحوشهم الم
انا شخصيا نزل علي ماي خفيف تالي حاشني عوار نفس الدوره
الله يسهل عليج

 

[ReEm Q6R]

خوخه .. عليج اسأله فنانه ..


ماقصروا البنات احنا بجريات ماندري شسالفه ..

الله يسهل على كل الحوامل ان شاءالله ،.

 

[انجبر قلبي]

بنات عوار الفخوذ اللي تتكلمون عنه شلون صاير نفس العرج ينشد ؟ او الشد العضلي

 

[نـعـومـه]

هههههههههههههه حبيبتي الله يسهل عليكي يارب

انا قرأت وسمعت انه علامات الطلق وجع متل الدوره بس اضربيه بمليون مره

تشبيهج صحح

 

[Aloe Vera]

موضوع عجيب

انا بولاداتي الثنتين اييني الطلق بدون مقدمات

فجأة و كل عشر دقايق و شوي شوي تقل الفترة بين طلقة و طلقة و يزيد العوار
بس ثاني ولادة كان حااااامي مايعطي مجال بس سهاله سبحان الله

طبعا اكون بثاني او ثالث اسبوع و متوقعة الولادة باي لحظة و مستعدة لها

 

[أحلى فروحه]

موضوع حلوه ..


انا بجري كان معاي الالم من تحت وظهري وفحصت قالو 1 سانتي رديت البيت يومين وانا امشي واشرب دارسين لين جاني طلق كل 5 دقايق ماتحملت ابجي
ورحت المستشفى وفحصتني دكتوره قالت 3 ولا ينزل معاي الماي حزتخا ودخلت ولاده ..

اما حمالي هذا تعب حيل ثقل يله اقعد واقوم ومشي ما اقدر وفيني فقر دمم ادوخ توني بداية تاسع احس بالالم بظهري وعامود الفقري اخر شي والالم من تحت يابوي يعور وبطني بعد ..

الله يسهل علينا ي رب ...


بس بنات شنو الحل معاي الالم بظهري ومن تحت حيل وثقل وبطني نازل حيل ..