الطريقة المثالية والشاملة للعناية بالوبر / guinea pig

[Lory]

أنا اشوف اغلب المواضيع اهني عن القطاوة ( احبهم ترا لا تقلبون علي XD)​

وييينكم بنااااات الهامسترات و الغينيا بيق والتشنتشلات والارانب مواضيعكم تنعد عالأصابع XD​

المهمممم .... اليوم بتكلم عن​

الغينيا بيق Guinea pig/​

أو الوبر ​

وهاذي صوره له​

​

الغينيا بيق Guinea pig/​

أو الوبر ​

" طبعا في اشكال ثانيه له في اللي شعره طووويل حيل وفيه اللي ماعنده شعر كلش بس هذا اللي بالصورة اهوا اللي عندي"​

اللي بكلمكم عنه ​

(( الطريقة المثالية والشاملة للاعتناء بها)) ​

اتمنى ما تستهينون باي معلومة اقولها واتسوونلها skip ​

او تفكرون " اشدعوه كل هذا ؟ يبا كلهاحيوان "​

مو قادرين عالمسؤولية ؟ ماتبون تعطون حيوانكمالحياة الطبيعية اللي يستحقها؟​

لا تزعلون بس "تكفون لا تشترون" ​

كل شي مهم وياريت موضوعي تكونون قارينه قبللا تشترون الغينيا بيق​

او عالاقل مسووين search له​

And let your pet live a happy perfect guineapigy life​

الحين نبدأ
.
.
.
بسم الله الرحمن الرحيم​

اللهم صل وسلم وبارك على سيدنا ونبينا محمد​

اول شي اذا بتشترونه اشتروا اثنييييييييين مننفس الجنس ( انثى مع انثى ) ( ذكر مع ذكر )​

ليش؟ لانه حيوان اجتماعي ويعيش بجماعه وعشانما يحس بالوحده ​

اذا عندكم بس واحد حاولو تخصصوله اهتمام ووقتاكثر​

#ا لقفص​

اهمشي القفص! ​

لا تحشرونه بقفص هامستر او قفص كتاكيت حراااام​

يحتاج لمساحه كبيره وكل ما كبرت احسن ليش؟يحس بالامان لانه يقدر ينحاش اذا احد بغا يمسكه او تخرع من صوت​

غير القفص الصغير يحس نفسه محكور بزاوية وميتخوف - مسكين تخيلو نفسكم مكانه –​

وهذا جدول يبين حجم الاقفاص

​

اللي بالاحمر اقل شي ممكن والاخضر المفضليكون واللي على جنب عددهم ​

( كل ما كثر كل ما احتجتوا قفص اكبر)​

هاذي اشكال الاقفاص بالصور ​

​

​

​

مثل ماتشوفون في اماكن اختباء له ​

ليش؟ يحس بالأمان انه يلقى مكان يلجأ له اذاخاف ​

انا عن نفسي قبل كنت اشق كرتون الكلينكس من فوقومن على جنب واحطه بقفصها واغيره بين كل مدة والثانية​

تقدرون تستخدمون سلة قديمة يكون فيها فتحةعالجنب تقلبونها او علبة جوتي وانتم بكرامه ماتبونها واذا بتدلعونها فصلولها عندالنجار بيت كشخه XD​

وين تحطووون القفص؟ ​

الكويت ما شا الله حر موت بالصيف وبرد برد بالشتا فصعب تحطينه برا (بالحوشاو الحديقة) + عتاوية الفريج ما تقصر تخافين​

فالخيار الوحيد داخل البيت ويييين ؟ لاتحطينها بمكان معزول حطيه بمكان يكون فيهحركة مثل الممر او الصالة او غرفتج (الارجح) لا تحطينها بمكان صاخب (تتوتر وتخاف)​

بالنسبة لأرضية القفص تغطونها بشنووو؟ سواءبلاستيك او خشب <<< اكيد تضايقلازم تغطينها بشيء​

في 3 انواع على حسب اللي تفضلونه​

+في اللي يستخدمون الbedding -ومنهم انا-​

​

انا شسوي عشان اوفر فيه (كيس يقعد عندي شهر) ؟احط اول شي ورقة جريدة مصفوطة وفوقها اوراق اي فور مقصصة اشكثرررر اغرق القفص(عشان الجريدة فيها احبار مو زين بس انا احطها طبقتين عشان لي جيت اشيل كل شي مجرداصفط الجريدة باللي فوقها واقطه هالطريقة تسهل علي وتوفر وقت ) بعدييين احط فوقهاالبيدينق ​

بهالطريقة توفرين من انج تحطين بيدينق كاملللقفص (عمق تقريبا انشين ونص) وتستبدلين بانج ترشين طبقة اقل بس عشان تريحينهابالنوم والمشي ​

+في اللي يستخدمون قصاصات الورق بروحها –اوراق اي فور تقصقصونها بالطول - ( انا عن نفسي ما ادري احسها ما تريح مثلالبيدينق فعشان جي احطها كطبقة اكسترا للامتصاص بس)

"مالكم شغل بالارنب خخخ اقصد اللي تحته - قصاصات-"​

+وفي اللي يستخدمون ال fleece blanket ​

وهاذي شكلها

​

​

وتحطون تحتها فوط قديمة تدعم الامتصاص ومايوصخ القفص وتغسلونها بالغسالة عادي ​

أرجو عدم الرد في تكمله للموضوع​

 

[Lory]

# النظافه​

انزين القفص شلوون تنظفينه؟ ومتى ؟​

الطريقة :​

1- تشيلينها او تستدرجينها برا القفص باكلها المفضل اذاكانت ما تحب تنشال ولهيها بالاكل​

2- تشيلين البيدينق وكل شي بالقفص (العاب وبيت وغيره)​

3- امسحي الارضية بفوطه فيها منظف خاص للحيوانات الصغيرة اوخل وشوووييييية ماي (افضل شي) او بصابون يكون خفيف مو قوي مثل داك وكلوركس وجي​

4- تاكدي من انج تنظفينه عدل وبذمة عشان تكون بيئته نظيفةومايمرض وحطي بيدينق جديد وردي كل اغراضه (طبعا بعد مانظفتيهم بنفس الطريقة )بالقفصورديه ​

(انا عن نفسي انظف القفص واهيا داخله تعودت علي لانها تتوتر من الشيل او بيئات جديده تنخش ببيتها لحد ما اخلص بعديناوخرها وانظف تحت البيت واردها )​

5- بالنسبة لقارورة الماي تتبدل وتتنظف يوميا في طريقةالتنظيف العادية وفي اللي يحطون حبات عيش داخلها ومع شوية ماي تخضونها حيل عشانتمنع تراكم اي فطريات على السطح من داخل وتكون طحالب << اعتقد شي جي​

القفص يتنظف مره بالاسبوع بس البيدينق يتغير كليومييييييين ( او على حسب اشكثر توصخ ممكن تنظفينها بس مرتين بالاسبوع )​

الحيييييين شلوووون تسبحينها ؟​

الشي الحلو انج ماتسبحينها الا مره بالشهر (هههههههه وناسه ) او كل ما حسيتيها مو نظيفة يعني دايسة على وصخ وعالق برجلها اوببطنها يعني جي لاااا تقربين ابدا ابداصوب عيونها واذونها وراسها كله خليج عالجزء الاسفل من جسمها اكثر شي​

ولها طقوس معينه بالسبووووووح​

يختصرها هاذا الفيديو اللي شامل كللل شي عن سبوحها​

How to Bathe a Guinea Pig! - YouTube​

#الأكل ​

الحين شنو اكلها ؟​

1-في شي اساسي لازم يتوفر عندها يوميا 24 ساعه وهوا الhay ​

(انا جربت انواع بس ما لقيت احسن من timothy hay kaytee​

وهاذي صورته)​

​

2-وفي alfalfa هم مهم تحطينه بس مو مثل الhay​

3- وهذا بعد​

​

4- وطبعا الفواكه والخضراوات بعضها تقدرينتعطينها يوميا وبعضها مرتين بالاسبوع او مره او مره بالشهر بعضهم كثرته مو زينهوبعضهم ما تعطينهم ابدا ! مثل البروكلي سمعت انها تسببلهم غازات ​

الجزر والخيار مضمون ( اللي عندي تمووووت بالخيار فمره اعطيها خيار مره جزر )​

ليش تعطينها ؟ مو مكفيها اللي فووق؟ لأنهاتحتاج فيتامين سي – اللي جسمها ما يصنعه-​

هاذا الجدول يختصرلكم كل شي​

الاخضر : تقريبا يوميا​

الاصفر : من مرتين الى4 مرات بالاسبوع​

البرتقالي : تقريبا 1-2 مره بالاسبوع​

الاحمر : نادرا يعني 1-2 مره بالشهر​

انا عن نفسي موفرتلها الهاي والفلفا والفورتيدايت و الجزر او الخيار يوميا ( كم شوش عندنااا )​

+الفلفا مفيد تععطونه بكثرة اذا كانت حامل
بساكرر واقوووووول انه ما يغني عن الهاي اببببدددد​

للموضوع تكملة ارجو عدم الرد​

 

[Lory]

# الاظافر​

شلون نقصها ؟؟​

​

في ناس يقصون رجل وحده كل يوم ( اربع ايام يقعدون ) ​

في ناس يقصونها مره وحده ​

الطريقة :​

تختلف الطريقة هل هي تحب الارض ؟ ولا حضنج اكثر؟ ​

تمسكين رجلها براحة اليد شوي شوي موترفعينهاا حاولي تكون مستوى رجلها مرتفع عن الباقين بحبه بس​

طبعا تحطين اكلها المفضل تلهينها شوي ​

في مشكله احصلها باللي عندي ان عندها رجل سوده ووحده بنيه ​

البنيه اقدر اشوف الاظفر ابيض شفاف فاشوف الدم فما اقصه ( تنزف اذا قصيتيها انتبهوووووا)​

امااا السوده هي العلة (يقولون حطي ليت تحت عشان تشوفين او قصي شووووي بسس)​

وهاذي بعض الصور يمكن تساعد

تشوفون اللون الاحمر لا تقصووووونه

​

#الالعاب​

شنووو العابهااا؟​

ابداابدا ابدا لاااا تفكرون تشترولها العجلة نفس الهامستر كلش كلش مو زيييينه لها ولرجولها الخلفيه​

عطوها لعبة دب قديمة (بس ما يكون فيها اجزاء صغيرة او خيوط طالعه)​

انا اختصرت الموضوع وجبتلها دلاغ وحشيته من داخل قطن وربطته خخخخ ​

لا تحطولها نفس جي

​

يضايقها حرام وهيا اصلا جسمها ماينفعله الشغلات ورح تتاذى

​

وفي بعد العاب الطيور اللي تتعلق الخشبيه الملونه اللي تكون كانها سلم او اللي فيها جرس تنفع لها عادي ​

​

(بس مووو اللي فيهاااا تريتس للطيووور بسسس خشب واجراس واحبال)​

وطبعا قناة نفس هذي

​

وابدعي في استخدام الكراتين والصناديق (كبديل للألعاب)​

هي تحتاج ساعة وحده خارج قفصها
​

يكون مني اللي اهو ساحة اللعب ​

#الحامل​

شلون اعرف اذا كانت حامل؟؟
تاكل دبل اللي كانت تاكله قبل
انتفاخ من ناحية البطن
لما تتحسسينه رح تعرفين كانه كرة بارزة
ووزنها يزيد و ممكن نشاطها يقل​

اذا كانت حامل شنو اللي يختلف ؟؟؟؟​

طبعا الحامل ما تقرضين اظافرها ولا تسبحينها ولاتشيلينها لانها تتوتر​

اعزليها بقفص متوسط الحجم وحطي فيه العاب عشان ما تزهق ​

وتقدمين لها الفلفا بكثره ( ما يغني عن الهاي ابد حطي هاي بعد )​

فترة حملها من 60 الى 72 يوم ويمكن اقل على حسب حجمها وكم طفل داخلها ​

الطبيعي من اثنين لي 4 بس في حالات يكونون 5او 6​

#الولادة​

​

في حالة الولاده خلي يكون بس شخص واحد عندها ​

الوقت بين ولادة الطفل والثاني خمس دقايق تقريبا ليييش؟؟ عشان يمديها تنظف المولود بلسانها(سبحان الله)​

اذا طلعت اثنين ورا بعض في حلين :​

1-خلي اذا عندج وبر ثاني يساعدها وينظفها (لا تخافون الوبر حنون حتى على اعيال غيره)​

2- او تدخلين انتي بفوطة دافية مبلوله ​

طبعا لا تنقرفون ولا تخافون لانها تاكل المشيمة اللي طلعت (جنها كتله او كرة دم)اعتقد عشان تكون الحليب
اذا حسيتو تنفسها صعب وان المده طولت عن ال5 دقايق او اغمى عليها ممكن يكون في مشكله فلازم تودونها لبيطري​

اعياااالها لاااازم يكونوووون عندها اوول 3اسابييييع ليييش؟؟؟ تقوي جهاز مناعتهم وتعطيهم اللي يحتاجونه عشان يقاومون الامراض​

طبعا اول ما ينولدون امبطله عيونهم ولهم فرو واسنان (سبحان الله)​

ياكلون بعد يومين ثلاث من ولادتهم ​

خلوكم عندهم عودوهم على ريحتكم وشيلتكم لهم من صغرهم اسهل من تبدون تدربونهم وتعلمونهم لما يكبرون​

​

بعد ال3 اسابيع اعزلوا الذكور عن الاناث(الحمل المبكر خطيييير جدا واغلبهم يموتون حراام)​

للموضوووووع تكمله
ارجو عدم الرررد​

 

[Lory]

# معلومات طبيه \ عامه​

للاسف جميلتي اللي عندي وبر مشفوحه لي شافت الخيار قامت تاكل (خشخشخشخشخشخشخخش) لحد ما تغص وتكح كح ! ( تهبل كحتها جنها كحة بيبي ههههه)لا تخافون شي طبيعي تكح كحه او تعطس مره بين وقت ووقت بس اذا تكرر معناتها مريضة​

في ناس يحطون مصباح حراري لها اذا عندج حطي بزاوية وحدة من القفص عشان اذا بغت تتفاداها تقدر

​

عن نفسي احطلها مطاره خاصة بالحيوانات تدفينها بالميكرويف (على حسب كم واط بالميكرويف يختلف من دقيقتين لي8 ) وتحطينه بالقفص يدفيها 24 ساعه

"يصلح ترا للجلاب و القطاوه "​

ينباللي يتدفووون :eh_s(22):​

اذا شفتي الغينيا بيق يحك واجد (يهرش)​

استخدمي هاذا ​

​

من رشتين الى 3 ويكون عالجلد مباشرة - مو منبعيد لي بعيييييد- تستخدمينه مره بالاسبوع​

( انا ابخ بالمشط وامشطها فيه <<<يعني اخدعها) ​

و في بعد هذا ​

​

اذا القفص حسيتيه مو نظيف فيه شي مثل الodors او flea او lice او mites​

بخي عليه ​

( في مكان مافيه اطفل او الغينيا بيق<<لانه قووي)​

وحطيه برا نص ساعه (طبعا الغينيا بيق تكونين حاطته بقفص ثاني مؤقت) ​

بعدين رديه واستكملي اجراءات التنظيف​

#المشتريات​

الحيييييين الاغراااض وين نحصلهم يا انسةلوري؟؟ <<< مش بالمصري لوري رقائا ما تتريئوش​

انا عن نفسي اشتري من هالاثنيييييين​

هاذا موقع بيت زون
Petzone​

وهاذا موقع باوش بوتيك​

Pawsh Boutique - Kuwait​

اححححلى شي يجيبون توصيل منازل !! وكل الاغراض عندهم + الاكل عندهم كذا شركة + البيدينق فيه انواع (امووووت على اللي باللافندر الطبيعي << مو معطر ! نبته لافندر) ! في احلى من جذي ؟​

اذا عندكم مواقع ثانيه share it with us please ​

كلشي كتبته قريته قبل من مواقع اجنبيه اشششششكثررررر لين تعبت ( المواقع مختصة بالguinea pig)​

قبل لا تجي جميلتي حبيت يكون عندي الخبرة الكافيه عشان اهتم فيها احسن اهتمام ​

#الفاتورة​

فاتورة مشترياتج يا لوري بالشهر كممممم؟؟؟؟​

انا اشتري شهريا بيدينق جديد (تقريبا 4دنانير <<لانه باللافندر مو النوع العادي )و اكل جديد(بعض الاكل يخلص بشهر بعضه بشهر ونص) تقريبا اكلها على دينارين دينارين وشي (للواحد)​

المنظفات اشتريتها مره وحده بس (البخاخ مالتنظيف القفص استعمله اسبوعيا فاشتريه مره كل شهر شهر ونص)

<<<< ماتبون تشترونه ؟ قلت لكم فيه له بديل اللي اهوا خل مع شووووية ماي ​

فاتورتي مااا تتعدا ال15 بالشهر (تقدرون تغيرون نوع البيدينق للعادي وبعد شركة الاكل ويسير ارخص )​

في أحسن من جذي؟​

.
.
.
.​

العناية الكاملة السهلة هاذي تحميها من الامراض وتعيش حياة صحية طبيعيه طويلة تغنيج عن لوية الامراض والبيطري ​

وشكرا ​

اتمنى اكون افدتكم ​

اي سؤال حاضرة + اي وحدة تربي غينيا بيق ...ممكن نسير اصدقاء ؟​

 

[Lory]

نسيت اتكلم عن تابلت فيتامين سي للغينيا بيق\وبر

هاذا شكلها تحصلونها ببيت زون

لاااااا تحطووونها بقارورة الماي ابد
ليييش؟ لانها ممكن تكره طعم الماي وبعدين ما تشرب منه ويصيبها جفاف

في طريقة انكم تفتتونه باكلها

انا عن نفسي ما احبذ استخدمه لاني استبدل التابلت بفواكه او خضار غنية بفيتامين سي

احس احسن مادري:eh_s(10): يعني طبيعي اكثر؟

وسلامتكم​