الضعف مووضة . اللي تبي تصير كلآس .. لآزم تضعف..!! تجاربكم مع رياضة المشي

[برنسيسة قطر]

دكان الفريج..
صآجة يحلي وآيد بعد..
حتى انا أبي انزل 5 او 6 كيلو..
بس جنج حبطتيني ماادري خخخ..

الحراير..

عمري 16..
وترى مب شرط يناسب العمر لازم يناسب الطول..
لكن أنا اللي أبيه يكون جسمي متناسق ومررتب..
أكثر من إني أبي أضعف وأصير معصقلة..

نوروتوا..

برنسيسة قطر..

 

[اميره1980]

احسن شي الرقص الشرقي طيعيني شنو يضعععععععععععف
خففي من اكل المطاعم و المقالي يعني مره بالاسبوع اكلي من بره البيت و شوفي شلون لاني انا سويت جذي و لا تحكرين نفسج برياضة معينة راح تملين
يعني بالنسبه لي انا يوم ارقص و يوم اروح للممشى و يوم جهاز المشي و يوم اروح افتر في مجمع مشي سريع و اصعد و انزل من الدرج و اسفط سيارتي بعيد علشان امشي زبدة الحجي نوعي نشاطج علشان ما تملين

 

[برنسيسة قطر]

أميرة 1980..
لا تيين على الجرح تكفين..

ماا أعرف أرقص كللش مع إنه ودددي ومن قلب بعد..
بس شسوي مااا أعرف..

الهزة ما تضبط معاي كلش خخخ..
بس والله فكرة حلوة إني أنوع ..

لأن صج بتملل..

برنسيسة قطر..

 

[Purple Occasion]

رد : الضعف مووضة . اللي تبي تصير كلآس .. لآزم تضعف..!! تجاربكم مع رياضة المشي

امشى كل يوم ساعه
المشى حلو ونشاط ويشد الجسم ويضعف
او حطي اغاني ورقصي
وامشى على ريجيم يريحج انصحج بريجيم دشتي
وموفقه يا رب
فديتج

 

[خفوق المشاعر]

انا لي فتره امشي بس مشكلتي احب البلعه
نزلت كيلو بس هع
والحين سجلت بسباير بشوف يا انا يالكرشه ابي بطني لازق بظهري قولوا لي فيه أمل ولا لا

 

[لانويت اقسى ازيد بحناني]

لا يأس مع المتن ولا متن مع اليأس


بناااااااات لاتيأسوووون نهااائي


والدليل انا قدامكم

انا ملجت من سنه تقريبا

ما اقولكم سويت ريجيم والتزمت ومشيت لا

بس تقدرون تقولون حافظت على اكلي نقصته شوي بس

نزلت بسنه 10 كيلو ادري اني باااارده وعرسي باقيله شهرين وباقيلي 10 كيلو بعد

بس صارلي شهر امشي بالنادي يااااناااااس مقاااساتي صغرت وربي وربي

الكل لااااااحظ هالشي

المشي يرتب الجسم وينسقه وينحته صدقووووني بس استمروا عليه

وانا راااااااااااح استمر على المشي والرقص ليل مع نهار لما يوصل وزني 65 يااااااااااااااااارب

ماندي غير شهرين

ادعووولي اوصل للوزن اللي ابيه


وبرنسيسة قطر صدقيني اذا التزمتي بالمشي وساعه يوميا

راح تلاحظين تغير شكلج بأقل من شهر


الله يضعفني ويضعفكم على صحه وعافيه

 

[بنت بن فهد]

المشى حلو بس انا طبعى ملوله
صارلى تقريبا 10 ايام الحين امشى ساعه على الجهاز بس لان ماعندى لياقه ووزنى كبير فموقادره امشى سريع ليلحين امشى على سرعه 3 بس بصراحه ما اخلص الا وانا انقط تكرمون عرق

اتهقون راح استفيد واضعف ولا خلاص اوقف واطنش ؟؟؟​

 

[وهج الحب]

السلام:
اختي روحي السباير عندهم مدربات الافضل ويعلمونج ايش الالعاب الزينة لج واذا ما تحبين الرياضة فيه قسم رقص ..وحق القطرية ببلاش ..انصحج فيه وايد استفادوا منه ..

 

[Miss sensitive]

الله يوفقج