الضرة ولا اني احمل

[نور عيني الكويت]

السلام عليكم
شخباركم بنات

ابدأبموضوعي
موضوعي باختصار
انا تزوجت عن قصة حب واول ماتزوجت حملت والله مو كاتب هالحمل سقطت وقالي الدكتور شهرين راحة ولاتحملين بالشهرين رحت واكلت حبوب لمدة6شهور
ولما تركتهم قعدت 6شهور وحملت
المهم الحمل ولله الحمد ماحسيت فية كان كل شئ طبيعي بس بالسابع جاني طلق ورحت للدكتورة وقلت ولديني ورفضت
المهم اعطي ابر وحبوب عشان يروح الطلق المهم تم حملي للتاسع لما جاني الطلق بموعد ولادتي رحت المستشفى وذبحوني3ايام طلق ولما فتح الرحم 10سم وطلع راس الجاهل ما ادري شنو سوو فيني رفض الدكتور يولدني قال الجاهل صار راسة فوق لازم عملية الحين ووافقت المهم ولدت بالسلامة
الحين عمر بنتي 4سنين وزيادة
مشكلتي اهل زوجي يحنون يبون اخو او اخت لبنتي
وانا رافضة فكرة الحمل مرة ثانية وزوجي يقول بكيفج
وبنتي كارهه الجهال كلهم وتقول لو تجيبين دادا راح اقطة بالشارع
وانا صارت فيني عقدة نفسية من الحمل وزوجي كلمني قبل جم يوم يقول اذا درست البنت اتركي الموانع وبجيت والله غصب عني ولما شافني انهرت قال شيلي فكرة الحمل من راسج خلاص البنية مكفيتني وزيادة
قلت لة اذا تبي جاهل من بكرا بخطب لك بس انا ما احمل
وقال خلااااااص مابي عيال
المشكلة لما اشوف وحدة حامل وبطنها باين تضيق فيني الوسيعة اتذكر الولادة والدكاترة
من اشوف هالحامل تجيني احلام وكوابيس
بنات ابي حل يخليني انسى الولادة مو عشان احمل مرة ثانية لا والله عشان ارتاح بنومتي من انام احلم بغرفة العمليات
واقعد متضايقة

والله يرزق كل وحدة تدور العيال
خواتي ساعدووني

 

[ماني من الناس]

قوليله يبيلي فتره لما ترتاح نفسيتي وارد طبيعيه .,,,,,قوليله اللي صار فيني مو شويه وجسمي تعبان واحتاج وقت عشان نفسيتي تتصلح وما ارد اخاف


وبلا جنان لا تفتحين بمخه سوالف الزوجه الثانيه الرجاجيل ما يصدقون من الله ,,,,,,,يركضون ورا هالسوالف



والحسي عقله بكلام حب خخخ

 

[عنودهـ ~]

حبيبتي والله
انا مثلج بس للشهر الثاني ماكملت ونفسيتي مرة متأزمة والشيئ اللي يحز بالخاطر ان وحده من اهلي حامل معي
وهي بالرابع الحين من اشوفها احس بشيئ يكتم على انفاسي من الضيقه
ماعليه يالغلا ربي يخلي لج بنتج ويبلغج فيها
انتي جلسي معه وصارحيه وشوفيه اذا وده احملي وبنفس الوقت حاولي تنسين كل اللي صار لج ومو كل ولادة نفس اللادة الأولى الثانية اسهل والثالثة اسهل بأذن الله بس انتي توكلي على الله وربج كريم
وعن بنتج فديتها والله
طبع الجهال غيورين وخاصة انج طولتي عليها فهي ماخذة الجو لوجا غيرها راح تغار بس بعد فترة راح تتعود عليه وتنسى ان شاءالله
واذا عاللي صارلج الحمدلله عالسلامة في وحده اعرفها نسوا شاش ببطنها وقالوا لها حملي ثانية ونطلعه >>سهل عندهم شكلهم متعودين
********** بالتوفيق ياقلبي وربي يسهل لج يالغلا
تحياتي ~

 

[Tulips]

حبيبتي هذي الولاده من عمرها .. من قالج ان الولاده سهله ولا تونس ؟؟

عيل شلون تبين الجنه تكون تحت اقدام الامهات ؟؟ هالتعب والعذاب شي مفروغ منه وكلنا لاعت جبودنا و تعذبنا وشفنا الموت بس لي شفنا البيبي التعب كله يروح وتنسينه

بس فتره وتعدي وبعدها اتشفقين على البيبي وانه يكون لبنتج اخت او اخو

و زوجج ماشالله عليه طيب ومراعي اللي مريتي فيه وصابر عليج لانه يدري هذي مجرد فتره وتعدي

انتي لا تفكرين باللي صارلج .. شي طبيعي كنتي بجريه و انتي حاشتج صدمه من اللي صارلج

و لاتحرمين زوجج من ولد يشيل اسمه .. اذا اهو طيب معاج لدرجة انه مايبي ولد يشيل اسمه فهم انتي لا تصيرين انانيه

في حريم يتشفقون على ريحة الياهل وانتي تفسقين بنعمة ربج ؟؟

تعوذي من ابليس و الخوف اللي مسيطر عليج انسيه وقطيه وراج .. ماكو بالدنيا شي بالساهل

 

[Tutti-Frutti]

اممممممم انتي شكلج خوافه

الحريم يابو على 6 ولا 7 ما قالو شي

معروف الم الولاده ينّسي سبحان الله
صج تتعذبين بوقتها بس تنسينه
ولو ما النسيان جان ولا حرمه فكرت تحمل مره ثانيه

المهم انتي تعوذي من ابليس
شنو مابي يهال وازوجك وحده ثانيه :bbbiu:

واذا على كلام بنتج انها تقط الياهل بالشارع لووول ترى هذا كلام يهال ومعروف الياهل يغار من اللي اصغر منه
بس بعدين يتعود عليه ويحبه

فكري بالمووضوع مره ثانيه ودايما ادعي انه الله يسهل عليج ولادتج ويخلي حمالج سهل ويسير

ترى والله احلى شي بالدنيا اليهال

 

[زوجة عزيز]

رد : الضرة ولا اني احمل

الله يرزقج يارب توكلي على الله ولا تخافين من شي والله معاج ويسهلج ان شاء الله

 

[ام شووووق]

رد : الضرة ولا اني احمل

انتي يبيلج استشارة نفسيه شكلج تعقدتي علشان ترتاحين نفسيا

الله يهون عليج يارب

 

[شموسة كيوت]

رد : الضرة ولا اني احمل

اللة يكن بعونك

كلام شوق صحيح

لازم يشوفك طبيب نفسي يهون عليك وبعدها انتي تحنين للحمل من جديد

 

[حجيه هيونه]

تعوذي من ابليس


الي صار معاج مو شرط يتكرر وانتي واضح انج جدا حساسه عشان جذي لي الحين متضايقه

باجر ان شاء الله تنسين وتترسين البيت يهال

وبالنسبه لبنتج فهذا كلامها طبيعي باجر لي كبرت وماعندها اخوان راح تتضايق وتلقينها تتحسر

 

[dnyay_mll]

بطلـتي عيـن الريـال على الشـريجه
الله يهداج
ماجربتيها الله لا يحطج بهالموقـف
حبيبتـي كل حمل غيـر عن الثاني
وكل ولاده غيــــر
يمكن تكون ولادتج الاولى عسـره
لكن الثانيـه سهله
اهو من حقـه يشـوف عيـاله
واذا بنتـج تغار
كل عيـالنا يغارون
سبحـان الله نـاس تتمنى ظفر الظنى
ونـاس ماتبيـــه

 

[*غنج*]

والله والله من صجج تقولين له ازوجك تفتحين عيونه على الزواج، مردج تنسين آلام الولادة وتفرحين بالحمال والبيبي اليديد،،،

 

[فنكيه]

اذا انتي متعقده من ابولاده ماله داعي تنبهين زوجج تقوليله اخطبلك بس ما احمل الحين يحط الفكره براسه ويخلي ازواج عذر الحين الطب تطور في شي اسمه ابره ظهر ماتحسين بشي

 

[صمــت_ALsHfaaH]

حبيبتي هذي الولاده من عمرها .. من قالج ان الولاده سهله ولا تونس ؟؟

عيل شلون تبين الجنه تكون تحت اقدام الامهات ؟؟ هالتعب والعذاب شي مفروغ منه وكلنا لاعت جبودنا و تعذبنا وشفنا الموت بس لي شفنا البيبي التعب كله يروح وتنسينه

بس فتره وتعدي وبعدها اتشفقين على البيبي وانه يكون لبنتج اخت او اخو

و زوجج ماشالله عليه طيب ومراعي اللي مريتي فيه وصابر عليج لانه يدري هذي مجرد فتره وتعدي

انتي لا تفكرين باللي صارلج .. شي طبيعي كنتي بجريه و انتي حاشتج صدمه من اللي صارلج

و لاتحرمين زوجج من ولد يشيل اسمه .. اذا اهو طيب معاج لدرجة انه مايبي ولد يشيل اسمه فهم انتي لا تصيرين انانيه

في حريم يتشفقون على ريحة الياهل وانتي تفسقين بنعمة ربج ؟؟

تعوذي من ابليس و الخوف اللي مسيطر عليج انسيه وقطيه وراج .. ماكو بالدنيا شي بالساهل

:rerrerek::rerrerek::rerrerek:

 

[نور عيني الكويت]

رد : الضرة ولا اني احمل

تسلمون بنات على الردود
ام شوق فكرت فيه الدكتور النفسي وشكلي بسويها
وباقي البنات مشكورين ماقصرتوا
انا اعرف ان الوحدة تنسى الام الولادة ماتطول اما انا كل ماتطوف سنة تزيد معاي هالحالة
بنات حالتي شكلها معقدة حيل
يمكن ماتصدقون لو اقولكم آخذحبوب منع حمل واسوي طريقة العزل ولو تتاخر الدورة يوم اطلع زوجي من دوامة واسوي تحليل
الدكتورة تعقدت مني
شكلكم حتى انتم بتتعقدون مني بعد

 

[miss_jamsheer]

على قولت اختي لو ماتنسى الوحده الولاده جان مايابت ٥ و٦
انا نفسج وااااي حييل تبعت بالولاده والحين الحمدالله انا حامل ولدي عمره سنتين لما حملت صج لما اييني عوار اموت بمكاني اقول اشلون حملت واتذكر الطلق بس السهاله من الله شوي وتعدي

 

[رود111]

الحين صار لج 4سنين ومانسيتي ؟؟ اذا مو هامج زوجج فكرى ببنتج لايغرج كلامها الحين انه ماتبي اخو صدقينى باجر اهى اللي بتحن عليج تبي أحد تلعب معاه تسولف وياه صدقينى راح تندمين ساعتها. وبعدين معروف البجر تتعب بالولادة عكس المرة الثانيه والثالثة بشرط مايكون مدة طويلة. واللة يوفقج

 

[aldanaha]

رد : الضرة ولا اني احمل

حدج غلطانه
انا في بنتي الاولى شفت الويل 3 ايام طلق روحي طالعه
بس وراها حملت حدج غلانه وحدج انج فتحتي اعيون الريال
وليش هاتعقيد قولي يالله

 

[درة أهل الطولات]

واااااااااااااااااااااي حبيبتي لا تقولين جذي
ولا تحطين سالفة الزواج براســه
ترى السهالات من ربج ومو كل حمل نفس اللي قبله
تشجعي وانا اختج هذي نعمة لا ترفسينها بريولج
والله انعم على الانسان بنعمة النسيان صح والا لا
كافي شوفة البيبي بحضنج تكفيج
صح والا لا ؟؟؟

 

[! بــدويه وآآيــد !]

،



واااي احس خفت من كلامج مادري ليش !!
بس مثل ماقالت دنياي ملل بطلتي عين زوجج ع الشريجه لـ الأسف :/​

 

[ام خدود ورديه]

حبيبتي لاتزعلين مني هذي انانيه ولاتنسين تعبج كله كان له اجر وبنتج الحين ياهل مردها بتكبر وبتقولج ابي اخوان لاتخلين بنتج وحيده حرام عليج دام مافيج شي
وبعدين حسيتج وايد دراما
على طول قلتيله اخبطلك شدعوا اهوا رخيص عندج
بعدين اللي اعرفه حمله عن حمله تفرق هذي وانتي ماجربتي النساة وكل شي كان عندج طبيعي عيل شتقولين على اللي اجهضو اكثر من مره ولا اللي نوموهم بالمستشفى طول فترة حمالهم حمدي ربج وفكري بغيييرج بعد
والله يرزقج يارب