الصدقة تكون بالسر و الا العلانية!!

[Leann]

السلام عليكم


بنات أبي رايكم لما تبون تتصدقون او تدفعون زكاة او تسوون أعمال خيرية لوجه الله .. شنو تفضلون !!

تسوون دعاية كبيرة تبين اللي سويتووه و الا تسوون خير و تقطونه ببحر

انا عن نفسي احب اكون من السبعة اللي يظللهم الله بظله يوم القيامة و عشان جذي احرص ان ايدي الشمال ما تدري ايدي اليمين شنو عطت !

و انتوا شنو رايكم؟؟
:eh_s(7):

 

[منو انت]

يفضل انها بالسر بي يعني لو صار و احد عرف اشوف انه شي عادي يمكن لما يشوفوني اذكره واشجعه يتصدق بعد بس طبعا مااحب اللي يقعد بكل مكان ويقول والله كان معاي 100 تصدقت 20 والباقي ابيه حق ماادري شنو يعني كانها تقول سمعوني انا تصدقت لكن لو كنت امشي بالسوق ومرني محتاج لو عطيته اكيد اللي معاي راح يشوف بس اعتبر هالشي غصبن علي مو علشان انا ابيه يشوف



وان شاءالله ربي يتقبل منج ومنا يـااااارب

 

[هزة غضا]

{إِن تُبْدُواْ الصَّدَقَاتِ فَنِعِمَّا هِىَ وَإِن تُخْفُوهَا وَتؤْتُوهَا الفُقَرَاءِ فَهُوَ خَيرٌ لَّكُمْ} [سورة البقرة: 271]،
جاء في تفسير الطبري : يعني بقوله - جل ثناؤه - : " إن تبدوا الصدقات " إن تعلنوا الصدقات فتعطوها من تصدقتم بها عليه " فنعما هي " يقول : فنعم الشيء هي " وإن تخفوها " يقول : وإن تستروها فلم تعلنوها " وتؤتوها الفقراء " يعني : وتعطوها الفقراء في السر " فهو خير لكم " يقول : فإخفاؤكم إياها خير لكم من إعلانها . وذلك في صدقة التطوع وليس في الزكاة فالزكاة الواجب اظهارها وهذا شان الفروض الواجبة الأولى فيها الأعلان..

والأفضل اخفاء الصدقات وأعمال البر فقد ذكر النبي صلى الله عليه وسلم أن من السبعة الذين يظلهم الله في ظله يوم لا ظل إلا ظله: «رجل تصدق بصدقة فأخفاها، حتى لا تعلم شماله ما تنفق يمينه» .

 

[Leann]

مشكورين خواتي على الردود و انا هذا كان رايي من البداية يعني مو حلوة الواحد يعطي صدقة و يتمنن و كتبت هالموضوع بعد ما صارلي موقف مع ناس اتهموني فيه باشبع الصفات لاني قلت لهم خلوا صدقاتكم بالسر مو تفضحون الفقير جدام الناس

حسسوني ااني غلط لما اتصدق و ماقول !!

 

[Dalo0o3a Cute]

آكيد اعمال الخير والصدقه احبها تكون بالسر
وشي اكيد بيكون الاجر عند الله مضاعف

 

[البرنسيسة غلا]

ـآلأفضل تكون بـ ـآلسر ..
بـ حيث لآ تعرف شمآلي مآ ـآنفقت يميني ..


يسلمو حبوبه​

 

[اسيرة الأحزان50]

طبعا الصدقه لازم تكون بالسر عشان الاجر اعظم ومايدخلها الرياء​

ولاننسى الحديث فيما معناه : انه ينزل ملكين كل صباح فيقول احدهم اللهم​

اعط منفقا خلفا ويقول الآخر اللهم اعط ممسكا تلفا .​

ولاننسى ايضا أن الصدقه تطفىء غضب الرب .​

 

[نجوم الموضة]

على حسب في علاقة ظروفها توجب عليها تكون سرية وعلاقة تكون علانية ..

 

[Nicki Minaj]

يفضل اها تكون بالسر ..
لأنه في حديث حتى يقول أيدك الشمال لا تدري عن ايدك اليمين شقاعده تنفق .. دليل على مدى الخصوصيه بهالموضوع
بس انا أحب أنوه اذا مثلا جدام أطفال .. عيالج أو اخوانج الصغار بالابتدائي .. تتصدقين جدامهم .. وكل ما طلع معآج بمكان تحاولين انه تتصدقين وتقولين الصدقه زينه والله يحب اللي يتصدق يساعد الناس وتعطينه من الكلام الحلو .. عشان ترسخ في بآل الطفل لما يكون صغير ومشالله عقل الطفل الباطني تعلق فيه هالاشياء الصغيره بكل تفاصيلها .. فتكون بادره حلوه ويتعلم عرفتي ..

 

[ياليل مااطولك]

تكون الصدقه والزكاه علانيه واحيان تكون في السر وتوضيحي لذلك تكون علانيه لتحث الناس على الصدقه وتكون سريه على بعض من تعرفهم انهم محتاجون

 

[روونــا]

بالسسـر { نخفيهـآا خير لنآا }

 

[شذى2007]

بالسر احلى / صحيح احيانا اعلم خواتي علشان يتشجعون ويتذكرون الصدقه لانه احيانا اذا شفت اختي تصدقت اتذكر ويكون عندي فلوس واتصدق معها