الصحف اليوميه ( الجرايد)

[أحب الخير]

السلام عليكم







بنات بغيت أسألكم و ياليت تفيدوني








إذا تكودت عندكم الجرايد شتسوون فيهم ؟؟



و صج في شركه يجون البيت ياخذونهم ؟؟



اللي عندها الرقم بليز بغيته ضروري عندنا جرايد ترس المخزن





و مشكوريييين يا بنات ديرتي

 

[bnt_kwt]

والله زين اول مره ادري انه في شركه تيي تاخذ الجرايد

يالله اللي تعرف الرقم تفيدنا الله يجزيها خير

وبالنسبه لي انا ما اكود اقطهم اول باول

 

[قمر الليالي]

اي والله ياريت البنات يفيدونا الله يجزاكم خير

لان فيها آيات قرآنيه

 

[أم فلان]

روحي عند الجمعية في درامات مالت البلدية في واحد مال الملابس والثاني مال الجرايد والصحف حذفيهم هناك ومع السلامة

 

[أم جــاســم]

وانا بعد اوديهم عند الصناديق الكبار اللي عند مواقف الجمعيه
لازم بكل جمعيه فيها صندوق للجرايد
لان فيهم ايات قرآنية​

 

[جمانه 99]

الحل عندي وآتا بوهندي

في واحد محتاج ويترزق من الجرايد انتي بس دقي عليه وعطيه عنوانكم ويي البيت وياخذ الجرايد بس لاتحرجونه

اسمه بوعلي وهذا رقم تلفونه

9252587

ادعولي بالذريه الصالحه

 

[روزالكويت]

اختى شنو يستفيد من الجريده يوديها للمطبعه مره ثانيه يعني..؟

 

[جمانه 99]

روز الكويت والله ماعندي فكره المهم ان احنا نتخلص من الدثره والمهم انه يستفيد منها

 

[كيوت_25]

هذي شركه اسمها الهدف الاخضر

تاخذ منكم الجرايد و تسويلها اعاده تصنيع للاستفاده من الورق

و تحددين معاهم اذا تبين يمرونج اسبوعيا او شهريا او مرتين بالشهر

و طبعا مجانا

رقمهم 4444927

و موقعهم الالكتروني www.gtc-kuwait.com

 

[رائعة]

الله يعطيكم العافية

 

[softlady]

مشكورين بنات

 

[OoH La La]

انا اقطهم عند صناديق اللي بالجمعيه المخصصه للجرايد والمجلات

 

[نماين]

مشاءالله ما قصروا البنات

 

[أحب الخير]

يزاج الله خير
أي أنه قصدي عن هذي شركة إعادة التصنيع
و مشكورين على ردودكم

 

[طوق البنفسج]

مشكووورين يا بنات

توني ادري انه في شركات اتي البيت تاخذهم