الصحة والجرايد جذب بجذب (3 تجارب شخصية عشتها مع الافلونزا)

[زهر الرمان]

هاي بنوتات شخباركم؟

اكتشفت انه الحجي الللي ينقال بالجرايد والتلفزيون عن استعدات الصحة حق انفلونزا الخنازير والكاميرات الحرارية والتجهيزات والاستعدات حجي قمة السخافة وحجي فااااااااااااااااااضي والدليل الارقام اللي تتصاعد بسرعة خيالية بتقولون اشلون انا اقولكم؟


البداية امي واختي واخوي صارت فيهم افلونزا وحرارة وجسمهم متكسر راحوا المستوصف كلهم عطوهم بندول ومضاد حيوي
امي اتقولها ما اتسون لنا تحاليل اتشوفون اذا فينا المرض بعيد الشر وله لاء اتقولهم لاء اذا تبون جيكوا بالامراض السارية :eh_s(1): وتشرحلها انه المسمى غلط انفلونزا الخنازير اهو انفلونزا حصن ومادري شنو !!!


اخوي ومرتة صارلهم 5 ايام رادين من السفر اليوم مرتة استمرضت وسخونة موراضية تنزل راحت خاص سولها تحليل دم
وعطوها ادرب وجذي وقالولهم انشاءالله مافيكم شي بس روحوا المستوصف او الامراض السارية زيادة بالحرص لي اهني الحجي حلو

راحوا المستوصف ماعنده تجهيزات راحوا الامراض السارية جيكوا اشصار
سولهم تحليل دم وعقب 3 ايام تطلع النتيجة ويقولهم احنا اندق عليكم او انتوا دقوا علينا واذا ما دقينا يعني مافيكم شي
فرضا بعيد الشر فيهم المرض عقب 3 ايام انكون كلنا تعادينا صح

والله خوش استعداد

والشي الثالث اليوم كان عندي موعد طبيب والطبيبة اتقولي عن حالة ريل رفيجتها راد من السفر والمفروض مر على الكاميرات الحرارية الجذبية اللي بالمطار حلو
عقب 5 ايام من ردته صار فيه سخونة وتعب ويوم راح حلل طلع فيه المرض وعادى اهله

بذمتكم قولولي هذا شنو:eh_s(14):
بدال هالاستجوابات يا نواب العازة اللي مالها معنى شوفوا الصحة والاستعدادات الخرطي
لي هالدرجة ارواح الناس رخيصه؟ ترا هالمرض بسيط نفس الافلونزا العادية وبسرعة يتعالج اذا اكتشفوا
وترا اغلب الوفيات اتكون بسيبة انه دكتور ماله خلق يكشف وله ماكو تجهيزات

حسبنى الله ونعم الوكي :0bee2e8d89:
وهالله هالله بالزنجبيل والليمون والفيتامينات والحافظ الله

 

[هجير الريح]

ماتشوفون شر ان شاءالله ...الله يحفظنا من كل شر ويحمينا جميعاااا

 

[جروح76]

ماتشوفون شر والله يشفي مرضاكم ومرضى المسلمين
إختي والله شنقول وشنخلي
الله المستعان

 

[قـہۈه فـرنسيـہ™]

صحيح كلامج اختي ,,,بالمطاااااااااار استغفر الله محد يدري عنج وشدعوه يفحصووووووون ,,,بس عطونا أوراق قالوا حطوا بياناتكم ,,,وبس ,,,,,,,<<< شهالإجراءات ؟؟

 

[frfr197]

ما تشوفون شر.......انشالله

 

[Miss.6Mo7]

ماتشوفون شر ... والله يحفظنا ويحفظ جميع المسلمين من هالمرض يارب

 

[zoozoo]

ما تشوفون شر

 

[CUTE ENGINEER]

خليها على الله الله يحفظنا عيل وين حجيهم عن الإستعدادات ؟؟؟

ووزير الصحة الحين بيمنع الإعلان عن أعداد المصابين بالجرايد شحقه؟؟؟

لأنهم مو مستعدين ويدري العدد بيزيد وااااااايد

لا حول ولا قوة إلا بالله

 

[ياعشيري جعلك السلال]

لاتقولين انا توني اده من العمره وفيني افلونزا خخخخ

بس طبيعي لما اسافر وارد على طول انفلونزا عشان جذي مارحت
مجرد احتقان وبس
والحين الحمدلله صرت احسن لا تخافون خخخخخ

 

[happy&single]

الصحه خربوطه من زمان توج تدرين !!!؟؟؟
احنا رحنا بنفحص بالورقة اللي عطونا بالمطار قالوا خلاص مدام مافيكم شي الحمدلله وشقت الورقة
قلنا كاتبين غرامة وحبس قالت كلام فاضي بس روحوا البيت!!!!!
لا فحص ولا بطيخ

 

[بطاطا]

صرت اشك بكل شي ينقال عندنا



ليش جذي

 

[أساور]

ماتشوفون شر ... والله يحفظنا ويحفظ جميع المسلمين من هالمرض
والنواب يالله يراكضون حق واسطات العلاج بالخارج لربعهم
تبين يهتمون فيج لو كان المرض بوقت الانتخابات جان شفتي القمر بايد والشمس بايد

 

[خزااامى]

الله الحافظ
الله يستر علينا كل يوم يزيد العدد وهذا اللقاح مادري متى يجي

 

[um fawaz]

انا سمعت راح ياجلون الدراااسه عشان لا ينتشر المرض .... بس ما توقع يسونهااا

 

[q8 7oobi]

ما تجوفون شر ان شاءالله...
ويارب الكل يصير احسن او احسن ونفتك من هالمرض...

 

[Queen NOoori]

^^^^^^^^^^^^^
الله يسمع منج :dddds::dddds:
والله الحافظ

 

[بنت باباتي]

الله يستر ويكفينا الشر

 

[! بــدويه وآآيــد !]

:~


الكويت شنو نآقصهآآ !!


ليش جــذي قآعد يصير ؟


ذبحونآ كل شوي مسج ورآء مسج الكهربآء وذروتهآ ومآدري شنو ، شنو يبونآ نسوي بهالحر نطفي التكييف ؟؟


والكهربآء الي موصلينهآ للعرآق ليش احنآ مو اولى فيهآآآ !!




الملآيين الي قآعده تروح على فلسطين وبالأخير فلسطين لو تقوم علينآ حرب الله لآيقول بيركضون يفزعون مع العدو !! مآقدروا يشترون بهالملآيين الي تروح عالعدو اجهزه للمطآر ويعدلون فيهآ الصحه وطآولآت المدآرس الي مبيته من سنة جدي ؟؟




ابي اعرف الكويت متى تسنع ؟؟ انا ابوي لمآ صآرت فيه جلطه عطوه بندول ومآدري شنو قآلوا له روح البيت !! ودينآه الفروآنيه ودقينآ على دكتوره من اهلنآ قآلت شلون سآكتين فيه جلطه !! لو مآنعرفهآ جآن قآلت بالطقآق روح مآفيك شي ؟؟


ليش قآآعــد يصير جـــذي ؟؟؟






مآتشوفون شر حبيبتي ..~





:~​

 

[ام سعود ديكسون]

سلامات زهر الرمان خطاكم السو الوضع خطيييييير بس شنقول والوزير قال ما راح نعلن عن الحالات الا اسبوعيا عقب ما وصلت فوق 400 حالة وقال ماني خايف من الاستجواب حتي رفيجتي رايحة بيت ناس كانوا مسافرين وشكت بعمرها انها مريضة قالولها روحي البيت واحنا ندق عقب 3 ايام سترك يارب لايحوشنا الفايروس و يسمونها سنة الخنازير ونروح وطي خخخخخخخخخ خلونا بالقرقيعان ودراريع رمضان والقريش

 

[viva la glam]

سلامات زهر الرمان خطاكم السو الوضع خطيييييير بس شنقول والوزير قال ما راح نعلن عن الحالات الا اسبوعيا عقب ما وصلت فوق 400 حالة وقال ماني خايف من الاستجواب حتي رفيجتي رايحة بيت ناس كانوا مسافرين وشكت بعمرها انها مريضة قالولها روحي البيت واحنا ندق عقب 3 ايام سترك يارب لايحوشنا الفايروس و يسمونها سنة الخنازير ونروح وطي خخخخخخخخخ خلونا بالقرقيعان ودراريع رمضان والقريش

:dddds::dddds::dddds: