الصااابون المغربي

[شقاوة هداوي]

سلام حبايبي ممكن بسرعه تقولولي كيف استخدم الصاابون المغربي بخيمة الساااااااوناااا كيف الطريقه وايش هذا الصااابون المغربي

 

[فدوووو]

الصابون المغربي اساسا هو عباره عن غار منقوع بمويه ورد مع شويه زيوت

واصلا يجي سايل مايجي معجون زي الي طالع بالاسواق هاليومين

وحطي معه زيت اللوز عشان يبيض اكثر

وفري بالقسم تلاقين كذا طريقه له

بس الافضل انك تخلطين الصابون مع الزيوت والاعشاب بعدين تدخلين الساونا لمده معينه بعدها تطلعين وتغسلين جسمك بس يبقى شوي من الصابون عليك وبعدها تفركين فرك زين

 

[شقاوة هداوي]

الله يعطيك العافيه اختي ابسالك فريت وراسي عورني
ممكن مساعده اكثر يالله الهمه يالكويتيات فديتكم والله

 

[فديت الريم]

هلا حبيبتي شقاوه شوفي حبيبتي اول شي لازم تقعدين بالخيمه لمدة ٢٠دقيقه لين يتفتح المسام عندج وبعدين تطلعين وتدهنين جسمج كله بالصابون المغربي اهو بروحه يكفي لانه يجي مخلوط بزيت الزيتون عقب تردين للخيمه ربع ساعه وتطلعين تغسلين جسمج بس انتبهي لازم الماي مايكون بارد لازم شوي حار الحراره اللي تتحملينها علشان الماي البارد يسكر المسامات واحنا للحين ماخلصنا بعد ماتغسلين جسمج من الصابون تيبين الليفه المغربيه السود وتفركين جسمج وكل ماكان الفرك اقوى كان احسن لين ماتشوفين يطلع منج اشيا مثل الخيوط ترا هذا كله جلد ميت انا مره جبتلي مغربيه سوته لي صراحه كان تفريكها يعور وقلتلها قالت جذي احسن اذا فركتي شوي شوي ماراح يفيدج والله وصج طلعتني صافيه بشرتي حيل المهم انكمل تظلين تفركين تقريباً ربع ساعه واهم شي الركب والاكواع والاماكن السمره عندج ونسيت لا اقولج قبل لاتبدين تفريك واذا طلعتي من الخيمه افتحي الماي الحار حيييل بالحمام بس مو تدخلين تحته عقب تدعين علي خخخخخخ
لا بس علشان البخار يحافظ ع المسام مفتوح لانج راح تطولين بالفرك عقب ربع ساعه تقريباً من التفريك وطبعاً راح تنصدمين باللي راح ينزل منج وراح تقولين كأنج سنه مومتسبحه خخخخخ
بس هذا كله جلد ميت اذا ماطلع معاج جذي اعرفي ان طريقة تفريكج غلط المهم اذا خلصتي غسلي جسمج بماي مثل ماقلتلج يميل للحراره اكثر علشان مايسكر المسام عندج لاننا للحين ماخلصنا اذا خلصتي نظفتي جسمج ييبي السنفره مالتج اللي تفضلين وحطيها ع جسمج وويهج وقعدي تحت بخار الماي الحار اللي فاتحته لمدة عشر دقايق بعدها غسليها بماي بارد علشان يتسكر المسام وبس وهالطريقه تستخدم اسبوعياً يعني مره بالاسبوع وشوفي بشرتج شلون تصير ولا بشرة المغربيات وسلامتج

 

[فديت الريم]

بس ادعيلي ان الله يقوم بنتي بالسلامه وماتحتاج عمليه

 

[شقاوة هداوي]

سلامتها ماتشوف شر ياقلبي عليها ربي يحفضها وماتحتاج عمليه يااارب ان تمدها بصحه وعااافيه
اممممممممممممممممممممممممممممممممممين وشكرااا على المسااعده

 

[فديت الريم]

جزاااااج الله خير وحاضرين لاهل السعوديه فديتج والله

 

[شقاوة هداوي]

تسلمين يالغايه وربي اني احب اهل الكويت وبصررررررررااااحه دخلتي قلبي ياااافديت الريم

 

[t๏๏tคђ]

ماقصروا البنات الله يعطيهم العافية ..
وموووفقة