الشهر التاسع والنفسة الزفت والتعب ...حياكم نسولف ؟؟

[mannawy]

صبحكم الله بالخير، دعواتي للجميع بالولاده الميسره.
انا سلمكم الله صارلي 5 ايام من التاسع، والدكتوره قالتلي تعالي يوم 1/11 ونقرر اذا اولدج ولا نصبر بعد بصراحه مادري شخربطت علي وقالتلي انها ماتبي شي مادري شنو يصير انا بصراحه تعمدت ما اسمع عشان ما اخاف ويرتفع ضغطي وكل اللي قالتلي هدي اعصابج بهالفتره ولاتتظايقين.
وجنها طقت على دقمة الظيقه وانا من يومها واحس اني متنرفزه من التعب واشم اشياء غريبه جني اتنسى امس قمت اصارخ بالبيت اشم ريحة سمج قويه تلوع الجبد والفجر عواااااااااار مو قادره حتى اقلب متيبسه بمكاني ولي قمت البيبي احسه بيطيح. حرام بس وايد اشتكيت
الله يسهل

 

[$$king moon$$]

صباح الخير
حمدالله على سلامة كل وحده ولدت
اليوم موعدي ادعولي امس سويت رياضه هئ هئ
طبعا انا وين والرياضه وين اول مره اسوي رياضه بعمري
قلت جود ايلي طلق واولد
ولافي طلق ولاشي شي حددددده غريب
امبيه خايفه ينزل علي ماي ومامعاي طلق
عموما اعطيكم خبر اليوم موعدي بروح اشوف دكتورتي شتقول
الله يستر

 

[mrs.ls4]

امبي ما ادري شكتب ولاشبلش فيه
انا امس دشيت السبوع الثالث وحدي تعبانه وبجر
ابي اولد الحين وبهاللحظه وهالثانيه خلاص وصلت
مرحله ما ادري شسوي بعمري
اقوم من النوم ادش الشاور اقعد بوساعه اخلص
اروح الصاله او ادش الفراش اتقلب
انام كل نص ساعه انحسر واروح الحمام وانتو بكرامه
وريولي كل يوم وحده اتعورني
اقوم من النوم الي يسمونه نوم ادش تحت الشاور
اقعد بو ساعه وشي اخلص ابدل اقوم اروح الصاله
ابي اشوف تلفزيون ما اقدر اتعب من القعده والانسداح
ارد ادش الشاور مره ثانيه ريلي يقولي بتصيرين
زرعه من كثر ماتقعدين تحت الشاور
لان من التعب والاجهاد والتفكير وصلت مرحله ما ادري
شسوي بنفسي وهذا غير البجي
واااي لاء لاء عذاااب وتعب وفوق هذا مالي خلق شي
نفسيتي بالحظيظ
وامس بلشت امشي شوي ويريتني مابلشت ريولي
شقتني شق
وايد اشتكيت وفيني بعد بس الله كريم والله يهون علينا

 

[aya faid]

يارب تهون علينا ونولد بالسلامة ولادة سهله ميسرة

 

[donutoo]

صباح الخير
انا من كثر ما اتشكى من العوار والثقل محد قام يعطيني ويه لووووووووووووووووووووول

 

[تبطي عظم!]

دونات لووووول انا عكسج ما اتشكى كلش ابلعها واسكت

فاقده ابوها مشكله خلصت مرضياتي كلها

شلوونكم اليووم

انا عوار كان معاي من امس العصر لين الساعه ٩ الصبح ماسكني بظهري ذبحني

نمت الساعه ٩ ولمن قعدت اختفى كأني اجذب مافيني شي!!!!

 

[Violetta]

حدي تعبت حتي المشي مالي خلق

 

[الشيرازية]

والله انا اليوم غايبه وحاسه بفشله لان من بداية الدوامات هذا خامس يوم اغيبه

 

[الشيرازية]

بنات تصدقون انكم جبتولي الاحباط خلاص ما راح اتشكي بعد كلكم قريب تخلصون التاسع وانا باجيلي علي موعدي ١٩ يوم تقريبا يارب اسمع اليوم انكم كلكم ولدتو بالسلامة

 

[$$king moon$$]

لا بنات اذا خلصت طبيات بالمستوصف الحكومه ١٥ يوم
لج بالخاص ٣٠ يوم هذا قرار من الديوان
انزين عفيه بنات فيدوني قبل مااروح موعدي بعد اشوي ان شالله العصر
ابي الطلق الصناعي له مستويات واهو نوع واحد
وبسأل تحميلة الطلق نفس الطلق الي يحطونه بالدرب
يعني ايهو اهون وايهو الجايد

 

[تبطي عظم!]

شيرازيه لوووول ليش احباط مره وحده مو لازم الوحده تولد بالتاسع ياربي الحمل ٩ شهور

والي تولد بالشهر التاسع يعني ماكملته وبالغالب تدخل ضمن الولادات المبكره يعني الي تدخل العاشر وضعها طبيعي جدا

التحلطم هني من الثقل والتعب ومفاجاآت هالشهر وااجد الالام وعوارات تجي وتختفي هههه تحسين نفسج اتوهمين العوار !

انا جذي لي عورني شي احس اني اجذب هههههههه وتأكدي البيبي ماراح يطلع الا باليوم الي الله كاتبه له بس عسانا نولد بالسلامه ياارب

فيوليت

حبيبتي انتي الرحم مفتوح عندج سويتي فحص ولا نفس حالتي مافحصتي !

انا فيني فضول بعرف مفتوحه او لا هههههه. بس جذي فضوول بس حساافه موعدي مطول

 

[تبطي عظم!]

هدى الله يبشرج بالجنه انا خذيت من الخاص لمن كنت بالثامن اسبوع وعبالي بيخصمون علي بس خذيته مضطره كان معاي طلق

مالت عاد الحين اختفى الطلق لوووووول

يعني باقيلي ٢٥ يوم حلووو ببلش اجل من الاحد اخذ ٥ ايام مع اجازتي العيد عاد ان


شاء الله اولد باجازة العيد وافتك ~

بخصوص الطلق الصناعي انا بجريه ماعرف الاغلب الي جربوه قالولي الطلق صناعي عيبه مايرحم حار ورا بعض بس مع الكمام ماتحسبن فيه ~

 

[$$king moon$$]

تبطي عظم بس انا لما سالت الشؤن الاداريه عندنا بالوزاره
قالولي قانون الديون انا تاخذين ٣٠ يوم بس مقطعه يعني
حدج ٣ ايام واداومين الرابع وعقبها تاخذين ٣ ايام وجذي
بس سالي عندكم ادارتكم عشان تتاكدين احسن

 

[تبطي عظم!]

وي السالفه هيييك.

بسأل اجل ~

 

[خبيرة اعشاب]

عسى الله يهون عليكم و تولدون كلكم بالف سلامة يا رب

 

[$$king moon$$]

خبيرة اعشاب الله يسلمج يقلبي والله يجازج خير
بناااات خل اقولكم اشصار معاي بالمستشفى اليوم
طبعا اول مارحت ولادكتورتي خلص دوامها العصر
لان انا امس موعدي ومارحت فمالحقت عليها قلت خل ادش على
اي دكتور او دكتوره عالاقل اخذ طبيه اليوم وباجر
دخلت على دكتور اممممممممممممم شسمه شسمه
امبيه حدي نسيت المهم دخلت عليه قلتله عن الطبيه وعطاني
وسالته عن موعد ولادتي وقال اصلن انتي ماطاف موعد ولاتج
مكتوب بالملف اخر موعد ١٠/٢٨ اثاري الدكتوره قاعده تمشي
على كلامي يعني على موعد اخر دوره ومسجله بالملف موعد ثاني
على حسب حجم البيبي بالسونار
عااااااد حدي تنرفزت وانا علبالي طاف موعدي وتوترت حدي

 

[تبطي عظم!]

هدوي

الي اعرفه ان الاضبط موعد الدوره اذا منتظمه دورتج قبل الحمال واذا كانت متخربطه فالدكتوره تمشي على السونار ~

 

[الشيرازية]

صباح الخير انا الله يسلمكم اليوم صار معاي الم اول مرة بحياتي احسه الم مثل السكين داخل النخاع الشوكي مع الم بالبطن بادي معاي من٢ الظهر لدرجة بعد العصر سويت كمادة ماي حار وحطيتها بس ماوقفت العوار بس احساس مريح المهم رحت المستشفي وسويت تخطيط يوم قعدت عالتخطيط وقف كل الالم المهم لما شاف الدكتور التخطيط قاللي ماغيرتي رايج وتخليني افحص قلتله لا ماغيرت رايي شنو طلع بالتخطيط اكو طلق ولا لا جان يقوللي طلقه وحدة بس المهم من رديت البيت والالم ماسك فيني ظهري ذابحني وباجر بداوم مالت علي مدرستي مو ناوين يضربون نفس باجي المدارس

 

[mrs.ls4]

قوه شلونكم
انا اليوم الضهر حسيت بعوار تحت جنه احط قاعد يطقني ابره
وااااي اطلعت روحي وعيوني وادق على امي ابجي اتقولي نامي
على جنب ماله شغل لاطلق ولابطيخ
هذا البيبي قاعد يسبح ويتجول بحمامه السباحه وبطنج بلش ينزل شوي علشان
جذي اتحسين بهالعوار لان الطلق يبلش عوار ظهر
انزين اهو يسبح ويتجول وانا الضحيه اتئلم وابجي وانووووح الليل والنهار
وااي لاء وصلت مرحله ما ادري شسوي بنفسي اطق نفسي طراقات ولا اطامر ولا اركض
ولا انام بالشاور ولا ابجي
حالتي صج صج كسيفه
وصلت مرحله اقول حق زوجي يقولون الزقاير اييب الطلق عطني جم زقاره
يقولي من وين امئلفه هالمعلومه ابي افهم بس
وصج محد قال ولا شي بس انا قمت اخرف على اخر حمالي
واااي لاء هيا هيا هياااااااااا هيا مره وتوووووبه *

 

[كلي لحبيبي]

بنات انا تعبت موقادره اسوي شي متيبسه :'(
وفوق هذا للحين اطلع السوق امشي >> صااامدوووون لوووووول



الله يسسسهل