الشهر التاسع والنفسة الزفت والتعب ...حياكم نسولف ؟؟

[La t7atini]

انا اقوول مافيه الا انطق اصبع وانهز

عشان نولد 


اي شنو بعد جربنا كل شي !!


والله اتذكر يوم كنت بالثامن
طلوق وعوارات ودم وخلاص بوولد
الشي الوحيد الي ماسووه فحص بس
لدرجة يعطوني حبووب توقف الطلق عشان
لا اولد والبيبي تووه الرئة ماكتملت

والحين استغفر الله كل شي سويته
ومافي لاطلق ولاغيرره

 

[ملامح سما]

قوه بنات

الله يهوّن علينا يارب


ادعوا ترى ماراح يفيد غير الدعاء

انا باقي لي ٥ ايام واخلص التاسع وماكو طلق

شربت دارسين وخروع وكثرت مشي بس كل شي على الله

مفتوح الرحم ٢ سانتي


ويارب ابشركم قريب اني ولدت لاني صج تعبت




الله يسهلها على الكل

 

[ام ناصر 2009]

انا ولدت الحمدالله شربت خروع جاني الطلووق كنت مغتوحه 2سانتي الخروع بنات لازم تكونين مفتوحه

 

[كلي لحبيبي]

ام ناصر عالبررركه حبيبتي
٧
٧
٧
٧
شكلي بقوووم افررررها خخخخخخخ

 

[anwaroo]

حمدلله على سلامتج ام ناصر ويتربه بعزج انشالله

انا ليلحين صامده

 

[فاقده ابوهاااا]

هههههههه ضحكتوني بنات بس مو منا من الي فينا استخفينا ما بقى شي الا وسويناه مشي ومشينا دارسين وصرنا جربه دارسين تتمشي وسوالف تالي الليل وسويناها ومشينا عالرمل باقي تنمشي عالجمر علشان يحمى الطلق

عاد انا بالثامن كله عوار وطلق والحين ماكو شي ابد

 

[فاقده ابوهاااا]

بنات اليوووم الصبح دقو علي بنات خالتي نروح الممشى عشان تتسهل ولادتي
يوم رحت ونغير راينا ونروح السوق >> تعرفون بعد بنات وصرت لهم فرصه
بس مامشيت وايد بو 20 دقيقه بعدها متنا يوم ورحنا مطعم

بسس مادري ليش مششششتهيه اولد اليوم حده بخاطري
جان اطق لكم الحوش فراره ماصارت جان تقولي بنت خالتي روحي العبي عالغزال الطائر بتولدين بمكانج
واروح العب خخخخخخخ طولت عليه العب لين تعبت
جان تقول سوي البطه تراها وحده بوحده جان اقولها استريحي عاد مصختيهاا :/
للحين ماياني الم ولا شي عاد كنت متامله




ادري طولت بس ماعليه ماعندي شغل p:

لووووووول

الله يغربل ابليسج ليش حورفتي بعمرج جذي بنت خالتج بحسبتج بس عاد حطي بالج علي عمرج مو اي شي يقولولج تسوينه

 

[mannawy]

صباح الخييير، بالنسبه لي امس مشيت بالممشى وكان الجو براد لمده 30 دقيقه خرعتوني
ولما رديت تدرون اللويه لين انام والساعه 1:30 بلشت الملاقه بروح عزكم الله الحمام ماني قادره اووقف وااااي ابي اتحرك مو قادره احس شي وايد ثقيل تحت وماشاء الله يافرحتي بنتي تحن تبي حليب فيالله يالله قدرت امشي واخلص الامور. تالي نمت ورديت باسم الله ماشاء الله قمت عقبها الساعه 4:30 ونفس الحكايه يافرحتي واااايد خانقتني العبره واحس فجأه غلقت استغفر الله شي وايد صعب وتميت قاعده لين الساعه 6 تالي نمت طبعا في هالساعتين مليون فكره وفكره انزين نامي لااااااااا مستحيل والمشكله الافكار حدها سخيفه ومالها داعي بس قاعده وبغلق وبزعل هههه شر البليه مايضحك. انا اقووول بس متتتتت متىىىىىى نولد متىىىىىىىى؟ والله يسهل على الكل

 

[كلي لحبيبي]

فاقده
٧
٧
شسوي طق براسي اولد واهيا ماقالت لأ خخخخخخ
تخيلوو بنات اليوم نمت خمس الفجر ولا احس بالم ولا شي
جان اقوم عالست ونص بمغص دوره قوي يطوول يروح ويرد لين الساعه تسع وكنت مااااايته يوع
عاد قلت بقوم اصحصح لاني ميته بنام وبعدين باكل واشوف اذا للحين الم ادق على ابو الشباب يوديني
قمت مني راح الالم مني :'(

بس هونت مابي اولد ابي بشهر ١١ عشان يكون ذهبي ع الاقل

 

[girl k.s.a]

امس مشيت 3 ساعات وابشركم الحين فيني طلق يروح ويجي نغزات من تحت
بس يارب يستمر وابشركم بكرا بولادتي ربي يسههههلها يارررررب
دعواتكم

 

[girl k.s.a]

ام ناصر الخروع سمعت مو زين يجيب الطلق لكن تطولين وانتي تطلقين انتي كذا طولتي ولا لا ؟؟
حتى لو تبحثين بقوقل بتشوفين ان الاطباء يحذرون بقوه منه

 

[العفافي]

سلام عليكم خواتي

الله يساعدنا على هالثقل اني عندي تبارك الله ستة اولاد الله يخليهم تبارك الرحمن والحين حامل ولا ادري هالمرة اجيب بنت او لا كلشي يجي من عند الله الحمد لله على كل حال كلهم نعمة .

اولادي في فترة الحمل واجد يتحركون ويرفسون لكن هالحمل ما احس بحركات الا قليل مع ان كل شي طبيعي الجنين زين ونبضات قلبة زين ولله الحمد

لاتنسوني خواتي من دعائكم .

 

[$$king moon$$]

العفافي الله يسهل عليج وبالنسبه للحركه عادي موقاعده حمله عن حمله تفرق
والله يرزقج بنوته حلوه وصج اهم شي والله صحة البيبي
ياجماعه منو ولدت بشروني خل نتفأل
باجر موعدي الله يستر امس رحت واخترعت من اصراخ البنات بغرف الولاده
عاد باجر كيفهم ماراح ادش غرف الولاده بكلم الدكتوره اتسويلي التخطيط تحت
الله يسهل عليكم كلكم وتولدون بالسلامه

 

[فاقده ابوهاااا]

آآآيه وينها مالها حس لا دشت ولا تحلطمت

شكلها سوتها واولدت

ايونه بشرينا عنج حبيبتي

 

[كلي لحبيبي]

هاا ماحد ولد ؟!

 

[La t7atini]

ههههه

الحنه مو زينه

بس شنسوي فينا فينا الحنه

 

[$$king moon$$]

صباح الخير بنوتات هاااا بشرونا منو ولدت فيكم

 

[donutoo]

السلام عليكم صباح الخير
ما كنت ادري فيه تجمع حق النفسية الزفت هههههههههههههههههههه
الله كريم انشالله هاااانت الله يهون علي وعليكم
وايون معاي بتجمع نوفمبر بعد ما ولدت

 

[لوجين@]

ادعو لي اليوم راح ادخل المستشفي للولادة
اذا الله كتب
شربت خروع وعفسنس عفاس

 

[La t7atini]

الله يهوون عليج ياارب