الشهر التاسع والنفسة الزفت والتعب ...حياكم نسولف ؟؟

[elzyn]

السلام عليكم :eh_s(17): :eh_s(7):

يـــــــــــا حوامل نبي نسولف عن الشهر التاسع وأهواله :eh_s(11)::eh_s(2):
انا صراحه عن نفسي ... :eh_s(16): ... زين ما انتحر بس استويت وابي ارتاح وخايفه من الولاده وضغط البيت و ولدي قاعد يزيد ضغوطي النفسيه .
ولاحظ شغله انه حملي بولدي كان خفيف بس هالمره والله اعلم:eh_s(10): لانها بنت مطلعه روحي .
الحمدالله الادعية والقران والصلاة لهاا دور كبير في خفيف المعاناة علي الحامل .
اللهم هون الطلق وأحسن الخلق :yaaaaaarb:

ناطره سوالفكم وخبراتكم :eh_s(15)::eh_s(17):

 

[أم عامر]

ربي يهون عليج ويفرح قلبج قريب ان شاء الله

ذكرتيني كان ال8 اشهر كوم والشهر التاسع كوم

اكووون خلاص مليت ومو قادره اتحمله ولا فوق هذا اخذ فوق شهري


ربي يأجرنا يااارب

 

[noo7a]

الله يسهل عليج انشالله
راح الكثير مابقى الا القليل انشالله

 

[kanoosha]

انا يوم الاربعا داخله تاسع والله كرهت نفسي وتعبت ابي اولد لو اول يوم من التاسع ياربي هون علينا

 

[ورود الودود]

آنا توني اول يوم بالتاسع

أحس صج التعب والثقل بالشهور للاخيره

الله يهون علينا يارب

آنا بجر وووااااايد احاتي الولاده

وغير جذي مادري شنو البرنامج اللي اتبعه بعد الولاده

محتااااره

افيدونا يااهل الخبره

 

[دروبك يالسهر]

واااااي حتى انا توني دخلت التاسع ومليت ابي اووولد الله يسهل علينا ان شاء الله ونقوم بالسلامه
حبيبتي ورد لا تحاتين ترا البجر ولادتها سهههههلة الله يهون عليج ويرزقج الذرية الصالحه وبالنسبة
للبرنامج انا عن نفسي اخذت من خبيرة الاعشاب ام خالد لانه عليها مدح وااايد

 

[دلع دلع ياحبيبي]

انا بعد يومين داخله التاسع صج تعب الله يهون ويسهل علينا
خلاااااااااااااااص مافيني طاقه مو قادره اتحمل ولاشي
حتى ماعبر اطلع حتى لو مشوار خفيف
الله يعين لا هذا وانا ماخلصت ماشريت لاكفر ولا جهزت توزيعاتي ولا جهزت جنطتي
الله يعين

 

[××بنت الشيوخ××]

الله يهون عليكم يارب

 

[ام الجدائل]

الله يهون عليكم عيل انا اخر الرابع و حدي ودي اولد ودي اشوف بنوتي لاني البجر قلبي طااااير على الياهل

الله يسهل و يصبرني

 

[NODA 2]

صج الله يهون عليكم صج كل الاشهر بكوم والتاسع بكوم ثاااااااااااني تحسين بكل تعب الدنيا فيج
الحمدالله انا ولدت الاسبوع الي طاف صج صج ارتحت ولله الحمد
الله يهون عليكم يا رب

 

[هناءالروح]

الله يهون عليكم ويقومكم بالسلامة
بس لا تحاتون ويروح عمركم كله تفكرون بالولادة بتتعبون اكثر
انا كنت مو حاملة هم الةلادة لالا بس هم اني ابي ولد وجبت بنت الله يحفظها فرحت فيها بالحيل ولو اني كنت اتمنى ولد
المهم يا حبايب
كنت اشغل نفسي بالتجهيز للبيبي ولنفسي
واجهز بيتي وانظفه عشان الي بيجون يزوروني عقب الولادة
والحمدلله عدت على خير
المهم الوحدة ما تحمل نفسها اكثر من اللازم
ربي بيسر كل شي باذن الله

 

[bent_7awa]

الله يهونها ويسهلها علينا وعليكم كلكم يارب ...~

انا صارلي اسبوع بالثامن وحدي تعبانه وزهقانه من ألم ظهري ... وما سويت ولا جهزت ولاآآآآآآ شي

الله يكون بالعون

 

[om batool]

انا خلاصى تعبت اليوم كملت 39 اسبوع :eh_s(11):

ولدي عمره سنه وايد متعبني واحاتي الطلق الصناعي جربته بولدي عذااااااااااااب :eh_s(2):

 

[ورود الودود]

الله يهون علينا يارب

انزين بنات شنو لازم نحط بجنطة المستشفى؟؟؟؟؟؟؟

عفيه ردوا علي

 

[بنت الديك]

السلام عليكم والله خوش موضوع والله انا ولدتي راح تكون قيصريه والدكتور معطيني موعد بعد اسبوعين تقريبا ودى اولد اليوم قبل باجر والنفسيه ضاربه 360 درجه حدي تعبانه الله كريم يارب يهون علينا ويسهل علي كل حامل يارب

 

[LAW_GiRL]

التاسع وماادراك ما التاسع يماا عذاب ونفسيه زفت امشي واتهاوش مع نفسي

انا في بنتي حملي كان خفيف وكنت حيل موحاسه بالحمل
بس هالمره ياالله حمل ثقيل يقث حدا وبطني يتحجر حدااااا لان انا قيصريه ولادتي
وانا اييب البيبي حجمه حدي 2,400 كيلو بس هاالمره ماشاءالله انا الحين 36 اسبوع وزن البيبي 3.200 وانا من النوع الي بطني مايكبر وايد الحمد الله علشان مايطلع الكرش لوووول
والدكتور معطيني 6-6-2011 ولاده باذن الله بس جد جد اللهم بارك هاالحملة تغث حدهاا وشكل البيبي عنده مباراة قوي
ه بس ترفس وتشوت اوووووووووووه وانسوا اقعد على حيلي لازم انسدح واللي يغث ان البطن لما يشد ماقدر اتنفس اتضاااااايق

الله يسهل علينا يارب

 

[Diva-Q8]

الله يهون علينا يارب

انزين بنات شنو لازم نحط بجنطة المستشفى؟؟؟؟؟؟؟

عفيه ردوا علي

انا بعد بأول اسبوع من التاسع وزهقانه بس الحمدالله مو مظايقني وايد من الثقل

بخصوص الجنطه في وايد مواضيع بالمنتدى

انا حطيت بجامتين - صروال قطن طويل -ملابس داخليه- قميصين استقبال - فوطتين - مداس-دلاغين-جنطة مكياج صغيره فيها بودره-قلم كحل-مسكره-جلوس- اغراض الحمام تكرمين (شامبو-بلسم-شور جل - ديتول ورق - فازلين- لوشن- ديودرنت-مشط- شباصه-سشوار-عطر) لاني اتسبح في بنات مايسبحون يعني اختياري براحتج - واهم شي (المره) ونفنوف حق الطلعه (اذا انتي متحجبه حطي عبايه اسهل + شيلتين قطن مع قمصان الاستقبال

اغراظ البييبي 3 اطقم كامله مع اللفه والكبوس+ لفة البيبي حق الطلعه انشالله انا ماحب الجيس مال البيبي هم انتي كيفج

اذا نسيت شي بنات قولولي بلييييييز

والله يسهل عليج وعلينا يارب

 

[ملكه الحطب]

الله يهون ويسهل عليكم ياااارب

انا بولدي وكنت بجر قعدت تقريبا اسبوعين بالتاسع اشوه اني ماطولت لاني كنت ماساااااه رجولي منتفخه وايدي وبطني طايحه هههههههه

بس والله كل هذا راح تنسونه يابنات وبسرعه بعد سبحان الله

 

[أم راشد.]

انا صارلي 23 يوم من التاسع والله يسهل علي بولادتي
وجد هالمررررره تعبت تعبت حييييل ودي اووولد
وكنت مفكره بالطلق الصناعي بس في ناس خرعوني
وقلت ماتسوي علي خل اخليها علي الله بس تعبت
من الثقل

 

[omali_store83]

:eh_s(11)::eh_s(16):

ذكرتوني

صارلي 9 ايام من دخلت التاسع وهذا البيبي الثاني
وهاليومين عوار يروح ويرد
بس من ساعه 2 الفير اليوم احسه زايد وماسك جنه بتصير الصجيه

صج تعبت وثقلت ومالي خلق حتى نفسي
يارب اولد اليوم :yaaaaaarb:​