الشهر التاسع والنفسة الزفت والتعب ...حياكم نسولف ؟؟

[eli87]

هاي بنات الله يتمم علينا وانشالله نولد بسلامة

انا صارلي سبوع دخلت بالتاسع وللحين مابديت اروح امشي هذا ثاني حمل لي و وايد تعبت ودي اولد ارتاااح بشوف البيبي

هههههه جهزت جنطه المستشفي بس ماجهزت جنطه ملابس الي حقي وحق بنتي باخذها معاي بيت الاهل

واي ياربي متي اولد وكرشي يدخل تعبت ومليت

 

[قوتشـي]

انا لي يومين داشه التاسع .... والله تعب وثقل وملل وكل شي

الله يهون علينا ويقومنا بالسلامه

 

[om la6ofa]

الله يسهل عليكم يااا رب
انا بالسابع ومليييييت
الله يتمم علينا يااا رب

 

[دلع انثه]

الله يهون عليكم يارب

 

[عهود%]

انا لي ثلاث السابيع من التاسع وحدي تعبانه والنفسيه زفتلكن الله يهون علينا.....

 

[جوريه بيضه]

الله يسهل علي عليكم ونقوم بالسلامه ان شاء الله

 

[barosha]

وحلات سوالفكم تهون عالواحد
انا بالثامن تووووني
بس تعبت والنوم متعب احس ودي اولد
بس ميته خوف و لي الحين مو متخيله اني بصير ام وله مستوعبه انه ببطني ياهل
مرات احس جني اتخيل
وخو الريل كله نجره معاه من النفسسيه ومن كثر ما انا خايفه

 

[زينانه]

الله يهون عليكم
انتم السابقون ونحن اللاحقون
شربو حلبه تنفع لتوسيع عنق الرحم عشان يتوسع معاج بالولاده بسهوله ومايكون جامد
او سميك على قولة الدكاتره

 

[ام مراوي]

ادا انتو بالتاسع ومليتوا عيل شتقولون عني انة اول اسبوع بالثامن وحدي مضايقه وصايرة الله يعزكم كل ما اعطس ابول وظهري موووت يعورني الله يسهل علي وعليكم يابختكم بالتاسع هههههه

 

[ورود الودود]

الله يسهل علينا ياااااارب وااااي حدي متكاسله ومارتبت اغراض البيبي

ولا اغراضي حق المستشفى .....

وكلهاحاتي الولاده

آنا بديت بالمشي من وقت واحس يجيني آلام ومغص

 

[ELFAD3Ah]

ربي يسهل عليج حبيبتي اليوم بالتاسع عباره عن سنه

 

[Diva-Q8]

انا اليوم مشيت على تراب البحر وبلشت اكل 7 تمرات وحليب على الريج يقولون زين حق تسهيل الولاده الحين انا كملت اول اسبوع بالتاسع

وبعد اسبوعين ببلش اشرب كف مريم يقولون تنوخذ بأخر اسبوعين هم حق تسهيل الولاده

زهبت كل شي وحطيت هدومي واغراظي وانا والبيبي في بيت اهلي وجنطة المستشفى بس ناطره استعداد حق الولاده

اكثر شي غااااااثني النومه الله لايوريكم أأأأأأأأأأأأأأأأأأأأأأأأرف استغفر الله اصلن مانام مثل العالم

كلا اتقلب يا يمين يا يسار ادور نومه مريحه مو عارفه و اقوم 4 و5 مرات عشان تكرمون الحمام ما انام ساعتين على بعض وغير الكوابيس كل يوم احلم اني قاعده اولد يمكن من دشيت التاسع لي اليوم ولدت 25 مره

 

[Candel in the Desert]

انا باقيلي اسبوع وادخل التاسع استغفر الله ابي اولد تعبت من الثقل وقله النوم .. نومي متقطع ومو مريح كلش ... وعلى التجهيز كل شي موجود عندي بس لي الحين ما دخلت اغراضي بالجناط
متكيسله استغفر الله .. هذا غير اغراض اعيالي عشان اوديهم بيت اهلي قبل ما اروح المستشفى
والطامه الكبرى انه ريلي بسافر ... وااااي نفسيتي زفتتتت...:eh_s(16):

 

[Candel in the Desert]

انزين بنات قولولنا عند منو اتراجعون وين مقررين تولدون ؟

 

[dana1986]

كله في اجرة بنات احنا في نعمه مايدري فيها غير المحروم من الذريه
قولو الحمدلله على كل حال
والله يسهل عالجميع يارب
ولاتنسون الدعاء : اللهم سهل حمله ومخرجه

 

[شيــوخه]

الله يهون ويسهل عليج يارب

صج صج الثامن والتاسع شي لا يطاااااااااااااااااااااااق

الله يعيدي هلايام على خير

 

[AMEE1979]

انافي اخر التاسع شريت كل اغراضي واغراض البيبي بس لسه ما جهزتهم بشنطه وناويه هلمره اقضي الاربعين بشقتي وعتمد على نفسي (والله يستر)ههههههه

اللهم ارزقني بلولد الصالح البار فيني وفي ابوه وخواته يارب

 

[فديت اللي احبهم]

واللة موضوعك هذا جاء بوقتة انا حبيباتي اليوم الاربعاء دخلت التاسع ....اللة يعين ويسهل وهالاسبوع كلة من بداية السبت اللي طاف سويت حملة تنظيف بس مو اجهد نفسي لا شوي شوي نظفت بيتي ورتبتة كلللة من الى الحمد للة مع اني بتنفس عند اهلي بس عشان الحركة تفيدني وهم بعد عشان ودي اروح وبيتي يلمع ههههه وخلصت كل شغلي الحمد للة امممم اغراضي واغراض البيبي شاريتهم خلاص من الى حتى الحفاظات هههههه بس باقي مانظمتهم بالشناط بعد يومين باذن واحد احد ووووخلاااااااص اتفرغ للمشي واستعد للولادة اللة يعين بس .....اية صح بنات كل وحدة تقول لنا وش ناوية تسوي تمشي تاكل او تشرب شي عشان تسهل الولادة انا اول وحدة (ببدا المشي اذا خلصت اسبوع بالضبط من التاسع طبعا هالمشي من غير حركتي الخفيفة فالبيت واممم بعد من اليوم باذن اللة باكل كل يوم ثلاث تمرات وكاس حليب فالصباح واللليل عشان التمر يسهل الولادة وهم بعد عشان لما تجي الولادةتكون عندي طااقة ههههه وناوية بعد اسبوع ابدا اشرب حليب بحلبة يوم بعد يوم يقولون زينة مرررة وشيء بسوية بعد اسبوع بعد سويتة ببنتي اتنقع بماء مو دافي مايل للحار شوي بس يحتمل امليء الطشت واجلس فية لين يبرد واحاول اطلع الماء على ظهري وبطني وطواللللي اتدفي واروح الفراااش خطييييرة هالحركة يابنااات تخفف التقلصات وتفتح لك الرحم شوي شوي بدوت ماتحسين حتى دكتورتي تقول ينفع لو تتروشين بماء دااافي وطواالي عالفراش بس هالطريقة احلى جربتها ببنتي البكر واللة تستفيد منها تدعيلي امااااااااانة اللة يحقق كل اللي في بالي ..........خلص سوري عالهذرة هههههه بس بالتفصيل ياللة كل وحدة تدخل كل يوم وتدخل تعلمنا وش سوت باااااااي

 

[Diva-Q8]

انا اليوم دخلت الاسبوع الثاني من الشهر التاسع اليوم كانت مراجعتي

الدكتور كتبلي على ورقة الدخول قالي تفضلي هذا شيك على بياض هههههههههه ظحكتي قالي اول ماتحسين بالطلق روحي المستشفى و حسيت انه صج قربت الصجيه وقالي موعدنا الاسبوع الياي اذا ماولدتي جان اختبص

وصج انا اراجع في بوشهري التخصصي عند الاستشاري خالد حموده

المهم بلشت امشي على تراب البحر الناعم وانا حافية القدمين عشتوو....وهم اكل 7 تمرات مع قلاص حليب خالي الدسم على الريج يوميا

وبس اخلص هل اسبوع على خير ببلش اشرب عشبة كف مريم بأخر اسبوعين من التاسع

يا ترى منو فينا بتولد قبل الثانيه بنات يالله نبي نبارك

 

[ورود الودود]

آنا توني اول اسبوع من التاسع

بلشت مشي

وببدا آكل تمر مع حليب

وناويه اشرب اعشاب تسهل الولاده

بعد اسبوع ان شاء الله

اما التعب والثقل فحدث ولاحرج

والنومه اف كلش مارتاح وياكثر قوماتي

الله يسهل يارب

وصج بنات نصيحه الزموا الاستغفاااااااااااااار