الشكوى لغير الله مذلة خففوا عني وجعي

[كليـ دلعـ]

ماقصرو البنات تكلموو بجميع الجواننب

يعطيهم العافيه

بقا جانب واحد

شوفي زوجج ماتكلم من فرراغ

ماتكلم واستنفررر الا انه فيه تقصييير

حييييييل منج

صدقيني مستحيل تكونين قايمه فيه

ومريحته ويوصل لجذي

حتى الفراش عايرج فيه

الا انه

شاف انج ماتسوين شي ولاقايمه فيه ولا تقعدين

مع اهله

وعذرج الحمل

وشاف ان الحمل ماردج عن الفرراشش ومجهووده

من جذي تكلم

اهوو ماياب شي من راسه

تكلم باللي قاعد يصير


هم بعد موحلوو مره نايمه24 ساعه

والبيت ميت لاحس لاحيااه


وكل مادش ع اهله وسال عنج

قالوله فلانه فوق

مانزلت ماشفناااهاا!!

هم بعد اهوو وضعه غلط

واهله اكيد يوزوونه

لوماقالوو جدامج

يقولون من وراج

واهو ماينلام

اذا ماتسوين شي

الا انج مستعده للفرراش

اكيد بيعافه!

الريال تراا يحتقر ويستنقد الحركات هذي

كل شي بحدوود

مووتشكين من التعب من الامور التافهه

والامرر الشااق تستعدين له بكل لهفه!

يعني اهو اككتشف وشاف

والحمل ماا رد المدرسات لايداووموون

ويدرسوون عيالنا وبناتنا

والحمل مارد الحامل عن الشغل والطبخ

والاجان امهاتنا مايابوونا

الحمل امر عادي اوكي فيه

تعب او شهوره واخررهاا

بس موكله ماقدر اسووي وماقدرر احط

غلططط

غلططط

طيحتي نفسج من عين ريلج

واستحقررج

وعيفتيه فيج من فعوولج

الله يصلح امررج

ويتمم عليج حملج

ويقومج بالسلامه

مادري

دام قالج خلاص

ووصلها للطلاق

معنااته مومتقبل كلش

الله يكتبلج اللي فيه الخيره

 

[دلوعة أبوهآ]

عيب عليه زوجك يقول هالكلآم
بدآل لايفرح آلطفل نعمه من الله ..


ماقدر اقولك غير الله يفرج همك وغمك يآرب

 

[خلطات المذهله]

طولي بالج كلهم جذي ترا الرياييل يهال والله يعينج علي ماتتعودين عليه ويتعود عليج تبي وقت

 

[قموووره]

حبيبتي لا تزعلين مني اعتبر يني اخت كبيره .... بس اسمحيلي انتي وزوجج ماعندكم سالفه ولا في موضوع اصلا يستاهل انكم توصلون للطلاق !!! السالفه تافهه
السالفه وما فيها ان انتو الاثنين توكم صغار وكل واحد فيكم يبي يرسم نفسه على الثاني وهذا الي حاصل الريال يبي يبين جدام اهله ان زوجته زينه وقايمه فيهم وما يبي يعرض نفسه انه ممكن يسمع كلام من اهله عليج وقاعد يتجنب هالموقف ونسى وضعج انج تعبانه وحامل وهذا مو لان ما يحبج بس الريال خصوصا بداية الزواج يبي يوري اهله انه ريال ويمشي زوجته يعني بالعربي نعرة رجوله وهذي بس فتره وبتروح اذا عطيتيه برستيجه جدام اهله
وانتي يايه من بيت اهلج مثلنا كلنا لمه نقدم شي للريال نتوقع منه ردة فعل في بالنا واذا ما صار الشي الي في بالنا نحس بالظلم لان احنا نعتقد ان احنا قدمنا وايد وضحينا هذا الشي بنظرنا احنا بس ووقتها لكن الشي الي انتي تظنين انه وايد ممكن اهو ما شافه اصلا
فيكون سبب الاختلاف انج معتقده شي وهو في وادي ثاني يعني بالعربي كل واحد فيكم شاف نفسه وهو معتقد انه مضحي للثاني
انا اقول هذي فتره لابد منها وتعوذو من ابليس وقضبو ارضكم ما عليكم الا العافيه والزواج يبيله طولة بال خصوصا منج انتي حبيبتي انتي عليج حمل اكثر من الريال لان انتي بالاول الي المفروض انج تستوعبينه وتطولين بالج عليه تعبي بالبدايه وشوي شوي راح تسنعينه بس انتي اركدي الاول علشان تعرفين شلون تركدينه
طولت هليج ادري اخذي بكلامي صدقيني حسبيني اختج العوده وعلى قولتهم الطيب احسن ولا تتاثرين بكلام يخرب بيتج يا حبيبتي ركدي اليوم الي حارج ومعور قلبج باجر تضحكين عليه وتقولين ما عندي سالفه
والله يسخركم ابعض ياعيوني​

 

[غلآ نوآف]

فديت قلوبكم والله ع كل كلمة قلتوها

بس بنات ريلي وايد طيب وحنون وكل ماطلبت منه شي يلبيه حتى لو صعب عليه
لكن مايحب يردني ولا يكسر بخاطري
لكن يهددني بالطلاق ف شي انا ماشوفه يستاهل
ما اخطيت بحقه ولا شاف مني عيب حتى يجيب سيرته ونحن تونا عرسان
وهذا اكثر شي حز بخاطري
وكان مستهين فيني وعادي عنده يطلقني
رغم اني ادري ومتاكدة انه يحبني ومايقدر بدوني
ومثل ماقلتوا هالشي يذكره لي وايد
انه مايبي اهله او الناس يشوفون اني مقصرة بواجبهم
او مهملة وكسلانه كله انام من بداية زواجي
يقول انه يدري اني حامل وتعب وارهاق وقلة نوم وجذي
بس يبيني اضغط ع روحي
يبيني ارتب وقت نومي بوقت قومة اهل البيت ونومهم
رغم ان كل شخص له وقت نوم وقومه
ومافي احد يقعد بعد الظهرية بالبيت كلا يدخل ينام
لان الكل يشتغل او يدرس انا لا
ولي صحيت من النوم اعووفه ماقدر ارد انام من يديد
ولي ادور رضاه اسهر معاه تدرون يعني
لصلاة الفجر انام
يبيني اصحى الساعة11 واكون مجابلتهم تحت الساعة 12 واكل غصب لو مومشتهية
ادري كلامه صح
بس مو قاعدة اسوي شي غلط
مو بمقدوري
عندي دائما رغبة بالنوم
والشاي ممنوع مني
والقهوة بسبب الكافيين

شلون بالله بصحصح؟

ادري انه شاريني
بس ابي احد يفهمني يقدرني
ومالي ويه اقول شي حق امه او خواته
مابي احد يدري بالي يصير بيننا
تكبر السوالف ونكون نحن نسينا الي صار وتصافينا يردون السوالف علينا
مابي هالشي يصير معنا

وهو فرحان بحمالي
وطاير فيه
بس طلباته صعبة علي احيانا
رغم انه صار يتقبل بعضها بالفترة الاخيرة

 

[غلآ نوآف]

والسموحة ع ردي المتاخر ماكو نت عندي بسهولة

 

[yam_yam]

ربي يعينج
هالرياييل عبالهم الطلاق سهل يلعبون ببن الناس و عقبها بيطلعون بدون عواقب

 

[أنهار الكويت]

صدقيني ريلج الكلاااام اللي يقوله مو منه شوفي منو يترس راسه
امه .. خواته

لان مااااافي رياااااال يركز على هالسوااالف .. انتي كله نايمه.. الناس تبي تشوووفج ... يبون يسلفووون معاااج .... حبيبتي هذا حچي حرييييييم مو حچي رياييل والله

شوفي منو قاعد يتشكى منج ...

انا نفسج من تزوجت اقل من شهر حملت وكنت ادرس كليه اداوم من الصبح اطلع من ال6 محاضراتي تبدي 8 ليما ال 5 المغرب والله يابنات لان كان تخصصي هلوم وكله مختبرات وكنت صغيره توي اول سنه كليه وحااامل ونساااة ورمضاااان شي طبيعي ارجع هلكااااااااانه جدامي بس ادش عليهم حماتي الكبيره فيها بال40 وخالتي عطول يقولولي روحي صعدي ريحي نامي انتي حامل روحي لاتقعدين.. كنت اقول زين ماشالله عليهم واشوف ريلي العكس حده ضاااغطني كله يحاسبني ونزلي وطبخي وشوفي امي كلت او لا وتركي عنج سوالف الحريم حامل ومادري شنو ونساة ... بسسسسج نوم مع اني شي طبيعي ارجع من الدوام انام شوي اريح خوو من قعدتي الصبح

عقب صكت بيني وبينه وتهاوشنا وبطها جدااامي وقال امي متضايقه منج وتشكي منج وحتى اختي يقولون بس نااايمه وماتدري عن امي
مع ان والله يابنات انزل واسويهم عشا وبالويكند اقعد من ال 9 اسوي ريوق وعقب اسوي غدا يعني حتى بالويكند مارتاااح وبرمضان والله اطبخ من جهه ومن جهه ثانيه ارجع لان حامل وماتحمل اشم ريحة الاكل وفوق هذا مو عاجبها

وفوق هذا بنات ترى حماتي متزوجه بس يوميا عندنا وعاد تعالي كليوم وجبيها قهوه وعشا ومجاابل


المهم اللي غثني النفاااااق ... ليش تقولون لي روحي ونامي وارتاااحي ومسوين نفسكم قلبكم علي ومن وراااي تقولون حق ريلي شوفها راحت نامت ... شنو مقلب اهوووو


المهم انا اقولج عن تجرررربه هالسوالف سوالف حريم حطوها في باله وصار يدقق عليج

 

[أنهار الكويت]

والحين الحمدلله ماقام يلزمني بشي لان شاااف بنفسه وعرف

هم اهو كان مسكين غشيم باول الزواج موعارف مكر الحريم

ولاني ماكنت اتشكى منهم على كثر ماشفت منهم بس والله سبحاااان الله
الله كشفهم له بنفسه عرف وشاااف

ولو كنت انا اللي اشكيله واقوله جان مااااصدق لو شنو

فانتي صبري شوي وكلشي مع الوقت راح يتعدل هذي اول سنه لااازم تمريين بواايد شغلاااات اهي اصعب سنه

 

[نسمة بحر]

تدرين انا لمه حملت صرت كله ببجي واحس محد فاهمني وابيه يجابلني وكل شي يبجيني لو اقل كلمه يقولها
انتي قعدي معاه وقوليله انا مرتك لازم تفهمني وتقدر وضعي انا اول مرة احمل وموعارفه شنو وضعي بدال ماتوقف معاي تزيدها علي تحملني يمكن انا مزيدتها حبتين بس اصبر على على ماااتاقلم على وضع الحمل
انت حبيبي واللي تبيه يصير
وبعدين 4اشهر موكفايه انه عطاج وقت وانتي ماسويتي اللي يبيه قوليله انت اتحجج انت ماتبيني قولي خلني اعرف
وانسي سالفه اجهاض وحركات لانه من تشوفين ولدج او بنتج بحظنج بتغير كل حياتج واهوة يصير يموت فيكم
الله يسخرة لج ويبعد عنج كل شي يأذيج حياتي

 

[قمرية الفيس]

الزواج يبيله صبر وخاصة انكم في بداية الزواج يعني ماتفاهمتوا اكثر وخاصة انه موضوع الحمل لهاكم عن لعض شوي
وخاصة زوجج الله يسامحة مو متفهم
بس انتي روحي ارتاحي عند اهلج لين ترتفع نساتج قوليله
وبعدين ياشافج صحيتي وطلعت بطنج بميل لج
ولاتتوجعين عندة حاولي تحسسينه انه صحتج زينة وقوية
ترى واجد من الرجال تلوع جبدهم من المرة الوجعانة المريضة ديري بالج

 

[هيبة ملك]

لاتفكرين بكلامه أهم شئ اهتمي بنفسج وحمالج

ماينفعج إلا ضناج وهو خلي أمه تكلمه

 

[شوshشو]

حبيبتي تعوووذي من ابليييس ولا تضاايقين

طبيعي بداية الزواج كذاااا


وبعدين انتي ليه تنزلين تجابليينهم من الظهر الين الليل.


نظمي. وقتككك اجلسسي. بشقتك. الين المغرب وبعدين انزلي اربع ساعات او خمس. وبسس واهتمي. بنفسسسك وبزووجك وبشقتك أهمهم شي


وصدقيني هذا كله بالبدااايه بعدين تجبيننن. ضناااه راح يتحسسسسف انه سووووا كذااااا هههههه


وبعدين شكله زوجك مستأنس فيك يبي كل الناس تشوفكككك




وادعي ربك يهديه ويصخرره لك.

 

[دآنة آلرشآيده]

لاحول ولاقوة الا بالله
الله يعينج ويفرج همج يآرب

 

[مياسه الحساسه]

الله يصلح بينكم حبيبتي
بس ترى الحمل يلعب بالنفسيه وتصيري حساسه وحالتك حاله
فانصحك هالفتره مشي الامور وسوي اللي يبيه ..الين تقومين بالسلامه وتتعدل النفسيه والهرمونات
وقتها تعرفين مشاعرك الصح
ومن تجربه حبيبتي اول سنه ترى تكون مرره متعبه شد ومد ..وكل واحد مو عارف يفهم الثاني
استحملي هالفتره وبأذن الله الامور تتعدل

 

[شموسة كيوت]

الله يعينك يارب

 

[امـ خــزامـى]

الله يكون بعونك وتعدي هالفتره على خير

حبيبتي لاتسمعين كلامه ولا يهمك هو ماعرفك زين
على باله كذا طبعك
انا ضد الحمل بالسنه الاولى لانه صععععععب جدا انتم بفترة تعارف وبالحمل النفسيه تصير زفت وكل شي اوفر
على باله انتي بليده وبس تنامين وكسوله

مايعرف مسيكين

المهم انت اهتمي بنفسك وكولي فيتاميناتك لاتنسينها وحاولي تطنشينه واذا قالك افكر اطلق
قولي يصير خير ولاتناقشينه

وفتره وبتعدي بس ها انتبهي تغلطين وتحملين على طول بعد ولادتك بتجنين على نفسك ترى
وان شاءالله تردون عرااااااااااايس ويشوف ضناه وتعوضينه عن كل اللي فات

واقولك سالفه
انا اجلت حملي لبعد سنتين ونص
وصديق زوجي كان توه متزوج وحملت زوجته بعد 4 شهور يعني معاريس توهم

المهم زوجي مبسووووووووووط ومرتاح الحمدالله اما صديقه دايم معصب وماله نفس
في يوم جلس مع زوجي ووجلس يفضفض له
يقول انا وياك حريمنا حوامل بس انت شكلك مرتاح قال زوجي الحمدالله
قال انا والله افكر اطلقها قال زوجي ليش قال كله نايمه وكسوله وماله نفس ارجع من الدوام ابي شي اكله جوعان
ادخل عليها القاها بسابع نومه وطول الوقت تعبانه
ويحلف يقول مره من المرات من كثر ماعصبت عليها ودي اشدها من شعرها وارميها بالشارع واتصل على اخوها اقوله تعال خذ اختك ماابيها بسس مسكت نفسي وتعوذت من الشيطان
زوجي قاله اهدا وروووووووق حرام عليك مو لهالدرجه تراها حامل وتعبانه حرام عليك
انت عشانك ماتعرفها
قال صديق زوجي انت زوجتك مثلها قال ايه بس اعذرها لاني اعرف طبعا مو كذا ابدا سنتين ونص البنت ماقصرت بس بالحمل ماتقدر غصب عنها
وربي يقول ان صديقه قال الله يبشرك بالخير انا مرا متاازم نفسيا وكنت ناوي اخرب بيتي
والحمدالله صبر عليها وولدت وعايشين حياتهم


انت هدي اعصابك وحاولي تهتمين شوي

والله معك

 

[غلآ نوآف]

جزاكم الله خير ويجعل كل كلمه بردكم عن عشر حسنات

الحمدلله الحال تغير
وتفاهمنا وعرفت الي بقلبه
والكلام الي يقوله ابدا ماكان يقصده
وتاكدت انه مايسخى بي ومايقدر يبعد عني
و انا بعد وضعي رد احسن من قبل
وحاولت اني البي طلباته مثل مايبي
هو يساعدني مومقصر بشي
ويعاوني بالترتيب وتنظيف شقتنا الخاصة ببيت اهله
وابدا اهله ماله شغل بالكلام الي كان يقوله لي
وهو تعدل لما كلمته امه هههههه فهم وضع الحامل اكثر

وبانت كروشتي
واحس انه صار يحن علي اكثر
ويخاف علي ومايبي يصير فيني شي او بالياهل

وصحيح اول سنه فعلا صعبه
كل شخص يبي من الثاني امور كثيرة

اسفة ان ردي متاخر
بس ماكو نت معاي
ومالقيت فرصه ادخل ارد عليكم واشكركم ع تفاعلكم
يعطيكم ربي الف عافيه

احبكم