الشقيقه

[غيوووض*]

السلام عليكم ورحمة الله وبركاته 0000 حبيت اسالكم خواتى عن الشقيقه الى هى صداع نصفى من الى تعانى منه وشنو علاجه ومنو الدكتور الجيد الى يعرف يعالج0000 وهل هو يسمونه بالعاميه الفرى واذا كان الفرى شنو علاجه ( الصبخه او الحجامه) وشنو اعراضه 00 لانى اعانى منه بشكل موطبيعى وهل له علاقه بفترة النفاس افيدونا

 

[ام فله]

هلا وهايب انا اعاني منه ويزيد قبل الدوره ونهاية الاسبوع

راجعت اكثر من دكتور ولازم اتسوين اشعه مقطعيه وتحاليل

وصفلي دكتور استشاري بالهادي حبوب (كتا فلام)

وقالي استمري عليها شهرين وراجعيني لان العلاج يبي صبر

ويمر باكثر من كورس

والحمد لله

وقالتلي دكتوره بالشركه انه يتاثر بالهرمونات وخاصه قبل واثناء الدوره

وكله مرتبط بالنفسيه اذا عصبتي وزعلتي يزيد

هدي اعصابج دايما واقري الاذكار والقرآن

وماتشوفين شر يالغاليه

 

[ii DareeN ii]

ماتشوفين شر اختي ان شاء الله يفيدونج البنات

 

[طير الحب]

انا بنتى فيها من كلن عمرها 7 او 6 التحاليل سليمه والاشعات ....

والدكتور يقول ماله علاج انما حبوب وقائيه تقلل العوار والمده

الحجامه علاجها والله يشافى الجميع

 

[هب هب]

بصراحه أنا أسمع عن وحده تعالج الفري باللبخه والكل يمدحها وهي بالظهر
لأنها عالجت أخو رفيجتي إلي صارله أسبوع ما نام من الصداع لأنه عمل كل شئ التحاليل والفحوصات مافيه شي والنوم ماينام تقول رفيجتي بعد ماراح لهذي المرأه وعملت له العلاج وهوعرف ينام وهي بالظهر إذاتبين الرقم أجيبه والشافي الله
سلالالالالالالالام

 

[sadan]

الله يشافى الجميع منه

انا بعد رفيجتج بها المرض ومعاى من زمان بس انه مو مثل اللى اشوفهم يعنى اخف اشوية

المهم انى سويت فحوصات بلندن واشعات وبصراحة ما طلعت بنتيجة

بس صديقتى سوت اللبخة عند وحدة والله للحين ما قامت تشكى من العوار

بس انا بصراحة ما اتحمل 3 ايام باللبخة

المهم قالتلى وحدة اخذى حبتين بندول اكسترا وقلاص شاى معتبر وريحى نفسج

وفعلا الحمد لله حتى حبوب الطبيب ما قمت اكلهم

اتصدقين اتضح انه يبيله راحة نفسية اكثر من اى شى ثانى

وماتشوفين شر

 

[island]

يالغاليه من ناحية حبوب ففيه حبوب اول ما يبتدي عندج اعراض الصداع النصفي تاخذينها بس كثرتها مب زينه وهذي مشكلة ادوية الصداع النصفي بس لانه الام الصداع لا تحتمل فالحبوب احسن

والحين اسمعهم يقولون الحجامه يابت نتيجة ويا وايدين من اللي فيهم صداع نصفي منهم اخويه تحيم وخف وايد الصداع عنه وانا ناويه اشوفلي وحده تحيم بعد انشالله

 

[مـسـك العجمي]

يمكن يكون التهاب جيوب انفيه والفري علاجه عند الحريم وفي عازميه بجابر العلي تعالج الفري كل اللي راح يمدم فاله اذا عزمتي اجيب عنوانها

 

[*سكون*]

حبيبتي أنا بعد أعاني من الشقيقه .. الله يكافيكم الشر من اييني العوار ما أبي أسمع أحد يتكلم أنعزل ما اقدر حتى ارفع راسي .. الحمدلله على كل حال وفعلا اتييني الحاله قبل الدورة ونهايتها وأحيانا بعدها بأسبوع واذا الحالة النفسيه تعبانه تزيد علي بالعوار

المهم رحت الخبر وسويت حجامه عند وحدة الحمدلله يمكن شهرين أو ثلاثه ما يتني الحاله بس بعدها رد علي الصداع مثل أول

انا اخذ حبوب امجران معروفه بالصيدليه اهم حبتين بس بالكرتون قيمته يمكن 6 دنانير والله جني مدمنه هالحبوب لازم تكون متواجدة بالبيت اخذهم بس احس ان بييني العوار لأن اذا زاد ما تفيد هالحبوب .. تصدقين عاد عالمدى الطويل سمعت انها تسبب مرض الرعاش بس من كثر العوار اللي اشوفه اخذهم ما اقدر لاني مرة ما طبت الا لما نوموني بمستشفى مبارك بالملاحظه وعطوني 3 ابر وحدة منهم بالوريد تخيلي

ادري قرقت وايد بس فعلا هالمرض ان شا الله ما يصيب أحد .. ما أبي الا دعاؤكم وعسا ربي يآجرنا والحمدلله

 

[تخصص كنتاكي 1]

انا كنت اعاني منه بشكل ماتتصورونه لدرجة اني كنت اخذ 5 بندولات او اكثر في اليوم بس لما رحت الدكتور قالي العوار من الجيوب الانفية ولما سويت العملية الحمدلله راح العوار وانا كنت اراجع عند الدكتور عبدالله العلي للانف والاذن والحنجرة وسويت العملية بمستشفى الهادي