الشقق و التأجير و المعاش و الأقساط و المصرف و هلم جرا...!!

[Dancing^Queen]

حبيبتي وين شقه ب 350؟
اخاف سكن عزابيه؟ متاكدين شقه مو صالون؟
لان الحين الشقق علي 400 وفوق
اذا تبين دور علشان ماتصيرين نكته الدلالين لاتقولين اقل من 600
يوم قلته ابي دور ب 350 الله ياهو ضحكككككككككككككككك الله ياهو موقادر يسكر حلجه ويرد يضحك ويقول 350؟ ااااااااااااااااااااااااااااااااااااه والله وهاهاهاهاهاها اي 350 هاهاهاها!!!!
المهم فرحت قلب مسلم وضحكته وخذيت الاجر والثواب
ماتدرون ان احنا ديره سفره ووزرا الحمدالله الكويت كلهم دبلوماسين واقل فراش معاشه 3000 دينار وهم الفراش تاجر!!
اكو احد ياجر دور ب600
وقسط سياره 150
ومعاش خدامه 55 <<<فلبينه اول مره او 40 هنديه اول مره (وسعرها اذا بيطلب 300 اذا يبي كفاله مكتب 370)
مصرف جمعيه حق بدون عيال 150 بالشهر /مع عيال 250 الي 300<<<غير شامل البامبرز)
؟
يعني حاليا قاعدين انطالع التزامات بو الف الف وميتين
فمسكين الفراش بو معاش 3000 مضطر يطقطق لان مرت الفراش تبي تكشخ وماتلبس الا ماركات والا حريم الفراشين الثانين بيتطنزون عليها
وهات ياصرف
وعيال الفراش الغلبان اللي معاشه 3000 والحين صيف شلون؟ لان عيالنا ماشاءالله احفاد اينشتاين والقعقاع يا تلقينهم نادي صيفي يا تقويه
النادي الصيفي الشهر اقل اقل شي 50 هذا نادي انتي بتتعبين فيه اكثر مايسوا ساعتين تقلينهم وتردين تاخذينهم
حلو؟
او اذا تبين شي زين دفعي 200 بالشهر
غير مدارس الحين خاصه ومصرفهم لان منهاهج الحكومه الله بالخير !

جم صارت التزامات الفراش الفقير بو 3000؟
وجم بقا من المعاش؟
لاتعليق الله كريم ، اللي الحين بهالزمن القبوط صار تجاره عندنا ! أول مره اشوف ناس تبيع قبوط!! مع احترامي لتاجرات القبوط

 

[زيـنـه]

الله يعين .. امتنع عن الكلام لا يعورني قلبي و تخنقني العبره :eh_s(2):

 

[atooma]

حاااااسه فيكم الاجارااااات حده نااااااااااااار

الله يعينكم

 

[لوكريسيا]

ابيه بنات شكلي بلحقكم السنة الياية يمكن نطلع بشقة أجار .. قاعدة اقول حق ريلي خل ناخذ قرض و نبني دور ثالث في بيتكم ( بيت حمولتي ) مو راضي

الله كريم

 

[mooomooo]

الحمدلله احنا قاعدين عند حماي

وبدور بس ندفع الاجار

المشكله اذا بغا يهد البيت ويبني من يده ويديد

شو بدنا نعمووووووووول ؟؟؟؟؟
ههههههههههههههههه


وااااااااااااي هالبيوت شبت شبت بشكل مو طبيعي



الله يعينكم ويعينا ونسكن كلنا ببيوت ملك بالزهراء :eh_s(3)::eh_s(3)::eh_s(3):

 

[بتبوتااا]

مابي مابي والله منبطه جبدي
كل شي صار نار حتى الخبز الايراني كان 20 فلس صار 25 فلس
وبعد سنتين بتصير الحبه ب 100 فلس وبعد عشره بتصير بدينار

 

[bnt_7waa]

واي بنات الحين جذي الاجار عيل ليه بعد جم سنه شراح يصير
الله يسهلها عليكم يارب ..

 

[عنايد]

الله يعينا بس لي متى هالايجارات والعقارات طايره يعني مانشتري بيوت ما نستقر؟؟
حتى القرض الاسكاني مايسوي شي واذا باخذ قرض من البنك عليه شيسوي القرض ؟؟ ولا شي
غير الاسعاااااااااار اللي طايره الله المستعان بس

 

[رشيقه]

والله ما ادري اضحك و لا ابجي

خلوها على الله

 

[sunshine22]

هيـــــــــــــــــــــــــــــــــــــــــــــــــــــه

دنيا معكوسه من عقب ماكنا دره الخليج
الخليج احنا اقل شي فيه بس جدامنا البحرين الظيمه شينه
المرتبه الاولى الامارات وقطر محد قدهم

والله يعيد امجاد عزنا السابق..........

فعلا اختي العزيزه............<<بتكمل عليج

احنا عموما لو بتحسبين معاشاتنا فعلا وين تروح انا اقولج


1..........على الايجار
2..........على اقساط السياره
3..........على اغراض الجميعه الاسبوعيه ماصارت شهريه موضه قديمه
4.........على معاشات الخــــــــــدم
5.........على البقاله اللي تحت شقتي شهريا 20 دينارواللي نفسي حاسه
6..........على المواجيـــــــــــــب ( طلاعت نفاس + استقبال + عروس ...الخ
7..........المسشتفى في حاله ولاده
8..........هدايا المنزل الجديد والاسفار والهدايا اللي وراها


طبعا هذ معاش الجامعي فما بالك بالدبلوم واللي انزل من ذالك

 

[وسن 11]

تدرون قريت الموضوع
وثلاث ردود وراه وبس
مت قهرررررررررررررررررررررررررررررررررررررررررررررر
بضغط لين يخلص حرف الراء من القهر

والله قمت اقراء واقطع شعري

 

[b6o6a]

الله يعينكم

انا ساكنه عند اهل ريلي ومفكرين نطلع

الشقق ناااار

 

[شهدQ]

لوووووووووووووووول

يامجرمه تطنزين على ام الهيمان

ام الهيمان + الادخنه اجارها وصل 200 دينار الشقه والبيت ب500

بس شنسوي مالنا غيرها

صعب صعب تلقين سكن هالايام الا لعيال الهوامير

عساهم يشيلون الدخنه واحنا بخير

راضين بالبعد

وابشرك السلع بيرفعون اسعارها ل 70 او 80 % يعني بنط اصبع وبمارس هواية التسول :eh_s(22):

 

[سارا ديور]

شقق الأندلس واااايد حلوه

انا ساكنه بالأندلس عباره دور ب200د.ك

3 غرف كبيره وحده منهم بحمامها بغرفة تبديل

والثنتين سويت وصالتين ومطبخ وبلكونه كبيره

مثل الحوش

انا إللي اشوفه بالندلس وايد بيوت اجار ومايتعدا اجارهم

ال250 د0.ك

 

[نجمة الكويت]

وووين في دور للايجار لو في قولولي على هالسعر

ياحبيبتي جنوب الجهرا اجارات بالهبل واسعار مغرية شقتي 3 غرف وصاله كبيرة وحمامين ومطبخ بينهم ممر طويل 180 جربي جنوب الجهرا وفي ناس بنفس المواصفات ب150بس ماحصلنا الا هالحدود ب200 و180 ​

 

[girl_in_abottle]

طلعي من الشقة
و اخذيلج بيت جاهز
ولازم تضحين لين تستقرين ماديا
الله يعينج
ترة الغلى مو بالكويت
يعني انا بمريكا, و شقتي استيييديوووو
قولي بجك؟؟
1250 $
376 دينار, و انا وحدة و عايشة بروحي و بستيديو
بس اصرف بسنع
يعني احطلي ميزانية 30 دينار بالأسبوع مصرف فقططططط
فيكفي و يزيد
العبرة بالتدبير و الفكير
والتحلطم ماراح يسويلج شي غير انة يقصر عمرج, اسملة عليج

 

[al-zeena]

انا بعد نفس الحاله الاجار ماكلنا اكل 280 وبعد يليت الشقه كبيره نتفه صغيره والغرف هم صغار بس شنو نسوي الله كريم

 

[ساندى]

اللة المستعان اللى مجرب الاجارات يحلم ببيت ملك وكل ماقال هانت السنة الجاية دورى يطول المشوار يارب الفرج من عندك يارب افرجلنا ياكريم

 

[xtraCooL]

ما قلت لج ريـــلي شنو مقـــرر؟؟
نهـــــــــــــــــــــــــــــــــــــــاجر
يقول احنا اجانب بديرتنا.. مالنا حقوق و مديونين و مكسور ظهرنا
و اللي مزيد الطين بله انه يشتغل بالنفط فعـــــــــــــــارف نفطنا بجم ..ووين يروح و الوضع الحقيقي المــــــــــر...
يا كوتيه كلاس ..الدول الثانيه قاموا يعيبون علينا .. .... وضعنا صار غلط و ديرتنا من سيء الى اسوء و فلوسنا ابطن دول الضد
تبين تحترين .. اليوم تبرع ب 300 مليون حق الاردن و فلسطين و لبنان !!!!!!! و انتي خلج بالمهبوله لما نصير كلنا مهابيل

و من حبنا لها بنوفر لها ..

looooooooooooooooooool `9a7akteny wallah o 9aja e7na ajaneb ebderatna

 

[هوى الدار]

خلو الطابق مستور والله لو بتكلم بتخنقني العبره اههههههههه يالقهر