الغلاااااااكله
*عضـوة شـرف في منتديات كويتيات*
- إنضم
- 29 سبتمبر 2004
- المشاركات
- 14,756
- مستوى التفاعل
- 0
- النقاط
- 0
- العمر
- 39
لا ترمشين الحين تكفين يـا عيـن
ودي أنا اشبع من ملك شوف عيني
لو كان قدامي لـه شهـور وسنيـن
يبقـى حنينـي مـا تغيّـر حنينـي
يسكن خيالـي مثـل ورد البساتيـن
ما له ومال النـاس دامـه ضنينـي
ما أبغى فراقه لو ملكـت الملاييـن
وما أطيق أنا بعاده وهو الشوق فيني
كم ليلـةٍ سطّـرت لاجلـه دواويـن
وذكرى حبيبـي بالقصايـد تجينـي
أثر الزمان إن غاب عن نظرتي شين
يا نظـرة الغالـي طلبتـك خذينـي
خليني أكتب فـي عيونـه عناويـن
عن حبنا اللي في الخواطـر دفينـي
مثل البشر مخلوق لاشك من طيـن
وكم واحـدٍ بيـن الخلايـق يبينـي
لكن حبيبـي سيـد كـل السلاطيـن
تهتـز مـن حبّـه أصابـع يدينـي
أشوف زوله فـي جميـع المياديـن
الغالـي اللـي مـثـل درٍ ثميـنـي
لا من طرى مدري أنا موقعي ويـن
الناس تسألني وأنا أقـول وينـي ؟!
بس الأكيد إن كان للقلـب غالييـن
ما فيه غيره من ملك شوف عينـي
