الشــــــــــــــــــــريعه احلى ثاني تجمع لبنات الشريعه الله يجمعنا على خيير

[الوجه الرحوبـي]

رد : الشــــــــــــــــــــريعه احلى ثاني تجمع لبنات الشريعه الله يجمعنا على خيير

اب
اب
اب​

 

[عؤق الشقآوي]

السسلآآم علييكمم ,,
بنآآت آناا سجلت شريعه وآآنقبلت الحمدالله بسس آتمنى تعطووني رايكمم بالدكآآترره
واذا في آحد ويااي يقولي بليزز



علوم قرآن :عبدالعزيز المطوع من 3ونص لين 4و45
تجويد:أمل الخميس من 1 لين 1 و50
عقيده:سالم الكندري من 8 لين 8 و50
فقه:سعود الربيعه من 11 لين 11و50
تارخ التشريع الأسلامي:عبدالرحمن المطيري من 12 لين 12 و50

 

[ميراميا5]

بعد اذن صاحبة الموضوع
انا ودي يكون الموضوع خاص لتجارب البنات مع الدكاترة و طريقة نظام كل دكتور
بس مو تجمع لان احنا عندنا تجمع وما ودي البنات يتشتتون ويضيعون صح صفحاته واجد بس التجمع مالنا في عدد بنات اكبر
فاياليت يكون الموضوع هذا مرجع لنا عن الدكاتره فقط



انا راح اكتب تجاربي مع الدكاتره

اولا : عبد العزيز المطوع

المحاضره كلها سوالف وقصص حلوة حيل محاضرته
بس صوته ماينسمع عشان جذي انصح انه تقعدون قدام عشان ماتنامون
وامتحاناته سهله صح وخطا وتوصيل و مكرره
و عنده بحث
عطاني b
ثانيا : محمد الحضرم
شرحه حلو بس مرات يتمسخر على البنات وامتحاناته سهله حيل ماي اسئله مقاليه مع الدليل بس كميته شوي كبيره
طلعت a
ثالثا : عبد العزيز الرمح تجويد افضل واحسن دكتور مر على بحياتي
ما عنده مشكله على الغياب و تسمعين وقت ماتبين واذا سمعتي تطلعين
كل محاضره نسمع صفحه مايدقق على التجويد
حيل يراعي البنات و احنا نحدد وقت الامتحان
عطانا 5 اوراق تجويد تجي بامتحان الفاينل
والامتحان الاول والثاني مافيه تجويد اما الفاينل تسميع مع التجويد
تقيمي 5من 5
رابعا : دهام الفضلى تاريخ تشريع
ماابي اظلمه بس اغلب الشعبه a بس انا ما احب محاضراته تنووووووووم
تقيمي 1 من 5

خامسا :عقيده سالم الكندري
حلوه محاضرته يقول قصص و مواقف
الامتحان الاول كان حلو 3 مواضيع
لكن الفاينل كان اكملي فراغ و صح وخطا ومقالي يعني ماكان حلو الفاينل وفيه صعوبه والكميه كبيره
تقيمي 4من5

عادل المسبحي تجويد
مثل طريقه الرمح
تسمعين وتطلعين والوقت الي تبينه وعنده بحث عن احكام التجويد منه يجي اسئله الامتحان
بس ماراح اخذ عنده مره ثانيه
وبصراحه عندي كم تعليق عليه

نكمل

سعد العازمي
افضل دكتور اصول فقه
مذكرته 19 صفحه الامتحان الاول كلها والامتحان الفاينل كلها مثل الشي يعني تدرسينها مرتين
بس نصيحه احفظوا المذكره مثل اسمكم لان بالامتحان ممكن يغير حرف او كلمه و انتي ماتنتبهين ويحسبها لج غلط
فاحفظي المذكره عدل والامتحان 40 سؤال كله موضوعي
انا كنت انام بالمحاضره لانها كانت تعليم عن بعد فاما اقدر اقيم المحاضره

على الراشد :
المحاضره كلها مناقشه ومشاركه ويحب الي تشارك بس محد يدخل وراه يعني يطرد الي تجي بعده
و نظامه قروبات تعطين الواجبات لرئيسه القروب وتحطلج كم مرة شاركتي بالمحاضره بس

امتحانه مقالى متوسط بين السهوله والصعب
تقيمي 4من5

مريم الشمري
تهبل شرحها حيل حلو بس المذكره كبيره و كميه الامتحان كبيره الامتحان كان مقالى و موضوعي
وبعدين قالت اخر الكورس الى تبي تعدل درجتها تعيد الامتحان
عطتني a

عواد برد
اسئلته سهله والمحاضره حليوه
الامتحان مقالي بس سهل
عطاني a
و عطي البنات بونص
تقيمي 5 من5


عبد الرحمن المطيري
كنت احضر استماع عنده صج المحاضره حلوه ووناسه بس على كلام البنات انه شديد و والامتحان فيه صعوبه
وعنده تلخيص كتاب و او تسوين بور بينت وتشرحينه
ويعطيج استاذان مره وحده واذا غبتي ينقص 3 درجات علي ما اتذكر

دكتور صلاح عبدالله
المحاضره تنوم بس الامتحانات سهله

 

[الجوهرة*]

يوه اتمنى نبقى على التجمع الأول التجمع هذا مفتوح من اول شهر ثمانية وتوني اشوفه واكيد مثلي وايدين

 

[مس روبنز]

آنا أضم صوتي لصوت ميراميا5 والجوهره تجمعنا قديم وحلو أما هذا مافيه شي يليت لو نضمهم مع بعض

بنوته توته حياتي شلونج فاقدتج بتجمنا ردي لنا نبيج ولا ليكون تخرجتي وهديتينا " أحبك فالله "
(ميراميا5 => هذي اللي فاقدتها مو ندوش)
​

 

[مس روبنز]

حبيبتي الجوهره مفتوح هذا من 2010 مو 2011​

 

[^ دلـع بنـات ^]

مرحبااا بنات ممكن تساعدووني

انا توني مستجدة علوم و حابه احول للشريعه او التربيه
بنات للامانه الشريعه صعبه والا لأ لاني بنت علمي و مااحب احفظ يعني افهم اكثر شي بس حفظ اقعد سنة على ما احفظ

شنو تنصحوني فيه احول للتربيه و الا الشريعه بس نفسي احول للشريعه مادري ليش
بس يمكن عشان ابوي خريج شريعه *

 

[مس روبنز]

حبوبه آنا كنت علمي وداخله شريعه هي فيها حفظ وفهم بس الغالب حفظ وطبعا التربيه ما تقارن بالشريعه لأنها حيل سهله
تخصص التربيه الإسلاميه ما ياخذون إلا ربع موادنا والباقي من كليتهم وبرى عكسنا

لكن إذا حابتها استخيري وحولي
لأن إذا كنتي حابه التخصص بتبدعين فيه استشيري واخذي لج كذا راي لا تعتمدين على كلامي
وعندج باقي البنات سأليهم بس بتجمعنا الأول مو هذا
أحس هذا محد يدخله وآنا تعرفت عليه وشفته اليوم تصدقين !!​

 

[مس روبنز]

أقصد أمس​

 

[^ دلـع بنـات ^]

مشكووره ي قلبي ماتقصرين

عيل بنسخ ردي و احطه بالتجمع الاول

 

[looty5]

بناات ايش رايكم بالدكتورة فاطمة الرشيدي فقه مواريث ؟؟؟؟؟؟؟؟؟

 

[عؤق الشقآوي]

آآوكي وآنآآ رآح انسسخه هنآآك ..
تشككررآآت ..

 

[ذهـبـيـة ~]

السلام عليكم ،،

بنات تعرفون د.سارة الهاجري

منزلة فقه العبادات ،،

زينة ولا لا ؟