الشغاله وين تنام؟!!

[اذوب بكلامه]

حبايبي انا بإذن الله بنقل شقه جديده وقررت اني اطلع بنتي من غرفتي وانيمها بروحها وعمتي بتعيش معانا
والشقه ثلاث غرف وحده لي والثانيه لعمتي والثالثه لبنتي المشكله في شغالة عمتي وين انيمها؟!!
عمتي ماتبيها تنام معاها تخاف منها تذبحها وهي نايمه وانا اخاف اخليها تنام مع بنتي شلون الحين؟!! ياليت الي عندهم شغالات يعطوني الحل

 

[ReD&FoSHia]

مايبيلها تفكير دورو شقة ثانية فيها اربع غرف

 

[طيشن على جديه]

الله يعين دوري شقه ثانيه ..
او الخدامه تنام مع خالتج او مع البنت ..​

 

[banota_kuwaitya]

ما عندج حل حبيبتي غير انها تنام مع الشغالة او بنتج !!
والأفضل شقة ثانية تكون فيها غرفة صغيرة للخادمة​

 

[lulu_q88]

اذا الشقه زين مكانها ومناسبه وبس هذي مشكلتكم

ماعليه مافيها شي اذا نامت مع بنتجج

 

[~Diva~]

لو وشو لا ترقد عند بنتج
وما في الا تشوفين مكان ثاني
لان الشغالة تبي مكن تشتغل فيه وحمام لها ولا بتدخلينها تتسبح حمامكم وتعلق غسيلها الخاص أهناك ؟!

او إذا في شقه ثانيه جنابكم أخذوها توسعوا فتحوهم على بعض
او في العماره نفسها إذا في شقه أكبر أخذي وحده فيها غرفه زياده تكون للخدامه وللكوي في نفس الوقت

 

[Ranoon]

دوري شقة ثانية هذا الحل

 

[sh_mashael]

بالمطبخ بس جيبيلها دوشغ مرتفع

الله يعينكم

 

[سعوديه 1]

بنتك وعمتكم بغرفه وحطو الشغاله بغرفه

اما مسئله انه بنتك والشغاله بغرفه وحده لا تفكررررين

عالاقل العمه كبيره مو بنتك صغيره ومو كل شغاله امينه وتخاف ربها

 

[اذوب بكلامه]

والله احترت الميزانيه يادوب تكفي الشقه هذي واكبر منها يعني اغلا
شكلي والله اعلم بنيم بنتي مع عمتي وغرفتها بحط فيها العابها وملابسها وفي نفس الوقت اخليها غرفه كوي للملابس والشغاله تنام فيها
شنو رايكم

 

[إحساس دلوعه]

يب سوي جذي خلي بنتج مع جدتها والخدامه بروحها والله يحفظك ويحفظ بنتك من كل شر :yaaaaaarb:

 

[*كنـدا*]

افضل حل انه انتي و بنتك نامو مع بعض

وعمتكـ تنام في غرفة والشغاله في غرفة

 

[حكاية فرح]

عيب تنومين البنت مع عمتك حرمه كبيره و مؤ مسؤولة عن بنتك و لو زوجة أخوك سوتها ما ترضونها لامك صدقيني ،،، و من توقيعك البنت عمرها 10 شهور صغييييييييره مؤ حلوه تنومينها عندها الحل انتي و بنتك و زوجك بغرفه و العمه بغرفه و الخدامه بغرفه إذا كان القصد من سكن عمتك معك الحشيمه و الكرامة لها أما إذا كان القصد استغلال وجودها معك بانها تريحك من بنتك ارمي البنت عليها و كبري الوساده و خلي العمه تساهر البنت طول الليل و انتي نامي

 

[قمرية الفيس]

اذا البنت كبيره شلون تنام مع امها وابوها اذا صغيرة ممكن اما اذا بنت حليوه من ست سنين وفوق لاعادي تنام مع جرتها

 

[ReD&FoSHia]

حبيبتي اذا بنتج توها صغيرة 10 اشهر .. نوميها عندج .. بهالحل النوم للحين ماتنظم و بتزعج عمتج
مو حلوة الفكرة خير شرر خلي البنت عندج لي عمر سنتين بعدين تطلع توها صغيرة
و الخدامة بغرفة بروحها و عمتج بعد بروحها .. هالاثنين كبار لازم لهم خصوصية غلط اتحطين بيبي عندهم مو مسئولين عنهم
واذا كبرت البنت .. حطي جبس بورد و فصلي غرفة الخدامة شوية بحيث يكون فيه مجال لنومة البنت

 

[ناتشوو]

رد اند فوشيا
عطتج حلول عملية
دام البنت 10 شهور
وظروفكم ماتسمح ببيت اوسع
طبيعي تخلينها معاج
دوري لها سرير كبير اللي يكون عليه ستاير
علشان خصوصيتكم
وغرفة الخادمة بتكون كوي وكبت كبير
للتخزين ملابس شراسف.. الخ

والله يرزقكم البيت الواسع يارب

 

[اذوب بكلامه]

فديتكم والله حبايبي على النصايح
والي خلاني افكر انيمها مع عمتي ان بنتي هااااااديه مره وماراح تزعجها وعمتي تموووت فيها مو القصد ازعج عمتي واخليها تسهر عليها طول الليل
وبنتي مثل ماقلتو عمرها عشر شهور بس شكلي خلاص بنيمها معاي واحط سريرها بالزاويه وعليه ستاره واذا كبرت الله يفرجها وناخذ شقه اكبر

 

[دانة_ دبي]

كل شي بالتفاهم

الشغــالة شغالة عمتج مو شغالتج يعني تخدمها

اتفقي مع عمتج و راضيها غرفة لج و لزوجج و غرفة للخدامة و غرفة لعمتج و بنتج

 

[أم يزيد &سديم&]

فديتكم والله حبايبي على النصايح
والي خلاني افكر انيمها مع عمتي ان بنتي هااااااديه مره وماراح تزعجها وعمتي تموووت فيها مو القصد ازعج عمتي واخليها تسهر عليها طول الليل
وبنتي مثل ماقلتو عمرها عشر شهور بس شكلي خلاص بنيمها معاي واحط سريرها بالزاويه وعليه ستاره واذا كبرت الله يفرجها وناخذ شقه اكبر

معقوووولة !!!!!أكو بيت ما فيه مجلس ولا صالة غرييب
أمركم

 

[شندوخه]

بنتج اسم الله عليها جم عمرها؟
اذا صغيره من الاحق انها تنام عندج مو عند جدتها

او خلي بنتج تنام بغرفتها وخدامتها معاها
وام زوجج بدارها معاها خدامتها