الشغالة خلصت اقامتها و بتسافر .. تدفعين تذكرة السفر و لا عليها ؟

[امي الحنونه]

التذكرة علي اكيد

 

[still there]

مشكورين بنات كلكم ما قصرتوا :eh_s(17):
​

التذكرة عليج


احنا نحجز حق شغالاتنا عند الجزيرة .. ترانزيت لازم
و تحجزين لها وجبه طبعا

و عطيها اكرامية زياده دفعة بلا عنج و عن عيالج

انا اساعد شغالاتي بمشترواتهم الاخيره و هداياهم ما اخليها كلها عليها

و حطي بيدها مبلغ بسيط للمطار لان الترانزيت هم يبيله مصرف .. يمكن تبي تاكل تشرب ..


اما القطوه .. فيحليلها بصراحه .. الظاهر صار بينهم عشرة عمر .. خلوها تاخذها معاها

مشكورة اختى على الرد ,, و خنشوف طيران الجزيرة مدام الكل مجمع عليهم ,, بس غريبة ما يعطون وجبات يعنى الا بالحجز ؟!
و اذا على القطوة ودنا تاخذهم كلهم بس صعبه ما اتوقع يقبلون حتى مطار بلدها لان ما عندهم شهادات , و من جهة ثانية بعد حرام يتعذبون بالرحلة و تتغير عليهم البيئة
​

 

[LuLiTa]

التذكرة عليج ....او حسب العقد بينكم و قبل ما اتروح وديها جولة حق السوق اتشرى حق اهلها يفروحون فيهم .. اهمه على قد حالهم و يستانسون على هـ الشغلات اللي بنظرنا بسيطة لكنها تفرحهم و تكسبين اجر فيهم

 

[بنوتة كول]

اذا كملت مدتها عليج
واذا ما كملت مدتها عليها

 

[وافية*]

لازم انتي تدفعين التذكره يابنات والله حرام حسبوها معاي شوي
الخدامه متغربه من ديرتها وتاركه اهلها وعيالها عشان تشتغل بمعاش 50 دينار يعني خلال سنه كامله يالله تجمع 50×12=600دينار وهالمبلغ اي موظفه منا تستلمه خلال شهر اذا مواكثر فحرام يابنات خافو الله فيهم مساكين والله واذا هي موزينه وماكملت مدتها وتبي تمشي من كيفها اي هني ممكن تخلينها تدفعها

 

[فوفو22]

التذكره طبعا عليكم .........

والطيران على كيفكم

واما القطه ممنوع على اي طيران اصطحاب الحيوانات والطيور

فوفو

 

[shog]

آنا من عمر الخدم أدفع لهم تذكرة حتى لو ماكملو السنتين وصار ظرف طارئ لهم بعد لا حول ولا قوه ، وعطيهم بعد دبل معاشها يعني 140 دينا حقها وحق اعيالها دفعة بلا ، والطيران عمري ما سفرتهم ترانزيت مساكين مايعرفون يدبرون عمرهم كله دايركت لديرتهم ، الحمدلله والشكر لله

 

[مشغوله و محتاسه]

و خنشوف طيران الجزيرة مدام الكل مجمع عليهم ,, بس غريبة ما يعطون وجبات يعنى الا بالحجز ؟!

العفوو حبيبتي ..

الجزيرة وجباتهم لازم حجز .. و تحددين نوع الوجبه بعد .. تطلع لج لسته اذا انتي بتحجزين من النت و تختارين كل شي .. الوجبه .. الكرسي ..


الله يعوضكم بوحده احسن منها


اما القطاوه .. اذا ما يصير تاخذهم ختصور معاهم للذكري لوووول

 

[still there]

العفوو حبيبتي ..

الجزيرة وجباتهم لازم حجز .. و تحددين نوع الوجبه بعد .. تطلع لج لسته اذا انتي بتحجزين من النت و تختارين كل شي .. الوجبه .. الكرسي ..


الله يعوضكم بوحده احسن منها


اما القطاوه .. اذا ما يصير تاخذهم ختصور معاهم للذكري لوووول

مشكورة حبيبتى على التوضيح ما قصرتى :eh_s(7):

و اذا على التصوير والله نفس اللى طرا ببالى قلت اصورها وياهم ,, هيا الحين ببالها تاخذ واحد منهم , ولما قلنالها طيب شلون توكلينهم , قالت اشتريلهم دجاج



بناااات كل اللى شاركوا مشكورين على الردود ما قصرتوا :aha::aha:
​

 

[marshmelo0o]

اتذكره عليج
واذا لقيتي لها دايركت احسن حرام اهيا كرفت عندي سنتين وزماشفت منها شي ليش ما وديها دايركت واصلا بعد اشوف منطقتها اذا في طيران داخلي هم احجز لها

 

[marshmelo0o]

وسالفت لقطاوه سالت ريلي
قال يمكن احاسبونكم على الوزن دقي على فدكس افيدونكم احسن