الشتا وبيبياتنا

[ريـ’ـآنـهـ‘]

شلونكم ي حلوين شخباااركم



طبعا انا ام يديده وبنتي اسم الله عليها عمرها 9 شهور وحييل احاتيها وافكر فيها مع حزه البرد خصوصا انا بطبيعتي استبرررد حيل صيف او شتا دايم بردانه

فعشان جذي مسكينه احاتيها



الموووهيم حبايبي



شنو تجهيزكم لبيبياتكم للشتا شنو تشترون ومن ويين خلونا نستفيد من بعض


انا بصراحة قبل فتره مريت سنتربوينت ولقيت منزلين الشتوي واخذ لها بلايز هاينك 3حبات بيضة وبيض وورديه
ويوم رديت البيت اختي قالت لوموشاريتهم احسن لانه ماينفعون للاطفال الي توهم بادين ياكلون الاكل يدش جهه رقبتهم واستعمالهم موعملي بس نجرب ونشوف


وناوية ان شاءالله امر اسواق شعبية مثل فاشن مل بشتري الملابس الداخلية البيضة الي تكون قطعتين ودلاغات


وبغيت لها جاكيت بالطو الي يكون ابي شي ثقيل حق الطلعه


فريييت كل محلات الاطفال وااااي تشوفينه شمتنه وشثقلة بس تلمسينه رييييييشه زارا اش ان تم نكست مذركير سنتربوينت جمبوري كلههههم ولا واحد حتى زين كلهم ريشة وبس شكل


فالامهات الي قبلي من وين تشترون لعياكم ابي شي ثقيل وصناعته زينه ويدفي عدل عدل




وشنو تجهيزاتكم بضبط خصوصا للي يروحون مزارع وجذي



والله يحفظهم لنا يارب :eh_s(7):

 

[سلطانة روحه]

هم انا ام جديده معاج حابه استفيد من الامهات

شريتلها 5 بجايم و 5 بدل من اوروبا
بس حابه استفيد معاج و شنو احسن ملابس داخليه و بجايم حلوه

 

[بشـاير]

وانا هم ام جديده وجهزت شوية بجايم بس مو شتويه حيل طويله بس خفيفه من كذا مكان وحطيت اكس على كذا محل
اتش ام كلش كلش ماينفع ثاني غسله يتوسع بدون مبالغه
نكست بعد البجايم عندهم كلش ماتنفع تتوسع وتصغر بس في بدلات حلو خامهم بس القطن ماعجبوني
سنتربوينت ومذركير حلو بس مليون جاهل مطقم وياج حلو تاخذين منهم الاشياء الاساسيه هيلهوبات دلاغات تبانات
ديسجوال ، اوكايدي ، دير ان دير ، زارا ، ام اند امز ، سمينا ، مدري شنو كيدز لونه اخضر مخطط حلو في كذا محل حبيتهم حتى اشكالهم حلوا
اما الجاكيت موحابه اشتري جاكيت بصراحه بنتي ماشاء الله ملقوفه راح تتبهذل

وفي شغله بلجمعيه نفس الصدريه مالت الاكل فيها لزقات ع الملابس وتضيقينها حيل على رقبتها عمليه وتنقط بلزباله نفس الكلينكس

 

[ريـ’ـآنـهـ‘]

اهليين فيكمم



قبل يومين مريت المشايخ ودتني حماتي حق محل اطفال تقليد ماركه مع اني مااحب اشتري تقليد كلش

بس والله خذيت لها جاكيت حياكه من برا وصوف من داخل ثقيييييل وشغل نظيف ونفانيف الصوف الثقال الوانهم تهبل وارخص من المحلات واثقل وصج تقولين شتوي مومثل بعض المحلات تلبسين مليون قطعه تحتج وخامتهم موخفيفه



عاد نكست احب شغلهم الافرولات بنسبه حق بنتي كد ومد ويهبلون ولايتغير لونهم ماحبيت مذركير ولاسنتربوينت كلش

 

[glby7sas]

حتى انا ام يديده بس بصراحه الهدوم الشتويه شكلها يقمت ماحبيتها
شريتلهم اندروير وهيلاهوبات والبجايم عاديه اللي تكون صيفيه شتويه بس احس ماابي اكثر واقمتهم حسيت الملابس وايد ثقيله

 

[New_bride]

الجسم حسب ماتعودينه
في يهال يتحملون درجه معينه من البروده ومايحبون الحر

خذت كم اوفارول مخمل
وعنده ثياب من لندن متينه وشتويه
و جاكيت مع بلوفر من ماماز اند باباز بس للاسف مالقيت بنطلون يناسبهم
وعنده ملحف صغير صوف وحياكه
لاني اعتمد عليهم بشكل كبير
خاصه ان ولدي للحين عمره شهرين يعني لا يقعد ولا يحبي
الفه بالهملاحف يتدفى عدل

 

[نجمه السيد]

ولدي لمن كان صغيرا عمره أشهر أخذت له لفتين صوف ثقال من محلات الأطفال وبطانيه خفيفه وتله بات بالنسبة لمذركير ماتتغير بضاعته أصلاأصلا

 

[انتيكا]

انا خذيت لعيالي اندرويرات من فاشن مل هاي نك بالعكس اللي يغطي الرقبه احسن عشان لايلفحهم هوا وولدي اوكله مايدش الاكل داخل عادي

بنتي خذيت لها اوفرولات مخمل وتبانات جم طويل وخذيت بلسوت من نكست وفي مذركير اللي تصير خامته نفس الكمبل الخفيف يهبلون دافين

وخذيت لولدي بجايم شوي ثقيله مو حيل
مو زين تقمتينهم حيل ترى عادي مثلنا

 

[نبع الحنآن]

انا توني والده صار لي اسبوع وعطله الربيع بنروح جاخور ف احاتيه مدري شلبسه

 

[86روعـه]

اهلين
انا بنتي عمرها سنه وجم اسبوع عسى الله يخليها لي

بالنسبه للملابس الداخليه البلايز والفانيله القطن
مع السروال الطريب من الاسوقة الشعبيه

البالطو الطويل حلوو مو حاار ولا باارد من مؤيد المير
بمجمع البيرق وهو افضل شي شريته بتجهيز بنتي للشتا

وبالنسبه للبجايم من ماكس والاسوقه الشعبيه و مذركير وسنتربوينت

وبدل الطلعة من مذركير وماكس وسنتربوينت

والهلهوبات من سنتربوينت وخذيت لها بعد طاقيات ( كبابيس ) للراس معاهم قلفزات
وعلى بنيتي بألف عااافيه

 

[86روعـه]

اب

اب

اب