السياحة في قطر.. وداعة المكان وأصالة الإنسان

[ليالي***العرب]

الماس

سؤؤؤال شنو احسن شقق فندقيه بقطر ورخيص

 

[عصير ليمون]

يا حبي لقطر وأهل قطر ،، والله كان في بالي أزورها وأزور صديقه لي تعرفت عليها في السفر
بس ماهقيت قطر بالروعه ،، حتى صديقتي ما قالت لي عندهم هالشغلات الحلوه ،، كله تقول
ما عندنا غير ستي سنتر ،، بصراحه شي غريب وعجيب اللي شفته
ما شاء الله ،، خلاص عزمت على السفر ،،،
الله يعطيك العافيه

 

[أرموشا]

ابـــــــــــــــــــيـــــــــــــــــــــــــــه من صجهم مو مثبتين هالموضوع اصلا هذا مو موضوع هذا مرجع لاي وحده ناويه تزور قطر

وعلى حظي ولله الحمد وبالصدفه طحت على هالموضوع

تسلمون يا بنات قطر وماقصرتوا على هالمجهود

باذن الله ناويه ازوركم يوم الاربعا الياي لي يوم السبت يعني اول يوم برمضان ان شاءالله عندكم

بس للحين ما حجزت فندق ومحتاره ابي فندق قريب يم المجمعات مدحولي الشيراتون وبسألكم عنه وانا مفكره اني اخذ كل ليلتين بفندق عشان التغير
لاني بالاساس هالسفره هديه لزوجي الله يخليلي ياه

وشتنصحوني ااجر سياره من المطار ولا اخذ تكاسي ؟؟

وبيض الله وجيهك يا بنات قطر

 

[DALLY]

طووايف زوجها حمدلله ع سلامتج وسوري انها يات متأخره


وحمدلله قدرنا نفيدكم وعسى دوم الوناسه ومن سنه لي سنه ف الدوحه حياكم دوم دوم



ورد طائفي حياكم تنورون



ملامح شمريه تسلمين عالمرور وودنا يتثبت الموضوع وعسانا مانقصر وياكم

 

[DALLY]

عصير ليمون حياكم الدوحه تشرفونا بزيارتكم


والدوحه مليانه شغلات حلوه اللي انعرض شي بسيط والباقي اكثر والعين تشوفه احلى عالطبيعه


واي خدمه احنا حاضرين عسانا مانقصر

 

[DALLY]

أرموشا

تسلمين

ياليت يتثبت وردودكم حمدلله ترفعه


حلو انج بتجين الدوحه هالاسبوع يارب تستانسون


بالنسبه للشيراتون حلو واكوا شرق والريتز والانتر وغراند حياة والفور سيزونز كلهم حلوين وعلى مستوى واللي مسويين عروض اغلبهم بالذات غراند حياة لان احدث فندق تو مفتتحينه وشرق قبله هم حلوو يونس والانتر مسوي عروض وكلهم مواقعهم تنزل عالمجمعات


اما التأجير اجروا سياره من شركه احسن حيل

والله يهنيج مع زوجج


وحياج دوم عسوله

 

[أرموشا]

أرموشا

تسلمين

ياليت يتثبت وردودكم حمدلله ترفعه


حلو انج بتجين الدوحه هالاسبوع يارب تستانسون


بالنسبه للشيراتون حلو واكوا شرق والريتز والانتر وغراند حياة والفور سيزونز كلهم حلوين وعلى مستوى واللي مسويين عروض اغلبهم بالذات غراند حياة لان احدث فندق تو مفتتحينه وشرق قبله هم حلوو يونس والانتر مسوي عروض وكلهم مواقعهم تنزل عالمجمعات


اما التأجير اجروا سياره من شركه احسن حيل

والله يهنيج مع زوجج


وحياج دوم عسوله

بعد قلبي والله دالي ما قصرتي يالغلا

وهذي الهقوه فيكم يا بنات قطر

وان شاءالله تكون اول زياره بس مو الاخيره يا رب لاني فعلا متحمسه لهالزياره

 

[حروف الماس]

انا صراحة كلللللللللش ما مدحولي قطر!!
اهلي كانو رايحين لها من فترة يقولون كلها تحت الاعمار للحين مافيها شي حلو ومجمعاتها تنعد عالاصابع هذا غير جوها الي ما يساعد على السياحة
سوريييي بنات قطر والله ما اقصد بكلامي هذا التجريح بس هذا عن تجربة ذكرولي ياها الاهل وجم وحدة من رفيجاتي بعد مامدحوها كلش قالو البحرين وايد احلى على صغر حجمها بس تونس

تحياتي ^_^

 

[يتيمة العقـد]

نشكر مراسلتنا من قطر وان شاءالله قطر راح تكون من ضمن مخطط السفرات القادمة

 

[المتفائله دائماً]

شوقتوني على قطر
يبيله

 

[^^المهره^^]

بصراحه الموضوع شدني ليدرجة اني مشيت فيه صفحه صفحه ماطوفت ولا مشاركه الا و قريتها اول مره اسوي جذيه من سجلت بالمنتدى

اول شي
يعجز لساني عن التعبير عن روعة وجمال الشي الي سويتيه يا الماس الغلا
اذهلتيني بطيب اخلاقج
وذوقج في الردود
وانبهرت اكثر بالمجهود الرائع الي بذلتيه علشان تطلعين هالموضوع بهالصوره الرائعه والمشرفه
صراحه
انتي مكسب لقطر
وانا فخوره فيج جددددددا
كلنا نحب بلادنا قطر الله يحفظها لنا ان شاءالله من كل مكروه
بس صراحة ولا وحده فينا خطرت في بالها هالفكره
الله يعطيج الف عافيه وعساج عالقوه و عسى الله يردج بالسلامه ان شاءالله
تقبلي تحيات ومروربنت ديرتج

^^المهره^^​

 

[DALLY]

حياج الله أرموشا حبيبتي حاضرين لكم كويتيات واي سؤال او خدمه احنا تحت امرج

 

[DALLY]

حياج حروف الماس يكفينا مرورج وردج

والحمدلله على نعمة الوطن وقطر من غير مبالغه احلى من اول وفيها الكثير من المنشأت واللي قيد الانشاء

والصور خير دليل

 

[DALLY]

حياج حروف الماس يكفينا مرورج وردج

والحمدلله على نعمة الوطن وقطر من غير مبالغه احلى من اول وفيها الكثير من المنشأت واللي قيد الانشاء

والصور خير دليل وهي مجرد شي بسيط

 

[DALLY]

منوره يتيمة العقد وننطر زيارتج ورايج اكيد

 

[DALLY]

ام حنون تنورينا اكيد

 

[المتفائله دائماً]

ما شا الله

 

[المتفائله دائماً]

اختي الماس الغلا ودالي العجيبه
اتمنى منكم ترتبون لي برنامج محترم حق اربع أيام للطوارئ
متى ماطقت بمخ زوجي الا والمخطط جاهز للتنفيذ
مع تحياتي لكم............
وألف شكر لكم
ودمتم لنا ذخر.

 

[أرموشا]

دالي يالعسل بسألج جم سؤال

اول شي ابي المطاعم الي تبيض وجهي مع ابو الشباب

تدرين بنفطر وصايمين يعني نبي شي عدل

وثاني شي بسألج بالنسبه لللبس لازم عبايه ولا اللبس العادي ؟؟؟

 

[ألماس الغلا]

الماس

سؤؤؤال شنو احسن شقق فندقيه بقطر ورخيص

هلا ياقلبي أعذريني ع الرد المتأخر بس ياقلبي بالنسبه لي أنا مااعندي ذاك الخلفيه عن الشقق الفندقيه بس ولاعليك دبرت حالي وسألت أهل الذوق عشان أكون متأكده من أختيارهم وقالوا لي عندك بيفرلي هيلز تور في الخليج الغربي وأسعاره جداً مناسبة وتوه جديد ويقولون فخم وراااااااااقي وهم بعد يمدحووون برج ريجنسي للشقق المفروشه ....
وأتمنى أكوون أفدتك وأي سؤال أنا حاضره وتحت الخدمه...