السونار قال ولد ... بعدين بنت ... احترت؟؟؟

[donat]

بنات انا بالاسبوع ال12 بين معاي بالسونار ان البيبي ولد و ورتني الدكتورة بروز واضح بين الريول و اليوم سويت سونار عند نفس الدكتورة وانا بالاسبوع 16 قالت ماني قادرة احدد لان معطينا ظهره و طلعت منها ورحت المواساة و سويت سونار ونفس الكلام من الدكتورة قالت ماني قادرة احدد لان صاك ريوله ومومبين بس الارجح بنت.... انا احترت صراحة

منو صار معاها جذيه؟

 

[مالك شبيه]

ياقلبي ان شالله ولد

انا كانوا يقولون لي ولد بس ماشفت شي يدل على انه ولد ولما قالوا بنت شفت خطين

وطلعت بنت مع انهم قالوا لي ولد مرتين

نصيحتي سوي ثلاثي او رباعي انتي غلطانه لما سويتي سونارين بنفس اليوم لان وضع البيبي مايسمح يبان جنسه

بس منو دكتورتج؟

 

[donat]

دكتورتي معصومة مخصيد
وانا والدة عندها مرتين من قبل و ماغلطت بالسونار ولا مرة

 

[قلبي ابيض]

الله يعطيج الطفل السليم المعافا

 

[مســـــافره]

اتوقع ولد

 

[donat]

مسافرة
ليش قلتي ولد على اي اساس؟

 

[ام فوااز]

حبيبتي لاتهتمين ولد ولا بنت اهم شي الصحة والعافيه
يعني اذا مو ولد بنت واذا ماطلع بنت بيطلع ولد
اهم شي طفل سليم والحمدالله

 

[donat]

صاجة حبيبتي اللي يي من الله حياه الله
بس انا عندي 4 بنات وولد وكان ودي بولد ثاني اخو حق ولدي

 

[ترووفه]

عادي

تصير لاغلب الحوامل

ولا بعضهم

اتجهز عساس انها بنت ويطلع ولد وممكن العكس

بس اذا تبين تعرفين اكيد في سوناؤر رباعي بس جنه يسوونه في الشهر الخامس مدري السادس

 

[حبيبه بدر]

الله يرزقج الولد

 

[أحلى بسكونة]

يبين جنس الجنين بوضوح في الشهر الخامس
واذا تبين اشعه رباعيه في السابع او الثامن
يمكن انتي استعيلتي شوي مو مبين انطري حبيبتي للخامس
والله يرزقج الولد

 

[مس هنادي]

يارب يارب يارب يرزقني وياج بالولد الصالح وانصحج بالصبر وكثري من الاستغفار بنيه انه الله يعطيج ولد ولاتنسين الدعاء في جوف الليل

 

[اسيرة زوجها]

حبيبتي تو الناس راح يبين عالخامس والسادس وغلط تسوين بنفس اليوم سونار المفروض تنطرين يومين ثلاث عالاقل ونصيحه قبل لاتسوين السونار لاتروحين وانتي بكرامه الحمام عشان تكون المثانه متروسه ويبين بالسونار وهم شربيلج عصير عساس يتحرك الياهل ويبين مع الدكتوره والله ينولج اللي ببالج

 

[غلاي غير]

روحي حق الدكتور محسن طلبه بالسلام وان شاء الله بيقولج الاصح

 

[love love]

الله يرزقج بالولد

 

[أحلى عقربة]

والله انا بآخر السادس ولي ألحين ماعرفت الجنس تصدقين .... ولي الحين محتارة ؟؟

 

[مس هنادي]

والله انا بآخر السادس ولي ألحين ماعرفت الجنس تصدقين .... ولي الحين محتارة ؟؟

صباح الخير
معقوله ماعرفتي ليش مسكرريوله والاشنو

 

[أحلى عقربة]

اي صج قبل لاتدشين على الدكتور اكي حلاو أو ككاو لان الياهل يتحرك وشربي ماي ترسي بطنج ماي وجربي واذا عرفتي لا تنسين تقولين لي ..

 

[bint_looda]

كان المفروض انج تنطرين عالاقل جم يوم على ماتعيديين السونار لانه البيبي ماكان راضي يعطي وضع يسمح
الي ايي من الله حياه الله بس احس تو الناس ان يعطونج جنس البيبي مضبوط مو ؟ نطري على مراجعتج اليايه ان شالله بيبين
الله يرزقج الطفل السليم المعافى

 

[الحلوه الأموره]

حبيبتي سوي سونار تفصيلي بالمواساة وايد واضح ودكاترتهم شطار

الله يكتبلج الضنى الصالح يارب