السواقة في السعودية والحريم

[دلوعة أبوهآ]

أنـا ضد السوآقه
والحمدلله ان السعوديه ماسمحت بهالشي ..

 

[Om Fras]

رد : السواقة في السعودية والحريم

انا مع ان الحريم يسووقوون

لو ما سقنا شغلنا عمره ماراح يخلص

من صجكم اول يوم جامعة كانت اول سنة لي و انا خايفة و حالتي حالة ابوي خلاني بروحي اروح

و البنات كل وحدة مع امها او ابوها هههههههههه

 

[جننها السعودي ]]

براحتهم يسون اللي يبون <- مريحة عمرها
لا جينا للصدق أبي اسوق بس يعني بنفس الديرة ماتنعدا حدودها مثلاً من البيت للجامعة وهكزا
لان شوارعنا مهيب سهلة ..

برايفت ..:$ راح ابدأ من الاسبوع الجاي اتعلم السسواقة هييييييييييييا

 

[Mrs. Honey]

أكيد مع سواقة المرأة

السواويق ما وراهم إلا المصايب ولا تقولون لأ! احنا يبنا 2 وصارت بلاوي حسبي الله عليهم. وعقب حرمنا يدشون البيت.
أصلا مادري شلون في ناس يرضون إن بناتهم يروحون مع واحد غريب وما يخلونهم يروحون بروحهم بسيارة خاصة فيهم! (أتكلم عن الوضع في الكويت حاليا).
يعني بعض الناس عندهم عيب البنت تسوق بس مو عيب تروح مع سايق اللي هو ريال غريب!! تناقض!!!!!!!!!!!!!!!

عالأقل لو البنت تسوق تفتك من المنة وتكون حافظة نفسها مو تروح مع سايق خاص أو تاكسي ويسوون فيها شي.

وبعدين لا تقولون اخوان أو رياييل يودونكم! بيودونكم يوم وبيملون ويوهقونكم
السيارة للشغلات الضروروية بس مو للهياتة والخرابيط

يعني دوام وجامعة ومستشفيات لا سمح الله أو شغلات ثانية
بس أهم شي اللي تسوق يكون لبسها ساتر ومحترمة نفسها مو حاطة أغاني وتلفت بالسيارات.

وأحس الوضع بالسعودية صعب شوي لأن صراحة جم مرة أروح هناك وما سلمت من خزهم وكنا طالعين مع أبوي لمكان قريب بسيارته ولا تشوفين الخز والتعليقات...
الله يعينكم على هالشباب اللي مو شايف خير بس أنا مع إنكم تسوقون
لأن السيارة ضرووورة ولا تحطون فتاوي ومادري شنو تحرم السواقة!! الله ما حرمها والرسول عليه الصلاة والسلام ما حرمها! والشيوخ اللي يفتون بحرمة السيارة مادري شنو تفكيرهم أستغفر الله. لا يقعدون يحللون ويحرمون على الفاضي.
الاسلام ما حرم ان الوحدة تخدم عمرها... بس مو معناته اللي بتسوق تروح أماكن بعيدة أو تسافر لأن السعودية كبيرة.. فيكون لكل وحدة تسوق بس بحدود منطقتها

 

[جولينار]

أنا ضد

 

[شعطآنيه]

أنآ استغرب من هالموضوع ...مكبرينه حيييل وتروحون وتردون عليه ...

مآ أتوقع فيها شي لو الحريم يسوقون ...واللي حآطه فتوى ابن بآز
الحريم بعهد الرسول كآنوا يسوقون بس طبعا مو سياره

يعني مآ أتوقع إنها حرام ....والزينه مالها علاقة بالموضوع
عندنا بنات كثير يسوقون متنقبات ومو طالع منهم شي ...ما اظهروا زينتهم

ترى بالسعودية مكبرين الموضوع حييييييييييييييييييييييييييييل

عندنا البنات يسوقون الحمدلله ومحد يتحرش فيهم وملتزمات بلبسهم
وما اختلطوا برجال ولا شي ................
بالاشارات ما شاء الله الحريم يسوقون عندنا أكثر من الرجال بعد شكثر سيارات الحريم
محد ضايقهم الحمدلله عادي


بس بما إن الموضوع بالسعودية وسواقة المرأه غريبه عليهم ...فـ أتوقع إن الشباب راح يتحرشون بالبنات

وطبعا اللي تبي تسوق ما تبي تفتر بسيارتها بكل مكان .... ولا تسافر لمكان بعدين بدون ليكون احد معاها

 

[مساء الرياض]

انا ضد لان فووووووووووووووق الزحمه بتتوقف السيارات ماشاء الله موت زحمه لالالا مانبي السواقه

 

[اخت واختها]

رد : رد: السواقة في السعودية والحريم

لا انا ضد السواااقه بالسعوديه لان النااااس بتصيع
والحمدلله السعوديه دوله متحفظه على
الشريعه واصول الدين
واعتقد الحوادث
راح تكثر
موؤؤ:s141:

يا سلام على هالدين الي الناس من تلاقي فجه بتصييع !!

شويه منطق يا ناس

وقبل لا تعلقون حطو بالكم ان ظن السوء ما يجوز :bbbiu:

 

[العالميةksa]

تخيلـو لـو الحريـم بيسـوقـن
ونلقى لهن في كل شارع طرايـف

تلقى العجايز فالشـوارع يـدورن
وسيارة الاسعاف ترقـب حتايـف

واليـا تأخرنـا دقايـق يصيحـن
ثم اركبن فـوق المواتـر ولايـف

قامت تكبس لـك بالانـوار ياهـن
بين اخوياك وصرت محرج وخايف

وتخيلـوا لـو ذات يـوم ٍ يمـرن
عليك دوريـات والجمـس طايـف

يوم اطرحوه يصير موقفك محـزن
تلقى العجوز مكلبشـه ياحسايـف

وتلقى البني في كل جلسـه يتكـن
طقت بلوت ومعهن الكيـف كايـف

هذي تبي تحكم وهذي تبـي صـن
والبيت ضايع دون طبخ وغرايـف

ياللي ذنوبك فـوق راسـك يحنـن
اللي في قلبـك طلعتـه الشفايـف

انظارنا من فوق ذكـرك يشوحـن
ونشوف شيء ٍ ماتشوفه ياهايـف

حق المره ياشيخ تلعب علـى مـن
خبلان حنا والا ويش انت شايـف

وين انت عن صوت الارامل ينوحن
وين انت عن حق المره فالوظايف

وين انت عن جملة بنات ٍ يضيعـن
وين انت ياراع العلـوم النصايـف

لو هي بيديكم كـان قلتـوا يغنـن
لكن صدمتـوا فالجبـال النوايـف

من دونهن حنا وفي قلوبنـا هـن
الطاهـرات الساجـدات العفايـف

والمسأله لا صار لحقـت شرفهـن
يـروح فيهـا يازلفـى طـوايـف

هذا كلامي واسمعه زيـن واذعـن
قلته ولانـي مـن تواليـه خايـف

قلته واباقف وارفع الصوت واعلن
ارادت الامه علـى لسـان نايـف

ماهـو تخلـف لارفضنـا يسوقـن
راس التخلف لا تركنـا العطايـف


.
.
هذا رد الشاعر نايف بن عرويل على عضو مجلس الشورى اللي يؤيد سواقة المراءة للسيارة بالسعوديه

 

[HeR HiGHNeSs 90]

رد: رد : السواقة في السعودية والحريم

برايي بغض النظر عن اي دوله نتكلم



مو من حق اي شخص بالعاااااالم يحرم شخص ثاني من شي يحقله

يعني المفروض هاذا الشي اختياري الي بتسوق تسوق والي ماتبي شي رادلها يعني ماله معنى بصراحه القانون

واهما ادرى بحالهم عشان لا ايني هجوم

 

[ترانيم القصيم]

تخيلـو لـو الحريـم بيسـوقـن
ونلقى لهن في كل شارع طرايـف

تلقى العجايز فالشـوارع يـدورن
وسيارة الاسعاف ترقـب حتايـف

واليـا تأخرنـا دقايـق يصيحـن
ثم اركبن فـوق المواتـر ولايـف

قامت تكبس لـك بالانـوار ياهـن
بين اخوياك وصرت محرج وخايف

وتخيلـوا لـو ذات يـوم ٍ يمـرن
عليك دوريـات والجمـس طايـف

يوم اطرحوه يصير موقفك محـزن
تلقى العجوز مكلبشـه ياحسايـف

وتلقى البني في كل جلسـه يتكـن
طقت بلوت ومعهن الكيـف كايـف

هذي تبي تحكم وهذي تبـي صـن
والبيت ضايع دون طبخ وغرايـف

ياللي ذنوبك فـوق راسـك يحنـن
اللي في قلبـك طلعتـه الشفايـف

انظارنا من فوق ذكـرك يشوحـن
ونشوف شيء ٍ ماتشوفه ياهايـف

حق المره ياشيخ تلعب علـى مـن
خبلان حنا والا ويش انت شايـف

وين انت عن صوت الارامل ينوحن
وين انت عن حق المره فالوظايف

وين انت عن جملة بنات ٍ يضيعـن
وين انت ياراع العلـوم النصايـف

لو هي بيديكم كـان قلتـوا يغنـن
لكن صدمتـوا فالجبـال النوايـف

من دونهن حنا وفي قلوبنـا هـن
الطاهـرات الساجـدات العفايـف

والمسأله لا صار لحقـت شرفهـن
يـروح فيهـا يازلفـى طـوايـف

هذا كلامي واسمعه زيـن واذعـن
قلته ولانـي مـن تواليـه خايـف

قلته واباقف وارفع الصوت واعلن
ارادت الامه علـى لسـان نايـف

ماهـو تخلـف لارفضنـا يسوقـن
راس التخلف لا تركنـا العطايـف


.
.
هذا رد الشاعر نايف بن عرويل على عضو مجلس الشورى اللي يؤيد سواقة المراءة للسيارة بالسعوديه

تسلم إيدتس على الأبيات الزيـنة ,, :rerrerek:

الله يهدي الكل و الجميع .. :eh_s(7):

 

[شذونه]

رد : السواقة في السعودية والحريم

قبل كل شي سواء رضو اهلي او وافقو هاذا شي ميجوز واحتمال يكون حرام لانه البنت اول مره بتطلع بعبايه شوي شوي بتضايق وتبدا تقط النقاب والعبايه وتتبرج وكمان مراح تسلم من المعاكسات وقلة لحياء ولانثى بطبعهاا حساسه وحالتها حاله يعني اذا عصبت احتمال تشيل كل للي بالشارع ويارب لك لحمد كذا مرتاحين مع ان اخوواني يغثون ويطلعون لروح لحد منطلع لسوق او اي مكان بس كمان احسن وافضل وطبعا انا ضد لاني تربينا على كذا صعبه بيوم وليله نتغير وانتم متعودين وشي عادي عندكم كل شعب له حريته وعاداته والبنات للي لجونا وقالو نبي نسووق بصراحه مدري شيبون بالضبط ليتهم يقبضون ارضهم اريح وشكرا صاحبة المووضوع

 

[~ بنت الهدى ~]

اكييييييييد مع .. تعبت نفسيا من كثر ما اطلبهم يطلعوني و يطلعون اعذاار و اخرتها بالبيت

مو حاله

بس راح يصير زحمممممممه يادنيا زحمه

 

[فساتين فخمه]

انا صراحه مع وضد

مع ان المراءه تاخذ حقها وتكون لها شخصيه وضد ان شوارعنا موبتصير زحمه الابتتسكر لان هي اصلا زحمه وساقو الحرييييييييم ياسااااااااااتر
وغير كذاصعبه على مجتمعنا فجاءه حريم يسوقوووووووووون

وكلام شيخنا ابن باز الله يرحمه اللي يقول فيه الخلوة المحرمة بالمرأة ، ومنها : السفور ، ومنها : الاختلاط بالرجال بدون حذر
هذي الاشياء صارت مع السواق قبل لاالمراءه تسوووووووق وصارمشاكل منها خطف البنات من هالعماله الوافده والليموزينات

 

[~ بنت الهدى ~]

ميخالف ولله احوس بالسياره بس بالمنطقه اللي انا فيها ماطلع برآآ

 

[بعدالعسريسرين]

رد: رد : السواقة في السعودية والحريم

ودي بكل عائله بنت وحده تسوق الكبيره اكيد
وهي تقضي مشاويرالباقين وااااااااااااااااااااااااااااااااو
لوتسوق اختي مايبقى مكان ماروح له حدهامغامره وفرفوشه
الاحلام ببلاش نحلم شورانا

 

[~ بنت الهدى ~]

احناااا ماعندنا سواق يمكن لو عندنا تغيرت نظرتـــي

 

[~ بنت الهدى ~]

رد: رد : السواقة في السعودية والحريم

ودي بكل عائله بنت وحده تسوق الكبيره اكيد
وهي تقضي مشاويرالباقين وااااااااااااااااااااااااااااااااو
لوتسوق اختي مايبقى مكان ماروح له حدهامغامره وفرفوشه
الاحلام ببلاش نحلم شورانا

اي ولله جان زين عالأقل وحده بالبيت تسوووق و تقضي مشاويرناا :rerrerek: :rerrerek: :rerrerek:
ياحلات السوااااقه .. لا رحت البر اسوق وناسه

 

[aṕriliå]

مع سواقة المرآة

مافي شي يمنع او يضرها لو ساقت

 

[RmRom]

مع قيادة البنت .. بس بضوابط وشروط

على فكرة فيه حريم يسوقون في السعودية لانهم في قرى وضمن حدود القريه ما يطلعون منها

وترى السعودية تختلف عن دول الخليج لانها كبيرة .. صحاري ووديان وجبال ..وقطاع طرق .. بأعتقادي راح يكون صعب السيطرة على كل المناطق .. الحين الشباب يخافون على انفسهم فما بالج بالبنات .

على بلاطة يعني راح تصير مشاكل إذا ساقت المره .. لازم يكون فيه أحتياطات ماخذينها الداخلية ومستعدين

وأحس بدري على قيادة المرأه