السهرة الأخيرة ..عبدالله غازي المضف

[غلاتي غلاتي]

رد : السهرة الأخيرة ..عبدالله غازي المضف

شاريتها من المعرض بس لي الحين ما قريتها

 

[Fa6omy]

رد : السهرة الأخيرة ..عبدالله غازي المضف

وين احصل روايه المنتضر والسهره وبجــم

وحـــدي متشجعه اقـــرأ روايه السهر الاخيره

 

[غنيمة حرم سليمان ابوالريش]

انا مستغربه شلون اللى قاريه المنتظر وله عاشق مهزوم عاجبتها

امبيه كلش ما يعجبنى احس يبى شهره وبس من جذيه يشتغل على روحه بالدعايه

المنتظر حووسه ما فهمت منها شى

والعاشق المهزوم رومانسى على ملاقه كلش ما يعجبنى ككاتب

 

[راعية الطويلة]

رد : السهرة الأخيرة ..عبدالله غازي المضف

مشكورة

ما أفكر أشتريها

لأني لما تصفحتها بالمعرض

من بعد ما شفت إقبال عليها((من البنات بس))

ما عجبتني..

حسيتها مو الأسلوب و المضمون اللي يروق لي

بس ما يمنع أدش موضوعج و أسلم و أتمنى لج

قراءة حلوة و مفيدة

 

[ScarletteO'Hara]

الصراحة من بعد ما قريت "المنظر" ما افكر اقرى "الرقصة الاخيرة"
شنو هالخرابيط؟؟؟
ويع الصراحة و لو ان اسلوب الكاتب ممتاز بس القصة سيئة سيئة سيئة
حسافة ضيعت وقتي عليها

 

[Q8Lady]

قريتها وخلصتها حلوووة وتستحق القراءة
على الأقل بالنسبة لي أحسن من روايات علياء الكاظمي اللي طيروووها لي السما ويوم قريت لها حبيبة و وقصتين من بلا هوية انصدمـــــــــــت من الإسلوووب أقل أقل من عادي والحبكة موذاك الزود يعني من أول الصفحات تدرين شراح يصير !!!

 

[زبدة ككاو]

رد : السهرة الأخيرة ..عبدالله غازي المضف

مشكلتنا مانتقبل الخيــآل أو الإسســلوب الجـديد
وكتــآبــآت المضف فيهــآ من إسلوب دآن بــرآون كثير
وهالكاتب إشتهر حيل بالغرب
لأن أفكــآرهـ غريبة
نفس الطريقة للكاتب بس عندناا صعب الناسس تتقبله بسهولة

 

[حوير]

عجيبه انا قريتها كلها وبنفس اليوم خلصتهااا الاسلوب والمفردات خياليه وتحسين نفسج وياهم

 

[اريج الجوري]

انا قريت السهره الاخيره ,,,

عجبني الاسلوب والتشويق بالقصه بس ابي اخلصها بسرعه عشان اعرف النهايه ,,,

وفعلا تعيشين احداثها جنج في فيلم ,,,

وما شفت فيها اي قلة ادب ,,,

لكن حسيت انه فيها بعض الخرابيط ,,,

مثلا سعاد كويتيه شلون ابوها سويسري ؟؟؟

و امها مسلمه تتزوج مسيحي ؟؟؟

ونفس الشي بالنسبه للدكتور عدنان اهو عربي وامه وابوه اجانب ؟؟؟

وسالفة الاستنساخ ما فهمتها شلون صارت ؟؟؟

وبعض الاحداث مو مفهومه !!!

كيف يتواجد بعض الاشخاص في اماكن مو المفروض يتواجدون فيها ؟؟؟

مثل رانيا يوم مات زوجها ؟؟؟

وبيل صار سليمان ؟؟؟

وهل سليمان مات او لأ ؟؟؟

والدكتور عدنان حبيت شخصيته الغامضه لكن كرهته بالنهايه ,,,

لكن بالنهايه القصه شدتني وعجبتني وحسيت فيها اسلوب جديد ولو

انه خيالي ,,,

وشوقتوني اشتري باجي رواياته ,,,

تحياتي ...

 

[kakawa sai7a]

انا قريت السهره الاخيره و هذا اول كتاب له اقراها و الصراحه عجيب اسلوبه و على فكره انا اول مره اقرا كتاب كبير جذي بحدود يومين و خلصته من كثر ما يجذبج للروايه بس سوال محيرني اهيا القصه صجيه ولا لا لان اول الكتاب كاتب اهداء لسعاد ؟؟؟؟؟

 

[فـزولها]

لاا وين صجية
يمكن زوجته ان كان متزوج او وحده من أقاربه اسمها سعاد عشان جذا سم بطلة الرواية باسمها

بس للأمانة روايته تهبل ،،، أموت أنا على الغموض والتشويق وانا اشوف اسلوبه حيل خفيف وغير ممل لدرجة انج تندمجين بجو القصة غصبن عنج


ناطرة جديده على احر من الجمر :eh_s(22):
وان شاء الله ما يخذلنا بأفكاره
الله يستر​

:yaaaaaarb:

 

[مشاغبة كووول]

انا قريتها الصراحه وفيها كلمات وصخه والروايه احس انها مبالغ فيها وتلوع الجبد
ولي تقول مافيها قلة ادب انا مستعده اجيب رقم الصفحه عشان تقرينها <<< مدري ليش معصبه هههههههههههه
بس صج الروايه قليلة ادب

 

[_Taylor Swift_]

شوقتوني اني اقرا مجموعه من رواياته
تذكرون روايه حبيبتي دايما اللي كانت تطلع ع الاف ام حسيت كانت خياليه حيل و ما شجعتني اقرا لهالكاتب بس الحين ابقرا المنتظر و بعدين السهرة الاخيرة​

 

[M!SS EV!L]

اتذكر ايام الثانوية اني قرأت له عاشق مهزووم وكان حده بااايخ :/ ما عجبني كلش

المنتظر في ناس تمدحه ان شاء الله بعد ما اقرأه احكم عليه

والسهره الأخير حدي متردده اقراه او لالالا

 

[.حــنــان.]

انا قريت السهره الاخيره والله روووعه

واختي احلام الدجى بس حبيت اقولج ان سليمان ما مات لان في اخر القصه شافته واقف صوب الشجره

انصحكم فيها حلوة

 

[كرستاال]

السلام عليكم
بنااات بليز قولولي وين القئ مؤلفات عبدالله غازي المضف ؟؟