السلام عليكم نوع المنظف لأرضية الحرم الشريف

[أم الحارث]

الله يجزيكم خير بغيت أعرف نوع السائل التنظيف الى يتم تنظيف أرضيات الحرم الشريف

 

[الهما]

حبيبتي النظافة اللي تشوفينها بالحرم مو من نوع المنظف ... من جودة الرخام هذا الرخام يا يبينه من جبل جن باليونان و خلص كله على الحرم الشريف
نوع حييل غاااااالي و حييل جودته عالية

 

[SILVER ROSE]

اي ياربي ريحته مثل البخور شوي يهبل

 

[أم الحارث]

الله يجزيكم خير

 

[حساسه]

سبحان الله ريحته انتعاش ونظافه شيء فضيع ماشاء الله

 

[منارة الإيمان]

وااااااي ريحته حلللللللوة... شدعوة ما مسكت العمال وسألتهم ... وقلبت قواطيييهم التنظيف كلها وبحثت .. طلع نوع المنظف خاااااص مخصوص للحرم .. وييبونه من الأمارات وهو على شكل مطهر بصابون بس ريحتة تهبل .. حتى قلت له بيعوني .. ولا دلوني على شركة توفره .... وقعدت أدور السوبرفايزر مالهم .. علشان أخذ معلومات منه أكثر ما حصلتة ...

 

[وردة-الكويت]

اي والله ياحلو ريحته تجنن

انا هم بعد ناطره معاكم

 

[D & S]

شكرا جزيلا​

 

[ام خالد 78]

ماشاءالله

 

[كويتيه وكلي فخر]

شوفة مكه بنفسها تشرح الصدر

 

[slk]

الله شوقتونى يارب تكتبها لى عمره

 

[مسك أبيض]

هذا مطهر اسمه تقريبا دارمر والتنكه لونها أصفر وهو سائل لونه أخضر وريحته ريحة الصنوبر ...

 

[أم الحارث]

الله يجزيكم خير والله يرزقنا جميعا الصلاة فيها

 

[ضوء المنارة]

انا اخر عمره لي يومها خلصنا عمرتنا المغرب وكنا بقمة التعب وردينا الفندق علشان نرتاح شوية ومن كثر التعب ما قدرنا ننزل عشان نصلي العشاء بالحرم المهم ريحنا لي الساعه 12 بالليل فقلت للاخوي اتمنى انزل الحين واحب الحجر الاسود وابي ادعي للان الدعاء مستجاب عند الحجر الاسود ، وطبعا لما وصلنا الحرم شفت منظر ولا يمكن انساه في حياتي الطواف كان خفيف وقتها والجو روعة وقاعدين يغسلون حوالين الكعبة وكانت ريحة الصابون حيييل حلوه فيها ريحة ليمون ومنعشة ، والمنظر هذا شال التعب كله اللي حسيته بذالك اليوم
وطبعا ما قدرت احب الحجر للانه كان زحمه عليه
فانا عاذرتج يا اختي قاعده اتدورين على معطر الحرم يمكن مو عشان ريحته عشان ارتبط بمنظر الكعبة والحرم

 

[نجوم الظهر]

اتوقع ان صابون داك الليمون صناعه سعوديه​

 

[حلا الشرقية]

من جد انتعاس ...........لا وبعد سالت العمال وعطونى شوى بس العلبة كانت كانها مثل الديتو وسالت قالو العلبة غير بس عشان يعطونى بس المنظف يجيبونة من جدة وانا ماصدقت رحت البيت وانظف فية واللة انا الريحة وصلت الى الدور الارضى والريحة تعج

 

[مغيب الشمس]

يا سلام بعد كم يوم نقرأ اعلانات عن منظف الحرم واحنا ما نصدق ونشتري منه ويقصون علينا هاهاهاهااي

 

[د.شريفة]

والله توني يايه من الحج في طواف الوداع اقول حق زوجي ياربي ريحة المطهر الخاص بالحرم عجيبه مميزه ماتشمها في مكان ثاني ابدا

 

[دموع_الورد]

هههههههههههه ماشاء الله عليكم يا بنات الكويت ماخليتوا شي حتى مطهر الحرم!!!!!!

 

[عبق البنفسج]

دورت بقوقل ولقيت موضوع يتكلم عن مطهر الحرم ..
اسمه درامر وينخلط مع شوية ديتول