السلام عليكم دخلوا الله يخليكم

[kuwait love Q8]

Uou0Uo ردج اثر فيني
بس بسألج سؤال

 

[Uou0Uo]

امري كلي لك

 

[kuwait love Q8]

اختي انتي ذكرتي
انه لا تتزوجين من غير رضى االاهل
انا اهلي راضييييييييين!! الا ابوووي
شلون اقول له مافي نصيب؟ وانا ما اقدر اعيش مع غيره ولا هو يقدر
اختي عندج فكره اذا عمري 23 او 22 يصير او لا؟؟

 

[kuwait love Q8]

قالوا لي اللي عمرها 21 سن القانون يصير
بس ابي اتأكد

 

[الحب لك وحدكك]

لاتتزوجين بدون رضا اهلج وربي ماراح يوفقج

خله يصبر اذا هو يبيج بعد وان شاء الله يوافق ابوج


وخلي امج تحن عليه لين يوافق ويمكن رفض ابوج خيره

ماتدرين

وبالتوفيق حبوبه

 

[Uou0Uo]

انا ماادري عن هالقانون ابدا
وانا لمن اقول اهلك ابوك وامك هم راس اهلك // قولي مافي نصيب تشجعي وقوليها بس قبل خليه يتقدم اكثر من مرة وبعدة خلاص انسية ترى حنا الحريم نذبح انفسنا عليهم واهما لو مكاناماتحدوا اهلهم ولا ضحو علشانا والدليل الزوج لمن يتزوج ع زوجها يجلس يقولها احبك وانتي ام عيالي وانتي الاولى بس الشرع حلل اربع وش معنى هو يقدر يعيش مع وحدة ثانية وتشارك اللي يحبها وام عيالة فية الرجال مالهم امان احنا عاطفيين بقوة وتفكيرنا بقلوبنا واهما تفكيرهم بعقولهم فتحصلين اكثر الصدمات والجروح بقلوبنا ونتاثر اكثر واهما العكس وع بالك تقولين ماقدر اعيش من دونة مع واحد ثاني اتحداك اذا هو مثلك مابيقدر يعيش الا معك راح يتزوج وبيعيش حياته بسعادة وانتي بتجلسين ع ذكرياتة وبتقولين لا اكيد هو يفكر فيني نلعب ع انفسنا انتي بس انسي كل ذكرياتة وابعديها عنك وبتنسينة بس لو سويتي اللي براسك تذكري كلامي وكلام كل وحدة نصحتك ))

 

[orchidia]

مراح اقول لج الا شي واحد

الريال لا خسرتيه الدنيا متروسة رياييل

بس أهلج لا خسرتيهم فيه أحد بيترس مكانهم ؟؟

 

[للدموع قصه]

لا مايصير في شروط للقانون اذا ابوج ماوافق

لازم تثبتين انه ابوج مختل عقلين او يتعاطه انواع مخدره
او اي شي يثبت
بالحاله هذي القاضي يصير وكيلج وزوجج بحكم من المحكمه
طبعن بعيد الشر عن ابوووج
هذي طبعن من ضمن الشروط الي اذا على قولتج سنج فووق 21 سنه
واذا ثبت انه ابوج في خلل معين من الي ذكرتهم بعيد الشر عن ابوج ان شاءالله
يقدر يطعن بالحكم

بس على فكره هم للقانون فقرات يقدر ابوج يجيب محامي شاطر وينه مايبي يمشيج يمشيج وهم يقدر يصدر حكم عليج هم في طلعاتج بره البيت بالقانون واذا تخلفتي عنها له الحق بالسجن يسجنج
هذا ابوووج استوعبي

 

[للدموع قصه]

شي جميل انج تجيبين حديث للرسول
ووين راح حديت الرسول عليه الصلاة والسلام
(من اتاكم من ترضون دينه وخلقه فزوجوه)


بس ياختي العزيزه نسيتي الحديث
عن عبدالله بن عمرو بن العاص رضي الله عنهما عن النبي قال
: { رضا الرب في رضا الوالدين، وسخط الرب في سخط الوالدين } [رواه الترمذي وصححه إبن حبان والحاكم].


بس ياليت لو تعرفين معنه الحديث الشريف عدل هذا الحديث مو للمراء موجه عشان تاخذ قرار زواجها بنفسها
وهم للحديث معاني كثيره تقدرين على غوغل تبحثين عنها
فمان الله

 

[Mrs. AL Ajmi]

ايي يصير..
تعينين القاضي كولي امرج.. واذا شاف انه ما عليه قاصر وسمعته زينه واخلاق ودين يزوجج..

الله يوفقج حبيبتي.. بس لا تستعيليين وتاكدي الف مره انه هذا الشي اللي تبينه. ترى الريال باجر ما يقدر التضحيه بالعكس ممكن يستغل انه مالج ظهر او خسرتي اهلج. فحاولي مع ابوج احسن او دخلي احد من عمامج او الكبار..

الله يكتبلج الليي فيه الخير

 

[a7la siorah]

البنات ماقصرووو

وانتبهي !!!!!!!!!!!!!!!!!!!! ترى الزواج مو حب وبس

راح تحتاجين اهلج اكيييييييييييييييييييد ماكو متزوجه ما احتاجت لاهلها

وغير هذا كله تتوقعين ماراح يكش منج صدقيني ما راح يأمن لج لانج بعتي اهلج

 

[ѕну gιяℓ]

عليكي بالدعاء ياختي واصبري وبعض الاباء يزوجون بناتهم بالشخص اللي يبونه هم مو اللي تبيه البنت وش ذا
الله يهدي بعض الاباء اللي يردون قسة ونصيب بناتهم والله يوفقك يااختي بالصالح الله معك حبيبتي ^^

 

[خالتي قموش]

تزوجي و استانسي ويمكن ابوج يسامحج بعدين
لانه بيتم ابوج
بس الريال اللي بعتي كل شي عشانه
بيعايرج كل ما تهاوشتو
الحين الحب معميج

ترا الحب مو اهم شي بلزواج
حتى اهله ما راح يرضونها

راح تشوفين نظرة الاحتقار

حتى فرحتج بتكون ناقصه
لانه ابوج مو راضي
و اامج بتنقهر
وخواتج بيتعايرون فيج من ازواجهم
خيره يا بنت الناس
لا تبيعين اهلج

 

[بولندية]

البنات كفوو وفوو


اذا رحتي المحكمة و رضى القاضي يزوجج حتى لو الريال زين ابوج ماراح يرضى بهالزواج لان زواجج بيذكره انج تحديتيه و خذيتي اللي تبينه

واذا رحتي المحكمة و مارضى يزوجج ابوج بتمين طول عمرج تذكرينه انج دخليتي محاكم

الريال اذا تقدم حق البنة اكثر من مرة و اخر شي تزوجها بتغير عليهااا عقب الزواج لان بيفكر شنو ناقصه علشان يرفضونه


ف مااااابااااالج اذا تزوجتي بمحكمة شنو يكون موقفه منج عقب ما ياخذج

اذا تبين شي كثري من الاستغفار والدعاء وشوفي شلووون ابوج بيوافق بسهوووووولة والله يوفقج

 

[kuwait love Q8]

حبيبيتي الرضا الوالدين مو بزواج الابن باللي يبووونه !! هذي معروفه


مشكووريييين حبايبي

 

[مناير ...!]

امي راضيه وخواتي متزوجات
وابوي مو راضي عشان اسباب تافهه والله ما يرضى فيها
اهو تقدم لي مره وحده ويقول ابي اييي اتقدم مره ثانيه بس انا مو راضيه لانه ادري ابوي راح يرفض ويكسر فيه
ابوي يقول الريال زين وما فيه عيب بس رفضه عشان اسباب تافهه مثل ما قلت بس عيزت افهمه اني ما راح اتزوج اسلافه راح اتزوجه اهو !!

واللي نكها حلمي وامالي حطي روحج بمكاني وشوفي
وبعدين اهلي مو دايمين لي !!
وانا مو غبيه انتي ما تعرفين الاسباب
والريال مثل ما قلت ما فيه عيب

ابي اعرف انا عمري 22 يصير ولا لا؟
وابوي راح يتقبل هالشي بالاخير

لاحبيبتي مايدوم لج الاااهلج
باجر لي صار بينكم شي ماانتي لاقيه لج ظهر بعد ماتكسرين ظهر ابوج

 

[أسمى حب]

يا اختي اتقي الله بشيبات ابوج لا تدخلينه والدج المحكمه علشان اي كان بلا حب بلا خرابيط
و تذكري ان الحياه دين مثل ما دخلتي والدج المحكمه بدخلونج عيالج

اذا فعلا الرجال ما فيه شئ خلي امج تكلم عمامج و خوالج يقنعونه و اذا ما اقتنع فقولي
فوضت امرئ لله و ربك بيرزقج باللي أخير منه برحمتج بوالدج

أخذي كلامنا إحنا حريم اكبر منج و اعرف منج و جربنا الرياجيل

و ارد و اقول لج ارحمي شيبات والدن ما قصر بتربيتج لا تنزلين راسه بين الرياجيل*

 

[om-3azo-83z]

اول شي صلي استخاره
ثاني شي بسالج سؤال بس
فرضا رحتي المحكمه و زوجتي نفسج بتكونين مستانسه صج ؟ حلاه فرحه العروس مع اهلها قبل ريلها شنو بتكون ذكرى زواجج ؟ رحتي محكمه و زوجتي نفسج و بس؟ ولا سويتي حفله و اهلج فرحو فيج و صورتي معاهم و زفوج حق ريلج و دموع الفرح بعيون اهلج !! ليش تتبرين من كل هذا امانه ماودج بليله العمر مثل كل بنيه !
الحين انتي تحبينه و يحبج صح تدرين ان بعد الزواج راح يتيغر لا تقولين اهوا غير ترا الحب يعميييي انا اقولها بصراحه تزوجت عن حب و كاني الحين مطلقه عاندت اهلي كلهم و تزوجت بس ورب الكعبه ندمت زوجت عن حب عشت معاه 8 اشهر و ما كنت مرتاحه بيوم و لما تطلثت الكل لامني هذا اللي عاندتي اهلج و خذيتيه !!! هذا اللي رفضتي كل اللي تقدمو لج عشانه !!! هذا اللي ضيعتي عمرج و صار اسمج مطلقه عشانه ؟
مابي احبطج والله نصييييييحه خلي يتقدم مره ثانيه و ثالثه لا تتزوجين الا برضى ابوج ترا ابوج ادري منج يمكن شايف انتي مو شايفته

 

[Cute mama]

الحب الحب صعب لول
حاسه فيج وادري انه قلبج متحكم فيج كلج ومستعده تسوين اي شي على شان تاخذينه ومو قادره تتخيلين حياتج من غيره
بس صعبه
انا افكر باكثر من شغله
بتزوج غصبن عن اهلي بنزل راس ابوي بين الناس وبكسر قلب امي وماتدرين زوجج يطلع زين ويحبج طول العمر وله بيتغير واذا صارت اي مشكله وله تزوج عليج لاسمح الله وله خانج بتروحين حق منو ؟
انا من رايي تنطرين
خيحاول مره واثنين وثلاث وانتي لاتمدين بوزج واتعصبين على اهلج جذي بيعاندون
كسري خاطرهم ظعفي يعني متاكلين لول يعني زعل من غير عصبيه وعناد
كل اب وام يتظايقون لمن مايقدرون يعطون بنتهم اللي بخاطرها فيه بس اكيد لهم وجهة نظر وله ليش رافضين ؟
ماراح يكون في احد بالدنيا احن من قلبهم عليج

 

[ღ Mzajiya ღ]

حبيبتي انا مع البنات اللي قالو ان القاضي يزوجج بشروط معينه
لازم رضا ولي امرج حتى لو عمرج 23 وترى كلش مو حلوه بحقج و بحق ابوج تودينه محاكم
وانا عارفه شلون انتي معصبه و متضايقه وتبينه واهوا يبيج بس ميخالف دام انتو نيتكم زواج ان شاءالله ربج معاج بس لا تستعيلين يا قلبي
و حبيبتي دام امج راضيه خليه اهيا تقنعه و الدق يفج اللحام خليها تكلمه وتحنن قلبه بطريقتها
انتي لا تكلمينه وخلج عادي و جنه مو هامج الموضوع وختقوله هذي بنتك واهيا كبيره وتعرف مصلحتها واهيا اختارت واحنا نبي نفرح فيها والريال انت بلسانك قلت ان زين ومن هالحجي
وان شاءالله يحن قلبه و يوافق صدقيني واذا انتو نيتكم زينه وتبون التوفيق من الله مع كل صلاة ادعو وصبري شوي
يعني بعدج صغيره وان شاءالله ماتطوف السنة الا وانتي ب بيت ريلج وكل اهلج راضيين ومستانسين لج لانج تقولين اهوا زين ويبيج ف صبروا وتحملوا شوي .. انا من رايي لا تخلينه يتقدم الحين مره ثانيه مو حلوه بحقه
بس كلمي امج تحن على ابوج اكيد تقدر تأثر عليه باذن الله​

والله يوفقج حبي ​