السلام عليكم دخلوا الله يخليكم

[kuwait love Q8]

انا ابوي رفض الانسان اللي انا احبه
والله ثم والله انه ما فيه شي
بس لاسباب انا ما راح اذكرها

سؤالي يقول
انا عمري 22 يصير اروح المحكمه ازوج نفسي طبعاُ مافي زواج من غير الولي
بس المحكمه راح تجبر
المهم

يصير على عمري 22؟
وشنو الشروط؟
وشلون الطريقه؟

ومشكوريييين

 

[kuwait love Q8]

؟؟؟؟؟؟؟؟؟؟؟؟؟؟؟؟؟؟؟؟؟؟

 

[الجوهرا]

حبيبتي ماتدرين الخيره ووينها فيها خليه يتقدم لج مرتين وثلااث اذا مكتوب لج نصيب معاه راح تاخذينه ليش تكبرين الامور

 

[Judy . abbot]

وانتي راح ترضين تتزوجين بدون موافقه اهلج ؟؟!
انا اشوفها وايد صعبه
واهم شي رضى اهلج ولا الريال يتعوض

 

[reem83]

اختي ترى اذا سويتي هالحركة بتحسفين قد شعر راسج لان بتبيعين اهلج عشان ريال وماتدرين هالريال يعزج ولايبيعج لان بيحس ان مامنج امان , لان اهلج الي ربوج بعتيهم , صبري واذا تحبينه ويحبج صج صبرو وحاولو مرة ومرتين وثلاث واللي الله كاتبه لج بيصير واكيد ابوج يجوف شي انتي ماتجوفينه وماتعرفينه

 

[ماتغير شي]

اختي ترى اذا سويتي هالحركة بتحسفين قد شعر راسج لان بتبيعين اهلج عشان ريال وماتدرين هالريال يعزج ولايبيعج لان بيحس ان مامنج امان , لان اهلج الي ربوج بعتيهم , صبري واذا تحبينه ويحبج صج صبرو وحاولو مرة ومرتين وثلاث واللي الله كاتبه لج بيصير واكيد ابوج يجوف شي انتي ماتجوفينه وماتعرفينه














معااااااااااااها​

 

[amami al-kuwai]

صلي استخارة يمكن ابوج شايف شي انتي مو شايفته

وراح تتعبين اذا تزوجتي من دون رضى اهلج

 

[صمتها ونه]

ياقلبي حنا موقاعدين بلاس فيغاس الوحده تتزوج للي تبيه فوق رضا اهلهاا

اهلج ذولا هم اللي ربووج وصرفوو عليج وعطووج دم قلووبهم كبرووج لين ماصرتي عرووس

هذا جزااهم ؟ تطعنينهم بظهر تغدرين فيهم تخلين رااسهم بالارض ابوج لادش الدواانيه النااس تناظره نظره دونيه ليش

عشان بنته نزلت رااسه بالترااب اماانه بالله شتسووى عليتس لو طلع اللي تبين تتزوجينه مو كفوو
وانتي مخدووعه فيه طوول هالاياام شرااح تصرفين اهلج ماراح يستقبلوونج وانتي مجرووحه من الصووبين

ابووج منعج انج تتزوجينه اكيد فيه شي ولا الابوو عمره مايحرم بنته من سعادته

يمكن نشد عنه يمكن طلع فيه شي سمعت خايسه وماحب يقوولج عشاان لايجرحج

هذاا جزاااه ؟

وامج والله حراام وخوااتج محد يتزووجهم يعني خلااص بتحكمين بالاعدام عليهم وهم حيين

استغفري ربج وانتي الحين مندفعه بطييش اللي يسمى الحب لايوديج بداهيه مثل مااوداا غيرج

خلج وااعيه


هذا كلامي ان جازلس جازلس وانا ماجازلس بكيفس انتي حكمتي على نفسس بالعذااب

 

[الـفـجـر الـبـعـيـد]

لا تتزوجين من غير رضى اهلج بتندميييييييييييييين اذا مو الحين بالمستقبل

 

[رنيم الروح]

نصيحه لا تبيعين اهلك عشان شخص باسم الحب لانه الدنيا دواره وبيجي يوم تحتاجينهم فيه وعلى فكره اذا تزوجتي غصب عن اهلك اول شخص راح يحتقرك وماتسوين عنده هالشخص الي تحبينه وراح تتبهذلين لانه عارف مراح احد يوقف معاك اشتري رضا اهلك اولا واخيرا عشان تعيشين مرتاحه

 

[حبيبي مالكني]

لات تبيعين هلج
ترى بترخصين بعينه
خل يتقدم لج مرة ومرتين و10
ومارده ابوج اذا كان زين مثل ماتقولين راح يوافق

 

[حلمي وامالي]

انتبهي وفكري بعقلك خليه يتقدملك اكثر من مره
اهلك اكيد شايفين شي انتي منتي شايفته
بتتحسفين قد شعر راسك لو عصيتي اهلك اللي تعبوا عليك وربوك عشان رجال
والرجال بهالزمن اغلبهم مامنهم امان
فكري بعقلك لا تصيرين غبية مع احترامي لك​

 

[!الجادل الصعب!]

لادار الزمن وتقلبت القلوب ماراح ينفعج العناد .. لج نصيب فيه
برضا الاهل احسن شي معززه مكرمه .. لاتخلين نشوة الحب تعميج
لانها مصيرها تروح والحياه صعبه يبيلها رفيج درب .. مو واحد خذيته
غصب عن اهلي .. لا قلب علي وين اروح ؟
شوفي قصص البنات واتعضي !!

 

[kuwait love Q8]

امي راضيه وخواتي متزوجات
وابوي مو راضي عشان اسباب تافهه والله ما يرضى فيها
اهو تقدم لي مره وحده ويقول ابي اييي اتقدم مره ثانيه بس انا مو راضيه لانه ادري ابوي راح يرفض ويكسر فيه
ابوي يقول الريال زين وما فيه عيب بس رفضه عشان اسباب تافهه مثل ما قلت بس عيزت افهمه اني ما راح اتزوج اسلافه راح اتزوجه اهو !!

واللي نكها حلمي وامالي حطي روحج بمكاني وشوفي
وبعدين اهلي مو دايمين لي !!
وانا مو غبيه انتي ما تعرفين الاسباب
والريال مثل ما قلت ما فيه عيب

ابي اعرف انا عمري 22 يصير ولا لا؟
وابوي راح يتقبل هالشي بالاخير

 

[kuwait love Q8]

واللي نكها صمتها ونه
اي ادري انه احنا مو بلاس فيغاس على قولتج
بس احنا بدوله مسلمه مع حقوق المرأه
ووين راح حديت الرسول عليه الصلاة والسلام
(من اتاكم من ترضون دينه وخلقه فزوجوه)

وانا ما غدرت بأحد !!!!!

 

[Uou0Uo]

حبيبتي حااسة فيك صارلي نفس هالشي تخيلي تعلقت فية وهو كمان حيل وكمان هو مؤذن فانا اشوفة عدل وابوي رفض بجد زعلت بس مافكرت اسوي هالشي واخته كلمتني وماقلت اهلي رفضوا قلت انا علشان اهلي بس وان شاء الله خيرة المهم فكرت فيها وقلت الرجال يذل المرة اللي ماواراها سند تخيلي صار بيننا شي من سندي بعد الله اهلي فاللحين الحمدلله ارتحت لاني اقنعت نفسي اهلي رجال ويعرفون للرجال فاكيد يعرفون شي انا مااعرفة واكيد ابوب يبي مصلحتي مستحيل يضرني وبالنهاية وش استفيدد لا جلست عندة بالبيت بالعكس اللحين يشيل همنا ولو كنت متزوجة اكيد بيخف حمل ابوي )) الحب بتلقينة بس الاهل وصبرهم عليك مايتعوضون

 

[رآآحٺ آيآمڪْـ]

آلله يكتبلجَ إَلي فيه آلخير يَ غنآتي
صلي آستخآرهه وآلله يوفقج َ
مآقدر آنفعج بَ : شي

 

[kuwait love Q8]

انا اهلي راضييين بس ابوي اللي موراضي
وانا قلت بروح المحكمه عشان القاضي يقنعه
مثلاُ يقول له احاديث ويسمع اسباب ابوي ويسمع كلامي
وانا سؤالي انا عمري 22 يصير اروح ولا لا؟
بعد جم يوم بيصير 23
وابوي قالها بلسانه انه الريال زين على فكره
مشكوريين حبيباتي علىردودكم والله يعافيكم

 

[kuwait love Q8]

راحت ايامك
مشكوره حبيبتي على الرد

 

[Uou0Uo]

تكفين لاتسوينها راح تندمين صدقيني استخيري ولو تقدم مرة ثانية وارفضو صدقيني خيرة والله ماكتبة وخليه يتقدم ليش تمنعينة يمكن يغيرون رايهم واذا رفضوا مايخالف دزي له رساله مافية نصيب واذا ربي كاتبني لك باكون لك وبس وامسحي رقمة وانسي كل شي يتعلق بة ومع الوقت بتنسينة تكفين لاتسوين اللي براسك انا حاسة فيك تخيلي اهلي قالو تبينة خذية بس انسينا قسم بالله ضاقت الدنيا بعيني وقلت لا انتوا عندي بالدنيا كلها )) وقسم بالله ان وحدة اعرفغها عاندت اهلها وخذت اللي تحب طبعا كان تحبة وتكلمة واهلها رفضوا بس خذتة عناد وربي انه ذالها اذا الجوال ماعطاها يقول لابغيتي تكلمين انزلي كلمي بجوال امي ومخلي امه تراقبها ولا تطلع ولا واذا رجع يطقها طق وقدام عيالها وامه تسلطت مانعه احد يزورها بس اختها تزورها بعد هواش واخر مرة تقول اختها وجهها كله كدمات ولا سالتها قالت مافيني شي ومرتاحة واختها علمت اهلها وابوها جاها وقالت مافيني شي متفشلة تقول لاهلها لانها حاربتهم ع حساب واحد يحبها كان بس لان ماوراها سند ذلها )) تقولين تبين احد ينصحة مو لازم محككمة ع الاقل اتصلي ع شي ونسقي معه يسوي محاضرة بالجامع اللي يصلي فية ابوك ويتكلم بهالموضوع احد من اقاربك اي شي بس المحكمة قوووووية