السلام - ابي معلومات بليز

[Dancing^Queen]

خواتي العزيزات
الاسبوع الياي عندي رحله سريعه الي دبي (اسافر مع اسرتي الي دبييييييييييي <<<< اعتج اعتج)
ابي اعرف شنو يديد اروحله
من نااحيه الشيلات ايبونا الكويت ماي فير ليدي وحناين ، هناك وين القاهم وشلون اسعارهم وشنو محلات شيلات كشخه عندهم وحلوه


ووين اماكن تسوا اروح لها ، ماقصد مول امارتس وهلم جر لا اقصد اماطن لئطه للتسوق احصل اسعار زينه واشياء زينه مابي بابووووووووو ومابي هارفي نيكلز

 

[marioom]

انشالله بالعطله اكون لاحقتج :eh_s(15):
عندهم مجمع عجييييييييب الكراسي اللي فيه على بقر !!
مادري شسمه بس محلاته اتينن

انشالله البنات يفيدونج ياعسل :eh_s(17): ​

 

[قطوه^برونزيه]

تروحين وتردين بالسلامه وان شاء الله البنات يفيدونج

 

[شيهانه]

في كذا موضوع في قسم السياحة مريهم يمكن تحصلين الي تبين .. بس وضحي اكثر يعني تبين محلات شيلات واعبي ولا ملابس طلعه ؟؟

 

[Filakawyia]

حناين تلقينه في سيتي سنتر و اسعاره مو هينه ( بالاميات يعني )

و الشيلات و العبي تلقينهم في سوق مرشد​

 

[الجــادل]

اولا شهالغيبه يا دانسنج ما عاد تبينين


وثانيا حناين موجود بسيتي سينتر وبالغرير

وعندج محل شيال اسمه البندر في برجمان حلو حييل ومحل ثاني راح تلقينه في برجمان القسم الجديد الدور الثالث نسيت اسمه بس شغله حلو

وسوق عطاظ ومرشد لا تروحين له الا اذا تبين بخور وزعفران لان ملافعه مو شي ولا دراريعه


وعندج بعد بدون اسم بصحارى بالشارق حلوه

والامارات مول والوافي راقييين حيل

ي وابو هيل يجيب المرض لا تعبين عمرج وتروحين له

 

[Dancing^Queen]

شكرا لكم
مريومه
وانشاءالله تلحقيني قريب


قطوه
مشكوره حبيتي


شيهانه
مشكوره حبيتي ومريتهم مالقيت اللي ابيه ، ابي محلات وشغلات غير المعروف موشرط رخيص ابي شي يديد وحلو

سواءا ملابس بخور شيلات وكل شي


فيلجاويه
ادي موهين حتا بالكويت عشرنات فمافوق

الجادل مشكوره وااااااااااااااااااااااااااااااااااااااايد سجلت المعلومات وعفيه ذكري اسم المحل اللي ببرجمان

 

[أحلى الجياكر]

كوين حبيبتى ...تروحين و تردين بالسلامه .....لا تنسين الجانب الترفيهى هناك ..و إالى أحبه هناك :
قرية البوم ...رحله أم ساعو و نص بالخور مع العشا ...لا تطوفج ..شى عدل
وايلد وادى ..مثل أكوا بارك بس أحلى مليون مرة ...
مطعم إيطالى عجييييييييييييب فى ميركاتو
مطعم صدف :شارع الشيخ زايد ..تحت طاولات و فوق بوفيه ..الكباب ترف و عليه طعم روعه .

طبعا لازم تروحون سكى دبى مول الإمارات

بالنسبه للسوق :

أبراج الإمارات :شارع الشيخ زايد ..فيهم ماى فير ليدى و بوتيجا فينيتا و جوتشى وطقتهم ...
مرشد و عكاظ ...بروحج روحى طلى و تطمشى و ردى ..عن الحسافة ..ساعات الخماجير تونس
الغرير فيه كذا محل شيلات و عبى بس مو مثبته الاسامى
ابو هيل نفس بضاعة مرشد و عكاظ بس السعر دبل
الشارجه تفتح النفس و فيها مجمعين حلوين :صحارى و ميجا مول
و .... بس

 

[supermarket]

الغرير فيه اكثر من محل عبي راقية

 

[^مزهريه^]

7anayen ba3ad fe borjoman elmabna elqadeem

 

[الجــادل]

دانسنج محل العبي اسمه فيرست ليدي


واذا تبين زعفران عندج محل بسوق مرشد مقابل فندق الخيام اسمه الخيام زعفرانه عجيببببب وعنده عود مسقا مو طبيعي اذكر قالي ان شيخات قطر يشترون منه


ترى محلات الخامات وخصوصا الحراير حلوه بالغرير


ونعول التميمه النسائيه تلقينها بشارع الرقه


ولا يطوفج جاب في برجمان

ودكني في الامارات مول وبرجمان

سيتي سينتر مو شي كلش ما يسوى تتعنين له الا اذا عشان حناين

لان المحلات اللي فيه موجودين بمجمعات ثانيه بتشكيله احـلا



عموما انا احب برجمان لان اغلب شغلي القاه فيه

 

[Dancing^Queen]

شكركم اشركم كلكم يابنات ماقصرتو

 

[زيـنـه]

كوين .. اولا تروحين و تردين بالسلامه ..
و الافضل انج تطلين اول على مول الامارات لانه حاوي لاوي .. و عندج ابن بطوطه زوين .. سيتي سنتر حلو لشعبيته .. برجمان و الوافي للكشخات طقة الصالحيه و الرايه عندنا ..ابراج الامارات حلوه .
الاسواق الشعبيه اذا لج وقت مريهم لانهم ما يفرقون عن اللي عندنا .. بو هيل و مرشد .
و عليج بالعافيه و ان شاء الله تستانسين

 

[bambena]

كوين لازم تروحين مينا السلام ومدينه الجميره المطاعم والقهاوي اللي هناك وايد حلوه

 

[سبائك]

يا حلات دبي والجميره

الله معاج كوين يمكن مالحقنا نسلم عليج

 

[عنايد]

ماشاء الله البنات كفو ووفو
بس انا بضيف للأفاده في محل في مركز الملا في الشارجه اسمه أوفال تهبل ملافعهم وعباياتهم انا لازم أمره اذا رحت هناك