السكن في دبي : أتلانتس أو كمبنسكي ؟؟؟؟؟؟؟؟؟؟

[om_7mood]

السلام عليكم

بنات انشالله ناويه اسافر دبي
بس محتاااره ومحتاجه راايكم
بخصوص السكن تنصحوني بأتلانتس او كيمبنسكي ؟؟؟؟؟؟


واللي رايحه ومجربة تقولي وتوصفلي :hjy5jewf:
وماانساها بالصوووغة :RoadRunner::s141:

 

[bambena]

رد : السكن في دبي : أتلانتس أو كمبنسكي ؟؟؟؟؟؟؟؟؟؟

لا هذا ولا ذاك

سكني فندق يم دبي مول

او جميره

تبين نصيحتي ؟ :

ذا ادرس

مينا السلام

ارماني

 

[دمعه ندم]

اتلانتس شي خيال بصراحه ماسكنته بس شفتله صور صج ابداااااااااع وشي مو طبيعي

 

[bambena]

رد : السكن في دبي : أتلانتس أو كمبنسكي ؟؟؟؟؟؟؟؟؟؟

مو لهالدرجه انا رحتله ماعجبني الصراحه اهو عائلي بس وايد اجانب ولويه

اما مينا السلام مثلا و ذا ادرس راقين فيعتمد شنو تبين بالضبط

اما كمبنسكي راحت عليه لانه يم امارات مول والحين محد يروحله كل شي موجود في دبي مول

 

[om_7mood]

آنا ابي شي يكون بالمول
او فندق يكون فيه شي ترفيهي حلو

بس غريبه ليش ماعجبج اتلانتس ؟؟؟
والكمبنسكي فندق الامارات مول انا قلت لان بيكون يمي
بس دبي مول مارحت له انا اخر مره رحت كانوا فاتحين فاستيفال مول

وشلونه دبي مول ؟؟؟
وارماني حلو سكنتي فيه ؟

 

[bambena]

رد : السكن في دبي : أتلانتس أو كمبنسكي ؟؟؟؟؟؟؟؟؟؟

الحين محد يروح الا دبي مول كل شي فيه ماله داعي تروحين اي مول ثاني وفيه البرج والنافوره وكيدزينيا مال اليهال
يعني اذا قعدتي بعيد راح تلقين نفسج كل يوم طاقه درب لي دبي مول
ولو ان دبي مو كبيره
ارماني اينن اخر مره لما رحت كان فولي بوكد ماكو ولا غرفه فاضيه مع انه غالي

اتلانتس الصراحه برايي انا هيلقي لويه وزحمه مو طبيعيه واجانب مفاصيخ على ودنه ومنقطع بعيد والاكواريوم ماله يلوع الجبد
اكواريوم دبي مول وايد وايد احلا

فستفال مول شرح بس صغير مافيه شي

 

[bambena]

رد : السكن في دبي : أتلانتس أو كمبنسكي ؟؟؟؟؟؟؟؟؟؟

يعني العملي انج تقعدين بفنادق بمحيط دبي مول مثل الادرس دبي مول
او ادرس داون تاون
او المنزل او ارماني

او قعدي بمينا السلام - جميره اذا تبين فندق راقي للاسترخاء ماتطلعين منه

 

[Queen_Angel]

لا هذا ولا ذااك...
انصح بفستفال ستي عجيب فيه مول حلو الفندق اينن وهم مكانه زين...

وتقدرين تروحين اتلانتس يوم وتردين مو شرط تسكنين فيه..

 

[Om Ghalia]

كمبنسكي بمول الإمارات..
فندق The Adress بدبي مول..
الكروان بلازا وانتركونتينيتال بمول دبي فستفال..
واكو بعد فنادق بمنطقة الجميرا The Walk المنطقة هناك رووووووعة ...... بحر وسوق وتمشي.......
أتلانتس بعيد شوي عن السوق يعني التنقل كله بسيارة......

 

[om_7mood]

شوقتوني على دبي موووول
انا لان عندي بيبي وودي اسافر
ومابي اتنقل بالسيارة وايد يعني المول يمي احسن
مشكورين :**

 

[عيش و مرق]

اتلانتس حلو بصيف حق السباحه

والحين الجو صفرى كله مرض روحى فندق يكون فى مول تحت متى ما اذاج البيبي او نام تصعدين دارج فوق كمبنسكى راحت على مع ان حلو

انصحج ب ذ ادرس

 

[أساور]

انا شخصيا احب ذا ادرس يم دبي مول ويطل عالنافورة

 

[om_7mood]

شكلي باخذ برايكم واروح اللي بدبي مول

 

[om_7mood]

بنات شكلي بقعد في دبي مول وازور اتلانتس وارماني
مشكورين ونخدمكم بالافراح :tek:

 

[$حبيبة عبودي$]

روحي ذا ادرس روووعه وعند دبي مول وعندج النافوره

 

[$حبيبة عبودي$]

ارماني مو حلو حييييييل هادي ماعجبني

 

[دلوعة أبوهآ]

اتلانتس طبعاً أحلى .,