السكن في دبي : أتلانتس أو كمبنسكي ؟؟؟؟؟؟؟؟؟؟

[om_7mood]

السلام عليكم

بنات انشالله ناويه اسافر دبي
بس محتاااره ومحتاجه راايكم
بخصوص السكن تنصحوني بأتلانتس او كيمبنسكي ؟؟؟؟؟؟


واللي رايحه ومجربة تقولي وتوصفلي :hjy5jewf:
وماانساها بالصوووغة

 

[دلع الكون]

فندق اتلانتس مستقل وبعيد شوي ... طبعا يعتمد على جم ليله وانتي ليش رايحه .. معاج يهال او لا ؟

اما كمبنسكي حلو في مول الإمارات ...

 

[om_7mood]

اي معاي بيبي
وانا ودي اروح اغير جو واستانس
ومابي اتنقل وايد السياره ابي الفندق والمول يم بعض احسن

 

[*احلام*الدجى*]

اتلاااااااااااااااااااااانس وبس والله عالم ثاني يهبببببل

خصوصا اكوافنجر (مدينه الماي ) ثلاث ايام ورا بعض واحنا نسبح فيها من الصبح لي المغرب ولا نمل كبيييره وتونس حق الكبار والصغار حتى اللوبي يونس

وفي لوست جامبر نفس الاكواريوم بس الديكورات حلوه وتحسسج انه داشه كهف وفي اكواريم مفتوح طبعا هذول كلهم ببلاش اذا انتي من سكان الفندق وتقدرين تسبحين ويا الدلافين ب90 درهم جنه مو متأكده وعندهم مطعم اسمه safron جوه وااايد حلو خصوصا حق الريوق وفي مطعمين ثانين غيره بس هاذا غير عنهم ارقى واحلى وفيه كفيهات و سوق صغييير كلش يعني جم محل اسمه الافنيوز كنا نروح ناكل كولد ستون و نرد

بس للامانه بعيد بعني مشوار ربع ساعه لي المجمعات بس يسوى اصلن مستحيل اروح دبي واقعد بمكان ثاني والله جربناها وقعدنا اربع ايام بشقه ضاااااق خلقنا من بعد اتلانتس ووناسته

توكلي على الله و اذا منتي سابحه بالاكوا فنجر بتطوفج ثلاث ارباع الوناسه

 

[شهوووودة]

رد : السكن في دبي : أتلانتس أو كمبنسكي ؟؟؟؟؟؟؟؟؟؟

الاثنين رووووووعة
اذا تبين الهدوء والرومانسية انصحج بكيمبنسكي واذا تبين الحركة والوناسة اتلانتيس واااايد راقي وووايد يونس يغنيج عن الطلعة

 

[أحلام العمر]

كلهم روعه بس الكمبنسكي في سوق الامارات حيل غالي بس يونس اما اتلانتس عالم من الخيال بس حلاته من غير اطفال

 

[عبايه ورديه]

رد : السكن في دبي : أتلانتس أو كمبنسكي ؟؟؟؟؟؟؟؟؟؟

يسلمووووووووووووووووووووووووووووووووووو

 

[مندوبة ام بندر]

لللرفع لعيونج

 

[ام نوونه]

انا انشالله رايحه الاسبوع الياي ومحتاااااااارة

اب

 

[law love]

الي عندها يهال و عادي عندها يتسبحون 24 ساعه اتروح اتلانتس صج وناسه لليهال بس ها يعتبر بعيد عن السوق يعني فيها لوية تكاسي


اما الي تبي سوق و وتمشي والعاب يهال اتروح ذا ادرس دبي مول لان في كدزينيا حلو حق اليهال

 

[(A+D)]

رد : السكن في دبي : أتلانتس أو كمبنسكي ؟؟؟؟؟؟؟؟؟؟

مدري ماعجبني اتلانتس احس موللناس اللي ماتقدر تسبح اهو حلاته بس للسباحه بس كمبنسكي عالم ثاني الغرف المطله على الثلج اسمها شاليه سكي والسوق عند الرسبشن

 

[Om_Ksha]

انزين شهر 1 بالبرد ينفع السباحه باتلانتس !؟

 

[رووووفان]

رد : السكن في دبي : أتلانتس أو كمبنسكي ؟؟؟؟؟؟؟؟؟؟

مرحبا
شوفي حبيبتي أنا أمس راده من دبي وجربت أتلانتس قبل فترة ترى والله حلو بس بتزهقين
والمره هذي كنت بسكن بكمنسكي هو بالإمارات مول واللي يشتغل بالسفريات ريفيج زوجي قاله أنصحك بفندق جديد مبطل بالامارات مول نفسه اسمه بولمان دبي والله والله يهبللل ويونس والليله ب57 ومع الافطار ويهبل بعد وفوق هذا جديد مبطل تاريخ سبعه شهر تسعه اللي طاف والله مراح تندمين

 

[ليدي دبي]

كمبنسكي احسسن لانه قريب على المجمعاات
اما اتلانتس بعييييد حييل

 

[dantella]

انا اليوم حجزت بفندق بول مان الليله ب65 زادت اسعارهم عشان العيد ولقيت الكمبنسكي الليله ب126 بس جنهم يم بعض

 

[رنيم q8]

اب اب اب

 

[مرت احمد]

ومرحبتين الساع ملاييين مرضوفه بااهل الكويت اهل العزه والكرامه

انا من دبي وانصحج بكمنسكي لانه لاصق في امارات مول اذا بغيتي اتعشين والااتغدين والاتتريقين خطوات بس والا عندج احلي المطاعم والكوفي شوبس اللي تارسه المول والشوبنغ الحين تنزيلات عندنا والمول هذا وافندق دقايق عن منطقة جميرا ارقى واحلى مناطق امارة دبي شارع جميرا اللي فيه باقي المولات الصغيره والمطاعم وقريب من شاطي البحر اا بغيتي تتمشين والا تيليسين عقب المغرب الهدؤ وكله عرب اما في النهار اعترف انه الشاطئ متروس اجانب ونحن اهل جميرا من العصر يفضا النا

والمول قريب بعد من ذا وووك اللي هوه الممشي وايد حلو بعد بس لازم سياره

يعني تبين الحياه كمبنسكي تبين العزله اتلانتس لانه اتلانتس بالنخله وشويه بعيده عن المرافق

واي سؤال انا حاضره [/color][/size][/font][/b]