و عليكم السلام و رحمة الله و بركاته
شوفي يا بنت الحلال.... مابني على باطل فهو باطل....
يعني شنو؟
اقولج
الناس لهم الظاهر و ربج له الباطن
الناس و انا و انتي منهم نحكم و نقول على الشكل..... هذي سفور فعلتها و تركتها طاع شكبر حظها....
و انتي يايه ترقعينها تقولين لا تحكمون عالظاهر ترى ما تدرون ها الذنوب وين موديتها
و انا اقولج يا الغلا ساعات الواحد بيرقعها يعميها
ها السفور الي فعلتها و تركتها بعين الناس ماتدرين شالي بقلبها بينها و بين ربها...... سبحان الله تلاقين قلبها نظيف ما تستكثر الخير لشافته عند الغير
اما الي ياييه تقول هذا عندها و السنعه قاعده بالبيت هي الي بقلبها شي غلط
مستكثره عالناس فضل ربي عطاهم اياه
و يا ما الواحد يعمل بعمل اهل النار حتى ما يكون بينه و بين الموت شعره يختم له الله بالحسنى
و واحد يعمل بعمل اهل الجنه بالي ظاهر للناس حتى ما يكون بينه و بين الموت شعره ينختم له بسوء خاتمه عسى ربي يعيذنا و اياج.....
ليش؟؟؟؟؟
ما الله بظلام للعبيد.....
فرق كبير بين القلب النظيف الي مافيه غش للناس و لا حقد على من رزقهم الله من فضله و لا يستكثرون عالي يخالفهم خير الله عطاهم اياه......
و القلب الي يتألى على الله و يحكم عالناس هذا زين و هذا شين و هذا مرده للعذاب و هذا مغفور له .... القلب الي ما يحب يشوف احد متهنى
ما يحب يشوف احد عنده زود عنه
انا الي اشوفه ان الميزان ماهو الي ذكرتيه بعنوانج لأ.....
(((الي قلبها نظيف)))) حتى لو بدايتها غلط ظاهر امورها بعيده عن الدين( خلى الصلاة و الاساسيات هذي ما نمدح من تركها )لكن عندها نواقص بالالتزام أو اذا هي ملتزمه...... تلقينها متهنيه مع ريلها
(((((و الي قلبها حقود))))) حتى لو ظاهرها زين او تكون سفور ما تتوفق بحياتها سبحان الله
