السفور المايعات متزوجات و متهنيات و الملتزمات متحسرات بالبيوت !

[هب العطر]

السلام عليكم و رحمة الله و بركاته


تتوقعون اني بها الموضوع راح ( اتحلطم ) مثلا ؟؟ :eh_s(10):


عبارة صحيحة 100 %

الظاهره الآن ان :


المتهنيات اغلبهم من البنات السفور ... تلاقينها لاحجاب ! لا نقاب ! و لا هم يحزنون


لا صلاة !! و لا ذكر !! و القرآن ما تشيله بيدها و لا تعرفه !!


و بعضهم يستهزؤون بالدين .. ! و يتطنزون على الملتزمين !


و بعضهم


شايفين و لافين الدنيا و مو مخليات شاب الا و مكلمينه


و آخرتها تتزوج


و ماشيه مع ريل ,, و تضحك و مستانسه


...



و تلاقين ام الحجاب و الستر ... بالبيت متحسره !!


( هذا الغالب .. و ليس العام ... يعني اتكلم عن اغلبيه و ليس عن العموم )



المهم


( تدرون ليش ؟؟ ) ~



انا اقول لكم ...



1- انت تشوفين المنظر اللي تكلمت عنه ,


لكن


انتي متأكدة انج



( تشوفين صح ؟؟ ) ....



مو المهم اننا نشوف .. المهم اننا ( نشوف صح ) ..



بتقولون لي اشلون ...



انا اقول لكم ... ~




انتي هذا اللي هي ماشيه معاه ...

و هي بكامل زينتها و سفورها .. تهقينه متدين ؟؟


عنده غيره ؟؟ يصلي ؟


اللي يصلي و يخاف الله ما يرضى مرته تطلع جذي هوله !


لو هذا اللي بيقدم لج ... بتوافقين ؟؟



(( اكيد لا و بالبنط العريض !! ))

عيل على شنو تغبطينها ؟ على قرادة حظها ويا اللي مايصلي !!


اللي ما عنده غارية !!!


و لا تغبطينها على السعادة الزائفه اللي هي فيها ؟؟


ما تدرين ان اللي تسوي ذنوب و غرقانه ذنوب و تلاقين الله معطيها , ما تدرين ان هذا استدراج من الله !!! ؟


تدرين يعني شنو استدراج من الله ؟ يعني الله يعطيهم يعطيهم يعطيهم , لكن لما يقبض ارواحهم ... أعوذ بالله .. مابي اكمل !


( انتي تبين تصيرين جذي ؟؟ ) جاوبيني يلا ؟؟ مو قبل شوي انتي تبجين و متحسره ؟؟


يلا جاوبيني ؟ تبادلينها ؟؟


يعني اذا يالج هذا ما راح توافقين , و ترا هو نفسه اللي يشرط على امه : يمه لا تخطبين لي منقبه , يمه لا تطبين لي وحدة تلبس عباة


هو نفسه نفسه ...


و انتي راح ترفضينه ,يعني انتي الحين اختصرتي المسافه


اول و تالي ما راح تاخذينه






الحين نيي حق ثاني شيء :


و هذا ينطبق على بعض البنات الملتزمات , مو الكل , بس لا تنسون ان النسبه وايد كبيره للأسف


2- الحين تقولين انا منقبه و محجبه و اقرا قرآن ...

على الرايحة و الراده تقولين نفس العبارة !


تعالي شوفي شكلها !!!!!!!!!!


هوله ! الوزن دبلت جبد !!

البشره ... لوعه !!


الجسم .. مترهل !!

الاسنان صفررررررر و محفرين !!! و لا حتى تغسلهم بمعجون !!

الشفايف مشققه !!

الجلد .. متروووووس شعر ! ما تحف الا بالسنه حسنه !!


الشعر ... ما تعرف العنايه ! و اذا ذبحت عمرها .. حطت لها شوية زيت


وين العناية ؟ و ين التجميل ؟


يعني خلاص انتي متدينه , تتوقعين ان اي شخص يبي يتزوج ما وده بزوجه تملا عينه ؟؟


انتي شايفه العصر اللي احنا فيه ؟ شايفه الفتن ؟؟


شايفة الفنانات ؟؟ شايفه البنات اللي ما يخافون الله ؟؟

تبينه يتزوج وحده ما تملا عينه ؟ وين بيتحمل من هالفتن ؟

المفروض ان الزوجة بتكون لزوجها خط الدفاع الاول ضد الفاحشة

تعرفين شنو خط الدفاع الاول ؟


يعني هو بيحتمي بالله , ثم فيج انتي ؟


تتوقعين بها المستوى من الاهمال بيقبل عليج و يتقدم لج ؟

من صجج ؟


انتي تحلمين !!


تتوقعين الملتزم اللي انتي تدعين الله يرزقج اياه , اللي يعف نفسه عن الزنا و الخرابيط , راح يصوم و يصوم و يفطر على بصله مثلا ؟

آسفه على كلمة بصله , بس فعلا بعض بناتنا - البعض و ليس الكل - بصله و ثومه بعد !


انا ما اتكلم عن الجمال اللي الله عطانا اياه


انا اتكلم عن النظافه ! اتكلم عن الرياضه ! اتكلم عن العناية الشخصية بنعمه الله


وايد بنات على بالهم ان لاصارت ملتزمه , خلاص الريال ما عاد يعني له شيء ثاني


مستحيل ! الرجل انسان في النهاية .


حطي نفسج في محلهم , لو يتقدم لج واحد ملتزم بس ما يفرش اسنانه

او ما يتسبح و ريحته مو زينه

او تشوفين اظافر ريوله قذره و سودا


و يتقدم لج واحد ملتزم , شهادته يمكن اقل , بس نظييييييييف مرتب و يلق لق

بتوافقين على منو ؟؟


هذا و هم رياييل , عيل اشلون احنا يالحريم ؟؟


انا ما اقول لج سوي عمليات تجميل ! لا حرام الله ما يرضى الا اذا كان صار للبنت حادث و تشوهت بسم الله عليكم

او تعالي حفي حواجبج او ابردي اسنانج او سوي تاتو


لاو الله


فيه اشياء بتخليج ملكه الملكات و ما تاخذ منج الا شويه جهد و شويه خلق


الرياضه ... تنقي الجسم و تودر البشره و تعدل الجسم و تشد الترهلات .


الخلطات الطبيعية للشعر و الزيوت ,,

البديكير و المانيكير تقدرين تسوينهم بالبيت و بمنتهى السهوله , حتى بدون ما تروحين صالون :rerrerek:




و اترك المايك لكم



عرفتوا شسالفة اصلا ؟؟؟ :rerrerek:

 

[بنت سيهات]

كله نصيييب لاجيكره ومتروسه شعر ولا حلووه كله قسمه ونصييييب

 

[Tom ♥ Jerry]

.


و عليكم السلام و رحمه الله و بركآته (= !

و الله آنتي قلتي كل الي بقوله ! مآ عندي زياده على كلآمج
الصراحه موضوعج روعه و ياليت تقراه كل وحده تبي تتزوج أو مقبله على الزوآج
و لكل بنت اصلا ، لأنه رآح يفيدهآ بالمستقبل .. !
الشكل الخآرجي يلعب دور كبيييييييييييير بكل العلاقات الآجتمآعيه !
و خآصه عند الزوج .. يحب يشوف جدآمه وحده حلوة اتينن


و الرسول صلى الله عليه و آله و سلم تكلم عن هالنقطه و هاذا الحديث الشريف يأكد الكلآم

وروى ابن ماجه عن أبي أمامة رضي الله عنه مرفوعا { ما استفاد المؤمن بعد تقوى الله خيرا له من زوجة صالحة ، إن أمرها أطاعته ، وإن نظر إليها سرته وإن أقسم عليها أبرته ، وإن غاب عنها نصحته في نفسها وماله } .

.

 

[ALTaf.m]

الله يجعل هالموضوع في ميزان حسناتج

مااقدر ازيد علا كلامج لانج كفيتي ووفيتي ماشالله عليج

 

[! هُوْ وِينِه !]

هذآ نصيبهم الله يزيدهم ويهنيهم

 

[معلمة شيسمونه]

موضوعج فله

بس تدرين صح كلامج ميه بالميه عن البنت الملتزمه اللي نست نفسها بالمرررررررررررررررره

ولا تقول صالون ما صالون اصلا كل ادوات العنايه صارت بالبيت الحين كل شي له علبه قيمتها ما تتعدى 4 دنانير
واحلى من احلى صالون

صــــــــــــــــــــــــــــــــــــــــح كلامج
وعسى ربي يوفقج ويكتبه بميزان حسناتج

 

[هجران الليالي]

أوافقج الرأي وتسلم لنا يدج

بس انا بقولج شي حاصل في كل المجتمعات والخليجية بالأحرى ،، البنات المستورات العفيفات يبقون في بيوت أبهاتهم لين توصل 30 سنة وفوق .. وبنات الشقرا والحمراء لها حظ ونصيبها يجيها والنصيب أولاً وأخيراً .. بس صدق أنقهر لما اجوف بنات حرام مستورات وجمال وأخلاق ونسب في البيوت لأن ما جاء لهن نصيبهن بسبب إنغلاق المجتمع وسلطة الأهل وهذا عيب وحرام وما يجوز حتى ما يعطونهم فرصة يخلقون ويكونون ذاتهم ، يمكن تقولون هالشي مو موجود بهالزمن لا والله موجود وبنات وايد في بيوتهم جمالهم وأخلاقهم ما شاء الله بس اذا الأهل مسوين إقامة جبرية على بناتهم حتى ما يطلعونهم ومجتمع منغلق وين الرجال الشرفاء أو أهالي الرجال يجوفونهم ويخطبونهم!!


انا بالنسبة لي أفضل الإعتدال ، لا أكون باللي تتعدل وكأني رايحة حفل ومكياج وثياب كأنها حق عرس ولا أهمل نفسي حتى الواحد نفسه ما يحب يطالع نفسه بالمرآيا ،، اكون نظيفة ومرتبة وكشخة وأنيقة والعناية الشخصية مهمة جدا جدا جدا .. والمكياج مو كل شي وكل شي بإعتدال حلوو وراقي

وجهة نظري أتمنى تتقلبونها

شاكرة لج

 

[شـمـوخ آنـثـى]

هـــذآ آلــنصيب..

يعطيــج آلـــعافيه حبيبتي..

 

[إماراتية طر]

:eh_s(7):الله يعطيج العاافية

 

[كتكات احمر]

صح كلامج

بس ترا اصابع ايدج مو سوا يعني في بعض الملتزمات عارفين الدين والجمال والنظافة وفي العكس !!
اهي على التربية والاهتمام والسنع ..

اقول هب العطر شلونج ؟؟

 

[Maaya]

اصلا اللي يرضى بمرته مايعه مو متحجبه وتمشي بين الناس هذا ديوووووووث ماعنده غارية.. مو من عندي هالكلام بس من واقع تجارب ناس حوالي وبنفسي بعد اكتشفت هالشي بحالتين مروا علي ,, وهالشخص ديووووث مع خواته قبل مايكون ديوث مع مرته ,, الله لايبلانا

 

[هنووفوو]

عدل كلامج والله
هذا نفس وحده اعرفها مشاءالله دين واخلاق وصلاة ومشتركه بمعهد حفظ القرآن كله تقوول ابي اتزوج شوفي فلانه عن رفيجتها يعني تبطل الكام حق شباب بالنت لمن شافها واحد كانت مبطله معاه الكام انعجب فيها وتزوجها

يعني البنت تقولي شوفي انا الملتزمه ماتزوج وهذي تتزوج عاد انا ماعرفت ارد عليها بس كنت اقولها اذا مكتوب لج تتزوجين راح تتزوجين
بس ان شاءالله بخليها تقرا موضوعج
تسلمييييييين ويعطيييج الف عاقيه

 

[ޢޢޢإيمانޢޢޢะۣۨ>]

يعطيج العافية حبيبتي
والله عجبني الموضوع واااايد
وماشاء الله عليج عرضتي المشكلة وحطيتي الحلول وما ظل شي نقوله
كفيتي ووفيتي
تسلم إيدج ​

 

[nono93]

[] شووووووووووفي انا الي اشوووووووفه العكس

ان الي اعرفهم متسترات ومتغيااااااات
ماشالله يهبلوووووووون ويجننون بين الحريم
لكن بره لاااااااااااااا

الموضووووع قسمه ونصيب وربج الي كاتبه

بغض النظر عن سفور او متدينه

البنت>>حلاتها بعنايتها وجمالها
[] ~ استغفر اللهــ واتوبــ اليهـــ ~ []

[] الحمداللهـــ عدد الحركاتـــ والسكــون~[]

 

[روح مغليهآ]

كلامج صح وصاجه بكل كلمه قلتيها بس صدقيني الجمال مو كل شي بنات خالتي 2 الكبيره قمررر تهبل ومومتزوجه صكت الثلاثين الله يرزقها~ واختها الصغيره عاديه كلش واتزوجت اكبرها واسمنها ~ يعني نصيب

 

[محتارة وايد]

مو كل سفور مايعة و مو كل لابسة حجاب متدينة

بلاختصار كل ياخذ نصيبه

 

[جروح ودموع]

صح كلامج ويعطيج العافيه موضوعج مهم جدا وبصراحه كلامج عين العقل

 

[دلع العتبان]

مقااااااااااااااااااادير

 

[Cander]

انا داشة عشان اكتب لج شي واحد قبل لا اقرا الموضوع

( الطيبون للطيبات والخبيثون للخبيثات )

بس لما قريت موضوعج فهمت وجهة نظرج

فعلا صح كلامج انا الاحظ ان بنات الله يستر علينا وعلى اهلنا وعيالنا ما اقدر اقول عنهم شي

الدنيا دين ودوارة ، بس مع ذلك متزوجة وعادي كل شي بس انا ادري ان الله رزقها بواحد

نفسها هذا كلام الله سبحانة وتعالى مو كلامي ، وان الخيرة بما اختارة الله

وانا واثقة ان الله سبحانة وتعالى خاش لي فرحة كبييييييرة تعوضني عن صبري وانا انطر الوظيفة

ويعوضني خير عن خطاب العازة ولا يبليكم

امييين

 

[أم*سلمان]

الزوااج قسمه و نصيب