السفر مع اليهال ؟ كل وحده تفيد و تستفيد

[in style]

دلوعه مشكوووووووووووره بس العربانه الخفيفه لاحظت ما ينسدحون وايد صح حق نومه الياهل

pinky drems بالعكس هالعمر ما تحاتينه لان هالعمر اغلب الوقت نايم و اذا قعد سويله حليبته بس اهم شي مثل ما قالت 3rosa اخذو الصفه الاولي عشان الفراش

 

[دلوعة*ريلي]

ايه اهم شي الصفه الاولى تدرين روحي مبجر انه جذيه اسوي اروح مبجر واقولهم حطوني السطره الاولي عشان عندي رضيع وابي سرير
وشوفي اذا تبين عربانه خفيفه وتنسدح عندج اللي بسنتر بوينت والله حلوين ينسدخون لي اخر شي حق البيبيات

 

[أم@الحلوين]

اي صح عربانات سنتر بوينت حق الطفل من رضيع ليه عمره3سنوات وايد مريحيييين
اما 4،5 سنوات اخذوا لهم عربانة مذركير عمليه وخفيفه وعشان تدرون السفر اغلبه مشي وحرام عيالنا يتعبون

 

[Marymary]

انا ماراح اخذ بنتي وياي بسافر لمدة 25 يوم " الله يصبرني

بس اكيد راح اشوفها بالنت راح يكون حزتها عمرها 9 اشهر وبنسافر امريكا
والطريج طويل وااااااااايد تعب عليها

ولو معانا احد ثاني ويانا يساعدنا جان خذيناها بس انا وي ريلي بروحنا راح انروح

بس اكيدين سنه اليايه ناخذها ويانا ")


بس هذا ما ينعني اني اساعدكم واعطيكم رايي وشنو تاخذوون وياكم

اول شي بالنسبه حق الياهل الي عمره اقل من شهر اتذكر اختي ودت حق بنتها معلبات وحليب
وودت معاها خلاطة اصغير وجدر اصغير حيل عشان تخلط اكلها والجدر عشان تفوح الاكل والخضروات

وودت وياها الحفاظات والملابس والكريمات واغراض الحمام
وودت وياها ادوية من ادول وكريمات الالتهاب والحساسيه وقطرة اذون ودوا كحة "
وودت معاها جهاز الي يقيس الحرارة وهذا يبيعونه في الصيدلية الي صاير تحطينه عالاذن بكبسة زر تعرفين قياس حرارتها

 

[طوق الياسمين]

انا من عمرهم شهرين اسافر معاهم وشرم الشيخ قريبه شوفيني اطق بهم امريكا واوربا
والموضوع سهالات دام الياهل اكبر من سنتين ويروح الحمام ...لان لابتغيرين بامبرز ولا بتسوين حليب وياكل الطفل عادي مثل اكلنا الحوسه في الصغار وتبدليهم ومراضعهم

 

[حــرايــــــر]

انزين بنات انا بسافر مع بنتي عمرها 5 شهور من وين اخذ سرير في وحده من البنات قالت سرير السفر عفيه من وين وشلون صاير شكله

 

[in style]

دلوعه ان شاء الله بمر سنتر بوينت بشوف اللي قلتي عنهم

marymary شوفي انا بعمر اشهر حطيته عند اهلي لان مايفهم و ما يفقد كثر الكبير معنه ترى برايي سهل بو اشهر بس نايم و تعطينه حليبه وميخالف السنه اليايه ان شاء الله وديها تكون اكبر

طوق الياسمين اي صاجه سهاله ان شاء الله

حراير تلقينه بمذركير بس ترى كل الفنادق متوفر

 

[دلوعة*ريلي]

انزين بنات انا بسافر مع بنتي عمرها 5 شهور من وين اخذ سرير في وحده من البنات قالت سرير السفر عفيه من وين وشلون صاير شكله

حبيبتي هالسرير تلقينه بمذركير روحي شوفيه دام عندهم تنزيلات اذا رحتي مذركير تلقينه شكله مربع صاير مثل الحباسه يتصفط وينشال مثل الجنطه وفيه منه الوان حتى بسنتر بوينت فيه بس انه ماخذته من مذركير والله ما اعرف انزل الصوره جان حطيتها :s141:

 

[miss_heathrow]

السلام علــــــيكم
:balo: :68_asmilies-com:


مشكوره وايد على موضوعج خاصه بهالوقت:tek: الصيف قرب والسفر حان طاريه _03BA:



بالنسبه لي انا استمتع مع بنتي بالطياره سفرتها ما شالله كل مكان بالطياره بالسياره وبالقطار وبالباخره
صارت بتاع كله
والله مع ان بنتي مزعجه وحركيه :23_asmilies-com: بس عرفت اتاقلم معاها عشان استانس واونسها بدون ضيقة خلق وملل وازعاج وحنه ورنه

شي ضروي لازم تاخذينه معاج

اول شي عربانه الياهل ضروري تدش معاج الطياره وتوصينهم ما تنزل الشحن تتم بالطياره معاج اهمه باخونها عند باب الطياره


اولا اخذ معاي جنطه ظهر انا جنطتي جينز سبورت اسمه ايست بارك المحل اللي تيي سحب واللي تيي على الظهر
وكبيره حييل تيي سعرها 40 دينار

احط فيها :

للتسليه:


جهاز دي في دي مع السيديات + كراسات تلوين والوان وكراسه فاضيه + طين مع جم شكل
العاب من بو 100 + كتب تعليميه مع الدفاتر نسخ مع استيكرزات النجوم للتشجيع + psp مع ملحقاتها
game boy مع اشرطتها المستلزمات :


بجامه وبدله وهالشي يعتمد على العمر لان اليهال الصغار كل شوي تبديل وتخافين صراحه تتوصخ ملابسه شي سبحان الله احتياط اخذي

البامبرز وسودا كريم دوه منوم وادول حلاو مص حق ضغط الطياره

اذا كان رضيع لازم مطاره صغيره ماي حار وهناك كل مكان تمشين اكيد في ماي من المطاعم والقهاوي
واذا بالطياره الله يعافي مطبخهم بس قبل لا تنزل الطياره تذكري دائما تروحين تعبين النطاره ماي حار ويكون معاج بطل ماي صح عادي

لانج راح تكونين بلووووويه وما تحسين الوقت يمشي والياهل يحن ويبجي يستعسر عليج خاصه للدول الاوربيه المطار دايما بعيد عن الفنادق والمدن السياحيه يبيلج ساعه طريج


صدريه ام جموم الطويله شوي والنايلون اللي تنمسح + كلينكس ديتول مع المطهر + اجياس حمايه لكرسي الحمام الصغير حيل جنه 100 فلس


اهم شي درزن المصاصات :dddds:لازم بكل جنطه من اللي حولي احط فيها مصاصه


سامحوني على الاطاله :ssssso:

وما ادري يمكن اكون ناسيه شي :eh_s(1):ان شاء الله لي رجعة لكم باجر احط لكم مشاركه عن الجنطه الكبيره




يعطيكم العافيه ما قصرتوا ,,,,, :tek:


:e3::balo:

 

[فيفالدي]

شوفي حبيبتي ,,

انا خذيت الاكو ولا الماكو وتحسفت

انا سافر معاي ولدي كان عمره سنه وخذيت له جنطه ماجله وجنطه هدومه

حطيت فيها حليب 12 علبه وحفاظات كودت يمكن 3 اجياس

وبودر اكبر حجم وبودر صغير وكلونيات وشامبو وصابون

وخذوا على جناطنا وزن وقلت ميخالف


وبالمطار خذيت جنطه صغيره فيها العاب عشان يلها عني بالطياره

فيها 3 بامبرز وبودر صغير وكلونيا وكلينكسات معطره وبدله


المهم تحسسسسسسسسسسسسسسسسسسسسسسفت


لاني لما طبيت ورحت الصدليات كل شي خذيته موجود

بامبرز حليب بودر شامبو صابون

شحادني من البدايه ااااكود

كل شي موجود حساااااااافه عالوزن الزايد وشقلت الجناط

عاد خلاص قررت اخذ بالسفره الجايه شي بسيط يكفيني مدت 3 ايام او 5 ولا طبيت الديره شريت من هناك

 

[in style]

miss heathrow مشكووووووووووووره حبيبتي و كمليلنا شنو بالجنطه انا صج اني سافرت مع ياهل بس مادري شفيني كنت مدودهه ماني عارفه

فيفالدي مشكوره حبيبتي و صاجه مو مال الواحد يروح وقش شكثره بس بالنسبه حق ولدج سنه شنو كنتي توكلينه بالسفر احس بلشه بالذات اذا رايحه مكان ماتدرين عن اكلهم